(4)
كانت "ندى" على طول بتزن على "حبيبه" تتفرج معاها على درامات الكورى وكانت "حبيبه" مبتحبش تزعلها فكانت بتتفرج معاها مره اه ومرتين تهرب منها ب اى تلكيكه هتنام ,, هتقرا .. هتراجع حاجه .,, فكانت "حبيبه" المكان الوحيد هو البيت وغرفتها كانت ممنوعه من الخروج كتير ولوحدها تخرج بس مع "حسام" معاها او "وليد" اوقات بس فكان اقصى مكانين تتحرك فيهم وتخرج من شقتها ليهم كانوا شقه عمتها فوق ومحل باباها تحت ,, فكانت بتطلع تقعد مع "كريمه" واوقات كانت بتنزل تقعد فى محل باباها معاه واوقات كان بيسيبها يروح يصلى او عنده مشوار .. ففى مره وهى قاعده "حسام" مر عليها قبل ما يطلع شقتهم :
_ مساءو يا بوب
_ مساءو ياعم الطفشان ,,
قعد ع الكرسى وملامح وشه متغيره :
_ مالك يا حووس .. دا انهارده الخميس وسهر للفجر مع اصحابك ع القهوه راجع بدرى ليه ..
_ مليش نفسك ..
_ليه القهوه مفيهاش سكر هاهاهاها
بصلها "حسام": ايه يابت الخفه دى هو انتى بتاخدى علاج خفه
_ من قعدتى معاكو انت و"ندى" بهتوا عليا .. سيبك منى مالك ..
اتنهد"حسام": انا قابلت "شريف" صاحبى الل حكتلك عنه ..؟
_ المبصبصاتى ...ها ماله ..؟
_ البنت الل كان مرتبط بيها فاتحها فى ارتباط رسمى خطوبه وكده رفضت ونهت معاه الموضوع
_ هو كان مرتبط اصلا ..
_ اه .. بقاله سنتين ..
_ مين فيهم .. مروه ولا دينا ولا اميره ولا مين ..؟
_ لالالا بنات دى الل بتشوفى هزاره معاهم دول معرفه فيس
_ كومنتاتهم متقولش كده خالص وبعدين هزاره دا معاهم وياروحى وخدى البوسه دى والبنت الل مرتبط بيها شايفاه وساكته ولسه واخده موقف دلواقتى
_ لا ماهو مش ضايفها ع الاميل دا ..
_ كمان .. وايه الل خلاه يفكر فى خطوبه دا كان من اصحابك الل الحياه العزوبيه عجباه
_ بيقول انها انسب واحده تصونه وتكون ام ل اولاده
_ اممم ... يعنى البنات الل بيكلمهم كانوا لغرض تقضيه لكن ل استقرار اختارها
_ مش كده يعنى .. هى كانت موجوده بس مكنش مبينها ف العلن يعنى انا واتنين بس من اصحابنا الل نعرفها وبصراحه البنت استحملت كتير منه كان بيتجاهل اتصالاتها الكتير وساعات كان بيتعصب عليها لكن كان بيصالحها وكان يختفى ويظهر وكانت بترجع تكلمه عادى ودا الل استغربتله انها رفضت الخطوبه وسابته ومش عاوزه ترجع له تانى ...
_ علشان فاقت ..
_ - بس دا كان بيحبها ..
- بيحبها وطبق عليها نظريه الركن . .
- نظريه الركن ..؟
- اها .. انت عارف الابن أو البنت الل عندهم أم و أب ومتجاهلينهم لأنهم متأكدين انهم موجودين مهما غابوا عارفين انهم موجودين فبيهملوهم وبيضعوا وقتهم مع ناس تانين وفاجاءه يفوقو ع موت حد فيهم والندم الل بيحسوه ع الوقت الل ضيعوه بعيد عنهم وأنهم ركنوهم .. وزى الأخ الل عنده اخت ولا بيهتم بيها وشايف وجودها شئ مسلم به ويركنها اهى موجوده لكن يهتم بغيرها لأنه خايف ع فقدانها ف تروح اخته لشخص تانى مهتم بيها .. والبنت الل يكون عندها أخ وبعيده عنه ولما بيقرب منها بتنفره معنى اصح تركنه وقت ما تحتاجه تروحله لكن وقتها واهتمامها كله مع شخص غريب .. الأصحاب ب يكونوا مع بعض ع الحلو ولما الوحش ويظهر صاحب جديد تتفرقوا وتركنوا بعض ع أساس مهما حصل أهو انتم موجودين هترجعوا .. والحبيبه أو الحبيب يدخلوا علاقه ويتاكدوا من حب الطرف التانى ووقتها يركنوه ويروحو هما يلفوا ويدخلوا فى علاقات ويهملوه ويتجاهلوه ماهو الل بيحبهم هيستحمل و هيستناهم دا اعتقادهم لكن بيحصل العكس ... مع كل الحالات دى مفكروش أن الل بيركنوهم مش دايما موجودين فى حياتهم فى فراق بيحصل وبرود بيموت المشاعر وشرخ بيكبر ف روح العلاقات .. لما بيرجعوا مش هيلاقوهم زى ماوقت ما ركنوهم ..صاحبك عمل كده أهمل وغاب ومهتمش ورجع لقاها مش عاوزاه لأن ببساطه هى اتغيرت لأنها تعبت ..احنا بشر مش ملايكه ودا الل كتير مش واخدين بالهم منها وبيركنوها ..الخلاصه اى علاقه فى الدنيا بتجمع الناس ببعض أساسها اهتمام والتقدير والاحتواء تتخفى حاجه منهم العلاقه بتنهار ..!
_ بس دا حالته النفسيه وحشه وحاول يرجعلها وهى رافضه خالص ..
_ قوله ميحاولش خلاص لقد نفذت بطاريتها اتجاهه ..اكيد كان فى اشارات كتيره فى علاقتهم انهم بيبعدوا عن بعض وهو تجاهلها وركنها على امل انه هيشحنها فى اى وقت وسابها لغايه ما البطاريه صدت ومبقتش تنفع تشتغل تانى .. هى جابت اخيرها معاه هو حس انه ضامنها لما كانت بتستحمل تجاهله ومعاملته الوحشه وكدبه عليها هو شاف الحاجات دى بسيطه وهو غلط لان الل بيحب فى علاقته مع الل بيحبه اصغر التفاصيل بتكون اهم من اى حاجه تانيه والتفاصيل الل فيها وجع مبتعش كتير لان الروح و المشاعر وقتها بتكون بتحتضر ووصلت لمرحله البقاء لله .. احنا اصلا مش ضامنين هنعيش لبكره ولا لا ف ازاى بالعقل كده هتضمن مشاعر انسان هتركنه هتفضل زى ماهى مش هتتغير .. دى الزرعه لو مهتمتش بيها بتموت من الركنه ...
سكت "حسام" وكملت "حبيبه": انت عارف لو حصل وارتبطتوا رسمى مكنش هيتغير كان هيفضل زى ماهو وممكن اكتر لانه ربطها معاه بدبله وبعدها بعقد ودى علاقه فاشله وهى لو استمرت على اساس انه يتعدل بعد الجواز الل مبيتعدلش قبل الجواز مبيتعدلش بعده ,, فى طباع بتتحفر فى الشخصيه لغايه ما يموت .. هى عملت الصح ليها وله .. هى اخدت درسها انها تختار شخص يحتويها وتكون من اولوياته مش يركنها وهو اتعلم درس انه يحافظ على الل معاه علشان ميندمش ووقتها مش بينفع الندم .. !
_ ايه يابت يا "حبيبه" الكلام العميق دا
_ يلا اى خودعه ..بس قولى صحيح انت قولتله ايه لما عرفت ..
_عادى قولتله ياعم كبر دماغك واحده راحت غيرها تيجى
_ ببساطه كده ...
_ ماهو مش واحده الل هتخليه ينهار يعنى بنات كتير زى الهم ع القلب هيحب غيرها
_ هو انت مش شايف صاحبك غلطان وغلط فيها ..؟
_ اه هو غلط ..بس عادى يعنى حياتنا كلها تجارب
_ يعنى منصحتوش ب اى نصيحه
_ لا قولتله كبر دماغك فى غيرها هتنسيك ..
اتعصبت "حبيبه": قوم امشى .. روح شوف رايح لفين علشان هشتمك
_ ليه يعنى .. عاوزانى اقوله ايه روح قطع شراينك
_ لا حسسه بغلطه علشان لما يتنيل يرتبط تانى ميلعبش بمشاعر واحده هتتنيل وتحبه ويوجعها تانى .. ولعلمك فى حب مهما مر عليه العمر مبيتنسيش حتى لو مش شايف حبيبه قدامه لان الحب بالقلب مش بالعين يا ناصح .. لو بيحبها وخسر فرصته يسيبها تعيش حياتها وهو يصلح من حياته علشان ربنا يرزقه بحب فى حياته من غير وجع يحافظ عليه .. مبتعرفش تقول كده ..ايه الصحاب الل ملهمش لازمه دا ..
_ انتى اتعصبتى ليه ..؟
_ ايه واحده راحت غيرها تيجى حسستنى للحظه انه ملاك ومغلطش وهى الخاينه ..بتقويه ع غلطته وبتخليه ينساها ولما يدخل ف علاقه تانيه هيكرر الل عمله .. خليه يواجه نفسه يعرف عمل ايه وايه الل وصله انه خسرها وانها مش عاوزه تكمل معاها ,,فرصته يصلح من حياته وافكاره .. اى واحد فشكل ارتباطه فكك ياعم غيرها كتير واى واحده تفك ارتباطها سيبك منه تستاهلى غيره انتوا مبتفكروش فى مشاعر واحاسيس انجرحت وسنين من العمر راحت .. لا البكاء الكتير بيصلح ولا انك تركن غلطتك وتعمل نفسك مش شايفها وتعيش حياتك عادى بيصلح .. الصح بعد اى تجربه سواء مجروح او جارح تقف مع نفسك وتحاسب نفسك والغلط تتجنبه بعد كده مش تعيش كده زى ما تيجى .. مينفعش تعمم كل التجارب انها واحده لان مستويات الوجع بتختلف من شخص لتانى .. قدروا كل واحد على حسب قدره جتكم القرف ..
_ انتى غلطتى فيا صح ..
قفلت اللاب ووقفت "حبيبه": انت خنقتنى انا طالعه ..خليك هنا خالك زمانه جى واعمل حسابك هتودينى المستشفى بكره عاوزه اشوف سحر الساعه 9 تكون قدامى .
مشيت "حبيبه" بتكلم نفسها : قال واحده راحت غيرها تيجى هى كاوشت عربيه ايه القرف دا ..
ولسه هينده عليها كانت طلعت بسرعه : البت لحست خلاص ..!
تانى يوم كانت فى المستشفى تزور "سحر" وكان باين عليها اوى التعب اكتر قعدت معاها ومسكت أيديها :
بصوت مرهق : حبيبه .. وحشتينى
ابتسمت "حبيبه": انت كمان اكتر .. عامله ايه طمنينى ..؟
_ انتى شايفه ايه .. خلاص انا فى اخر محطه ..
_ لالا اخر محطه ايه انتى زى الفل انا عارفه من وقت ما مشيت وانتى زعلانه وعامله تعبانه علشان سبتك .. ارجع تانى المستشفى ونسهر مع بعض ونتمشى مع بعض تانى ..
حاولت "سحر" تضحك : لا لا بلاش انتى رغايه اوى يا حبيبه وانا بصدع منك
_ اممم مش قولتيلى احسن من الراديو بسليكى
_ المهم طمنينى عليكى عامله ايه ف علاجك مرت سنه وشايفاكى احسن
اتنهدت "حبيبه" وابتسمت: الحمد الله فى وجع وتعب بسيط بس انتى عارفه مش بستسلم انا وبشغل وقتى علشان مفكرش بتعبى ولا استسلم لنوم خلصت كورس انجليزى اونلاين "وليد" اشترى ليا مجموعه وخلصتها وحاليا بشوف ادرس لغه ايه تانيه .. واهى ايامى بتعدى بس بفايده ..
