(6)
تم تجهيز كل شئ لسفر وفى الفجر تحركا بسيارتهم الى الساحل لتمضيه العطله هناك وكان فى انتظارهم "كريم " وصلا وكانت الساعه 10 صباحا وفى لحظه توقفهم بالسياره امام الشاليه نزلا كلا من "مريم" و "زين" مدووين صرخات فرحه خرج ع اثر الصوت العالى "كريم :
_ يا مجانين صوتكم والناس
بفرحه وتنطيط "مريم" : كيمو اتسسسس مصيف
"زين" مكملا : كيمو اتسسس مصيف
نظرا لهما "كريم" متعجبا : كل مره اشوفكم مع بعض احس انكم كوبى باست
ضحك الجميع وتحدث زين : ومين فينا الكوبى ومين الباست >>?
ضحك "كريم: فى حالتكم مش عارف لان الادوار بتتبدل مره تكون كوبى ومره بتكون باست لكن الحاجه المتاكد منها توم وجيرى
مريم تدخلت: يعنى محدش عارفنها يا "زيزو" متحاولش يا كيمو سيستم "زين" معايا
ضحك "زين " ايوه حتى ب الاماره هروح اشيل الشنط لان البرنسيسه صوباع رجلها الصغير عاوز يريح شويا
ضحك الجميع ثم دخلا الشاليه وافرغوا حقائبهم وسريعا خرجت "مريم" وبصوت عالى "زيزو.. زيزو " .. خرج "زين" من غرفته : جاهز يا معلم
خرج "محمود" متعجبا : انتو رايحين فين ؟
_ رايحين البحر يا حوده
تعجب محمود" : اصبروا طيب نفطر البحر مش هيضيع
ضحكت "مريم" : انت عاوز تبوظ عادتنا قبل ما نحط جسمنا ع السراير لازم ننزلو البحر يا حوده
مكملا "زين" : ماهى المجنونه دى لو مرحتش معاه هتروح وهترجعى بمصيبه عارف
خرجا "كريم" من غرفته : يلا يا شباب
فى نفس واحد " يلا يا عمو " ...
تعجب "كريم" : عمو فى عينك منك ليها
ضحكا الجميع وتحركا وخرجا من الشاليه وتوجها سريعا الى البحر واستمتعا ولهو كتير فى البحر وتقابلت "مريم" مع صديقات لها دائما تراهم فى المصيف ...
خرجا "زين" و "كريم" وجلسا ع الشط وتركا " مريم" مع صديقاتها :
اخرج "كريم" علبه السجائر : صباح الفل
نظرا "زين" متراقبا ل "مريم": فى الدرا يا عم مش ناقص تشريد
ضحك " كريم" :انت بتخاف منها اوى كده ؟
_مش خوف لو سمحت بس بتعملى صداع ولو شافتك مش هتعتقك انت كمان وبعدين تعالى بعيد علشان لو شافتنا احنا الاتنين هتفتح سارينا مش هتفصل
تحركا بعيدا ...واشعلا السجائر :
وبدء الحديث "زين" : اتخرجت اخيرا يا كيمو ها هتعمل ايه ؟
_بفكر افتح مشروعى الخاص لما سافرت اخدت خبره شويا
_ ايوه ياعم اتجوزت وسافرت سنتين ورجع مطلق جوازه دى ولا عقد العمل ..؟
اتنهد " كريم": معرفش اصلا حصلت ازاى
_ ششربت حاجه اصفره واتجوزت اكيد ..؟
_ ايه يا واد الخفه دى
_ مش محتاج تقول انا عارف انى كيوت ,,,المهم فكرت هتفتح ايه ..محاسبه ؟
_ هو ليه دايما الل بيتخرج من تجاره بيبقى التركيز كله يفتح مكتب محاسبه او يشتغل فى مكتب محاسبه ..؟
_علشان دا تخصصه ياعم
_ ويعنى ايه تخصصه ..مفكروش ليه ان الاغلب الل بيدخلوا كليات بيبقوا ع غير رغباتهم وداخلينها علشان يكون معاهم شهاده واصلا الدراسه بتكون حاجه والحياه العمليه حاجه تانيه يعنى مجرد تعريف ب البدايات والحياه العمليه تعرفك الباقى فى كتير خريجين تجاره ونجحوا فى حاجات تانيه ..
_وانت دخلت تجاره ليه ..؟
_المجموع الزفت والتنسيق الفاشل
تنهد " زين" : واضح كده ان رجاله العيله دى مكتب التنسيق بينه وبينهم سوء تفاهم
_ اه صح .. انت كنت عاوز تدخل فنون جميله وحصلتنى فى تجاره برغم مجموعك العالى ..؟
_انا بعد ما فرصه فنون جميله راحت مكنتش مجهز حاجه تانيه والوقت كان ضيق والكليات كلها زى بعض عندى وع كلامك الحياه العمليه مختلفه ف انا هركز ع الحياه العمليه وهاخد الشهاده الديكور اعلقها عند باب الشقه معان بيتقالى استاذ "زين" من قبل ما ادخل كليه يلا هنبقى عيله تجاريه بحته انت وانا ومحمود وكرم ماشاء الله جيلين خريجين تجاره
ضحك "كريم" : ايون .. تجاره والعيشه مره ..
استكمل "زين" مازحا" : تحس كده ان الل بنى مصر كان تاجر من كتر طلاب تجاره الل فيها
_ماهو العرب زمان كانو شغاليين فى التجاره نسيت ..؟
_ اه وتوارثتها الاجيال حتى اصبحت تجاره اسلوب حياه
ضحكا الاثنان ... اكمل "كريم" الحديث : متعرفش "مريم" انك اصلا مدخلتش الاختبار صح ؟
_لا ياعم تعرف ايه ..دى لو عرفت مكنتش دخلت هى كمان وهيبقى احنا الاتنين بلح ع الاقل واحد فينا يحقق حلمه احس ان فى امل فى الدنيا دى والاحلام بتتحقق
_بس هيحصل مشكله لو عرفت ..؟
_ومين هيعرفها اصلا ...
فى هذه اللحظه سمع صوت عالى من خلفهم : انت عرفتنى يا فالح بنفسك
نظرا وجدا "مريم" خلفهم ومن غيظ "مريم" من الل سمعته نظرت حولها لبحث ع اى شئ ترميه على "زين " وجدت زجاجه مياه معدنيه وكانت نص ممتلئه وبدون تردد رمتها ع "زين" جاءت فى راسه : يا مجنونه
ذهبت سريعا متوجهه اليهم واستمرت بخبطه وضربه: انت حمار ..ايه الل نيلته دا
عرفوا "كريم" و "زين" انها سمعت ووسط الشجار والضرب الل حصل بين "زين" و "مريم" ف انسحب "كريم" فى هدوء و اخفى السيجاره وتركهم لوحدهم ينهوا هذا العراك :
_ طيب الله معك يا "زيزو"
زين بيستنجد ب "كريم": كريم .. متسبنيش مع الفك المفترس دا كريممم
بعصبيه استمرت الضرب :: بتشرب سجايركمان وانا قلتلك بلاش منها
اوقف "زين" : اهدى بس كده السيجاره "كريم" الل ادهالى قالى دوقها
بنبره غضب : دوقها ليه شوكولاته ..انت مش شايف ابوك صدره تعبه منها ازاى
_ "كريم" عزم عليا وانتى عارفه مبحبش اكسف حد ودا "عمى"
_ وحياه خالتك ..
_انا معنديش خالات عندى خال واحد وف السعوديه .. اخليه يجبلك بطانيه وسبحه
استمرت بخبطه: دم سم .. وايه الل عملته دا ه ..ها ..ها ..
مسك ايديها "زين" :اهدى كده وافهمك..؟
_افهم ايه ضيعت حلمك الل كنت بتحلم بيه سنين وكنت مستنى اليوم دا
_ ماهو انتى لما تعبتى الاختبار ضاع مننا احنا الاتنين اعمل ايه انا لا كنت هقدر اسيبك فى المستشفى ولا اضحى بالفرصه تضيع مننا
_ ومروحتش معايا تانى مره ليه ها ؟
_ مكنش ينفع كان يا انا يا انتى وانتى لو مدخلتيش الكليه دى كنتى مش هتكملى تعليم وهتقعدى قاعده عبله كامل وهتدخلى ف مود اكتئاب وهتنكدى ع اهلنا عارفك
_تقوم تضيع فرصتك يا "زين" ..؟
_ليه باصلها كده .. بصلها انها فرصتك انتى ومكتوب ليكى انتى اعتبريها سهم وانضرب واحنا الاتنين كنا وافقين وجه فيكى شحورك اتوبيس كان هيشيل حد فينا وشالك انتى وانا اخدتك لمستشفى ب اختصار هى لو كانت ليا كنت اخدتها لكل واحد وقت لفرصته الخاصه به مش دايما كل الفرص بتبقى موجهه لشخص واحد فى منها اشارات لفرص تانيه لناس تانيه ...الحياه كده مفيش حد بياخد كل حاجه ..
_اشارات.. محسسنى ان ابوك بيتكلم ..
قال مازحا: تصدقى فكرت فيها من كتر ما بيقول "اشارات" فى كلامه لاقيت انه كان نفسه يشتغل فى المرور بس معرفش يقلب نور ومجبش مجموع ودخل تجاره ياحبيبى يا بابا
ضحكت "مريم" : بس برضه ..
قاطعها "زين": مفيش بس فى دنيتنا دى الل عايشنها ,,مفيش بس الل حصل حصل خلاص مش يمكن اتفيدت بعدم دخولى الكليه وان طريقى حاجه تانيه غير كده احنا منعرفش الغيب فيه ايه لكن الل نعرفه اكيد هى الفرصه الل بتجيلنا ناخدها ونستغلها ازاى وبعيد عن كل الرغى دا انتى دخلتيها يعنى واحد فينا حلمه اتحقق احسن بكتير من احنا الاتنين بلح ونقعدلهم قدام بابا المطعم مادين ايدينا لله ولا ايه ..؟
ملامح الزعل ع وجهه "مريم": وانت وموهبتك حرام تضيع ..؟
_ ومين قالك هضيعها انا هستمر فيها واديكى قولتى موهبتى يعنى هوايتى يعنى حاجه بحبها والل بيحب حاجه مبيسبهاش بسهوله ومش معنى هيكون معايا اله الحاسبه ومسطره يعنى خلاص .. هروح الكليه الصبح عادى وبليل فى الدنيا بتاعتى فوق السطوح .. الخن بتاعنا ... مركز ابداعتنا
بملامح حزن اترسمت ع وجهه "مريم" : بس كده حرام
اقرب منها "زين" وابتسامه ع وجهه : _ يعنى هى جت عليا ... مصر كلها محدش بيدخل كليه هو حاببها واهو تعليم علشان لما الواد من دول يحب يتاهل بيسالو معاه شهاده ايه يا حبيبى يقولهم بلا فخر معايا كذا كذا تحسى كده هيسالوه ع الجوده وكام فولت وبتشحن ذاتى ولا لا ... يا ستى فكك المهم بعيد عن اجبار الواقع الل احنا بنعيشه فى طرق تانيه نهرب بيها وان الواحد ميستسلمس ويكمل ف حلمه وانا هكمل ف هوايتى يمكن مكتوب ليكى تشتهرى علشان تبقى واسطتى ولا هتنسينى ها ...
ابتسمت "مريم": انا اقدر فى حد ينسى روحو داانا كنت رايحه اكل فكرت فيك قلت ناكل سوا
_طيب يلا علشان انا جعان
تذكرت "مريم" السجائر بنبره غضب : ومتشربش النيله دى تانى فاهم
_ يا ساتر لما بتتحولى كنتى كيوت من شويا وزى نسمه الفجر قلبتى ساعه الذروه ليه كده حاضر ..حاضر
_ واعمل حسابك اول ما هنرجع البيت هننزل نجرى علشان تطرد السموم دى واتاكد انك مبتشربش من ورايا
ضحك "زين" بتختبرينى ماشى وليه استنى لما نرجع اهو ..
