(5)
ابتدت فتره الامتحانات ترم واول يوم الامتحان ل ايمان كان الساعه "9" فاتفق "على" معاها ينزل بدرى ويوصلها وكان لابس بدله لانه كان بيروح شغل المكتب رسمى ضرورى يلبس "بدل" كالعاده... وصلها لغايه المعهد :
على ماسك ايد ايمان : تدخلى الامتحان وتهدى نفسك واتكلى ع الله وحلى ومتخافيش من حاجه
ايمان متوتره: ربنا يستر
على باابتسامه وبيطبطب ع ايديها : ان شاء الله خير
ايمان ابتسمت: ان شاء الله
وهما واقفين وصلوا اصحاب "ايمان" " اميره ودعاء " وكام صاحبه تانيه وكانوا عرفوا انها اتخطبت لكن مكنوش يتوقعوا يشوفوا خطيبها بالسرعه دى وشافوا "على" وانبهروا بيه شكلا وشياكه علشان لابس بدله وجسما وطولا ..راحت "ايمان" ماسكه ايد "على" لما شافت البنات بيقربوا منها وبتغيظهم زى ما كانوا منهم بيغيظوها بخطوبيتهم
البنات: ايمى ..
ايمان : اهلا .. ازيكم يا بنات
اميره: مش تعرفينا يا ايمى
ايمان بتناكه : اه صح .. اعرفكم ب "على" خطيبى
رفعت ايديها بالدبله والمحبس والخاتم ...
البنات متفاجئين : بجد دا خطيبك
على بيضحك: يعنى هتكون خطفانى
البنات ضحكوا : مبرووك الف مبروك
ايمان بتناكه : ميرسى عقبال الباقىبقى
على بيضحك ع اسلوب البنات وايمان
بص ل ايمان وماسك ايديها وبص ع الساعه : عاوزك تركزى كويس ومتستعجليش زى ماقولتلك ف الاجابه ..خدى وقتك بالظبط انت ليكى ساعتين متسبيش سؤال تمام واهدى ومتوتريش نفسك ,,
ايمان باابتسامه: اكيد مش هتوتر لانى هفكر فيك
على بيضحك: كده مش هتحلى وهتفشلى
ايمان: بالعكس داانا هنجح بسببك
البنات اتغاظوا : يلا يا ايمى مش داخله
ايمان : ايوه يلا
على مسك ايد ايمان وباسها والبنات تنحوامن الحركه دى : بالتوفيق وهبقى اطمن عليكى
ايمان اتاخدت من الحركه وفرحت اوى انه قدام اصحابها : باى باى
على : لااله الا الله
ايمان: سيدنا محمد رسول الله
دخلت ايمان وهى منشكحه اوى .. واصحابها متغاظين منها من تصرفاتها الاوفر لانها كانت بتنتقد تصرفات البنات الل معاهم لما بتتخطب ... دخلت ايمان مبتسمه برغم الكل داخل متوتر وقافل وشه ..فصلت نفسها عنهم وفضلت عايشه الاحساس دا لغايه ما جت ورقه الاسئله واول حاجه عملتها اول ما استلمت الاسئله كتبت اسم "على" وباصه عليه وابتدت بهدوء تقرا الاسئله وتحلها سمعت كلام "على" ونفذته بالظبط واحده واحده ..
خلصت الامتحان وخارجه من اللجنه موابيلها رن وكان "على" فتحت ع طول
ايمان: الو
على : ايه الاخبار يا ايمى عملتى ايه
ايمان مبتسمه: الحمد الله .. سمعت كلامك وعملت الل قولت عليه
على: يعنى متوترتيش ولا خوفتى ولا اى حاجه
ايمان: لا خالص وعارف ليه
على: ليه
ايمان: علشان كنت بفكر فيك وتوصيلك ليا انهارده لمعهد ادانى احساس بالامان احساس سيطر عليا لغايه دلواقتى ولا حسيت بخوف ولا رهبه ولا رعب ربنا يخليك ليا يا "على"
على : ويخليكى ليا .. هتعملى ايه
ايمان: هستنى البنات ونروح نجيب ورق مراجعه الماده التانيه
على: اوكيه وع البيت ع طول خدى دش وكلى حاجه ونامى ارتاحى
ايمان : حاضر .. وهستناك بليل لما ترجع
على: اكيد انا لو مشفتكيش الصبح ولا بليل اليوم ملوش معنى
ايمان: والله وانا
على: ومش هنسى الجرعه اليوميه ..عاوزه حاجه تانى
ايمان بتضحك: تسلملى انا ...كفايه انت عليا
وهى واقفه سمعت صوت البنات ندهو عليها
راحت قفلت مع "على" ووقفت معاهم لكن الغريب انهم متكلموش ع الامتحان
اكتر ما اتكلموا وسألو على "على" ...