_ برافو عليكى يا "حبيبه" استمرى ع كده ومتستسلميش للتعب ولا للحزن مهما حصل وخسرتى من حواليكى افتكرى انك لسه عايشه وربنا وهبلك حياه تعيشيها ,, عيشيها من غير استسلام واحلمى يا "حبيبه" وعيشى احلامك .. متضيعيش ثانيه فى الفراغ ...توعدينى انك مش هتستسلمى وتحاربى وتقاومى مهما حصل ..
ابتسمت"حبيبه": اوعدك انى مش هستسلم مهما حصل
مطولتش "حبيبه" مع "سحر" واطمنت عليها لغايه ما نامت وغطتها وباست راسها ولحظت "وليد" واقف .. خرجوا بره الغرفه :
_ "وليد" هو مفيش اى حل شكلها تعبان اوى ..
_ للاسف هى فى مرحله متاخره اوى حتى عمليه نقل مش هينفع هى بتاخد مسكنات وربنا معاها
رجعت "حبيبه" دخلت غرفه "سحر" كانت نايمه وقفت قدام السرير باصه عليها وهى نايمه .. لاحظ "وليد" "حبيبه" وهى واقفه مبتتحركش 10 دقايق وخرجت كان "حسام" وصل ورجعت ع البيت ... مر يومين وكان موعد متابعه "حبيبه" وصلها "حسام" ودخلت لوحدها وهو اتجهه لمشوار ..قبل ما تتجهه "حبيبه" ل عياده "وليد" على طول اتجهت لغرفه "سحر " لكن ملقتهاش خرجت تسأل عليها فى غرفه الجلسات الكيماوى مشفتهاش رجعت الغرفه تانى دخلت ممرضه وسألتها ع "سحر" وعرفت انها اتوفت فى نفس اليوم الل كانت عندها فيه بليل .. برغم انها كانت متوقعه الخبر فى اى لحظه لكن استقبالها للخبر والمفاجاءه مقدرتش تتحرك ووقفت قدام السرير زى ما كانت واقفه اخر مره وعينها ع السرير ..متحركتش من مكانها لغايه ما عرف "وليد" ان "حبيبه" فى غرفه "سحر" وعرف انها عرفت ..بسرعه اتجه لغرفه "سحر" وشاف "حبيبه" واقفه مبتتحركش قرب منها لقاها مبتسمه ,, نده عليها مردتش عليه قرب اكتر وشافها مبتسمه ودموع نازله من عينيها راح مسكها من دراعها : حبيبه .. حبيببه
بصتله "حبيبه": وليد ..
مسكها من ايديها : تعالى معايا نخرج من هنا ..
لاحظ انها واقفه : سحر ماتت ..
_ تعالى بس معايا المكتب عندى ..
شدها "وليد" ودخل المكتب وقعدت "حبيبه" فى حاله صدمه وذهول مبتتكلمش حط فى ايديها حبايه مهدئه :
_ خدى دى يا "حبيبه" هتبقى كويسه ..
حطتها "حبيبه" ع الترابيزه : مش عاوزاها ..
_ شكلك ..
قاطعته "حبيبه": شكلى ايه .. تعبانه وايه الجديد انا عارفه ان انا تعبانه .. مصدومه لا خالص لانى عارفه ان انا فى يوم هموت .. متقلقش عليا انا كويسه ..
استغرب "وليد" من حده كلام "حبيبه": حبيبه انتى كويسه حاسه بحاجه ..
قامت وقفت: عاوزه اروح البيت ممكن ..
_ ثوانى هكلملك حسام ... بس قبل ما اكلمه "سحر " سابتلك دول معايا
مسكت note book بتاع "سحر" و جواب ومسك "وليد" موبيله وبيكلم "حسام" فى اللحظه دى خرجت "حبيبه" من الغرفه واتجهت لغرفه "سحر من غير ما يلاحظها "وليد .. خلص مكالته وخرج يبص عليها وشافها قاعده ع السرير فى غرفه "سحر " فاتحه الجواب وبتقراه ودموعها نازله .. بتقرا "حبيبه" الجواب : " حبيبه .. الملاك القويه الل ضحكتها بتهزم اى وجع فى الحياه.. احنا عايشين فى رحله عباره عن محطات كل واحد بينزل المحطه الل تخصه .انا كنت بحارب وبرفض انزل فى كل محطه يتفتحلى فيها باب القطر انزل ..لغايه ما تعبت ومش قادره احارب تانى ودا مش استسلام دا معناها نهايه رحلتى خلاص ..انا كنت مبسوطه انك اخر شخص شوفته قبل ما اغمض عنيا وانتى الوحيده الل قررت اكتبلك جواب علشان افكرك بوعدك ليا ... متستسلميش يا "حبيبه" وحاربى وعيشى وحققى حلمك واعرفى انى فى مكان افضل مش هقولك هستناكى لان انتى لسه قدامك مشوار طويله ورحلتك طويله ..متستسلميش يا "حبيبه" وحاربى التعب ولحظات اليأس والمرض والدنيا ..متستسلميش "
دموع "حبيبه" نازله وحضنت الجواب وللحظه مسحت دموعها وطبقت الجواب فى النوتس كان وصل "حسام" ورجعوا البيت ..بعد موت "سحر" دخلت "حبيبه" فى حاله صمت واغلب ساكته ولما بتلاحظ سؤالهم الكتير والحاح الل حواليها كانت بتهرب بالنوم كانت محتاجه فتره تستوعب وهما كانوا خايفين عليها .. كانوا معاها "حسام" "ووليد" و "ندى" و"كوكا" كانت بتقعد معاها اغلب الوقت وتفضل تحسس ع راسها وتتكلم وتفضفض معاها ومحدش كان بيلاحظ .. فى مره دخلت الغرفه شافت "كوكا" طلعت فوق المكتب ووقعت كتب :
_ايه دا يا "كوكا" انزلى انزلى ..
وهى بتلم الكتب شافت Note book بتاعه سحر والجواب قعدت ع الكرسى وقرت الجواب تانى وقررت "حبيبه" انها متستسلمش وتكون زى "سحر" ل اخر وقت ليها ورددت "اوعدك يا سحر انى مستسلمس ابدا " فتحت ال Note book وقرتها كلها وكانت مبتسمه ,, فتحت اللاب بتاعها ودورت ع النت كورسات اونلاين لغات ابتدت ب الصينى كمراجعه وانجليش ورجعت لحياتها كورسات اونلاين وقرايه ..ففى مره دخلت عليها "ندى " الغرفه وهى قاعده ع السرير ماسكه كتاب :
_ فى دراما جديده جامده تعالى نتفرج سوا يا "حبيبه"
_ اخلص بس صفحتين من الكتاب دا
_ الساعه 11 كفايه قرايه ولا هتهربى زى المره الل فاتت
قفلت "حبيبه" الكتاب لا مش ههرب يلا ياستى نتفرج بس يكون حلو بلاش الل فيه سهوكه متيجى نتفرج ع فيلم اجنبى ايه رأيك ..
_ لالا نتفرج ع الدراما دى دول حلقتين وبعدها نشوف الفيلم
_ طيب نشوف الفيلم الاول وبعدين الدراما
ضحكت "ندى": لا لا مش عليا يا ماما ..نتفرج ع الفيلم وبعدين اول ما اشغل الدراما تنامى واتفرج لوحدى .. لا انا هضمن حقى الاول نتفرج ع الدراما وبعديها نتفرج ع الفيلم كده نسهر سوا واضمن انك صاحيه ..
ضحكت "حبيبه": بتزنقينى ماشى .. بس لو هايف وسهوكه هنام منك ..
_ لا دا اكشن رومانسى كوميدى كله ,, " جى وو" اوبا رجع بالدراما دى بعد سنتين البنات شافوها وبيحكوا عنها انها تحفه ..
_ انتى عاوزه تشوفيه علشان حلوه ولا علشان الاوبا بتاعك ..
_ لا هو فيها اوبهات تانين اهو كل مشهد ب اوبا ..
_ طيب يلا ..
_بصى عندك اللينك اهو دوسى عليه يحمل عقبال ما اعمل كوبيتين عصير والفيشار واجى اشطه
مسكت "حبيبه" اللاب بتاع " ندى" وضغطت ع اللينك واتفتح الفيديو:
_ لما اقفل الصوت واشوف اوله شكله ايه علشان اشوف انام ولا اكمل
وشافت البدايه وكانت فى حاله من الذهول ورجعت "ندى" وشافتها متنحه للاب :
_ايه دا يا "حبيبه" تشغليه قبل مااجى
"حبيبه" بنبره مصدومه": مين دا ؟
_ البطل
_اسمه ايه ؟
_ اها ..ما قولتلك "جى وو" اوبا يابنتى من شويا ....
بتبص "حبيبه" وملامح صدمه ع وشها ولحظت "ندى ": مالك متنحه كده ليه ..؟
_ لالالا مفيش شغلى ..
ابتدت الحلقه و"حبيبه" مش مصدقه وكل شويا تعيد فى مشاهد الل هو فيها الحلقه المفروض ساعه "حبيبه" بالل عملته قعدت اكتر من ساعه ودا خنق "ندى " ..خلصوا الحلقه و"حبيبه" بتحاول تجمع .. اخدت "ندى" اللاب بتاعها وقعدت ع السرير وهى ملاحظه "حبيبه" متغيره ..
_ رايحه فين يا "حبيبه" مش هنتفرج ع الفيلم
_ لالالا بكره ..
_ طيب انا هتفرج تانى ع الحلقات مكنتش مركزه بسببك معرفش انا مالك ...
اتجهت "حبيبه" ع المكتب وفتحت اللاب بتاعها وشغلت الحلقه تانى و"حبيبه" فتحت الاب بتاعها ووقفت ع لقطات "جى وو" ودخلت جوجل دورت ع صوره وفتحتهم وكل شويا تغمض عينيها لحظات تفتكر وتفتحهم تانى .. شافتها "ندى" لانها اول مره تشوفها كده قامت من على السرير واتجهتت لمكتب وشافت "حبيبه" فاتحه الصور ومغمضه عينها : حبيبه .. حبيبه .. حبيبببه
_ ها ..
_ ها انت .. مالك ...؟
_ مش هتصدقى الل هقوله ..
_ بصت ع الصور : مش قولتلك هتتهبلى منه دا فظيع
قاطعتها "حبيبه": دا الل بشوفه فى الحلم
بصتلها "ندى" وضحكت: انتى دخلتى المرحله دى مش قولتلك هتتهوسى بيهم لدرجه الحلم
_ لا لا دا الل بشوفه فى الحلم هو دا انا متاكده ..
بصتلها "ندى": "حبيبه" لا انتى روحى ل "وليد" يغيرلك الدوا ولا زعلك ع سحر لسه ماثر
_ انا كويسه ومتاكده هو .. والله هو ..
_ خلاص خلاص .. بصى تعالى ننام دلواقتى
_ لا روحى نامى انا قاعده شويا ..
خرجت "ندى " وهى متفاجئه من تصرفات "حبيبه" الل اول مره تشوفها .. طلعت ع شقتهم وحكت ل "حسام" وقعد يضحك ... تانى يوم نزل "حسام " وبيضحك :
_ انتى عملتى ايه فى "ندى" طالعه بتقولى حبيبه اتجننت
بصت ل "حسام ": حسام انا شوفته خلاص وطلع بجد
_هو ايه دا الاشكيف المخيف ؟
_ الل بيظهرلى ف الحلم
_ الاشكيف المخيف
_ انا بكلمك بجد ..
_ اها الفارس المجهول الل هو انا ماانا موجود اهو ..
_ مبهزرش انا ..