وانطلق "زين" جرى متوجها الى الشاليه واتت وراءه "مريم ودخلا الشاليه وتوجهه "زين" الى غرفته ونظرت " مريم" بخبث ل "كريم وتوجهت ببطئ اليه :
_ انت واحشنى اووووى يا كيمو
تلجلج "كريم" : وانتى كمان يا ميما والله
_عارف يا حوده
_ خير يا ميما
_ بره لاقيت اتنين بيدخنوا فى الجو الجميل دا وشبه "كريم" و "زين "
توتر "كريم" : نعم احنا
ضحكت " مريم" : لا ماهو مطلعوش انتم هو لو طلعوا انتم كنت هسيبكم ..
ضحك "حوده: اه كان زمان المصيف كله عرف من صوتها
مالت اتجاه "كريم" وهمست له: المرادى هعديها المره الجايه مش هتنازل ع انك انت وزين تتعلقوا بره وحوده الل هيعلقكم
ضحك "كريم" ودخلت "مريم" الى غرفتها لتبدل ملابسها :
لاحظ " محمود" تقرب "كريم" من "مريم" اكثر : كانت بتقولك ايه ؟
_اسرار ومينفعش افتن ع فكره
غمز "محمود" : اسرار بينك وبينها .. هو ف حاجه ولا ايه ؟
_ وهو جديد هيكون فى بينا اسرار اخرج انت
_ طيب هخرج .. وع فكره واضح اوى انك بتشرب سجاير بس انا مستنى فعلا اقفشك انت و "زين" متلبسين ووقتها هعرفكم ايه الل هيحصل
ذحك" كريم" قلبك ابيض يا حوده
_ ها مقولتليش ناوى ع ايه ؟
_ كنت هكلمك بس لما يعدى يومين تكون ارتحت شويا
_لا اتكلم .. نويت ع ايه هتيجى معانا المطعم
_ المطعم كفايه عليكم مش محتاجه لحد تالت
_طايب نويت ع ايه فلوسك موجوده ف البنك ب اسمك كامله انت حر التصرف فيها
_ بجد يا محمود مش عارف اقولك ايه شكرا ع كل حاجه عملتهالى واهتمامك بيا وحبك ورعايتك ومسئوليتى الل اتحملتها وانك مفرقتش بين وبين "زين" بالعكس عاملتنا بالمثل وانك مااخدتش جنيه من فلوسى واتحملت انت مصاريفى من فلوسك ..
_ متقولش كده هزعل ..انتم الاتنين اولادى وغلاوتكم واحده عندى ولو ب ايدى اكتر من كده كنت عملت ,, بس المهم مقولتش هتعمل ايه فى الل انت عاوزه انا معاك ومش هعترضلك ..؟
_ نويت افتح شركه سياحه
_كويس .. ولاقيت مكان ولا ادورلك فى عماره جنبنا مبنيه فيها شقتين ناخدهم و ..
_ لالالا انا مش هقعد فى الاسكندريه
تعجب محمود: نععم ..ليه .؟
_انا اخدت ع القاهره واهلها واماكنها ومتقلقش هبقى اجى اقعد معاكم
_ الل يريحك
_تسلملى ..وانا هعرفك كل خطوه اكيد
_ ياريت وبلاش مفاجاءات تانى
_ لالا متقلقش مفيش مفاجاءات تانى
يغمز "محمود" ل "كريم" : طيب مش ناوى ع الخطوه التانيه ؟
_ خطوه ايه دى
_ خطوبه .. جواز ... داانا وانا قدك كنت مرتبط ب سوسن واتجوزنا
ضحك "كريم" : لا لا مش دلواقتى
_ مش دلواقتى ولا هتفاجئنى بجوازك زى المره الل فاتت ,, عارف يا "كريم" لولا "كرم" لحقنى وهدانى كنت هسافرتلك فرنسا ,, الاقيك بتكلمنى بتقولى انك اتجوزت وهتسافر فرنسا وتيجى مره واحده بمراتك الفرنسيه دى ال لا ليها طعم ولا ريحه وبعدها بسنه القيك قدامى تقولى طلقت هو انت كنت فى جوازه ولا فى رحله ..؟
اتنهد "كريم": قرار متسرع فى وقت غلط ودى النتيجه
_ طيب علشان متكررش الغلط دا تانى اخطب كده دلواقتى وتتجوز بعدين ايه رايك ؟
_ شكلك منشلى ع عروسه .. مين ؟
حرك راسه اتجاه باب غرفه"مريم " ونظر "كريم" ب استعجاب : نعم .. مريم
_ ومالها مريم .. تربيتنا وعارفينها ..مش احسن من غريب يجى يدخل وسطنا تانى وتجرب حظك تانى ,, من زمان وانا بفكر انت و "مريم" لما تكبروا نجوزكم لبعض اكيد مش هتلاقى احسن من "مريم "
نظر "كريم" بتعجب : مش هلاقى احسن من "مريم" اخت ,, لكن زوجه لا لا مريم اختى مش هينفع
_ ماهو مش هينفع لا انت ولا "زين" ,,"زين" اكيد مش هينفعها لانه اخوها و..
نظر "كريم" متعجبا ل "محمود " :انت ليه قلبت ع خالتى ام عدالات الخاطبه كده " مريم" دى اختى الصغيره زى زين بالظبط احنا التلاته اخوات
_يعنى مفيش حاجه ناحيتها كده ولا كده ؟
_ اكيد فى ..حب واحترام وتقدير وخوف عليها لانها اختى الصغيره يا محمود
ملامح "محمود" تغيرت وهمس : فكر تانى يا "كريم" صدقنى مش هتلاقى زى "مريم"
تحدث "كريم" بنبره عصبيه :وانت ليه تختار مصير حياه غيرك ,, "انا و "زين" و "مريم" احرارنختار نكون مع مين ولا نعمل ايه مدام مبنعديش حدودنا ..انت سيبتلنا حريه الاختيار كمل مشوارك ومتحكمش ع حياه حد فينا ,, واوعدك مش هكرر غلطتى تانى لو دا الل قلقك
نظر "محمود" ل "كريم" نظره حيره وعدم اقتناع : طيب وغلاوتى عندك ادى نفسك فرصه و فكر وهى موجوده اهو ,,فكر تانى ع انها مش "اختك" وشوف هتوصل ل ايه .. ماشى
شعر "كريم" ان " محمود" مصمم ع فكره مش هيتنازل عنها
_ طيب " يا محمود" طيب
فى هذه اللحظه خرجت "مريم" بعد ان بدلت ملابسها " : يلا يا زيزو هننقض ع الاكل اهو
خرج زين مسرعا : استونى
وجلسا كلا من زين و مريم و كريم يتناولا الطعام ثم قام "كريم" واحضر الفاكهه وكانت "مانجه " فرحت "مريم" بيها جداا :
_ الله .. اشتريت مانجه والله كان نفسى فيها كنت هبرشطت ع "زيزو" يروح يجبلنا
ابتسم "كريم": انا عارف انكم بتحبوها فقلت اجيبها ونزروط مع بعض
نزلت " مريم " وقعدت ع الارض نظر لها "زين ":
_ ما تبقى زى الناس الطبيعيه وكلى وانتى قاعده ع ترابيزه
نظرت له "مريم": مبعرفش بحس انى متقيده وانا عاوزه ابقى براحتى
نزل "كريم" وقعد بجانبها وبالتالى نزل "زين " وهجموا ع المانجه نظر "زين" ل "مريم" وهى بتفترس المانجه :
_ براحه يا بنتى انتى زروطتى نفسك خالص فى حاجه اسمها معلقه وسكينه
_ ليه يعنى هو فى حد غريب وغير كده علشان تستطهم المانجه لازم تتزروط كده..؟
ضحك "كريم": خليها براحتها دى عسوله اوى وهى مزروطه كده
ضحك "زين": عارفين الواحد فعلا لما يجى يرتبط بواحده لازم يتقبل خمس حاجات ( اكلها_ رغيها_مناخيرها_ صوتها _ شكلها وهى بتاكل المانجه ) غير كده شكاليات صدقونى استمرى يا ميما استمرى ويلا الحقلك مانجايه بدل ما هتعضنا ,,
ضحكوا الجميع وسط مزحات زين ولماضه مريم وينظر "محمود" ليهم من بعيد وفكره ارتباط "كريم" ب "مريم" مسيطره عليه اكثر واكثر عندما يشاهدهم ...!
مر يومان وعادا "محمود" و "سوسن" الى الاسكندريه وظلا كلا من "كرم وسناء وزين ومريم وكريم " فكانا يستمتعان بالجو والروقان والحفلات والتجمعات ,,تصادقت "مريم" ع مجموعه بنات عرفت بالصدفه انهم التحقوا بنفس الكليه "فنون جميله " وتجمعا فى حفله Dj ووقفا سويا :
_ انتى مستمعته اوى يا "ميما" الل يشوف كده يقولك عليكى مش اسكندرانيه ..؟
_ ماهو انا لازم استمتع مش حكايه بحر ما اسكندريه فيها بحر لكن الفكره انك مع ناس بتحبيهم ومتجمعين مع بعض بتعملوا كا حاجه وتضحكوا وتلعبوا وتاكلو كده يعنى المتعه الحقيقيه يعنى ,,
_ اهااا .. يعنى بتشوفى الحاجات بنظره جميله علشان تبقى مبسوطه
_ايوه بالظبط كده ..
اقترب منهم "زين" : مساء الحاجات الحلوه
_ اكيد عارفين "زين" اخويا
_اها اهلا ..
_ اهلا بيكم .. الساحل منور
ضحكا البنات استكمل "زين" حديثه : ما تيجوا نشرب حاجه ع حسابى انتم زى اخواتى
ضحكوا الفتيات ف استعجب زين : انا بكلمكم بجد
ردت احدى الفتيات: احنا مصدقينك اننا اخوات انت مكدبتش لانك شويا هتكتشف انك كنت مشربتش نيدو ولا جهينه خالص فبالتالى هنطلع مش اخوات فى الاخر
نظر "زين" بضيقه وغيظ ل "ميما " وضحكت : اصحابى ولازم اقولهم انك رضعت طبيعى زى بالظبط ف انا وانت الاخوات مش مع حد تانى
خبط "زين" مريم على كتفها : يلا ياام لسان طويل
استكملا اجازه المصيف وعاد الى الاسكندريه ,,
فى ليله اول يوم كليه ذهب "زين" الى "مريم" فى شقتها خبط ع الباب اوضتها ودخل
_ زيزو
_ شوفتينى وانا مؤدب وبخبط و ... ايه كل الهدوم دى انتى هتطفشى ومش هتكملى تعليمك
_ يا سلام خفيف.. لا بختار هلبس ايه بكره ..
_مش معضله يعنى اضربى اى حاجه انتى رايحه تتعلمى مش رايحه تصورى فيلم
_اى حاجه ايه دى كليه واكيد اغلب البنات لابسه شيك وحاجه حلوه كده
_ ع فكره دى كليه مش نادى ,, البس كل ما كان بسيط ومناسب لل لابساه كل ما بيكون احلى وبيجذب اكتر البسى الل يناسبك ..
وقفت "مريم" محتاره وبتبص ع الهدوم :اممم مش عارفه ..؟
اقترب ليها "زين" : طيب وسعى كده وانا هظبطلك طقم متقوليش لعدوك عليه
ضحكت "مريم" خالتى عدالاات عندنا ..
_ وسعى يا بنتى كده اكل العيش مش بالسهل
ضحكت مريم واستمر "زين" فى البحث فى ملابس "مريم" وتجهيز طقم ليها .. جهز الطقم :
_ اهو كده كله تمام نامى بقى
_ ميرسى يا زيزو يخليك ليا
_ متتاخريش هتصحى هتلاقينى فى وشك
_ متقلقش هكون جاهزه
بطرف عينه ينظر اتجاه المكتب وجد صوره معلقه لشخص اقترب منها ونظر فيها بتركيز: مين البونبونى دا ؟
_ دا "ايهاب مختار "
_ وظيفته الكونيه ايه يعنى ..؟
_ دا فنان
_ يعنى زى ايهاب توفيق وانتى من امتى بتحطى صوره حد فى اوضتك انتى عاوزه تتلبسى وتبقى "مريم" الل لابسها جوست ها
_ انت رخم بشكل ... دامثلى الاعلى وسبب حبى فى فنون جميله و ..
شعر "زين" بضيقه: مين يااختى ,, فكك من الهرى دا كله وشيلى الصوره عاوزاها ضرورى حطي مثلك الاعلى فوق فى المرسم فوق مع باقى ادوات الرسم بتاعتك هنا فى اوضتك علقى ايه قرانيه تنفعك فاهمه ..قال مثالها الاعلى قال وهى قزعه كده حرمان طول دا ولا ايه مش فاهم انا
_ طيب متزعقش ..
_ يلا اتخمدى بقى .. قال ايهاب توفيق قال
_ ع فكره اسمه ايهاب مختار
_ انا الل هختارك وهوصلك الاخر ع السريع اتخمدى ..
خرج زين ماسك الصوره وذهب الى المرسم وضعها فيها ونزل نام ...!
تجهزا لذهاب ل اول يوم فى الجامعه اولى كليه لكلا من "زين" و "مريم"
استيقظت " مريم" تجهز ما هترتديه ارتدت ملابسها وخرجت من غرفتها وجدت "زين" فى انتظارها بنبره مبهجه وابتسامه : صباح الخير
نظرا لها "زين" ب استغراب: هو انتى رايحه فين ..؟
_ الكليه
نظرا لها مره اخرى من اول راسها حتى اخمص رجلها : ودى واحده رايحه كليه ولا رايحه تتصور
_نعم ...؟
نظر "زين" الى " سناء " : سورى يا "سناء " مقدما
ثم نظر الى " مريم " وبنبره عاليه : نعم الله عليكى يا حليتها .. ايه اللى لابساه دا سكينى مقطع عند الركبه وتيشيرت قصير وكعب عالى ..كعب عالى يا ميما وايه رابطه محمود المليجى فى فيلم الارض دى هو انتى خارجه من حمام ايه الاستهبال دا
تفاجئت "مريم":فى ايه يا زين عجبنى وعادى يعنى هو انا جايباه اعلقه ف الدولاب
_ لا جبتيه علشان قولتى نفسك تجربيه واتفقنا انك هتلبيسه فى المرسم بس برغم انى كنت رافض بس خليتك تجيبه علشان متزعليش لكن متوصلش بيكى الحال انك تلمى الشباب وراكى كده امشى غيرى الهدوم دى والبسى الل اتفقنا عليه امبارح ..
بتعجب :نعم..؟
بنفس النبره العاليه : سورى يا سناء لتانى مره .. نعم الله عليكى يا حليتها .. ماانا اهو اختارتى التيشيرت والبنطلون حتى الشوز والشراب من اختيارك والنضاره الشمس اهى متغيرش حاجه البروفيوم متغيرش اشمعنى انتى ترجعى ف كلامك .. يلا يا حبيببتى غيرى هدومك
وقفت "مريم" ساكته نظر لها "زين": براحتك انا معنديش مشاكل مرحش الكليه انا صايع اصلا
نظرت "مريم" الى والدتها لتتدخل ف الكلام فرات علامه راحه ع وجها كموافقه ل كلام "زين : يعنى عاجبك
ردت سناء مبتسمه: ومن امتى الل بيدخل بينكم بيبقى كويس ..ال داخل بينكم خارج انتم حريين مع بعض
تحدث بثقه "زين" : ايوه بقى يا سنسن .. يلا يا بت غيرى هدومك بسرررررررعه
ادارت "مريم" ظهرها وتبرطم ببعض الكلمات : عيل رخم وغلس وتنح
اقترب منها خطوتين : خير بتقولى حاجه ..؟
بلهجه عصبيه: هغير بسرعه اهو
تحدث "زين" بكل ثقه :شيلى المولد الل عاملاه فى وشك وفى نفسك و10 دقائق اتاخرتى بعدهم مفيش كليه انهارده .. خلص الكلام
ولان "زين" حديثه وكلامه تنفيذه قاطع لدى "مريم" فعلمت ان اى دقيقه تأخير حقا ستكون فى غير مصلحتها فسريعا توجهت الى غرفتها وبدلت ملابسها وخرجت مرتديه بنطلون جينز وعليه قميص طويل وشوز وحجاب مغطى رقبتها وبدون ميكب الا بسيط ..: كده كويس
ابتسم "زين" ايوه كده ارجعى الحاجه" مريم" الل نعرفها والله ليكى وحشه يا حاجه
_ عيل رخم
_بعد كده متغيريش كلامك علشان بيتقلب عليكى وزى ما كلامك بيتسمع اسمعى الكلام ايه كبرتى ودخلتى كليه ولا ايه انتى لسه عيله
_ ايه الثقه دى ..؟
_ اخوكى الكبير
_ مكنوش 7 شهور ياحسره
_ اكبر منك بيوم يعرف عنك بسنه لو هنحسب الشهر فى كام يوم و,, لو عندك وقت نقعد نحسبها عادى
سريعا: انا غلطانه انت الكبير الكبير اوى يلا
_ايوه كده يلا ,,,
نزلا من منزلهما واوقفا تاكسى وذهبا الى كليه "فنون جميله" لاحظت ميم دخول "زين" معها : انت رايح فين كليتك مش هنا ..؟
_ وهو انا هسيبك اول يوم لوحدك فى معتقل الوحوش دا لا طبعا اطمن عليكى انك مع صاحبتك المزه الحلوه وجدول محاضراتك ايه والدنيا عامله ازاى وهمشى ...انا نازل وفى نيتى محضرش عندى يعنى عادى هقعد ع قلبك لانى عارف تخطيطك ..
نظرت له "مريم" :تخطيط ايه ؟
_ واحد ظريف لطيف يكون زميل يجر كلام فتتهببى تعجبى بيه ماهو اغلب الل جايين مش لتعليم جايين لتظبيط والبنات تتظبط قليل الل تلاقيهم مجتهدين هتلاقيهم باين عليهم كده تيجى تكلمى واحده فيهم هتعضك دول بقى ركزى عليهم وصاحبيهم لانى بيعملوا عازل عن اى استظراف
ضحكت " مريم" مش لدرجه دى انا مش بحب ع نفسى يعنى ..يلا امشى ومتقلقش
_ بلاش حد يدخلك انه معجب بالهنود والروايات وشاروخان تروحى تفتحيله الكلام ويزيط
_ متقلقش انا مش صغيره
_ لالامش همشى غير لما اطمن مش بعيد واحد يعملك فيها شاروخان ولا عباس خان
_مين عباس خان ..؟
_انا معرفوش بس اكيد فى الهند عندهم عباس مش احنا بس اصل ..
قاطعته "ميما": انت هتحيكلى تاريخ الهند يلا امشى ومتقلقش
_والله ابدا .. رجلى ع رجلك امشى يلا
دخلا الى الكليه وبحثت "ميما" على اصدقائها ومعها "زين "
_ اوقف هنا هما جايين دلواقتى
نظر "زين "حوله : ايه عرض الازياء والالوان الفسفوريه دى .. دى بتنور الصبح
_ ملكش دعوه بحد خليك ف نفسك يا رخم
_ لالا استنى بصى الل لابسه كعب ومش عارفه تمشى بتتنيلوا ليه مدام مش عارفين تتنيلوا
خبطت "زين" لان صوته كان عالى : اخرس بقى
نظر الى احدى الفتيات : ايه الميكب دا دى واكله كيلو جبنه
للحظه اقترب "زين" من الفتاه : لو سمحت سؤال
_ اتفضل ؟
_دى جبنه اسطمبولى ولا براميلى هاهاهاهاها
اتحرجت الفتاه وضحك زين ومريم والبنات عندما شاهدو المشهد
_ لم نفسك وامشى بقى هتعملى مشاكل من اول يوم ؟
_اهو شوفتى لو كنتى عملتى مولد عبده فاشون اللى كنتى فيه الصبح كان زمانك متعرضه لموقف سخيف من واحد سخيف كده
نظرت له "مريم" : الله .. الاعتراف بالحق فضيله انت قولت سخيف يعنى انت سخيف صح ..امشى بقى يا سخيف
واحده من الفتيات : لا متقوليش كده يا "ميما" دا "زيزو" سكر
غمز "زين" للفتاه وذهب اتجاهها: والله ماحد فاهمنى غيرك يا " تعالى اعزمك ع حاجه ساقعه واهو نعرف طريق مستقبلنا رايح ع فين اقصد الكافتيريا ..؟
_ اوكيه
"مريم" بصوت عالى : خلى بالك هيقولك اخوات وبتاع
نظر لها "زين" بغيظ: ماهى عارفه ياخفه
تحرك "زين" مع صديقه "مريم " ووقفت مريم مع باقى صديقاتها:
_ زين فقر اوى
_ جداا هو انتم شوفتوا حاجه منه
_بس ازاى اخوكى يا ميما واساميكم مختلفه
_ بالرضاعه واراهنك هترجعى نانا هيقولها انا الل شربت اللبن كله وفاضلى خرطوم وابقى فيل صغير
ضحكا البنات: عسل
_تعرفوا يا بنات انا مش مصدقه نفسى انى دخلت الكليه اه اول يوم ومعرفش الدنيا ازاى بس فرحانه اوى
_ واحنا بس شكلك متحمسه اكتر ..؟
اخرجت "مريم " موابيلها وتصفحت الانترنت واظهرت لهم صوره : هو دا السبب "ايهاب مختار "
تفاجئو البنات: "ايهاب مختار"
ابتسمت "مريم": حبى لفنون جميله وعاوزه ادخلها لانه هو اتخرج منها يعتبر من الفنانين الل بتابع اعمالهم رسام ممتع ف رسماته ابداااااع
_ بصراحه انا سمعت عنه انه كان من المتفوقين هنا فى الكليه ..؟
ابتسمت "مريم" : جدااا هو بره مصر بس بجد امنيه حياتى مخلصش الكليه غير لما اشوفه حتى لو من بعيد
ف اللحظه اتى "زين" : مين دا الل عاوزه تعمليله باى باى ..؟
توترت "مريم" واغلقت هاتفها: ملكش دعوه
نظرا الى البنات : ايهاب مختار صح
ضحكا البنات : عرفت ازاى
_ماهى لما تقلب وردى وردى بيبقى هو دا ناقص تعمل بوستر ع تيشرتاتها لصورته
مريم خبطه ف دراعه: يلا امشى روح كليتك ...
ضحك: ماشى واستنينى هعدى عليكى نروح سوا
ذهب "زين" نظرت " مريم" ل صديقتها : قالك عليا انى فيل وناقص خرطوم صح
ضحكت الفتاه: بصراحه اه
بغضب: الجزمه ... وهو شبه غفر السواحل لما اشوفه
ضحكا البنات وذهبوا ليروا جدول واماكن المحاضرات ... !!