اتفاجئ "حسام " من طريقه "حبيبه" : نعم ياختى .. ودا ازاى .. اكيد شبه يابنتى
بنبره صدمه وذهول وثقه واصرار : لا هو ..
انا كل ما ببص لملامحه بحس بااحساس كنت بحسه فى الحلم هو انا متاكده هو
_ استهدى بالله يا حبيبه انتى لسعتى انتى عارفه هو فين وانتى فين .. بالعقل كده دا هيجيلك فى الحلم ليه .. زياره مثلا واتقابلتوا ف شرم ولا الغردقه .. ازاى ها ياعاقله
_ انتى مش مصدقنى
_ مش حكايه مصدقك ولا لا,, بس واضح قعده "ندى" معاكى بهتت عليكى من لسعانها ماهى كل يومين تصحى تقولى كانت بتاكل كيمباب مع اوبا معرفش مين وكانت بتتمشى مع اوبا معرفش مين ع نهر الهان .. انتم لسعتوا ..قولتلك من الاول بلاش تهاوديها وتتفرجى معاها دا فيروس معدى ..
_انت مش مصدقنى صح
_ لا طبعا .. انا قلتلك الحلم دا علشان الل كنتى بتشوفيهم لما كنتى بتروحى الكليه كانوا صينين وكنتى بتذكرى صينى وكنتى بتتفرجى ع افلام صينى فعقلك الباطن نسخ صوره من كل دول
_ بس هو مش صينى .. حتى بص
فتحت اللاب ع الصوره وبص "حسام" عادى متفاجئش :
_ بس منهم يعنى نفس العين الضيقه والملامح والشعر المهفهف يا "حبيببه" .. دا هيجيلك فى الحلم ازاى وليه انتى ف افريقيا وهو فى شرق اسيا انتى فاهمه هو فين دا فرضا لو هو .. خدى الموضوع ببساطه بس علشان لو تعمقتى هتتعبى واحنا بنصلبك ابوس راس ابوكى ..
حست "حبيبه" ان "حسام " مش مصدقها فقررت تسكت .. خرج حسام من عندها وقعدت ع سريرها وقدامها اللاب فاتحه الصورهتغمض عنيها للحظات تفتكر الحلم وتفتح عينيها و احساسها بياكدلها انه هو لكن كل الل حواليها كدبوها وانها بتتوهم .. فى اللحظه دى "كوكا" طلعت جنبها ع السرير شالتها "حبيبه": هو يا كوكا هو الل شوفته فى الحلم وهو الل فى الحلم التانى لما كنت بعمل العمليه لما شوفت ماما وهو كان واقف وماما مده ايديها ليا وقبل ما المس ايديها هو شدنى من دراعى واخدنى فى حضنه.. هو انا واثقه هو ..احساسى بيقولى هو يا كوكا .. قعدت القطه ع رجلها وباصه ع اللاب : حتى انتى مش مصدقانى يا كوكا ...
مسكت اللاب وابتدت تدور ع اسم "جى وو" السيره الذاتيه واعماله والبرامج وكله وقررت تشوفهم كلهم اى حاجه تخصه وكانت متحمسه اوى ..!
ابتدت "حبيبه" اهتمامها بالممثل الكورى "جى وو" ونفسيتها اتغيرت بنسبه كبيره وحماس فى كلامها وابتسامتها الل رجعت تانى زى الاول .. مر شهر وكان موعد متابعتها الشهريه فى المستشفى شافها "وليد" كانت متغيره مبهجه :
_ ماشاء الله المعنويات عاليه الشهر الل فات مكناش كده
ابتسمت "حبيبه": قولى يا دكتور قبل كده حلمت ولقيت حلمك قدامك
تفاجئ "وليد": حلمى ..
_اها ..حاجه كنت بتحلم بيها ومبتشوفهاش غير ف الحلم بس وبعدين لقيته قدامك
ب رغم استغراب "وليد" من كلام"حبيبه" ابتسم : انا مبحلمش لانه حقيقه
مركزتش "حبيبه" فى تلميح "وليد": ازاى مبتحلمش كل البشر بيحلموا
ابتسم "وليد": وانتى حلمك كان ايه بقى ..؟
ابتسمت "حبيبه" وبتردد : لا مش هقولك خلاص لانك هتعمل زى حسام وهتتريق عليا ومش هتصدقنى
_ مش احنا اصحاب .. قولى ..؟
_ عارف الشخص الل كنت بقولك عليه انى بشوفه فى الحلم
_ اها ..
_ شوفته فى الحقيقه
اتفاجئ "وليد": شوفتيه ..؟
_اها شوفته .. مش شوفته اوى بس عرفته انه حقيقى مش خيال حتى بص
فتحت موابيلها وفرجت "وليد" ع الصور وضحك : هو دا
_ ابتدينا الضحك وهتتريق
_ لا انا بسئلك هو دا ..؟
_ اها انا متاكده مليون فى الميه
_ لا احكيلى
حكت "حبيبه" ل "وليد " وضحك فى اخر كلامها
_ مش قولتلك هتتريق عليا ماشى
_ لا انا مش بضحك على كلامك انا بضحك عليكى انتى لو تشوفى نفسك وانتى بتحكى ومتحمسه اوى
_ ماهو انا مش مصدقه انه موجود اصلا ..اه هو فى قاره تانيه واستحاله نتجمع فى مكان لكن انه موجود دى حاجه محسسانى بسعاده غريبه .. انت تعرف انى خلصت فى 15 يوم 4 درامات و5 افلام و3 برامج كان فيهم
_ايه دا لدرجه دى ...
_ حتى بفكر استغل"حسام" ويعلمنى كورى بدل ماهو واخد الشهاده وشغال فى خدمه العملاء اهو انشط ذاكرته والكتب والاسطوانات عنده وانا كنت بدور ع حاجه اتعلمها اشغل وقتى .. انا اعرف تخاطيف كده لكن هدرسه زى الصينى والانجليزى
_ انتى واخده الموضوع جد
_ جداا .. بجد مش عارفه اوصف احساسى
سكتت "حبيبه" ولاحظت"وليد" ساكت وباصصلها ومبتسم : هتقول اتجننت صح ؟
_ لا انا اول مره القيكى متحمسه لحاجه اوى كده
_ جداا جداا .. بس هتقولى دا هبل وخيال ومعرفش ايه زى ما بيقولولى عارفه قول متخبيش
_ حبيبه .. الحاجه الل تخليكى مبسوطه كده وف الحاله الانتعاش دى اعمليها وميهمكيش كلام ولا تريقه حد .. اعملى الل انتى عاوزاه وبعدين ايه الل حصل دا ممثل زى اى ممثل فى العالم عنده معجبين من كل مكان وانتى واحده منهم.ودا مش غلط ولا حرام هنا الفنانين ليهم معجبات مبيشوفهمش غير ع التليفزيون وفى بيحلموا بيهم يعنى عادى مش حاجه غريبه . عيشى اللحظات الجميله ومتخافيش واعملى الل يخلى ابتسامتك دى متغبش ابدا ...
كلام"وليد" حفز "حبيبه": تصدق انت اجدع صاحب اعرفه هو اه مليش اصحاب غيرك انت وحسام لكن انت طلعت احسن من حسام بتفهمنى وبتحس بكلامى قبل ما اقوله هو ع طول بيتريق عليا وبيستلمنى ألش ..
_ اى خدمه .. خلصنا بقى كلام عن حلمك نرجع بقى للواقع والكشف
_ اوكيه ..
_ نخلص الكشف بتاعنا ونروح عياده الجلديه اخدتلك ميعاد مع دكتور هناك علشان شعرك
_مش بقولك انت اجدع صاحب ..
_ وهو انا عندى كام "حبيبه ...
الكل لحظوا ان "حبيبه" رجعت زى الاول مركزوش فى السبب اوى اكتر ما ركزوا انها بقت زى الاول ومكنتش بتجيب سيره الحلم وانها مهتميه ب "جى وو" علشان الحلم فضلت تخليه حلم وانها تكون به كفنان وفى الوقت دا اندمجت فى درامات والجو الكورى مع "ندى" وبقت معجبه بكذا فنان ودا اكدلهم انها نسيت الحلم وبقت مهووسه بالكورى زى "ندى ..!
بعد فتره لمحت NoteBook بتاعه "سحر" وفتحتها ووقتها حبت "حبيبه" تعمل زيها وتكتب احلامها ولان الكل بيضحك وبيتريق عليها ولانها كانت من الاشخاص الل كانوا بيتريقوا ع "ندى" من حبها واعجابها بالكورى .. قررت انها تقفل عليها دنيتها وتكتب فى النوتس دى كل حاجه بتحبها والحاجات الل عاوزه تعملها ونفسها تعملها من غير ما تقولها ل حد علشان ميتريقوش ..فى يوم "ندى" حضرت Event K.Pop مع اصحابها طلبت منها "حبيبه" تشتريلها NoteBook واشترت ليها واحد مرسومه عليها الفضاء لانها ملقتش عليه صوره "جى وو " فى يوم بليل قعدت ع السرير ومسكت قلم وابتدت تكتب "My Dreams " : غمضت عينيها للحظات وابتدت تكتب واول حاجه نفسها تعملها او حلم ويتحقق كان "بابا يحج " والمبرر لانها عارفه ان كل فلوسه وميراثه يعتبر اتصرفوا على مامتها وعلاجها وعمليتها وع علاجها وعملياتها وهو مفيش فلوس خاصه له يقدر يسافر بيها الحج فهى نفسها تعمل حاجه تخليه يحج ..تانى حاجه كتابتها "اشترى هديه ل حسام ووليد وندى " لان اغلب الوقت هما الل بيشتروا هداياها تالت حاجه " انزل واخرج لوحدى " لانها محرومه من كده رابع حاجه " اسافر واقعد مده بره البيت" لانها محرومه من كده _ خامس حاجه " اتعلم كورى بسرعه " كانت متحمسه جداا .. كتبت حاجات كتير فى اخيرهم " اعيش " ..
بعد فتره اتفقت مع "ندى" انهم يستغلوا "حسام" ويعلمهم الكورى وطبعا الموضوع كان عاجب "ندى" بعد اندماج "حبيبه" فى الجو الكورى .."حسام" لاحظ زنهم وكان مش مهتم وبيتهرب منهم .. فقرروا يضغطوا عليه ..قرروا انهم يراقبوا "حسام" ع اكونت الفيس وموبيله .. حاولت "ندى" تعرف باسورد ايميله وعرفته ونزلت ل "حبيبه" فتحوه ودخلوا ف المحادثاته مع البنات واخدوها اسكرين شوت كلها وفى مره وهما قاعدين طلبت "حبيبه" تتكلم من موبيل "حسام" هو استغرب وفتحهولها فى اللحظه دى ندهت "ندى" عليه ودخلت ع الواتس واخدت اسكرين شوت لكل المحادثات وبعتتها لرقمها ومسحت الل صورته وقفلت ورجع "حسام" ولا فى حاجه ... فى يوم "حبيبه" و "ندى" قرورو ينفذوا الخطه .. اتصلت "حبيبه" ب "حسام" وهو راجع من شغله عدى عليها وقعدوا ع السفره :
_ انتم عاملين زى ريا وسكينه كده ليه ومقعدين معاكم "كوكا" .. فى ايه ؟
بنبره هاديه : اوبا ..
ضحكت "حسام" بدائتيها يابنت سعيد ب اوبا يبقى فى طلب
بصت "ندى" ل "حبيبه": اتكلمى انتى يا "حبيبه"
بنبره هاديه : بص يا حووس احنا طلبنا بسيط احنا عاوزينك تدينا كورس مصغر للكورى نتعلمه .. الاساسيات وكده وانا هتعامل بعد كده .. دورت ع كورس اشتريه سيديهات لاقيته بمبلغ كبير وانت عارف الحياه عامله ازاى معايا .. انت عندك كتب الكليه والسيديهات اكسب فينا ثواب ..
ضحك" حسام" : ايه الفضى الل فيكم دا .. انا مش فاضى ليكم
بسرعه اتكلمت "ندى": لكن فاضى تكلم شيرى و علا وكاميليا وتقابلهم صح
اتفاجئ "حسام": وانتى ايه عرفك بالاسامى دى
ضحكت"حبيبه": مش انتى بتحكيلى هى سمعتك ..
_ بس انا محكتلكيش عن علا وكاميليا
ضحكت "حبيبه": اها علشان كلامكم دا ..
لفت اللاب وشاف حسام" سكرين شوت لمحادثاته : ايه دا منك ليها ..
ندى بنبره ثقه" عمليه ابتزاز سلم واستلم
اتفاجى "حسام": انتوا بتبتزونى ..علنى كده قلبتوا الموبيل والفيس
قامت وقفت"حبيبه": بص ياابن عم سعيد هتعلمنا بما يرضى الله وتساعدنا كل دا هيتمسح فى اخر يوم نقول خلاص اكتفينا .. هتقولنا مش فاضى هتلاقى الاسكرين دا ع الفيس فى كل الجروبات وقبلهم كريمه وعم سعيد يشوفوا ابنهم بيعمل ايه الل عنده ولايا يحافظ عليهم ..
_ دا هزار اصحاب مع بعض
_ خلاص اوريهالهم وهما يحكموا ..
اتفاجئ "حسام": انتوا تعملوا كده .. ماشى ..
_ ها قولت ايه ..
_ خلاص ماشى ..حسبى الله ونعم الوكيل ...
ضحكت" ندى": العيله دى مبتحبش تخدم لله لازم تستغليها ...
ضحكت "حبيبه" وندى " .... وابتدا فعلا "حسام" يتعلمهم ويديهم دروس كورى وكانت "حبيبه" متحمسه جداا اكتر من "ندى" .. اتعلمت الاساسيات من "حسام" والباقى دورت عليه ع النت واى حاجه تحتاجها كانت بتساله .. لكن "ندى" تعبت وكسلت واكتفت ان "حبيبه" تتعلم وهى هتاخد الترجمه جاهزه منها ... !
مرت سنه وكانت "حبيبه"حياتها درامات كورى والثقافه الكوريه لفتت نظرها قررت لما تخلص الكورس الكورى تبدء فى اليابانى لان ثقافه دول شرق اسيا لفتت نظرها دنيا جديده دخلتها .. الحلم مبقاش يتكرر ولا تحلمه وقررت انها تحلم و تكتب احلامها ف النوتس ... ساعدها "وليد" فى ممارسه اللغه كان يكون فى وفد زياره ف المستشفى كان يعرف "حبيبه" ويخليها تحضر سواء صصينين او كوريين او اجانب وكانت بتتكلم معاهم .. وع الفيس اتعرفت ع جنسيات مختلفه وفى شات وجروبات كانت بتتكلم معاهم بلغتهم ودا ساعدها ع ممارسه اللغات الل بتدرسها ودا كان مكسب ليها للوقت واستفادت منه ..!
برغم حرسهم والتشدد ع تحركات "حبيبه" الا انها كانت بتعيش حياتها عادى بدون اى خوف وكان شعارها الدائم "اعيش اليوم واترك الغد بما فيه " لكن كانت شبه محرومه من حاجات كتير كان بتاكل اكلات معينه علشان العلاج وكان كل فتره كان مسموحلها ب اكل من الممنوعات لكن بنسبه قليله .. فكان بالنسبالها الاندومى يوم عيد يوم ما كانت بتاكله وكان "حسام " بيشترى ليها هى و "ندى" اكلات كوريه او صينيه تاكلها فى البيت لكن بكميات قليله لكن كانت مبسوطه .. .. فى يوم قابل "حسام" "وليد" فى المستشفى :
_ انا قولت اسلم عليك قبل ما اسافر
_ يارب تكون وظيفه كويسه يا "حسام" الل هتسافر ليها
_ واسطه من عند ابويا جبتلى شغل فى شركه سياحه فى دبى اهو اخيرا هشتغل بشهادتى خريج ألسن قسم الكورى
ضحك"وليد": ان شاء الله خير تسافر بالسلامه
_ انا جيت اسلم عليك واوصيك ع "حبيبه" لما اسافر .. مش هيكون ليها غيرك هنا فى غيابى
_ انت بتوصينى ع مين يا "حسام" سافر انت واطمن بس
_مفيش اى جديد فى المتبرع مرت سنتين ع اخر عمليه ..؟
اتنهد "وليد" : لا للاسف لما بلاقى حد بيكون مش متطابق معاها .. "حبيبه" عملت معجزه بتماسكها الفتره دى عدم استسلامها وطاقتها الايجابيه بتحارب المرض اكتر من العلاج ..
_يعنى الحل هتفضل تاخد العلاج ..
_ حاليا حالتها مستقره مبيحصلهاش انتكاسات زى الاول الحمد الله ودى حاجه كويسه حالتها النفسيه والمعنويه المرتفعه مع العلاج عاملين حاجه ..
ضحك"حسام": البركه فى الكورى لو كنت اعرف كده كنت اخليها تدخل قسم كورى بدل الصينى
_ لما بشوفها وهى بتتكلم وبتحكى تحس انها مش هنا خالص
_ اها عندى اتنين مجانين هى و"ندى" اتلموا ع بعض وعملوا حزب ضدى ..قولى صح هى كلمتك تانى ع الحلم والل كانت بتشوفه ..
_ لا بقالها مده طويله مبتحكيش مفيش على لسانها غير دراما شافتها عجبتها تحكيهالى حاجه شافتها ف دراما او قريتها ع النت وانها هتبدء تتعلم يابانى كده يعنى ..
_يابانى بقى علشان تبقى اخدت المثلت ابو عيون ضيقه
ضحك"وليد".. كمل "حسام": هو انت مصدق حكايه الحلم دا ان الل شافته هو الممثل دا ..
_ انا مكنتش معاها ف الحلم علشان اعرف هو ولا لا .. هى لما حكت اكدتلى انه هو ..
_ استحاله يا "وليد" بالعقل كده هى ف الشرق وهو فى الغرب ازاى تحلم به ..عقلها الباطن السبب هى "حبيبه" قابلت مين غيرنا غير الل ف الكليه الوشوش قليله الل شافتها اتجمعت الصور دى ف صوره شخص الل حلمت به ولما شافت الممثل دا اعتقدت انه هو .. ملهاش تفسير تانى
_ اممم معاك حق .. بص مدام هى مبسوطه وسعيده بالل بتعمله انا معنديش مشاكل فكره ان "حبيبه" سعيده دى كفايه ولا ايه
_ اه فعلا .. لكن انها متكلمتش عن الحلم زى ماكانت بتتكلم دا معناها انها مش حطاه ف دماغها صح لتتهف وتقولى اسافر ..
_ يبقى نسيت حياه "حبيبه" مشغوله بحاجات بتعملها وبعدين هتسافر ازاى هتطير.. "حبيبه" مينفعش تروح مكان يا"حسام" وهى عارفه كده كويس
ضحك"حسام": مقضياها سياحه داخليه عباره الانترنت
فى البيت كانت "حبيبه" قاعد بتحط اكل لقطط ع السلم وبعدين دخلت حطط اكل ل كوكا وقعدت تتكلم معاها :
_ ايه يا كوكا .. ايه رايك ابتدى كورس فرنساوى ولا المانى ولا يابانى ..ماانا خلصت الكورى خلاص ومش عاوزه اضيع وقتى الفاضى دا ..انا مقسمه وقتى بليل قبل ماانام اتفرج ع فيلم او حلقتين من دراما ..الصبح لمذاكره ماهو انا لازم استغل وقتى ومضيعهوش ولا ايه ..
حسست ع راسها وقاعده جنبها : احكيلك عملت ايه امبارح علشان نسيت اتفرجت ع فيلم "جى وو" الصينى ياقلبى ياناس عليه ايه الجمال دا والمقابله الل عملها للفيلم يانهارى ع ابتسامته انا مش عارفه الناس الل معاه مستحميلنها ازاى .. وسمعت الالبوم فرقه Stars البت "ندى" خلتنى مدمنه عليهم هما ال 6 كل واحد صوته افظع من التانى ... (بتحسس ع راسها) انا عارفه هتقولى عليا لسعت بس فعلا الحاجات دى بتخلينى مبسوطه ..انا عارفه انا مش هشوفه حقيقى اذا كان مبسافرش اسكندريه ولا بروح اجيب طلبات لوحدى .. كفايه انى اشوفهم واتمتع وانا بشوفهم ... ولا ايه ..
شويا وهى قاعده سمعت جرس الباب وقامت فتحت كانت "ندى " و "حسام":
_ ياهلا يا هلا
"ندى" بفرحه: اووبا عزمنا ع اكل يلا ..
قعدوا ياكلوا :
"حبيبه" وهى مستمتعه ": مين يا حسام هيجبلنا الاكل من الشارع غيرك
"ندى" بصوت بتعيط: هنجوع من بعدك يا اووبا
ضحك "حسام ": اخدكم معايا ف الشنطه بس "حبيبه" هتتاخد منى ف المطار لان مش بعيد "وليد" يبلغ عنها الجوازات
ضحكوا كلهم ... : هتوحشونى يا جزم
ابتسمت "حبيبه": انت اكتر .. بس الل مفرحنا انك مسافر لمكان كويس
_ أمانه عليك يا "حسام" لما تشوف اى اوبا من اوباتى سلملى عليه معرفش انا بيروحوا "دبى" بس ليه هى "مصر" بلد الاهرامات مش عربيه
ضحك "حسام ": وانتى يا "حبيبه" مش عاوزه اسلمك ع حد ماهو انا مسافر "دبى" علشان ارقبلكم الكوريين
ضحكت "حبيبه": مش اوى كده احنا الل هنجيلك
ضحك"حسام": هبلغ عنكم المطار
ضحكت "حبيبه" وكملت "ندى ": بجد بحقد عليك هتسافر دبى واغلب حفلات الكى بوب بتكون هناك يعنى Stars هتشوفهم واغلب اوبهاتى واجاشاتى وانوياتى هناك
ضحكت "حبيبه": بس يا فاشله
ضحك "حسام": انا لو معمرتش هناك هيبقى من قركم ارحمونى
ضحكت"حبيبه": بجد هفتقدك يا حسام بس انا مبسوطه انك هتشتغل بمؤهلك كنت خريج ألين لغه كوريه وشغال فى خدمه العملاء اخيرا الشهاده هتطلع من تحت المرتبه اهو .. ربنا يوفقك
_ انا مكنتش متخيل انى هشتغل به اصلا ..
_ كنت سافر كوريا اشتغل به علشان تتكلم كورى
"حبيبه" بتخبط "ندى": يروح كوريا علشان يتكلم كورى ايه يابت النصاحه دى
قوليله يروح بالسلامه ..
_ تروح بالسلامه حلو كده
ضحكوا ..بص "حسام " ل "حبيبه" وملامح قلق اترسمت ع وشه : حبيبه
_ ايوه
_ خلى بالك ع نفسك
ابتسمت "حبيبه": متخافش مش هموت دلواقتى
ندى بعصبيه: بعد الشر يا هبله متقوليش كده
ضحكت "حبيبه": بهزر معاكم انا قاعد ع قلبكم
_ مش عاوزه حاجه من هناك
بتضحك : امانه عليك تسلملى ع "جى وو" لو شوفته وStars نفر نفر و .. لا انا هبعتلك اساميهم فى رساله اضمن ..
ضحك "حسام" : واللهى انتم لسعتوا .. عوضى عندك يارب .
رجعوا ياكلوا وكانوا بيهزروا وبيضحكوا ... بعد يومين سافر "حسام " دبى .. ورجعت "حبيبه" لحياتها ودرامتها وعلاجها ..!