اندمج بسهوله "زين" فى كليته وتعرف ع اصدقاء بسهوله فتيات وفتيان وكان بين فتره والاخره يذهب الى "مريم" ليطمن عليها وع صديقاتها ... مر الترم الاول وقبل الامتحانات كانت حفله راس السنه تقترب وكالعاده يقيموا احتفالا بها كل سنه فى المطعم وفى هذه الحفله عزمت "مريم" صديقاتها و"زين" اصدقائه وكانا ف نفس الوقت يعملا ف المطعم لمساعده بسبب تكدس الزبائن ,, مرت احتفال راس السنه وكانت " مريم" جالسه فى حجرتها اتت رساله الى موابيلها ردت ع "زين "غاضبه : ايه كل دا انا جعانه
_البسى بسرعه وانزلى
_ انزل ايه بقولك جعانه هعضك لو شوفتك
_طيب اسمعى كده
حاولت "مريم" ان تستمتع بعنايه
وبنبره فرحه :ايه دا .. هى بتشتى
_ ايوه ويلا انزلى نروح الكورنيش بسرعه
وسريعا اغلقت "مريم" الهاتف ونظرت الى الساعه وكانت 2 بعد منتصف الليل ودون تفكير ارتدت ملابسها ونزلت كان ينتظرها "زين" امام العماره ,,والسماء كانت تمطر بشده وف جريا فى الطريق الى الكورنيش ووقفت "مريم" فاتحه ذراعيها وتنظر لسماء كانها تحضن كل قطره اتيه من السماء وتجاهلا الناس "مريم" و "زين" وقاما بالقفز والمرح وكان قطرات المطر معزوفه موسيسقه يرقصون عليها .. وكالعاده عاد ملابسهم ممتلئه من مياه المطر وذهبا سريعا لتبديلها وكالعاده اصبهما هما الاثنان نزله انفلونزا وابتدا اعراضها العطس ,, فكان فى شقه "مريم" عاد "كرم" و "سناء: من المطعم وجدوا "زين" و "مريم" جالسان امام المدفاه يتناولون البتيزا وفى نفس الوقت يعطسون ويضحكون :
تحدث "كرم" متعجبا: مش قلتلك اكيد اكيد نزلوا تحت المطر زى كل مره
سناء مبتسمه: عادتهم ولا هيشتروها
نظر لهما كرم: انتم مجانين برضه نزلتوا ف الجو دا
الاثنين فى نفس واحد :حلى جو وهى بتشتى يااااااااااه
نظر لهما "كرم" بتعجب وابتسامه تعلو وجهه "سناءمرددين :اتنين مجانين واتلموا ع بعض
انتهت امتحانات الترم الاول والله بالسرعليم واتى الترم الثانى وفى يوم "مريم" فى كليتها انتهت من المحاضرات وارادت ان تذهب الى الكافتريا فذهبت هى واصدقائها منتظره "زين"
وهما جالسون اذا فاجاءه ظهر "زين" محملا بيتزا وبيها شموع متجها الى "مريم " قائلا :
haza baza to you
haza baza to you mema
haza baza to you
haza baza to you mema
تفاجى الجميع بطريقه الاحتفال البيتزا بدون تورته ولا جاتوه ففرحت "مريم"
_ ايوه بقى وانا قولت نفضتلى الصبح ومقولتليش كل سنه وانا طيبه قلت هتفاجئنى بليل
ضحكا "زين" وهو انا اقدر داانتى ممكن متدخلنيش الشارع بتاع بيتنا وتطلقى عليها الكلاب يعضعضونى قادره وتعمليها
ضحكا الواقفون .. : يخرب عقلك مكنتش اتوقع توسع منك كده
_ وهو انا عندى كام "ميما" هى واحده متقلقيش عملت حساب اصحابك اهو يلا كل واحده بيتزايه وحاجه ساقعه يلا ندمر القرشين الل حوشتهم بقالى 6 شهور علشان "ميما "
تدخلت احدى صديقات "مريم" : بس عيد ميلاد ببيتزا دا ازاى
ضحكت "مريم" .. ف اجاب "زين" : العيد ميلاد ايه غير انك تشوفى حاجه بتحبيها ودى هديتى ل ميما ..
ميما تحرك راسها ضاحكه: فعلا..احنا مختلفين فى هدايانا احنا بنرضى معدتنا الاول
ومتستغربوش عيد ميلاد "زين" كمان شهرين هتشوفوا هديته ايه وشكلها ازاى والمرادى هتبقى لايف زى انهارده كده
ضحكا "زين" : وكترى الشطه
ضحكا الجميع ع تصرفاتهم الطفوليه ف استكملا احتفالهم بعيد ميلاد "ميما" ثم عادا الى المنزل ثم ذهبا الى السطوح كلا منهم دخل الى عالمه الخاص فى ورشته ..!
جاء شهر رمضان شهر الخير والبركات شهر الموده والرحمه والغفران .. شهر الروحانيات .. كان شهر رمضان لدى "زين" و "مريم" مختلف عن اللمتوقع منهم نوم واكل وتليفزيون ولكنه كان مختلف ...:
اول يوم سحور تجمعا الاسرتين ف منزل "كرم " وجلسا ع طاوله واحده :
جلس زين: انا جعان اوووى
ميما متداخله: انا من دلواقتى عطاشه
ضحكا محمود: قال يعنى هتكون صاحين النهار دا انتم هتناموا ل قبل المغرب هتصحو
كرم: لا ينسوا كده اومال مين الل هيوزع الوجبات
مريم وزين نظرا لبعضهم: اه صحيح
سوسن تحدثت: الساعه 5 هتيجوا المطعم الاكل هيكون جاهز ف العلب تاخدوه وتوزعوه
سناء: وترجعوا تفطروا معانا
تدخل زين: لا انتم تعملولنا وجبتين ذياده لاننا هنفطر ف الشارع
مريم: اه يا دوب نلحق نرجع البيت نغير هدومنا وننزل التراويح ف المرسى ابو العباس
تناولوا السحور ...: انا هروح اخد دش ع السريع واصلى واقرا قران شويا وبعد الفجر نطلع فوق تمام ..؟
ردت "مريم" : اوكيه ..
رجع "زين خطوتين": ميما
_ ها
قرب منها وبيهمس : فى حاجه عاوز اسالك عليها وعاوز اتاكد ؟
_ خير ..؟
_ هو انتى هتصومى ولا زى كل سنه هاهاهاهاهاهاها
نظرت له "مريم" وضحكت: اكيد طبعا زى كل سنه غور من وشى بسؤالك المستفز
_طب اعملى حسابك الصبح هشوف لسانك هاهاهاهاا
مسكت "مريم" مخده: امشى بدل ما اضربك يارخم
وذهبا الى مرسمهم وورشته واشرقت الشمس واستيقظوا ف تمام الساعه 3 وارتدوا ملابسهم وذهبا الى المطعم واخدا العلب وذهبا لتوزيع وجبات الافطار فى الاماكن المتفرقه :
زين متحدث مرهق: مش كانوا عملوا مائده رحمن عند المطعم كان اهون من الشحططه دى
مريم : وانت تعبان ف ايه انت راكب عربيه وياريت انت الل بيتسوق ف اسكت بقى
زين متعبا: الحر فرهدنى يا ميما فرهدت وعطشااااااااان
ضحكت مريم: احسن علشان انا قلتلك مهما تحاول تشرب ف مايه هتعطش برضه حسستنى انك جمل
زين ضاحكا: العقل الباطن قالى اشرب يمكن ترتوى لكن الل شربته من هنا راح ف الحمام من هنا انا اتصفيت يا ميما من قبل ما انوى الصيام
ضحكت "مريم: متركزش ف عطشك ركز ف الل بتعمله هتلاقى الوقت عدى
زين ضاحكا: ماشى ياست الحاجه ..لكن اعملى حسابك انتى الل هتعدى ع شقق العماره بكره تلمى الوجبات
_ طااااايب
ذهبا ووزعا الوجبات وعاد بعد الاذان تناولا وجبتهم ف الطريق العوده وبدلا ملابسهم وذهبا الى صلاه التراويح ثم انتهوا منها وعاد الى منزلهم وتحدثت مريم مع صديقتها ع الموبيل
_ شوفتى يا ميما مسلسل الساعه 8 جامد
_لا مشفتش
_ ولا بتاعه الساعه 9
_ ولا حتى بتاع الساعه 10
_ وليه كده دى مسلسلات جامده
_انا اصلا مبتفرجش ع مسلسلات ف رمضان الاعلانات بتبقى اكتر من المسلسل نفسه وشلل ومرار طافح
_ يعنى مش بتشوفيهم خالص
_ لا لو شدنى مسلسل ممكن اتفرج عليه وقت السحور كده وغير كده المسلسلات كلها ع النت يعنى سهله تتجاب ..الحلقه بتكون 34 دقيقه وتتعرض فى ساعه ونص وساعتين وكله تضيع وقت ممكن تستفيدى بيه فى حاجه ..
_ ع رائيك فعلا .. بيبقى حاجه رخمه انا بقوم ف الفواصل اصلى واغسل المواعين وبيكون لسه مخلصش الفاصل
_ الفواصل دى معموله علشان تخلص علينا .واعلانات ايه غير نصها تبرعات والنص التانى اعلانات عن كموبنتدات .. يعنى بيحبوا ياكدولك ان مصر مقسوم ل اتنين فئه مش لاقيه العلاج وفئه محتاره تروح انهى كمبوند حاجه في منتهى السخريه والقرف .. وبيستنزفوا مشاعر الناس ف اعلانات التبرعات المشكله ان اغلب الل بيتفرجوا تلاقيهم داخلين جمعيه علشان يجيبوا حاجات رمضان والعزومات .. تلاقيهم بقى بيتفرجوا ع الاعلانات دى وعمالين يضحكوا مش استهزاء لا بيضحكوا ل سخريه القدر انهم لا معاهم يساعدوا حد ولا معاهم يجيبوا كمبوند لحد.. بيعلوا طموحات الشباب اوى ف بلد والحال ماشى بالعافيه
_ايه يا ميما انتى هيتبلغ عنك كده خلى بالك ..
_ حتى الاعالانات بقت بتزعل .. علشان كده انا فكانى من التليفزيون حلو او وحش ..
_طيب هسيبك بقى علشان المسلسل بدء
ضحكت مريم" ماشى ياستى هاف فان
واغلقت "مريم" هاتفها وتوجهت الى الحمام توضئت وصلت وفتحت المصحق تقرا فيه وقبل ان تقرا ارسلت رساله ل زين " انا هبدء قرايه دلواقتى وهنشوف بقى "
رد عليها زين " انا كمان .. ربنا يتقبل يااختى "
تانى يوم ذهبت "مريم" ل جمع الوجبات من سكان العماره وقفت عند شقه وتحاول ان ترسم ابتسامه ع وجهها ودقت الجرس : مساء الخير يا طنط
_ مساء النور يا حبيببتى
_ العلبه جاهزه
_ اه ..اهييه ..كل رمضان وانتم بخير
_وحضرتك طيبه
_ بس الموضوع دا بيتعب يا ميما مش كفايه الاكل الل بتطلعوه من المطعم داانا سمعت انها عربيه كبيره مليانه .. متهيالى علبتى ولا علب العماره هتفرق حاجه
استغربت "مريم" من طريق الحسد : لا يا طنط تفرق اكيد.. كل واحد بيعمل بنيته واكيد الل هياكل من العلبه بتاعتك وهيدعى دعوته هتجيلك انتى لانك صاحبه العلبه بعيده عن مين الل اداها ,,دا خير ومساعده لناس كتير مش لاقيين يفطروا وبعدين هو حضرتك صعبان عليكى شويا الاكل دول
_ لالالا يا حبيبتى الف هنا لل هياكل ..مش هعطلك
_ وانا برضه بقول كده
ونزلت "مريم" وملامح الضيقه ع وجها ..نظرا " لها "زين : مالك .. فرهدتى صح
_ الست الل ف الدور ال4 دى بتطلع الحاجه من لحمها
_ اها عارفها الل لما روحت طالبت منها حق شنطه رمضان زى باقى العماره عملتلى حوار وقالت كفايه العلب بس انا مسبتهاش
_دى لتاته اوى يخربيتها
ضحك زين" :اللهم انك صايمه كده هتضيعى صيامك واحنا لسه ف رمضان اوله
ضحكت مريم": كله منك خلتنى اتصدر لناس ولا بلاش
زين ضاحكا: ايوه كده يلا بينا
_يلا بينا
وتحركا الى المطعم لجلب العلب المجهزه والذهاب لتوزيعها كالعاده ...
وكان رمضان هكذا لدى "مريم وزين" يتشاركان فى كل لحظه سويا من اول اليوم حتى منتهاه ...!