__________________________
يتبـع
كانت "ندى" على طول بتزن على "حبيبه" تتفرج معاها على درامات الكورى وكانت "حبيبه" مبتحبش تزعلها فكانت بتتفرج معاها مره اه ومرتين تهرب منها ب اى تلكيكه هتنام ,, هتقرا .. هتراجع حاجه .,, فكانت "حبيبه" المكان الوحيد هو البيت وغرفتها كانت ممنوعه من الخروج كتير ولوحدها تخرج بس مع "حسام" معاها او "وليد" اوقات بس فكان اقصى مكانين تتحرك فيهم وتخرج من شقتها ليهم كانوا شقه عمتها فوق ومحل باباها تحت ,, فكانت بتطلع تقعد مع "كريمه" واوقات كانت بتنزل تقعد فى محل باباها معاه واوقات كان بيسيبها يروح يصلى او عنده مشوار .. ففى مره وهى قاعده "حسام" مر عليها قبل ما يطلع شقتهم :
_ مساءو يا بوب
_ مساءو ياعم الطفشان ,,
قعد ع الكرسى وملامح وشه متغيره :
_ مالك يا حووس .. دا انهارده الخميس وسهر للفجر مع اصحابك ع القهوه راجع بدرى ليه ..
_ مليش نفسك ..
_ليه القهوه مفيهاش سكر هاهاهاها
بصلها "حسام": ايه يابت الخفه دى هو انتى بتاخدى علاج خفه
_ من قعدتى معاكو انت و"ندى" بهتوا عليا .. سيبك منى مالك ..
اتنهد"حسام": انا قابلت "شريف" صاحبى الل حكتلك عنه ..؟
_ المبصبصاتى ...ها ماله ..؟
_ البنت الل كان مرتبط بيها فاتحها فى ارتباط رسمى خطوبه وكده رفضت ونهت معاه الموضوع
_ هو كان مرتبط اصلا ..
_ اه .. بقاله سنتين ..
_ مين فيهم .. مروه ولا دينا ولا اميره ولا مين ..؟
_ لالالا بنات دى الل بتشوفى هزاره معاهم دول معرفه فيس
_ كومنتاتهم متقولش كده خالص وبعدين هزاره دا معاهم وياروحى وخدى البوسه دى والبنت الل مرتبط بيها شايفاه وساكته ولسه واخده موقف دلواقتى
_ لا ماهو مش ضايفها ع الاميل دا ..
_ كمان .. وايه الل خلاه يفكر فى خطوبه دا كان من اصحابك الل الحياه العزوبيه عجباه
_ بيقول انها انسب واحده تصونه وتكون ام ل اولاده
_ اممم ... يعنى البنات الل بيكلمهم كانوا لغرض تقضيه لكن ل استقرار اختارها
_ مش كده يعنى .. هى كانت موجوده بس مكنش مبينها ف العلن يعنى انا واتنين بس من اصحابنا الل نعرفها وبصراحه البنت استحملت كتير منه كان بيتجاهل اتصالاتها الكتير وساعات كان بيتعصب عليها لكن كان بيصالحها وكان يختفى ويظهر وكانت بترجع تكلمه عادى ودا الل استغربتله انها رفضت الخطوبه وسابته ومش عاوزه ترجع له تانى ...
_ علشان فاقت ..
_ - بس دا كان بيحبها ..
- بيحبها وطبق عليها نظريه الركن . .
- نظريه الركن ..؟
- اها .. انت عارف الابن أو البنت الل عندهم أم و أب ومتجاهلينهم لأنهم متأكدين انهم موجودين مهما غابوا عارفين انهم موجودين فبيهملوهم وبيضعوا وقتهم مع ناس تانين وفاجاءه يفوقو ع موت حد فيهم والندم الل بيحسوه ع الوقت الل ضيعوه بعيد عنهم وأنهم ركنوهم .. وزى الأخ الل عنده اخت ولا بيهتم بيها وشايف وجودها شئ مسلم به ويركنها اهى موجوده لكن يهتم بغيرها لأنه خايف ع فقدانها ف تروح اخته لشخص تانى مهتم بيها .. والبنت الل يكون عندها أخ وبعيده عنه ولما بيقرب منها بتنفره معنى اصح تركنه وقت ما تحتاجه تروحله لكن وقتها واهتمامها كله مع شخص غريب .. الأصحاب ب يكونوا مع بعض ع الحلو ولما الوحش ويظهر صاحب جديد تتفرقوا وتركنوا بعض ع أساس مهما حصل أهو انتم موجودين هترجعوا .. والحبيبه أو الحبيب يدخلوا علاقه ويتاكدوا من حب الطرف التانى ووقتها يركنوه ويروحو هما يلفوا ويدخلوا فى علاقات ويهملوه ويتجاهلوه ماهو الل بيحبهم هيستحمل و هيستناهم دا اعتقادهم لكن بيحصل العكس ... مع كل الحالات دى مفكروش أن الل بيركنوهم مش دايما موجودين فى حياتهم فى فراق بيحصل وبرود بيموت المشاعر وشرخ بيكبر ف روح العلاقات .. لما بيرجعوا مش هيلاقوهم زى ماوقت ما ركنوهم ..صاحبك عمل كده أهمل وغاب ومهتمش ورجع لقاها مش عاوزاه لأن ببساطه هى اتغيرت لأنها تعبت ..احنا بشر مش ملايكه ودا الل كتير مش واخدين بالهم منها وبيركنوها ..الخلاصه اى علاقه فى الدنيا بتجمع الناس ببعض أساسها اهتمام والتقدير والاحتواء تتخفى حاجه منهم العلاقه بتنهار ..!
_ بس دا حالته النفسيه وحشه وحاول يرجعلها وهى رافضه خالص ..
_ قوله ميحاولش خلاص لقد نفذت بطاريتها اتجاهه ..اكيد كان فى اشارات كتيره فى علاقتهم انهم بيبعدوا عن بعض وهو تجاهلها وركنها على امل انه هيشحنها فى اى وقت وسابها لغايه ما البطاريه صدت ومبقتش تنفع تشتغل تانى .. هى جابت اخيرها معاه هو حس انه ضامنها لما كانت بتستحمل تجاهله ومعاملته الوحشه وكدبه عليها هو شاف الحاجات دى بسيطه وهو غلط لان الل بيحب فى علاقته مع الل بيحبه اصغر التفاصيل بتكون اهم من اى حاجه تانيه والتفاصيل الل فيها وجع مبتعش كتير لان الروح و المشاعر وقتها بتكون بتحتضر ووصلت لمرحله البقاء لله .. احنا اصلا مش ضامنين هنعيش لبكره ولا لا ف ازاى بالعقل كده هتضمن مشاعر انسان هتركنه هتفضل زى ماهى مش هتتغير .. دى الزرعه لو مهتمتش بيها بتموت من الركنه ...
سكت "حسام" وكملت "حبيبه": انت عارف لو حصل وارتبطتوا رسمى مكنش هيتغير كان هيفضل زى ماهو وممكن اكتر لانه ربطها معاه بدبله وبعدها بعقد ودى علاقه فاشله وهى لو استمرت على اساس انه يتعدل بعد الجواز الل مبيتعدلش قبل الجواز مبيتعدلش بعده ,, فى طباع بتتحفر فى الشخصيه لغايه ما يموت .. هى عملت الصح ليها وله .. هى اخدت درسها انها تختار شخص يحتويها وتكون من اولوياته مش يركنها وهو اتعلم درس انه يحافظ على الل معاه علشان ميندمش ووقتها مش بينفع الندم .. !
_ ايه يابت يا "حبيبه" الكلام العميق دا
_ يلا اى خودعه ..بس قولى صحيح انت قولتله ايه لما عرفت ..
_عادى قولتله ياعم كبر دماغك واحده راحت غيرها تيجى
_ ببساطه كده ...
_ ماهو مش واحده الل هتخليه ينهار يعنى بنات كتير زى الهم ع القلب هيحب غيرها
_ هو انت مش شايف صاحبك غلطان وغلط فيها ..؟
_ اه هو غلط ..بس عادى يعنى حياتنا كلها تجارب
_ يعنى منصحتوش ب اى نصيحه
_ لا قولتله كبر دماغك فى غيرها هتنسيك ..
اتعصبت "حبيبه": قوم امشى .. روح شوف رايح لفين علشان هشتمك
_ ليه يعنى .. عاوزانى اقوله ايه روح قطع شراينك
_ لا حسسه بغلطه علشان لما يتنيل يرتبط تانى ميلعبش بمشاعر واحده هتتنيل وتحبه ويوجعها تانى .. ولعلمك فى حب مهما مر عليه العمر مبيتنسيش حتى لو مش شايف حبيبه قدامه لان الحب بالقلب مش بالعين يا ناصح .. لو بيحبها وخسر فرصته يسيبها تعيش حياتها وهو يصلح من حياته علشان ربنا يرزقه بحب فى حياته من غير وجع يحافظ عليه .. مبتعرفش تقول كده ..ايه الصحاب الل ملهمش لازمه دا ..
_ انتى اتعصبتى ليه ..؟
_ ايه واحده راحت غيرها تيجى حسستنى للحظه انه ملاك ومغلطش وهى الخاينه ..بتقويه ع غلطته وبتخليه ينساها ولما يدخل ف علاقه تانيه هيكرر الل عمله .. خليه يواجه نفسه يعرف عمل ايه وايه الل وصله انه خسرها وانها مش عاوزه تكمل معاها ,,فرصته يصلح من حياته وافكاره .. اى واحد فشكل ارتباطه فكك ياعم غيرها كتير واى واحده تفك ارتباطها سيبك منه تستاهلى غيره انتوا مبتفكروش فى مشاعر واحاسيس انجرحت وسنين من العمر راحت .. لا البكاء الكتير بيصلح ولا انك تركن غلطتك وتعمل نفسك مش شايفها وتعيش حياتك عادى بيصلح .. الصح بعد اى تجربه سواء مجروح او جارح تقف مع نفسك وتحاسب نفسك والغلط تتجنبه بعد كده مش تعيش كده زى ما تيجى .. مينفعش تعمم كل التجارب انها واحده لان مستويات الوجع بتختلف من شخص لتانى .. قدروا كل واحد على حسب قدره جتكم القرف ..
_ انتى غلطتى فيا صح ..
قفلت اللاب ووقفت "حبيبه": انت خنقتنى انا طالعه ..خليك هنا خالك زمانه جى واعمل حسابك هتودينى المستشفى بكره عاوزه اشوف سحر الساعه 9 تكون قدامى .
مشيت "حبيبه" بتكلم نفسها : قال واحده راحت غيرها تيجى هى كاوشت عربيه ايه القرف دا ..
ولسه هينده عليها كانت طلعت بسرعه : البت لحست خلاص ..!
تانى يوم كانت فى المستشفى تزور "سحر" وكان باين عليها اوى التعب اكتر قعدت معاها ومسكت أيديها :
بصوت مرهق : حبيبه .. وحشتينى
ابتسمت "حبيبه": انت كمان اكتر .. عامله ايه طمنينى ..؟
_ انتى شايفه ايه .. خلاص انا فى اخر محطه ..
_ لالا اخر محطه ايه انتى زى الفل انا عارفه من وقت ما مشيت وانتى زعلانه وعامله تعبانه علشان سبتك .. ارجع تانى المستشفى ونسهر مع بعض ونتمشى مع بعض تانى ..
حاولت "سحر" تضحك : لا لا بلاش انتى رغايه اوى يا حبيبه وانا بصدع منك
_ اممم مش قولتيلى احسن من الراديو بسليكى
_ المهم طمنينى عليكى عامله ايه ف علاجك مرت سنه وشايفاكى احسن
اتنهدت "حبيبه" وابتسمت: الحمد الله فى وجع وتعب بسيط بس انتى عارفه مش بستسلم انا وبشغل وقتى علشان مفكرش بتعبى ولا استسلم لنوم خلصت كورس انجليزى اونلاين "وليد" اشترى ليا مجموعه وخلصتها وحاليا بشوف ادرس لغه ايه تانيه .. واهى ايامى بتعدى بس بفايده ..