______________
يتبع
لايك ورايكم
ياريت الل بيقروا فى صمت ومبيعملوش كومنت يعملوا لايك ع الاقل اعرف عجبت قد ايه من المتابعين فضلا وليس امرا
تم تجهيز كل شئ لسفر وفى الفجر تحركا بسيارتهم الى الساحل لتمضيه العطله هناك وكان فى انتظارهم "كريم " وصلا وكانت الساعه 10 صباحا وفى لحظه توقفهم بالسياره امام الشاليه نزلا كلا من "مريم" و "زين" مدووين صرخات فرحه خرج ع اثر الصوت العالى "كريم :
_ يا مجانين صوتكم والناس
بفرحه وتنطيط "مريم" : كيمو اتسسسس مصيف
"زين" مكملا : كيمو اتسسس مصيف
نظرا لهما "كريم" متعجبا : كل مره اشوفكم مع بعض احس انكم كوبى باست
ضحك الجميع وتحدث زين : ومين فينا الكوبى ومين الباست >>?
ضحك "كريم: فى حالتكم مش عارف لان الادوار بتتبدل مره تكون كوبى ومره بتكون باست لكن الحاجه المتاكد منها توم وجيرى
مريم تدخلت: يعنى محدش عارفنها يا "زيزو" متحاولش يا كيمو سيستم "زين" معايا
ضحك "زين " ايوه حتى ب الاماره هروح اشيل الشنط لان البرنسيسه صوباع رجلها الصغير عاوز يريح شويا
ضحك الجميع ثم دخلا الشاليه وافرغوا حقائبهم وسريعا خرجت "مريم" وبصوت عالى "زيزو.. زيزو " .. خرج "زين" من غرفته : جاهز يا معلم
خرج "محمود" متعجبا : انتو رايحين فين ؟
_ رايحين البحر يا حوده
تعجب محمود" : اصبروا طيب نفطر البحر مش هيضيع
ضحكت "مريم" : انت عاوز تبوظ عادتنا قبل ما نحط جسمنا ع السراير لازم ننزلو البحر يا حوده
مكملا "زين" : ماهى المجنونه دى لو مرحتش معاه هتروح وهترجعى بمصيبه عارف
خرجا "كريم" من غرفته : يلا يا شباب
فى نفس واحد " يلا يا عمو " ...
تعجب "كريم" : عمو فى عينك منك ليها
ضحكا الجميع وتحركا وخرجا من الشاليه وتوجها سريعا الى البحر واستمتعا ولهو كتير فى البحر وتقابلت "مريم" مع صديقات لها دائما تراهم فى المصيف ...
خرجا "زين" و "كريم" وجلسا ع الشط وتركا " مريم" مع صديقاتها :
اخرج "كريم" علبه السجائر : صباح الفل
نظرا "زين" متراقبا ل "مريم": فى الدرا يا عم مش ناقص تشريد
ضحك " كريم" :انت بتخاف منها اوى كده ؟
_مش خوف لو سمحت بس بتعملى صداع ولو شافتك مش هتعتقك انت كمان وبعدين تعالى بعيد علشان لو شافتنا احنا الاتنين هتفتح سارينا مش هتفصل
تحركا بعيدا ...واشعلا السجائر :
وبدء الحديث "زين" : اتخرجت اخيرا يا كيمو ها هتعمل ايه ؟
_بفكر افتح مشروعى الخاص لما سافرت اخدت خبره شويا
_ ايوه ياعم اتجوزت وسافرت سنتين ورجع مطلق جوازه دى ولا عقد العمل ..؟
اتنهد " كريم": معرفش اصلا حصلت ازاى
_ ششربت حاجه اصفره واتجوزت اكيد ..؟
_ ايه يا واد الخفه دى
_ مش محتاج تقول انا عارف انى كيوت ,,,المهم فكرت هتفتح ايه ..محاسبه ؟
_ هو ليه دايما الل بيتخرج من تجاره بيبقى التركيز كله يفتح مكتب محاسبه او يشتغل فى مكتب محاسبه ..؟
_علشان دا تخصصه ياعم
_ ويعنى ايه تخصصه ..مفكروش ليه ان الاغلب الل بيدخلوا كليات بيبقوا ع غير رغباتهم وداخلينها علشان يكون معاهم شهاده واصلا الدراسه بتكون حاجه والحياه العمليه حاجه تانيه يعنى مجرد تعريف ب البدايات والحياه العمليه تعرفك الباقى فى كتير خريجين تجاره ونجحوا فى حاجات تانيه ..
_وانت دخلت تجاره ليه ..؟
_المجموع الزفت والتنسيق الفاشل
تنهد " زين" : واضح كده ان رجاله العيله دى مكتب التنسيق بينه وبينهم سوء تفاهم
_ اه صح .. انت كنت عاوز تدخل فنون جميله وحصلتنى فى تجاره برغم مجموعك العالى ..؟
_انا بعد ما فرصه فنون جميله راحت مكنتش مجهز حاجه تانيه والوقت كان ضيق والكليات كلها زى بعض عندى وع كلامك الحياه العمليه مختلفه ف انا هركز ع الحياه العمليه وهاخد الشهاده الديكور اعلقها عند باب الشقه معان بيتقالى استاذ "زين" من قبل ما ادخل كليه يلا هنبقى عيله تجاريه بحته انت وانا ومحمود وكرم ماشاء الله جيلين خريجين تجاره
ضحك "كريم" : ايون .. تجاره والعيشه مره ..
استكمل "زين" مازحا" : تحس كده ان الل بنى مصر كان تاجر من كتر طلاب تجاره الل فيها
_ماهو العرب زمان كانو شغاليين فى التجاره نسيت ..؟
_ اه وتوارثتها الاجيال حتى اصبحت تجاره اسلوب حياه
ضحكا الاثنان ... اكمل "كريم" الحديث : متعرفش "مريم" انك اصلا مدخلتش الاختبار صح ؟
_لا ياعم تعرف ايه ..دى لو عرفت مكنتش دخلت هى كمان وهيبقى احنا الاتنين بلح ع الاقل واحد فينا يحقق حلمه احس ان فى امل فى الدنيا دى والاحلام بتتحقق
_بس هيحصل مشكله لو عرفت ..؟
_ومين هيعرفها اصلا ...
فى هذه اللحظه سمع صوت عالى من خلفهم : انت عرفتنى يا فالح بنفسك
نظرا وجدا "مريم" خلفهم ومن غيظ "مريم" من الل سمعته نظرت حولها لبحث ع اى شئ ترميه على "زين " وجدت زجاجه مياه معدنيه وكانت نص ممتلئه وبدون تردد رمتها ع "زين" جاءت فى راسه : يا مجنونه
ذهبت سريعا متوجهه اليهم واستمرت بخبطه وضربه: انت حمار ..ايه الل نيلته دا
عرفوا "كريم" و "زين" انها سمعت ووسط الشجار والضرب الل حصل بين "زين" و "مريم" ف انسحب "كريم" فى هدوء و اخفى السيجاره وتركهم لوحدهم ينهوا هذا العراك :
_ طيب الله معك يا "زيزو"
زين بيستنجد ب "كريم": كريم .. متسبنيش مع الفك المفترس دا كريممم
بعصبيه استمرت الضرب :: بتشرب سجايركمان وانا قلتلك بلاش منها
اوقف "زين" : اهدى بس كده السيجاره "كريم" الل ادهالى قالى دوقها
بنبره غضب : دوقها ليه شوكولاته ..انت مش شايف ابوك صدره تعبه منها ازاى
_ "كريم" عزم عليا وانتى عارفه مبحبش اكسف حد ودا "عمى"
_ وحياه خالتك ..
_انا معنديش خالات عندى خال واحد وف السعوديه .. اخليه يجبلك بطانيه وسبحه
استمرت بخبطه: دم سم .. وايه الل عملته دا ه ..ها ..ها ..
مسك ايديها "زين" :اهدى كده وافهمك..؟
_افهم ايه ضيعت حلمك الل كنت بتحلم بيه سنين وكنت مستنى اليوم دا
_ ماهو انتى لما تعبتى الاختبار ضاع مننا احنا الاتنين اعمل ايه انا لا كنت هقدر اسيبك فى المستشفى ولا اضحى بالفرصه تضيع مننا
_ ومروحتش معايا تانى مره ليه ها ؟
_ مكنش ينفع كان يا انا يا انتى وانتى لو مدخلتيش الكليه دى كنتى مش هتكملى تعليم وهتقعدى قاعده عبله كامل وهتدخلى ف مود اكتئاب وهتنكدى ع اهلنا عارفك
_تقوم تضيع فرصتك يا "زين" ..؟
_ليه باصلها كده .. بصلها انها فرصتك انتى ومكتوب ليكى انتى اعتبريها سهم وانضرب واحنا الاتنين كنا وافقين وجه فيكى شحورك اتوبيس كان هيشيل حد فينا وشالك انتى وانا اخدتك لمستشفى ب اختصار هى لو كانت ليا كنت اخدتها لكل واحد وقت لفرصته الخاصه به مش دايما كل الفرص بتبقى موجهه لشخص واحد فى منها اشارات لفرص تانيه لناس تانيه ...الحياه كده مفيش حد بياخد كل حاجه ..
_اشارات.. محسسنى ان ابوك بيتكلم ..
قال مازحا: تصدقى فكرت فيها من كتر ما بيقول "اشارات" فى كلامه لاقيت انه كان نفسه يشتغل فى المرور بس معرفش يقلب نور ومجبش مجموع ودخل تجاره ياحبيبى يا بابا
ضحكت "مريم" : بس برضه ..
قاطعها "زين": مفيش بس فى دنيتنا دى الل عايشنها ,,مفيش بس الل حصل حصل خلاص مش يمكن اتفيدت بعدم دخولى الكليه وان طريقى حاجه تانيه غير كده احنا منعرفش الغيب فيه ايه لكن الل نعرفه اكيد هى الفرصه الل بتجيلنا ناخدها ونستغلها ازاى وبعيد عن كل الرغى دا انتى دخلتيها يعنى واحد فينا حلمه اتحقق احسن بكتير من احنا الاتنين بلح ونقعدلهم قدام بابا المطعم مادين ايدينا لله ولا ايه ..؟
ملامح الزعل ع وجهه "مريم": وانت وموهبتك حرام تضيع ..؟
_ ومين قالك هضيعها انا هستمر فيها واديكى قولتى موهبتى يعنى هوايتى يعنى حاجه بحبها والل بيحب حاجه مبيسبهاش بسهوله ومش معنى هيكون معايا اله الحاسبه ومسطره يعنى خلاص .. هروح الكليه الصبح عادى وبليل فى الدنيا بتاعتى فوق السطوح .. الخن بتاعنا ... مركز ابداعتنا
بملامح حزن اترسمت ع وجهه "مريم" : بس كده حرام
اقرب منها "زين" وابتسامه ع وجهه : _ يعنى هى جت عليا ... مصر كلها محدش بيدخل كليه هو حاببها واهو تعليم علشان لما الواد من دول يحب يتاهل بيسالو معاه شهاده ايه يا حبيبى يقولهم بلا فخر معايا كذا كذا تحسى كده هيسالوه ع الجوده وكام فولت وبتشحن ذاتى ولا لا ... يا ستى فكك المهم بعيد عن اجبار الواقع الل احنا بنعيشه فى طرق تانيه نهرب بيها وان الواحد ميستسلمس ويكمل ف حلمه وانا هكمل ف هوايتى يمكن مكتوب ليكى تشتهرى علشان تبقى واسطتى ولا هتنسينى ها ...
ابتسمت "مريم": انا اقدر فى حد ينسى روحو داانا كنت رايحه اكل فكرت فيك قلت ناكل سوا
_طيب يلا علشان انا جعان
تذكرت "مريم" السجائر بنبره غضب : ومتشربش النيله دى تانى فاهم
_ يا ساتر لما بتتحولى كنتى كيوت من شويا وزى نسمه الفجر قلبتى ساعه الذروه ليه كده حاضر ..حاضر
_ واعمل حسابك اول ما هنرجع البيت هننزل نجرى علشان تطرد السموم دى واتاكد انك مبتشربش من ورايا
ضحك "زين" بتختبرينى ماشى وليه استنى لما نرجع اهو ..