_ برافو عليكى يا "حبيبه" استمرى ع كده ومتستسلميش للتعب ولا للحزن مهما حصل وخسرتى من حواليكى افتكرى انك لسه عايشه وربنا وهبلك حياه تعيشيها ,, عيشيها من غير استسلام واحلمى يا "حبيبه" وعيشى احلامك .. متضيعيش ثانيه فى الفراغ ...توعدينى انك مش هتستسلمى وتحاربى وتقاومى مهما حصل ..
ابتسمت"حبيبه": اوعدك انى مش هستسلم مهما حصل
مطولتش "حبيبه" مع "سحر" واطمنت عليها لغايه ما نامت وغطتها وباست راسها ولحظت "وليد" واقف .. خرجوا بره الغرفه :
_ "وليد" هو مفيش اى حل شكلها تعبان اوى ..
_ للاسف هى فى مرحله متاخره اوى حتى عمليه نقل مش هينفع هى بتاخد مسكنات وربنا معاها
رجعت "حبيبه" دخلت غرفه "سحر" كانت نايمه وقفت قدام السرير باصه عليها وهى نايمه .. لاحظ "وليد" "حبيبه" وهى واقفه مبتتحركش 10 دقايق وخرجت كان "حسام" وصل ورجعت ع البيت ... مر يومين وكان موعد متابعه "حبيبه" وصلها "حسام" ودخلت لوحدها وهو اتجهه لمشوار ..قبل ما تتجهه "حبيبه" ل عياده "وليد" على طول اتجهت لغرفه "سحر " لكن ملقتهاش خرجت تسأل عليها فى غرفه الجلسات الكيماوى مشفتهاش رجعت الغرفه تانى دخلت ممرضه وسألتها ع "سحر" وعرفت انها اتوفت فى نفس اليوم الل كانت عندها فيه بليل .. برغم انها كانت متوقعه الخبر فى اى لحظه لكن استقبالها للخبر والمفاجاءه مقدرتش تتحرك ووقفت قدام السرير زى ما كانت واقفه اخر مره وعينها ع السرير ..متحركتش من مكانها لغايه ما عرف "وليد" ان "حبيبه" فى غرفه "سحر" وعرف انها عرفت ..بسرعه اتجه لغرفه "سحر" وشاف "حبيبه" واقفه مبتتحركش قرب منها لقاها مبتسمه ,, نده عليها مردتش عليه قرب اكتر وشافها مبتسمه ودموع نازله من عينيها راح مسكها من دراعها : حبيبه .. حبيببه
بصتله "حبيبه": وليد ..
مسكها من ايديها : تعالى معايا نخرج من هنا ..
لاحظ انها واقفه : سحر ماتت ..
_ تعالى بس معايا المكتب عندى ..
شدها "وليد" ودخل المكتب وقعدت "حبيبه" فى حاله صدمه وذهول مبتتكلمش حط فى ايديها حبايه مهدئه :
_ خدى دى يا "حبيبه" هتبقى كويسه ..
حطتها "حبيبه" ع الترابيزه : مش عاوزاها ..
_ شكلك ..
قاطعته "حبيبه": شكلى ايه .. تعبانه وايه الجديد انا عارفه ان انا تعبانه .. مصدومه لا خالص لانى عارفه ان انا فى يوم هموت .. متقلقش عليا انا كويسه ..
استغرب "وليد" من حده كلام "حبيبه": حبيبه انتى كويسه حاسه بحاجه ..
قامت وقفت: عاوزه اروح البيت ممكن ..
_ ثوانى هكلملك حسام ... بس قبل ما اكلمه "سحر " سابتلك دول معايا
مسكت note book بتاع "سحر" و جواب ومسك "وليد" موبيله وبيكلم "حسام" فى اللحظه دى خرجت "حبيبه" من الغرفه واتجهت لغرفه "سحر من غير ما يلاحظها "وليد .. خلص مكالته وخرج يبص عليها وشافها قاعده ع السرير فى غرفه "سحر " فاتحه الجواب وبتقراه ودموعها نازله .. بتقرا "حبيبه" الجواب : " حبيبه .. الملاك القويه الل ضحكتها بتهزم اى وجع فى الحياه.. احنا عايشين فى رحله عباره عن محطات كل واحد بينزل المحطه الل تخصه .انا كنت بحارب وبرفض انزل فى كل محطه يتفتحلى فيها باب القطر انزل ..لغايه ما تعبت ومش قادره احارب تانى ودا مش استسلام دا معناها نهايه رحلتى خلاص ..انا كنت مبسوطه انك اخر شخص شوفته قبل ما اغمض عنيا وانتى الوحيده الل قررت اكتبلك جواب علشان افكرك بوعدك ليا ... متستسلميش يا "حبيبه" وحاربى وعيشى وحققى حلمك واعرفى انى فى مكان افضل مش هقولك هستناكى لان انتى لسه قدامك مشوار طويله ورحلتك طويله ..متستسلميش يا "حبيبه" وحاربى التعب ولحظات اليأس والمرض والدنيا ..متستسلميش "
دموع "حبيبه" نازله وحضنت الجواب وللحظه مسحت دموعها وطبقت الجواب فى النوتس كان وصل "حسام" ورجعوا البيت ..بعد موت "سحر" دخلت "حبيبه" فى حاله صمت واغلب ساكته ولما بتلاحظ سؤالهم الكتير والحاح الل حواليها كانت بتهرب بالنوم كانت محتاجه فتره تستوعب وهما كانوا خايفين عليها .. كانوا معاها "حسام" "ووليد" و "ندى" و"كوكا" كانت بتقعد معاها اغلب الوقت وتفضل تحسس ع راسها وتتكلم وتفضفض معاها ومحدش كان بيلاحظ .. فى مره دخلت الغرفه شافت "كوكا" طلعت فوق المكتب ووقعت كتب :
_ايه دا يا "كوكا" انزلى انزلى ..
وهى بتلم الكتب شافت Note book بتاعه سحر والجواب قعدت ع الكرسى وقرت الجواب تانى وقررت "حبيبه" انها متستسلمش وتكون زى "سحر" ل اخر وقت ليها ورددت "اوعدك يا سحر انى مستسلمس ابدا " فتحت ال Note book وقرتها كلها وكانت مبتسمه ,, فتحت اللاب بتاعها ودورت ع النت كورسات اونلاين لغات ابتدت ب الصينى كمراجعه وانجليش ورجعت لحياتها كورسات اونلاين وقرايه ..ففى مره دخلت عليها "ندى " الغرفه وهى قاعده ع السرير ماسكه كتاب :
_ فى دراما جديده جامده تعالى نتفرج سوا يا "حبيبه"
_ اخلص بس صفحتين من الكتاب دا
_ الساعه 11 كفايه قرايه ولا هتهربى زى المره الل فاتت
قفلت "حبيبه" الكتاب لا مش ههرب يلا ياستى نتفرج بس يكون حلو بلاش الل فيه سهوكه متيجى نتفرج ع فيلم اجنبى ايه رأيك ..
_ لالا نتفرج ع الدراما دى دول حلقتين وبعدها نشوف الفيلم
_ طيب نشوف الفيلم الاول وبعدين الدراما
ضحكت "ندى": لا لا مش عليا يا ماما ..نتفرج ع الفيلم وبعدين اول ما اشغل الدراما تنامى واتفرج لوحدى .. لا انا هضمن حقى الاول نتفرج ع الدراما وبعديها نتفرج ع الفيلم كده نسهر سوا واضمن انك صاحيه ..
ضحكت "حبيبه": بتزنقينى ماشى .. بس لو هايف وسهوكه هنام منك ..
_ لا دا اكشن رومانسى كوميدى كله ,, " جى وو" اوبا رجع بالدراما دى بعد سنتين البنات شافوها وبيحكوا عنها انها تحفه ..
_ انتى عاوزه تشوفيه علشان حلوه ولا علشان الاوبا بتاعك ..
_ لا هو فيها اوبهات تانين اهو كل مشهد ب اوبا ..
_ طيب يلا ..
_بصى عندك اللينك اهو دوسى عليه يحمل عقبال ما اعمل كوبيتين عصير والفيشار واجى اشطه
مسكت "حبيبه" اللاب بتاع " ندى" وضغطت ع اللينك واتفتح الفيديو:
_ لما اقفل الصوت واشوف اوله شكله ايه علشان اشوف انام ولا اكمل
وشافت البدايه وكانت فى حاله من الذهول ورجعت "ندى" وشافتها متنحه للاب :
_ايه دا يا "حبيبه" تشغليه قبل مااجى
"حبيبه" بنبره مصدومه": مين دا ؟
_ البطل
_اسمه ايه ؟
_ اها ..ما قولتلك "جى وو" اوبا يابنتى من شويا ....
بتبص "حبيبه" وملامح صدمه ع وشها ولحظت "ندى ": مالك متنحه كده ليه ..؟
_ لالالا مفيش شغلى ..
ابتدت الحلقه و"حبيبه" مش مصدقه وكل شويا تعيد فى مشاهد الل هو فيها الحلقه المفروض ساعه "حبيبه" بالل عملته قعدت اكتر من ساعه ودا خنق "ندى " ..خلصوا الحلقه و"حبيبه" بتحاول تجمع .. اخدت "ندى" اللاب بتاعها وقعدت ع السرير وهى ملاحظه "حبيبه" متغيره ..
_ رايحه فين يا "حبيبه" مش هنتفرج ع الفيلم
_ لالالا بكره ..
_ طيب انا هتفرج تانى ع الحلقات مكنتش مركزه بسببك معرفش انا مالك ...
اتجهت "حبيبه" ع المكتب وفتحت اللاب بتاعها وشغلت الحلقه تانى و"حبيبه" فتحت الاب بتاعها ووقفت ع لقطات "جى وو" ودخلت جوجل دورت ع صوره وفتحتهم وكل شويا تغمض عينيها لحظات تفتكر وتفتحهم تانى .. شافتها "ندى" لانها اول مره تشوفها كده قامت من على السرير واتجهتت لمكتب وشافت "حبيبه" فاتحه الصور ومغمضه عينها : حبيبه .. حبيبه .. حبيبببه
_ ها ..
_ ها انت .. مالك ...؟
_ مش هتصدقى الل هقوله ..
_ بصت ع الصور : مش قولتلك هتتهبلى منه دا فظيع
قاطعتها "حبيبه": دا الل بشوفه فى الحلم
بصتلها "ندى" وضحكت: انتى دخلتى المرحله دى مش قولتلك هتتهوسى بيهم لدرجه الحلم
_ لا لا دا الل بشوفه فى الحلم هو دا انا متاكده ..
بصتلها "ندى": "حبيبه" لا انتى روحى ل "وليد" يغيرلك الدوا ولا زعلك ع سحر لسه ماثر
_ انا كويسه ومتاكده هو .. والله هو ..
_ خلاص خلاص .. بصى تعالى ننام دلواقتى
_ لا روحى نامى انا قاعده شويا ..
خرجت "ندى " وهى متفاجئه من تصرفات "حبيبه" الل اول مره تشوفها .. طلعت ع شقتهم وحكت ل "حسام" وقعد يضحك ... تانى يوم نزل "حسام " وبيضحك :
_ انتى عملتى ايه فى "ندى" طالعه بتقولى حبيبه اتجننت
بصت ل "حسام ": حسام انا شوفته خلاص وطلع بجد
_هو ايه دا الاشكيف المخيف ؟
_ الل بيظهرلى ف الحلم
_ الاشكيف المخيف
_ انا بكلمك بجد ..
_ اها الفارس المجهول الل هو انا ماانا موجود اهو ..
_ مبهزرش انا ..