وانطلق "زين" جرى متوجها الى الشاليه واتت وراءه "مريم ودخلا الشاليه وتوجهه "زين" الى غرفته ونظرت " مريم" بخبث ل "كريم وتوجهت ببطئ اليه :
_ انت واحشنى اووووى يا كيمو
تلجلج "كريم" : وانتى كمان يا ميما والله
_عارف يا حوده
_ خير يا ميما
_ بره لاقيت اتنين بيدخنوا فى الجو الجميل دا وشبه "كريم" و "زين "
توتر "كريم" : نعم احنا
ضحكت " مريم" : لا ماهو مطلعوش انتم هو لو طلعوا انتم كنت هسيبكم ..
ضحك "حوده: اه كان زمان المصيف كله عرف من صوتها
مالت اتجاه "كريم" وهمست له: المرادى هعديها المره الجايه مش هتنازل ع انك انت وزين تتعلقوا بره وحوده الل هيعلقكم
ضحك "كريم" ودخلت "مريم" الى غرفتها لتبدل ملابسها :
لاحظ " محمود" تقرب "كريم" من "مريم" اكثر : كانت بتقولك ايه ؟
_اسرار ومينفعش افتن ع فكره
غمز "محمود" : اسرار بينك وبينها .. هو ف حاجه ولا ايه ؟
_ وهو جديد هيكون فى بينا اسرار اخرج انت
_ طيب هخرج .. وع فكره واضح اوى انك بتشرب سجاير بس انا مستنى فعلا اقفشك انت و "زين" متلبسين ووقتها هعرفكم ايه الل هيحصل
ذحك" كريم" قلبك ابيض يا حوده
_ ها مقولتليش ناوى ع ايه ؟
_ كنت هكلمك بس لما يعدى يومين تكون ارتحت شويا
_لا اتكلم .. نويت ع ايه هتيجى معانا المطعم
_ المطعم كفايه عليكم مش محتاجه لحد تالت
_طايب نويت ع ايه فلوسك موجوده ف البنك ب اسمك كامله انت حر التصرف فيها
_ بجد يا محمود مش عارف اقولك ايه شكرا ع كل حاجه عملتهالى واهتمامك بيا وحبك ورعايتك ومسئوليتى الل اتحملتها وانك مفرقتش بين وبين "زين" بالعكس عاملتنا بالمثل وانك مااخدتش جنيه من فلوسى واتحملت انت مصاريفى من فلوسك ..
_ متقولش كده هزعل ..انتم الاتنين اولادى وغلاوتكم واحده عندى ولو ب ايدى اكتر من كده كنت عملت ,, بس المهم مقولتش هتعمل ايه فى الل انت عاوزه انا معاك ومش هعترضلك ..؟
_ نويت افتح شركه سياحه
_كويس .. ولاقيت مكان ولا ادورلك فى عماره جنبنا مبنيه فيها شقتين ناخدهم و ..
_ لالالا انا مش هقعد فى الاسكندريه
تعجب محمود: نععم ..ليه .؟
_انا اخدت ع القاهره واهلها واماكنها ومتقلقش هبقى اجى اقعد معاكم
_ الل يريحك
_تسلملى ..وانا هعرفك كل خطوه اكيد
_ ياريت وبلاش مفاجاءات تانى
_ لالا متقلقش مفيش مفاجاءات تانى
يغمز "محمود" ل "كريم" : طيب مش ناوى ع الخطوه التانيه ؟
_ خطوه ايه دى
_ خطوبه .. جواز ... داانا وانا قدك كنت مرتبط ب سوسن واتجوزنا
ضحك "كريم" : لا لا مش دلواقتى
_ مش دلواقتى ولا هتفاجئنى بجوازك زى المره الل فاتت ,, عارف يا "كريم" لولا "كرم" لحقنى وهدانى كنت هسافرتلك فرنسا ,, الاقيك بتكلمنى بتقولى انك اتجوزت وهتسافر فرنسا وتيجى مره واحده بمراتك الفرنسيه دى ال لا ليها طعم ولا ريحه وبعدها بسنه القيك قدامى تقولى طلقت هو انت كنت فى جوازه ولا فى رحله ..؟
اتنهد "كريم": قرار متسرع فى وقت غلط ودى النتيجه
_ طيب علشان متكررش الغلط دا تانى اخطب كده دلواقتى وتتجوز بعدين ايه رايك ؟
_ شكلك منشلى ع عروسه .. مين ؟
حرك راسه اتجاه باب غرفه"مريم " ونظر "كريم" ب استعجاب : نعم .. مريم
_ ومالها مريم .. تربيتنا وعارفينها ..مش احسن من غريب يجى يدخل وسطنا تانى وتجرب حظك تانى ,, من زمان وانا بفكر انت و "مريم" لما تكبروا نجوزكم لبعض اكيد مش هتلاقى احسن من "مريم "
نظر "كريم" بتعجب : مش هلاقى احسن من "مريم" اخت ,, لكن زوجه لا لا مريم اختى مش هينفع
_ ماهو مش هينفع لا انت ولا "زين" ,,"زين" اكيد مش هينفعها لانه اخوها و..
نظر "كريم" متعجبا ل "محمود " :انت ليه قلبت ع خالتى ام عدالات الخاطبه كده " مريم" دى اختى الصغيره زى زين بالظبط احنا التلاته اخوات
_يعنى مفيش حاجه ناحيتها كده ولا كده ؟
_ اكيد فى ..حب واحترام وتقدير وخوف عليها لانها اختى الصغيره يا محمود
ملامح "محمود" تغيرت وهمس : فكر تانى يا "كريم" صدقنى مش هتلاقى زى "مريم"
تحدث "كريم" بنبره عصبيه :وانت ليه تختار مصير حياه غيرك ,, "انا و "زين" و "مريم" احرارنختار نكون مع مين ولا نعمل ايه مدام مبنعديش حدودنا ..انت سيبتلنا حريه الاختيار كمل مشوارك ومتحكمش ع حياه حد فينا ,, واوعدك مش هكرر غلطتى تانى لو دا الل قلقك
نظر "محمود" ل "كريم" نظره حيره وعدم اقتناع : طيب وغلاوتى عندك ادى نفسك فرصه و فكر وهى موجوده اهو ,,فكر تانى ع انها مش "اختك" وشوف هتوصل ل ايه .. ماشى
شعر "كريم" ان " محمود" مصمم ع فكره مش هيتنازل عنها
_ طيب " يا محمود" طيب
فى هذه اللحظه خرجت "مريم" بعد ان بدلت ملابسها " : يلا يا زيزو هننقض ع الاكل اهو
خرج زين مسرعا : استونى
وجلسا كلا من زين و مريم و كريم يتناولا الطعام ثم قام "كريم" واحضر الفاكهه وكانت "مانجه " فرحت "مريم" بيها جداا :
_ الله .. اشتريت مانجه والله كان نفسى فيها كنت هبرشطت ع "زيزو" يروح يجبلنا
ابتسم "كريم": انا عارف انكم بتحبوها فقلت اجيبها ونزروط مع بعض
نزلت " مريم " وقعدت ع الارض نظر لها "زين ":
_ ما تبقى زى الناس الطبيعيه وكلى وانتى قاعده ع ترابيزه
نظرت له "مريم": مبعرفش بحس انى متقيده وانا عاوزه ابقى براحتى
نزل "كريم" وقعد بجانبها وبالتالى نزل "زين " وهجموا ع المانجه نظر "زين" ل "مريم" وهى بتفترس المانجه :
_ براحه يا بنتى انتى زروطتى نفسك خالص فى حاجه اسمها معلقه وسكينه
_ ليه يعنى هو فى حد غريب وغير كده علشان تستطهم المانجه لازم تتزروط كده..؟
ضحك "كريم": خليها براحتها دى عسوله اوى وهى مزروطه كده
ضحك "زين": عارفين الواحد فعلا لما يجى يرتبط بواحده لازم يتقبل خمس حاجات ( اكلها_ رغيها_مناخيرها_ صوتها _ شكلها وهى بتاكل المانجه ) غير كده شكاليات صدقونى استمرى يا ميما استمرى ويلا الحقلك مانجايه بدل ما هتعضنا ,,
ضحكوا الجميع وسط مزحات زين ولماضه مريم وينظر "محمود" ليهم من بعيد وفكره ارتباط "كريم" ب "مريم" مسيطره عليه اكثر واكثر عندما يشاهدهم ...!
مر يومان وعادا "محمود" و "سوسن" الى الاسكندريه وظلا كلا من "كرم وسناء وزين ومريم وكريم " فكانا يستمتعان بالجو والروقان والحفلات والتجمعات ,,تصادقت "مريم" ع مجموعه بنات عرفت بالصدفه انهم التحقوا بنفس الكليه "فنون جميله " وتجمعا فى حفله Dj ووقفا سويا :
_ انتى مستمعته اوى يا "ميما" الل يشوف كده يقولك عليكى مش اسكندرانيه ..؟
_ ماهو انا لازم استمتع مش حكايه بحر ما اسكندريه فيها بحر لكن الفكره انك مع ناس بتحبيهم ومتجمعين مع بعض بتعملوا كا حاجه وتضحكوا وتلعبوا وتاكلو كده يعنى المتعه الحقيقيه يعنى ,,
_ اهااا .. يعنى بتشوفى الحاجات بنظره جميله علشان تبقى مبسوطه
_ايوه بالظبط كده ..
اقترب منهم "زين" : مساء الحاجات الحلوه
_ اكيد عارفين "زين" اخويا
_اها اهلا ..
_ اهلا بيكم .. الساحل منور
ضحكا البنات استكمل "زين" حديثه : ما تيجوا نشرب حاجه ع حسابى انتم زى اخواتى
ضحكوا الفتيات ف استعجب زين : انا بكلمكم بجد
ردت احدى الفتيات: احنا مصدقينك اننا اخوات انت مكدبتش لانك شويا هتكتشف انك كنت مشربتش نيدو ولا جهينه خالص فبالتالى هنطلع مش اخوات فى الاخر
نظر "زين" بضيقه وغيظ ل "ميما " وضحكت : اصحابى ولازم اقولهم انك رضعت طبيعى زى بالظبط ف انا وانت الاخوات مش مع حد تانى
خبط "زين" مريم على كتفها : يلا ياام لسان طويل
استكملا اجازه المصيف وعاد الى الاسكندريه ,,
فى ليله اول يوم كليه ذهب "زين" الى "مريم" فى شقتها خبط ع الباب اوضتها ودخل
_ زيزو
_ شوفتينى وانا مؤدب وبخبط و ... ايه كل الهدوم دى انتى هتطفشى ومش هتكملى تعليمك
_ يا سلام خفيف.. لا بختار هلبس ايه بكره ..
_مش معضله يعنى اضربى اى حاجه انتى رايحه تتعلمى مش رايحه تصورى فيلم
_اى حاجه ايه دى كليه واكيد اغلب البنات لابسه شيك وحاجه حلوه كده
_ ع فكره دى كليه مش نادى ,, البس كل ما كان بسيط ومناسب لل لابساه كل ما بيكون احلى وبيجذب اكتر البسى الل يناسبك ..
وقفت "مريم" محتاره وبتبص ع الهدوم :اممم مش عارفه ..؟
اقترب ليها "زين" : طيب وسعى كده وانا هظبطلك طقم متقوليش لعدوك عليه
ضحكت "مريم" خالتى عدالاات عندنا ..
_ وسعى يا بنتى كده اكل العيش مش بالسهل
ضحكت مريم واستمر "زين" فى البحث فى ملابس "مريم" وتجهيز طقم ليها .. جهز الطقم :
_ اهو كده كله تمام نامى بقى
_ ميرسى يا زيزو يخليك ليا
_ متتاخريش هتصحى هتلاقينى فى وشك
_ متقلقش هكون جاهزه
بطرف عينه ينظر اتجاه المكتب وجد صوره معلقه لشخص اقترب منها ونظر فيها بتركيز: مين البونبونى دا ؟
_ دا "ايهاب مختار "
_ وظيفته الكونيه ايه يعنى ..؟
_ دا فنان
_ يعنى زى ايهاب توفيق وانتى من امتى بتحطى صوره حد فى اوضتك انتى عاوزه تتلبسى وتبقى "مريم" الل لابسها جوست ها
_ انت رخم بشكل ... دامثلى الاعلى وسبب حبى فى فنون جميله و ..
شعر "زين" بضيقه: مين يااختى ,, فكك من الهرى دا كله وشيلى الصوره عاوزاها ضرورى حطي مثلك الاعلى فوق فى المرسم فوق مع باقى ادوات الرسم بتاعتك هنا فى اوضتك علقى ايه قرانيه تنفعك فاهمه ..قال مثالها الاعلى قال وهى قزعه كده حرمان طول دا ولا ايه مش فاهم انا
_ طيب متزعقش ..
_ يلا اتخمدى بقى .. قال ايهاب توفيق قال
_ ع فكره اسمه ايهاب مختار
_ انا الل هختارك وهوصلك الاخر ع السريع اتخمدى ..
خرج زين ماسك الصوره وذهب الى المرسم وضعها فيها ونزل نام ...!
تجهزا لذهاب ل اول يوم فى الجامعه اولى كليه لكلا من "زين" و "مريم"
استيقظت " مريم" تجهز ما هترتديه ارتدت ملابسها وخرجت من غرفتها وجدت "زين" فى انتظارها بنبره مبهجه وابتسامه : صباح الخير
نظرا لها "زين" ب استغراب: هو انتى رايحه فين ..؟
_ الكليه
نظرا لها مره اخرى من اول راسها حتى اخمص رجلها : ودى واحده رايحه كليه ولا رايحه تتصور
_نعم ...؟
نظر "زين" الى " سناء " : سورى يا "سناء " مقدما
ثم نظر الى " مريم " وبنبره عاليه : نعم الله عليكى يا حليتها .. ايه اللى لابساه دا سكينى مقطع عند الركبه وتيشيرت قصير وكعب عالى ..كعب عالى يا ميما وايه رابطه محمود المليجى فى فيلم الارض دى هو انتى خارجه من حمام ايه الاستهبال دا
تفاجئت "مريم":فى ايه يا زين عجبنى وعادى يعنى هو انا جايباه اعلقه ف الدولاب
_ لا جبتيه علشان قولتى نفسك تجربيه واتفقنا انك هتلبيسه فى المرسم بس برغم انى كنت رافض بس خليتك تجيبه علشان متزعليش لكن متوصلش بيكى الحال انك تلمى الشباب وراكى كده امشى غيرى الهدوم دى والبسى الل اتفقنا عليه امبارح ..
بتعجب :نعم..؟
بنفس النبره العاليه : سورى يا سناء لتانى مره .. نعم الله عليكى يا حليتها .. ماانا اهو اختارتى التيشيرت والبنطلون حتى الشوز والشراب من اختيارك والنضاره الشمس اهى متغيرش حاجه البروفيوم متغيرش اشمعنى انتى ترجعى ف كلامك .. يلا يا حبيببتى غيرى هدومك
وقفت "مريم" ساكته نظر لها "زين": براحتك انا معنديش مشاكل مرحش الكليه انا صايع اصلا
نظرت "مريم" الى والدتها لتتدخل ف الكلام فرات علامه راحه ع وجها كموافقه ل كلام "زين : يعنى عاجبك
ردت سناء مبتسمه: ومن امتى الل بيدخل بينكم بيبقى كويس ..ال داخل بينكم خارج انتم حريين مع بعض
تحدث بثقه "زين" : ايوه بقى يا سنسن .. يلا يا بت غيرى هدومك بسرررررررعه
ادارت "مريم" ظهرها وتبرطم ببعض الكلمات : عيل رخم وغلس وتنح
اقترب منها خطوتين : خير بتقولى حاجه ..؟
بلهجه عصبيه: هغير بسرعه اهو
تحدث "زين" بكل ثقه :شيلى المولد الل عاملاه فى وشك وفى نفسك و10 دقائق اتاخرتى بعدهم مفيش كليه انهارده .. خلص الكلام
ولان "زين" حديثه وكلامه تنفيذه قاطع لدى "مريم" فعلمت ان اى دقيقه تأخير حقا ستكون فى غير مصلحتها فسريعا توجهت الى غرفتها وبدلت ملابسها وخرجت مرتديه بنطلون جينز وعليه قميص طويل وشوز وحجاب مغطى رقبتها وبدون ميكب الا بسيط ..: كده كويس
ابتسم "زين" ايوه كده ارجعى الحاجه" مريم" الل نعرفها والله ليكى وحشه يا حاجه
_ عيل رخم
_بعد كده متغيريش كلامك علشان بيتقلب عليكى وزى ما كلامك بيتسمع اسمعى الكلام ايه كبرتى ودخلتى كليه ولا ايه انتى لسه عيله
_ ايه الثقه دى ..؟
_ اخوكى الكبير
_ مكنوش 7 شهور ياحسره
_ اكبر منك بيوم يعرف عنك بسنه لو هنحسب الشهر فى كام يوم و,, لو عندك وقت نقعد نحسبها عادى
سريعا: انا غلطانه انت الكبير الكبير اوى يلا
_ايوه كده يلا ,,,
نزلا من منزلهما واوقفا تاكسى وذهبا الى كليه "فنون جميله" لاحظت ميم دخول "زين" معها : انت رايح فين كليتك مش هنا ..؟
_ وهو انا هسيبك اول يوم لوحدك فى معتقل الوحوش دا لا طبعا اطمن عليكى انك مع صاحبتك المزه الحلوه وجدول محاضراتك ايه والدنيا عامله ازاى وهمشى ...انا نازل وفى نيتى محضرش عندى يعنى عادى هقعد ع قلبك لانى عارف تخطيطك ..
نظرت له "مريم" :تخطيط ايه ؟
_ واحد ظريف لطيف يكون زميل يجر كلام فتتهببى تعجبى بيه ماهو اغلب الل جايين مش لتعليم جايين لتظبيط والبنات تتظبط قليل الل تلاقيهم مجتهدين هتلاقيهم باين عليهم كده تيجى تكلمى واحده فيهم هتعضك دول بقى ركزى عليهم وصاحبيهم لانى بيعملوا عازل عن اى استظراف
ضحكت " مريم" مش لدرجه دى انا مش بحب ع نفسى يعنى ..يلا امشى ومتقلقش
_ بلاش حد يدخلك انه معجب بالهنود والروايات وشاروخان تروحى تفتحيله الكلام ويزيط
_ متقلقش انا مش صغيره
_ لالامش همشى غير لما اطمن مش بعيد واحد يعملك فيها شاروخان ولا عباس خان
_مين عباس خان ..؟
_انا معرفوش بس اكيد فى الهند عندهم عباس مش احنا بس اصل ..
قاطعته "ميما": انت هتحيكلى تاريخ الهند يلا امشى ومتقلقش
_والله ابدا .. رجلى ع رجلك امشى يلا
دخلا الى الكليه وبحثت "ميما" على اصدقائها ومعها "زين "
_ اوقف هنا هما جايين دلواقتى
نظر "زين "حوله : ايه عرض الازياء والالوان الفسفوريه دى .. دى بتنور الصبح
_ ملكش دعوه بحد خليك ف نفسك يا رخم
_ لالا استنى بصى الل لابسه كعب ومش عارفه تمشى بتتنيلوا ليه مدام مش عارفين تتنيلوا
خبطت "زين" لان صوته كان عالى : اخرس بقى
نظر الى احدى الفتيات : ايه الميكب دا دى واكله كيلو جبنه
للحظه اقترب "زين" من الفتاه : لو سمحت سؤال
_ اتفضل ؟
_دى جبنه اسطمبولى ولا براميلى هاهاهاهاها
اتحرجت الفتاه وضحك زين ومريم والبنات عندما شاهدو المشهد
_ لم نفسك وامشى بقى هتعملى مشاكل من اول يوم ؟
_اهو شوفتى لو كنتى عملتى مولد عبده فاشون اللى كنتى فيه الصبح كان زمانك متعرضه لموقف سخيف من واحد سخيف كده
نظرت له "مريم" : الله .. الاعتراف بالحق فضيله انت قولت سخيف يعنى انت سخيف صح ..امشى بقى يا سخيف
واحده من الفتيات : لا متقوليش كده يا "ميما" دا "زيزو" سكر
غمز "زين" للفتاه وذهب اتجاهها: والله ماحد فاهمنى غيرك يا " تعالى اعزمك ع حاجه ساقعه واهو نعرف طريق مستقبلنا رايح ع فين اقصد الكافتيريا ..؟
_ اوكيه
"مريم" بصوت عالى : خلى بالك هيقولك اخوات وبتاع
نظر لها "زين" بغيظ: ماهى عارفه ياخفه
تحرك "زين" مع صديقه "مريم " ووقفت مريم مع باقى صديقاتها:
_ زين فقر اوى
_ جداا هو انتم شوفتوا حاجه منه
_بس ازاى اخوكى يا ميما واساميكم مختلفه
_ بالرضاعه واراهنك هترجعى نانا هيقولها انا الل شربت اللبن كله وفاضلى خرطوم وابقى فيل صغير
ضحكا البنات: عسل
_تعرفوا يا بنات انا مش مصدقه نفسى انى دخلت الكليه اه اول يوم ومعرفش الدنيا ازاى بس فرحانه اوى
_ واحنا بس شكلك متحمسه اكتر ..؟
اخرجت "مريم " موابيلها وتصفحت الانترنت واظهرت لهم صوره : هو دا السبب "ايهاب مختار "
تفاجئو البنات: "ايهاب مختار"
ابتسمت "مريم": حبى لفنون جميله وعاوزه ادخلها لانه هو اتخرج منها يعتبر من الفنانين الل بتابع اعمالهم رسام ممتع ف رسماته ابداااااع
_ بصراحه انا سمعت عنه انه كان من المتفوقين هنا فى الكليه ..؟
ابتسمت "مريم" : جدااا هو بره مصر بس بجد امنيه حياتى مخلصش الكليه غير لما اشوفه حتى لو من بعيد
ف اللحظه اتى "زين" : مين دا الل عاوزه تعمليله باى باى ..؟
توترت "مريم" واغلقت هاتفها: ملكش دعوه
نظرا الى البنات : ايهاب مختار صح
ضحكا البنات : عرفت ازاى
_ماهى لما تقلب وردى وردى بيبقى هو دا ناقص تعمل بوستر ع تيشرتاتها لصورته
مريم خبطه ف دراعه: يلا امشى روح كليتك ...
ضحك: ماشى واستنينى هعدى عليكى نروح سوا
ذهب "زين" نظرت " مريم" ل صديقتها : قالك عليا انى فيل وناقص خرطوم صح
ضحكت الفتاه: بصراحه اه
بغضب: الجزمه ... وهو شبه غفر السواحل لما اشوفه
ضحكا البنات وذهبوا ليروا جدول واماكن المحاضرات ... !!