اتفاجئ "حسام " من طريقه "حبيبه" : نعم ياختى .. ودا ازاى .. اكيد شبه يابنتى
بنبره صدمه وذهول وثقه واصرار : لا هو ..
انا كل ما ببص لملامحه بحس بااحساس كنت بحسه فى الحلم هو انا متاكده هو
_ استهدى بالله يا حبيبه انتى لسعتى انتى عارفه هو فين وانتى فين .. بالعقل كده دا هيجيلك فى الحلم ليه .. زياره مثلا واتقابلتوا ف شرم ولا الغردقه .. ازاى ها ياعاقله
_ انتى مش مصدقنى
_ مش حكايه مصدقك ولا لا,, بس واضح قعده "ندى" معاكى بهتت عليكى من لسعانها ماهى كل يومين تصحى تقولى كانت بتاكل كيمباب مع اوبا معرفش مين وكانت بتتمشى مع اوبا معرفش مين ع نهر الهان .. انتم لسعتوا ..قولتلك من الاول بلاش تهاوديها وتتفرجى معاها دا فيروس معدى ..
_انت مش مصدقنى صح
_ لا طبعا .. انا قلتلك الحلم دا علشان الل كنتى بتشوفيهم لما كنتى بتروحى الكليه كانوا صينين وكنتى بتذكرى صينى وكنتى بتتفرجى ع افلام صينى فعقلك الباطن نسخ صوره من كل دول
_ بس هو مش صينى .. حتى بص
فتحت اللاب ع الصوره وبص "حسام" عادى متفاجئش :
_ بس منهم يعنى نفس العين الضيقه والملامح والشعر المهفهف يا "حبيببه" .. دا هيجيلك فى الحلم ازاى وليه انتى ف افريقيا وهو فى شرق اسيا انتى فاهمه هو فين دا فرضا لو هو .. خدى الموضوع ببساطه بس علشان لو تعمقتى هتتعبى واحنا بنصلبك ابوس راس ابوكى ..
حست "حبيبه" ان "حسام " مش مصدقها فقررت تسكت .. خرج حسام من عندها وقعدت ع سريرها وقدامها اللاب فاتحه الصورهتغمض عنيها للحظات تفتكر الحلم وتفتح عينيها و احساسها بياكدلها انه هو لكن كل الل حواليها كدبوها وانها بتتوهم .. فى اللحظه دى "كوكا" طلعت جنبها ع السرير شالتها "حبيبه": هو يا كوكا هو الل شوفته فى الحلم وهو الل فى الحلم التانى لما كنت بعمل العمليه لما شوفت ماما وهو كان واقف وماما مده ايديها ليا وقبل ما المس ايديها هو شدنى من دراعى واخدنى فى حضنه.. هو انا واثقه هو ..احساسى بيقولى هو يا كوكا .. قعدت القطه ع رجلها وباصه ع اللاب : حتى انتى مش مصدقانى يا كوكا ...
مسكت اللاب وابتدت تدور ع اسم "جى وو" السيره الذاتيه واعماله والبرامج وكله وقررت تشوفهم كلهم اى حاجه تخصه وكانت متحمسه اوى ..!
ابتدت "حبيبه" اهتمامها بالممثل الكورى "جى وو" ونفسيتها اتغيرت بنسبه كبيره وحماس فى كلامها وابتسامتها الل رجعت تانى زى الاول .. مر شهر وكان موعد متابعتها الشهريه فى المستشفى شافها "وليد" كانت متغيره مبهجه :
_ ماشاء الله المعنويات عاليه الشهر الل فات مكناش كده
ابتسمت "حبيبه": قولى يا دكتور قبل كده حلمت ولقيت حلمك قدامك
تفاجئ "وليد": حلمى ..
_اها ..حاجه كنت بتحلم بيها ومبتشوفهاش غير ف الحلم بس وبعدين لقيته قدامك
ب رغم استغراب "وليد" من كلام"حبيبه" ابتسم : انا مبحلمش لانه حقيقه
مركزتش "حبيبه" فى تلميح "وليد": ازاى مبتحلمش كل البشر بيحلموا
ابتسم "وليد": وانتى حلمك كان ايه بقى ..؟
ابتسمت "حبيبه" وبتردد : لا مش هقولك خلاص لانك هتعمل زى حسام وهتتريق عليا ومش هتصدقنى
_ مش احنا اصحاب .. قولى ..؟
_ عارف الشخص الل كنت بقولك عليه انى بشوفه فى الحلم
_ اها ..
_ شوفته فى الحقيقه
اتفاجئ "وليد": شوفتيه ..؟
_اها شوفته .. مش شوفته اوى بس عرفته انه حقيقى مش خيال حتى بص
فتحت موابيلها وفرجت "وليد" ع الصور وضحك : هو دا
_ ابتدينا الضحك وهتتريق
_ لا انا بسئلك هو دا ..؟
_ اها انا متاكده مليون فى الميه
_ لا احكيلى
حكت "حبيبه" ل "وليد " وضحك فى اخر كلامها
_ مش قولتلك هتتريق عليا ماشى
_ لا انا مش بضحك على كلامك انا بضحك عليكى انتى لو تشوفى نفسك وانتى بتحكى ومتحمسه اوى
_ ماهو انا مش مصدقه انه موجود اصلا ..اه هو فى قاره تانيه واستحاله نتجمع فى مكان لكن انه موجود دى حاجه محسسانى بسعاده غريبه .. انت تعرف انى خلصت فى 15 يوم 4 درامات و5 افلام و3 برامج كان فيهم
_ايه دا لدرجه دى ...
_ حتى بفكر استغل"حسام" ويعلمنى كورى بدل ماهو واخد الشهاده وشغال فى خدمه العملاء اهو انشط ذاكرته والكتب والاسطوانات عنده وانا كنت بدور ع حاجه اتعلمها اشغل وقتى .. انا اعرف تخاطيف كده لكن هدرسه زى الصينى والانجليزى
_ انتى واخده الموضوع جد
_ جداا .. بجد مش عارفه اوصف احساسى
سكتت "حبيبه" ولاحظت"وليد" ساكت وباصصلها ومبتسم : هتقول اتجننت صح ؟
_ لا انا اول مره القيكى متحمسه لحاجه اوى كده
_ جداا جداا .. بس هتقولى دا هبل وخيال ومعرفش ايه زى ما بيقولولى عارفه قول متخبيش
_ حبيبه .. الحاجه الل تخليكى مبسوطه كده وف الحاله الانتعاش دى اعمليها وميهمكيش كلام ولا تريقه حد .. اعملى الل انتى عاوزاه وبعدين ايه الل حصل دا ممثل زى اى ممثل فى العالم عنده معجبين من كل مكان وانتى واحده منهم.ودا مش غلط ولا حرام هنا الفنانين ليهم معجبات مبيشوفهمش غير ع التليفزيون وفى بيحلموا بيهم يعنى عادى مش حاجه غريبه . عيشى اللحظات الجميله ومتخافيش واعملى الل يخلى ابتسامتك دى متغبش ابدا ...
كلام"وليد" حفز "حبيبه": تصدق انت اجدع صاحب اعرفه هو اه مليش اصحاب غيرك انت وحسام لكن انت طلعت احسن من حسام بتفهمنى وبتحس بكلامى قبل ما اقوله هو ع طول بيتريق عليا وبيستلمنى ألش ..
_ اى خدمه .. خلصنا بقى كلام عن حلمك نرجع بقى للواقع والكشف
_ اوكيه ..
_ نخلص الكشف بتاعنا ونروح عياده الجلديه اخدتلك ميعاد مع دكتور هناك علشان شعرك
_مش بقولك انت اجدع صاحب ..
_ وهو انا عندى كام "حبيبه ...
الكل لحظوا ان "حبيبه" رجعت زى الاول مركزوش فى السبب اوى اكتر ما ركزوا انها بقت زى الاول ومكنتش بتجيب سيره الحلم وانها مهتميه ب "جى وو" علشان الحلم فضلت تخليه حلم وانها تكون به كفنان وفى الوقت دا اندمجت فى درامات والجو الكورى مع "ندى" وبقت معجبه بكذا فنان ودا اكدلهم انها نسيت الحلم وبقت مهووسه بالكورى زى "ندى ..!
بعد فتره لمحت NoteBook بتاعه "سحر" وفتحتها ووقتها حبت "حبيبه" تعمل زيها وتكتب احلامها ولان الكل بيضحك وبيتريق عليها ولانها كانت من الاشخاص الل كانوا بيتريقوا ع "ندى" من حبها واعجابها بالكورى .. قررت انها تقفل عليها دنيتها وتكتب فى النوتس دى كل حاجه بتحبها والحاجات الل عاوزه تعملها ونفسها تعملها من غير ما تقولها ل حد علشان ميتريقوش ..فى يوم "ندى" حضرت Event K.Pop مع اصحابها طلبت منها "حبيبه" تشتريلها NoteBook واشترت ليها واحد مرسومه عليها الفضاء لانها ملقتش عليه صوره "جى وو " فى يوم بليل قعدت ع السرير ومسكت قلم وابتدت تكتب "My Dreams " : غمضت عينيها للحظات وابتدت تكتب واول حاجه نفسها تعملها او حلم ويتحقق كان "بابا يحج " والمبرر لانها عارفه ان كل فلوسه وميراثه يعتبر اتصرفوا على مامتها وعلاجها وعمليتها وع علاجها وعملياتها وهو مفيش فلوس خاصه له يقدر يسافر بيها الحج فهى نفسها تعمل حاجه تخليه يحج ..تانى حاجه كتابتها "اشترى هديه ل حسام ووليد وندى " لان اغلب الوقت هما الل بيشتروا هداياها تالت حاجه " انزل واخرج لوحدى " لانها محرومه من كده رابع حاجه " اسافر واقعد مده بره البيت" لانها محرومه من كده _ خامس حاجه " اتعلم كورى بسرعه " كانت متحمسه جداا .. كتبت حاجات كتير فى اخيرهم " اعيش " ..
بعد فتره اتفقت مع "ندى" انهم يستغلوا "حسام" ويعلمهم الكورى وطبعا الموضوع كان عاجب "ندى" بعد اندماج "حبيبه" فى الجو الكورى .."حسام" لاحظ زنهم وكان مش مهتم وبيتهرب منهم .. فقرروا يضغطوا عليه ..قرروا انهم يراقبوا "حسام" ع اكونت الفيس وموبيله .. حاولت "ندى" تعرف باسورد ايميله وعرفته ونزلت ل "حبيبه" فتحوه ودخلوا ف المحادثاته مع البنات واخدوها اسكرين شوت كلها وفى مره وهما قاعدين طلبت "حبيبه" تتكلم من موبيل "حسام" هو استغرب وفتحهولها فى اللحظه دى ندهت "ندى" عليه ودخلت ع الواتس واخدت اسكرين شوت لكل المحادثات وبعتتها لرقمها ومسحت الل صورته وقفلت ورجع "حسام" ولا فى حاجه ... فى يوم "حبيبه" و "ندى" قرورو ينفذوا الخطه .. اتصلت "حبيبه" ب "حسام" وهو راجع من شغله عدى عليها وقعدوا ع السفره :
_ انتم عاملين زى ريا وسكينه كده ليه ومقعدين معاكم "كوكا" .. فى ايه ؟
بنبره هاديه : اوبا ..
ضحكت "حسام" بدائتيها يابنت سعيد ب اوبا يبقى فى طلب
بصت "ندى" ل "حبيبه": اتكلمى انتى يا "حبيبه"
بنبره هاديه : بص يا حووس احنا طلبنا بسيط احنا عاوزينك تدينا كورس مصغر للكورى نتعلمه .. الاساسيات وكده وانا هتعامل بعد كده .. دورت ع كورس اشتريه سيديهات لاقيته بمبلغ كبير وانت عارف الحياه عامله ازاى معايا .. انت عندك كتب الكليه والسيديهات اكسب فينا ثواب ..