اندمج بسهوله "زين" فى كليته وتعرف ع اصدقاء بسهوله فتيات وفتيان وكان بين فتره والاخره يذهب الى "مريم" ليطمن عليها وع صديقاتها ... مر الترم الاول وقبل الامتحانات كانت حفله راس السنه تقترب وكالعاده يقيموا احتفالا بها كل سنه فى المطعم وفى هذه الحفله عزمت "مريم" صديقاتها و"زين" اصدقائه وكانا ف نفس الوقت يعملا ف المطعم لمساعده بسبب تكدس الزبائن ,, مرت احتفال راس السنه وكانت " مريم" جالسه فى حجرتها اتت رساله الى موابيلها ردت ع "زين "غاضبه : ايه كل دا انا جعانه
_البسى بسرعه وانزلى
_ انزل ايه بقولك جعانه هعضك لو شوفتك
_طيب اسمعى كده
حاولت "مريم" ان تستمتع بعنايه
وبنبره فرحه :ايه دا .. هى بتشتى
_ ايوه ويلا انزلى نروح الكورنيش بسرعه
وسريعا اغلقت "مريم" الهاتف ونظرت الى الساعه وكانت 2 بعد منتصف الليل ودون تفكير ارتدت ملابسها ونزلت كان ينتظرها "زين" امام العماره ,,والسماء كانت تمطر بشده وف جريا فى الطريق الى الكورنيش ووقفت "مريم" فاتحه ذراعيها وتنظر لسماء كانها تحضن كل قطره اتيه من السماء وتجاهلا الناس "مريم" و "زين" وقاما بالقفز والمرح وكان قطرات المطر معزوفه موسيسقه يرقصون عليها .. وكالعاده عاد ملابسهم ممتلئه من مياه المطر وذهبا سريعا لتبديلها وكالعاده اصبهما هما الاثنان نزله انفلونزا وابتدا اعراضها العطس ,, فكان فى شقه "مريم" عاد "كرم" و "سناء: من المطعم وجدوا "زين" و "مريم" جالسان امام المدفاه يتناولون البتيزا وفى نفس الوقت يعطسون ويضحكون :
تحدث "كرم" متعجبا: مش قلتلك اكيد اكيد نزلوا تحت المطر زى كل مره
سناء مبتسمه: عادتهم ولا هيشتروها
نظر لهما كرم: انتم مجانين برضه نزلتوا ف الجو دا
الاثنين فى نفس واحد :حلى جو وهى بتشتى يااااااااااه
نظر لهما "كرم" بتعجب وابتسامه تعلو وجهه "سناءمرددين :اتنين مجانين واتلموا ع بعض
انتهت امتحانات الترم الاول والله بالسرعليم واتى الترم الثانى وفى يوم "مريم" فى كليتها انتهت من المحاضرات وارادت ان تذهب الى الكافتريا فذهبت هى واصدقائها منتظره "زين"
وهما جالسون اذا فاجاءه ظهر "زين" محملا بيتزا وبيها شموع متجها الى "مريم " قائلا :
haza baza to you
haza baza to you mema
haza baza to you
haza baza to you mema
تفاجى الجميع بطريقه الاحتفال البيتزا بدون تورته ولا جاتوه ففرحت "مريم"
_ ايوه بقى وانا قولت نفضتلى الصبح ومقولتليش كل سنه وانا طيبه قلت هتفاجئنى بليل
ضحكا "زين" وهو انا اقدر داانتى ممكن متدخلنيش الشارع بتاع بيتنا وتطلقى عليها الكلاب يعضعضونى قادره وتعمليها
ضحكا الواقفون .. : يخرب عقلك مكنتش اتوقع توسع منك كده
_ وهو انا عندى كام "ميما" هى واحده متقلقيش عملت حساب اصحابك اهو يلا كل واحده بيتزايه وحاجه ساقعه يلا ندمر القرشين الل حوشتهم بقالى 6 شهور علشان "ميما "
تدخلت احدى صديقات "مريم" : بس عيد ميلاد ببيتزا دا ازاى
ضحكت "مريم" .. ف اجاب "زين" : العيد ميلاد ايه غير انك تشوفى حاجه بتحبيها ودى هديتى ل ميما ..
ميما تحرك راسها ضاحكه: فعلا..احنا مختلفين فى هدايانا احنا بنرضى معدتنا الاول
ومتستغربوش عيد ميلاد "زين" كمان شهرين هتشوفوا هديته ايه وشكلها ازاى والمرادى هتبقى لايف زى انهارده كده
ضحكا "زين" : وكترى الشطه
ضحكا الجميع ع تصرفاتهم الطفوليه ف استكملا احتفالهم بعيد ميلاد "ميما" ثم عادا الى المنزل ثم ذهبا الى السطوح كلا منهم دخل الى عالمه الخاص فى ورشته ..!
جاء شهر رمضان شهر الخير والبركات شهر الموده والرحمه والغفران .. شهر الروحانيات .. كان شهر رمضان لدى "زين" و "مريم" مختلف عن اللمتوقع منهم نوم واكل وتليفزيون ولكنه كان مختلف ...:
اول يوم سحور تجمعا الاسرتين ف منزل "كرم " وجلسا ع طاوله واحده :
جلس زين: انا جعان اوووى
ميما متداخله: انا من دلواقتى عطاشه
ضحكا محمود: قال يعنى هتكون صاحين النهار دا انتم هتناموا ل قبل المغرب هتصحو
كرم: لا ينسوا كده اومال مين الل هيوزع الوجبات
مريم وزين نظرا لبعضهم: اه صحيح
سوسن تحدثت: الساعه 5 هتيجوا المطعم الاكل هيكون جاهز ف العلب تاخدوه وتوزعوه
سناء: وترجعوا تفطروا معانا
تدخل زين: لا انتم تعملولنا وجبتين ذياده لاننا هنفطر ف الشارع
مريم: اه يا دوب نلحق نرجع البيت نغير هدومنا وننزل التراويح ف المرسى ابو العباس
تناولوا السحور ...: انا هروح اخد دش ع السريع واصلى واقرا قران شويا وبعد الفجر نطلع فوق تمام ..؟
ردت "مريم" : اوكيه ..
رجع "زين خطوتين": ميما
_ ها
قرب منها وبيهمس : فى حاجه عاوز اسالك عليها وعاوز اتاكد ؟
_ خير ..؟
_ هو انتى هتصومى ولا زى كل سنه هاهاهاهاهاهاها
نظرت له "مريم" وضحكت: اكيد طبعا زى كل سنه غور من وشى بسؤالك المستفز
_طب اعملى حسابك الصبح هشوف لسانك هاهاهاهاا
مسكت "مريم" مخده: امشى بدل ما اضربك يارخم
وذهبا الى مرسمهم وورشته واشرقت الشمس واستيقظوا ف تمام الساعه 3 وارتدوا ملابسهم وذهبا الى المطعم واخدا العلب وذهبا لتوزيع وجبات الافطار فى الاماكن المتفرقه :
زين متحدث مرهق: مش كانوا عملوا مائده رحمن عند المطعم كان اهون من الشحططه دى
مريم : وانت تعبان ف ايه انت راكب عربيه وياريت انت الل بيتسوق ف اسكت بقى
زين متعبا: الحر فرهدنى يا ميما فرهدت وعطشااااااااان
ضحكت مريم: احسن علشان انا قلتلك مهما تحاول تشرب ف مايه هتعطش برضه حسستنى انك جمل
زين ضاحكا: العقل الباطن قالى اشرب يمكن ترتوى لكن الل شربته من هنا راح ف الحمام من هنا انا اتصفيت يا ميما من قبل ما انوى الصيام
ضحكت "مريم: متركزش ف عطشك ركز ف الل بتعمله هتلاقى الوقت عدى
زين ضاحكا: ماشى ياست الحاجه ..لكن اعملى حسابك انتى الل هتعدى ع شقق العماره بكره تلمى الوجبات
_ طااااايب
ذهبا ووزعا الوجبات وعاد بعد الاذان تناولا وجبتهم ف الطريق العوده وبدلا ملابسهم وذهبا الى صلاه التراويح ثم انتهوا منها وعاد الى منزلهم وتحدثت مريم مع صديقتها ع الموبيل
_ شوفتى يا ميما مسلسل الساعه 8 جامد
_لا مشفتش
_ ولا بتاعه الساعه 9
_ ولا حتى بتاع الساعه 10
_ وليه كده دى مسلسلات جامده
_انا اصلا مبتفرجش ع مسلسلات ف رمضان الاعلانات بتبقى اكتر من المسلسل نفسه وشلل ومرار طافح
_ يعنى مش بتشوفيهم خالص
_ لا لو شدنى مسلسل ممكن اتفرج عليه وقت السحور كده وغير كده المسلسلات كلها ع النت يعنى سهله تتجاب ..الحلقه بتكون 34 دقيقه وتتعرض فى ساعه ونص وساعتين وكله تضيع وقت ممكن تستفيدى بيه فى حاجه ..
_ ع رائيك فعلا .. بيبقى حاجه رخمه انا بقوم ف الفواصل اصلى واغسل المواعين وبيكون لسه مخلصش الفاصل
_ الفواصل دى معموله علشان تخلص علينا .واعلانات ايه غير نصها تبرعات والنص التانى اعلانات عن كموبنتدات .. يعنى بيحبوا ياكدولك ان مصر مقسوم ل اتنين فئه مش لاقيه العلاج وفئه محتاره تروح انهى كمبوند حاجه في منتهى السخريه والقرف .. وبيستنزفوا مشاعر الناس ف اعلانات التبرعات المشكله ان اغلب الل بيتفرجوا تلاقيهم داخلين جمعيه علشان يجيبوا حاجات رمضان والعزومات .. تلاقيهم بقى بيتفرجوا ع الاعلانات دى وعمالين يضحكوا مش استهزاء لا بيضحكوا ل سخريه القدر انهم لا معاهم يساعدوا حد ولا معاهم يجيبوا كمبوند لحد.. بيعلوا طموحات الشباب اوى ف بلد والحال ماشى بالعافيه
_ايه يا ميما انتى هيتبلغ عنك كده خلى بالك ..
_ حتى الاعالانات بقت بتزعل .. علشان كده انا فكانى من التليفزيون حلو او وحش ..
_طيب هسيبك بقى علشان المسلسل بدء
ضحكت مريم" ماشى ياستى هاف فان
واغلقت "مريم" هاتفها وتوجهت الى الحمام توضئت وصلت وفتحت المصحق تقرا فيه وقبل ان تقرا ارسلت رساله ل زين " انا هبدء قرايه دلواقتى وهنشوف بقى "
رد عليها زين " انا كمان .. ربنا يتقبل يااختى "
تانى يوم ذهبت "مريم" ل جمع الوجبات من سكان العماره وقفت عند شقه وتحاول ان ترسم ابتسامه ع وجهها ودقت الجرس : مساء الخير يا طنط
_ مساء النور يا حبيببتى
_ العلبه جاهزه
_ اه ..اهييه ..كل رمضان وانتم بخير
_وحضرتك طيبه
_ بس الموضوع دا بيتعب يا ميما مش كفايه الاكل الل بتطلعوه من المطعم داانا سمعت انها عربيه كبيره مليانه .. متهيالى علبتى ولا علب العماره هتفرق حاجه
استغربت "مريم" من طريق الحسد : لا يا طنط تفرق اكيد.. كل واحد بيعمل بنيته واكيد الل هياكل من العلبه بتاعتك وهيدعى دعوته هتجيلك انتى لانك صاحبه العلبه بعيده عن مين الل اداها ,,دا خير ومساعده لناس كتير مش لاقيين يفطروا وبعدين هو حضرتك صعبان عليكى شويا الاكل دول
_ لالالا يا حبيبتى الف هنا لل هياكل ..مش هعطلك
_ وانا برضه بقول كده
ونزلت "مريم" وملامح الضيقه ع وجها ..نظرا " لها "زين : مالك .. فرهدتى صح
_ الست الل ف الدور ال4 دى بتطلع الحاجه من لحمها
_ اها عارفها الل لما روحت طالبت منها حق شنطه رمضان زى باقى العماره عملتلى حوار وقالت كفايه العلب بس انا مسبتهاش
_دى لتاته اوى يخربيتها
ضحك زين" :اللهم انك صايمه كده هتضيعى صيامك واحنا لسه ف رمضان اوله
ضحكت مريم": كله منك خلتنى اتصدر لناس ولا بلاش
زين ضاحكا: ايوه كده يلا بينا
_يلا بينا
وتحركا الى المطعم لجلب العلب المجهزه والذهاب لتوزيعها كالعاده ...
وكان رمضان هكذا لدى "مريم وزين" يتشاركان فى كل لحظه سويا من اول اليوم حتى منتهاه ...!
______________
يتبع
لايك ورايكم
ياريت الل بيقروا فى صمت ومبيعملوش كومنت يعملوا لايك ع الاقل اعرف عجبت قد ايه من المتابعين فضلا وليس امرا
ليست هناك تعليقات:
إرسال تعليق