ضحك" حسام" : ايه الفضى الل فيكم دا .. انا مش فاضى ليكم
بسرعه اتكلمت "ندى": لكن فاضى تكلم شيرى و علا وكاميليا وتقابلهم صح
اتفاجئ "حسام": وانتى ايه عرفك بالاسامى دى
ضحكت"حبيبه": مش انتى بتحكيلى هى سمعتك ..
_ بس انا محكتلكيش عن علا وكاميليا
ضحكت "حبيبه": اها علشان كلامكم دا ..
لفت اللاب وشاف حسام" سكرين شوت لمحادثاته : ايه دا منك ليها ..
ندى بنبره ثقه" عمليه ابتزاز سلم واستلم
اتفاجى "حسام": انتوا بتبتزونى ..علنى كده قلبتوا الموبيل والفيس
قامت وقفت"حبيبه": بص ياابن عم سعيد هتعلمنا بما يرضى الله وتساعدنا كل دا هيتمسح فى اخر يوم نقول خلاص اكتفينا .. هتقولنا مش فاضى هتلاقى الاسكرين دا ع الفيس فى كل الجروبات وقبلهم كريمه وعم سعيد يشوفوا ابنهم بيعمل ايه الل عنده ولايا يحافظ عليهم ..
_ دا هزار اصحاب مع بعض
_ خلاص اوريهالهم وهما يحكموا ..
اتفاجئ "حسام": انتوا تعملوا كده .. ماشى ..
_ ها قولت ايه ..
_ خلاص ماشى ..حسبى الله ونعم الوكيل ...
ضحكت" ندى": العيله دى مبتحبش تخدم لله لازم تستغليها ...
ضحكت "حبيبه" وندى " .... وابتدا فعلا "حسام" يتعلمهم ويديهم دروس كورى وكانت "حبيبه" متحمسه جداا اكتر من "ندى" .. اتعلمت الاساسيات من "حسام" والباقى دورت عليه ع النت واى حاجه تحتاجها كانت بتساله .. لكن "ندى" تعبت وكسلت واكتفت ان "حبيبه" تتعلم وهى هتاخد الترجمه جاهزه منها ... !
مرت سنه وكانت "حبيبه"حياتها درامات كورى والثقافه الكوريه لفتت نظرها قررت لما تخلص الكورس الكورى تبدء فى اليابانى لان ثقافه دول شرق اسيا لفتت نظرها دنيا جديده دخلتها .. الحلم مبقاش يتكرر ولا تحلمه وقررت انها تحلم و تكتب احلامها ف النوتس ... ساعدها "وليد" فى ممارسه اللغه كان يكون فى وفد زياره ف المستشفى كان يعرف "حبيبه" ويخليها تحضر سواء صصينين او كوريين او اجانب وكانت بتتكلم معاهم .. وع الفيس اتعرفت ع جنسيات مختلفه وفى شات وجروبات كانت بتتكلم معاهم بلغتهم ودا ساعدها ع ممارسه اللغات الل بتدرسها ودا كان مكسب ليها للوقت واستفادت منه ..!
برغم حرسهم والتشدد ع تحركات "حبيبه" الا انها كانت بتعيش حياتها عادى بدون اى خوف وكان شعارها الدائم "اعيش اليوم واترك الغد بما فيه " لكن كانت شبه محرومه من حاجات كتير كان بتاكل اكلات معينه علشان العلاج وكان كل فتره كان مسموحلها ب اكل من الممنوعات لكن بنسبه قليله .. فكان بالنسبالها الاندومى يوم عيد يوم ما كانت بتاكله وكان "حسام " بيشترى ليها هى و "ندى" اكلات كوريه او صينيه تاكلها فى البيت لكن بكميات قليله لكن كانت مبسوطه .. .. فى يوم قابل "حسام" "وليد" فى المستشفى :
_ انا قولت اسلم عليك قبل ما اسافر
_ يارب تكون وظيفه كويسه يا "حسام" الل هتسافر ليها
_ واسطه من عند ابويا جبتلى شغل فى شركه سياحه فى دبى اهو اخيرا هشتغل بشهادتى خريج ألسن قسم الكورى
ضحك"وليد": ان شاء الله خير تسافر بالسلامه
_ انا جيت اسلم عليك واوصيك ع "حبيبه" لما اسافر .. مش هيكون ليها غيرك هنا فى غيابى
_ انت بتوصينى ع مين يا "حسام" سافر انت واطمن بس
_مفيش اى جديد فى المتبرع مرت سنتين ع اخر عمليه ..؟
اتنهد "وليد" : لا للاسف لما بلاقى حد بيكون مش متطابق معاها .. "حبيبه" عملت معجزه بتماسكها الفتره دى عدم استسلامها وطاقتها الايجابيه بتحارب المرض اكتر من العلاج ..
_يعنى الحل هتفضل تاخد العلاج ..
_ حاليا حالتها مستقره مبيحصلهاش انتكاسات زى الاول الحمد الله ودى حاجه كويسه حالتها النفسيه والمعنويه المرتفعه مع العلاج عاملين حاجه ..
ضحك"حسام": البركه فى الكورى لو كنت اعرف كده كنت اخليها تدخل قسم كورى بدل الصينى
_ لما بشوفها وهى بتتكلم وبتحكى تحس انها مش هنا خالص
_ اها عندى اتنين مجانين هى و"ندى" اتلموا ع بعض وعملوا حزب ضدى ..قولى صح هى كلمتك تانى ع الحلم والل كانت بتشوفه ..
_ لا بقالها مده طويله مبتحكيش مفيش على لسانها غير دراما شافتها عجبتها تحكيهالى حاجه شافتها ف دراما او قريتها ع النت وانها هتبدء تتعلم يابانى كده يعنى ..
_يابانى بقى علشان تبقى اخدت المثلت ابو عيون ضيقه
ضحك"وليد".. كمل "حسام": هو انت مصدق حكايه الحلم دا ان الل شافته هو الممثل دا ..
_ انا مكنتش معاها ف الحلم علشان اعرف هو ولا لا .. هى لما حكت اكدتلى انه هو ..
_ استحاله يا "وليد" بالعقل كده هى ف الشرق وهو فى الغرب ازاى تحلم به ..عقلها الباطن السبب هى "حبيبه" قابلت مين غيرنا غير الل ف الكليه الوشوش قليله الل شافتها اتجمعت الصور دى ف صوره شخص الل حلمت به ولما شافت الممثل دا اعتقدت انه هو .. ملهاش تفسير تانى
_ اممم معاك حق .. بص مدام هى مبسوطه وسعيده بالل بتعمله انا معنديش مشاكل فكره ان "حبيبه" سعيده دى كفايه ولا ايه
_ اه فعلا .. لكن انها متكلمتش عن الحلم زى ماكانت بتتكلم دا معناها انها مش حطاه ف دماغها صح لتتهف وتقولى اسافر ..
_ يبقى نسيت حياه "حبيبه" مشغوله بحاجات بتعملها وبعدين هتسافر ازاى هتطير.. "حبيبه" مينفعش تروح مكان يا"حسام" وهى عارفه كده كويس
ضحك"حسام": مقضياها سياحه داخليه عباره الانترنت
فى البيت كانت "حبيبه" قاعد بتحط اكل لقطط ع السلم وبعدين دخلت حطط اكل ل كوكا وقعدت تتكلم معاها :
_ ايه يا كوكا .. ايه رايك ابتدى كورس فرنساوى ولا المانى ولا يابانى ..ماانا خلصت الكورى خلاص ومش عاوزه اضيع وقتى الفاضى دا ..انا مقسمه وقتى بليل قبل ماانام اتفرج ع فيلم او حلقتين من دراما ..الصبح لمذاكره ماهو انا لازم استغل وقتى ومضيعهوش ولا ايه ..
حسست ع راسها وقاعده جنبها : احكيلك عملت ايه امبارح علشان نسيت اتفرجت ع فيلم "جى وو" الصينى ياقلبى ياناس عليه ايه الجمال دا والمقابله الل عملها للفيلم يانهارى ع ابتسامته انا مش عارفه الناس الل معاه مستحميلنها ازاى .. وسمعت الالبوم فرقه Stars البت "ندى" خلتنى مدمنه عليهم هما ال 6 كل واحد صوته افظع من التانى ... (بتحسس ع راسها) انا عارفه هتقولى عليا لسعت بس فعلا الحاجات دى بتخلينى مبسوطه ..انا عارفه انا مش هشوفه حقيقى اذا كان مبسافرش اسكندريه ولا بروح اجيب طلبات لوحدى .. كفايه انى اشوفهم واتمتع وانا بشوفهم ... ولا ايه ..
شويا وهى قاعده سمعت جرس الباب وقامت فتحت كانت "ندى " و "حسام":
_ ياهلا يا هلا
"ندى" بفرحه: اووبا عزمنا ع اكل يلا ..
قعدوا ياكلوا :
"حبيبه" وهى مستمتعه ": مين يا حسام هيجبلنا الاكل من الشارع غيرك
"ندى" بصوت بتعيط: هنجوع من بعدك يا اووبا
ضحك "حسام ": اخدكم معايا ف الشنطه بس "حبيبه" هتتاخد منى ف المطار لان مش بعيد "وليد" يبلغ عنها الجوازات
ضحكوا كلهم ... : هتوحشونى يا جزم
ابتسمت "حبيبه": انت اكتر .. بس الل مفرحنا انك مسافر لمكان كويس
_ أمانه عليك يا "حسام" لما تشوف اى اوبا من اوباتى سلملى عليه معرفش انا بيروحوا "دبى" بس ليه هى "مصر" بلد الاهرامات مش عربيه
ضحك "حسام ": وانتى يا "حبيبه" مش عاوزه اسلمك ع حد ماهو انا مسافر "دبى" علشان ارقبلكم الكوريين
ضحكت "حبيبه": مش اوى كده احنا الل هنجيلك
ضحك"حسام": هبلغ عنكم المطار
ضحكت "حبيبه" وكملت "ندى ": بجد بحقد عليك هتسافر دبى واغلب حفلات الكى بوب بتكون هناك يعنى Stars هتشوفهم واغلب اوبهاتى واجاشاتى وانوياتى هناك
ضحكت "حبيبه": بس يا فاشله
ضحك "حسام": انا لو معمرتش هناك هيبقى من قركم ارحمونى
ضحكت"حبيبه": بجد هفتقدك يا حسام بس انا مبسوطه انك هتشتغل بمؤهلك كنت خريج ألين لغه كوريه وشغال فى خدمه العملاء اخيرا الشهاده هتطلع من تحت المرتبه اهو .. ربنا يوفقك
_ انا مكنتش متخيل انى هشتغل به اصلا ..
_ كنت سافر كوريا اشتغل به علشان تتكلم كورى
"حبيبه" بتخبط "ندى": يروح كوريا علشان يتكلم كورى ايه يابت النصاحه دى
قوليله يروح بالسلامه ..
_ تروح بالسلامه حلو كده
ضحكوا ..بص "حسام " ل "حبيبه" وملامح قلق اترسمت ع وشه : حبيبه
_ ايوه
_ خلى بالك ع نفسك
ابتسمت "حبيبه": متخافش مش هموت دلواقتى
ندى بعصبيه: بعد الشر يا هبله متقوليش كده
ضحكت "حبيبه": بهزر معاكم انا قاعد ع قلبكم
_ مش عاوزه حاجه من هناك
بتضحك : امانه عليك تسلملى ع "جى وو" لو شوفته وStars نفر نفر و .. لا انا هبعتلك اساميهم فى رساله اضمن ..
ضحك "حسام" : واللهى انتم لسعتوا .. عوضى عندك يارب .
رجعوا ياكلوا وكانوا بيهزروا وبيضحكوا ... بعد يومين سافر "حسام " دبى .. ورجعت "حبيبه" لحياتها ودرامتها وعلاجها ..!
__________________________
يتبـع
ليست هناك تعليقات:
إرسال تعليق