سلوى: ايه ياايمى يا سهونه ..خطيبك جامد مووت وقعتيه منين دا ها
ايمان بتناكه: اوقع مين ..دا كان هيموت عليا وانا كنت منفضاله
امير بتضحك: هو الل كان منفضلك ..ماشى
ايمان : اه ومش مصدقانى يعنى
دعاء ابتسمت وبصت ل اميره: خلاص يا اميره انتى كنتى ناسيه لما كانت بتحكيلنا قد ايه هو كان بيلمح وهى مش حاسه بيه ... بس اخيرا عطفت عليه ووافقت
ايمان حست بتلقيح الكلام : ماشى يا دعاء
ضحكوا البنات ... اميره: صحيح هو خطيبك شغال ايه ؟
دعاء: اه بالشياكه دى والاناقه دى اكيد ف بنك صح
ايمان : لا محاسب ف مكتب محاسبه قريب من هنا
سلوى : يعنى هنشوفه كتير بقى
ايمان: نعم يا حبيببتى .. انا هشوفه طبعا
سلوى: يا بختك ياعم مخطوبه لواحد يفتح النفس مش زى مخطوبه لقعر حله
شحكت "ايمان " ... دعاء: بس ليه خطيبك مش شغال ف بنك وانتى قولتى تقديره كان كويس
اميره: باين كده الكوسه منفعتش ..
ايمان: لا ابدا هو قدم ومتقبلش و "على" من الشخصيات المكافحه .. شغال شغلنتين ف يوم
دعاء: بجد .. شغال ايه غير مكتب المحاسبه ؟
ايمان سكتت لحظات : فى مكتب محاسبه تانى .. واحد الصبح وواحد بعد الضهر بيكملوا بعض يعنى ..
اميره: ربنا يخليكم لبعض واضح انه شخصيه بتحب المعافره
ايمان : اه جدا جدااا ... يلا بقى نروح اجيب ورق الماده التانيه
ف اللحظه دى سمعوا صوت من وراهم : ازيكم يا بنات
الكل بص : شاهى
ايمان الوحيده الل ابتسمت : شاهى
شاهنده: ازيك يا ايمى .. عاملين ايه يا بنات
البنات قلبوا وشهم: الحمد الله
شاهى بصالهم وبملامح اسمئزاز: طيب طيب
ايمان: عملتى ايه يااشاهى ف امتحان
شاهى: بيس يعنى الحمد الله ..
ايمان: طيب كويس
دعاء: يلا يا ايمى هنتاخر كده
شاهى بتضحك: بجد..طيب يلا ياايمى علشان متتاخريش
ايان اتحرجت: اوكيه ... هشوفك تانى
شاهى : اكييييييييد
مشيوا وروحوا البيت ودخلت "ايمان" البيت وغيرت بعتت ل "على" انها روحت اخدت دش واكلت .. بعتتله انها عملت كده وقالتله انها هتنام رد عليها ب:
نامت "ايمان" وصحيت ع الغدا وقعدت تذاكر وكان "على" بيبعتلها وبيتواصل معاها بالرسايل كل ساعه يطمن عليها ودى حاجه كانت مفرحه "ايمان" جدااا وخصوصا اهتمامه اكلت .. نامت .. ذاكرت كل يوم كان بيهتم بااصغر حاجه بتعملها برغم فعلا انه مشغول جداااا ..
وبليل كانت بتنستناه ف البلكونه وتنزله السبت وكان بيحطلها الشوكولاته ليها ول اسماء ويطلع يدى "هبه" اخته شوكولاتتها ويسلم ع مامته ويبوس ايديها وراسها ويدخل اوضته ...!
استمرت فتره الامتحانات ع الوضع دا "على" يوصل "ايمان" ويتواصل معاها بقيت اليوم وبعد الامتحان بالظبط وهى خارجه من اللجنه "على" يتصل بيها يطمن عليها ..وفى ايام كان بيجلها المعهد يفاجئها باانه مستنيها ويروحها وكانت بتكون فرحانه اوى ...!
خلصت الامتحانات وكان "على" اتفق معاها ياخدها ويخرجوا مع بعض يقضوا يوم برا
بموافقه اهلها اكيد ... ففيوم "على" خلص شغله ف المكتب بدرى وعرف الحج "عبدالله"انه اجازه من شغل التاكسى اليوم دا ورجع ع البيت غير هدومه وجهز وعدى ع "ايمان" اخدها وهما ماشين ف الشارع ماسكين ايد بعض قدام كل جيرانهم ف المنطقه وايمان كانت فرحانه اوى ... وقفوا ع اول الشارع :
ايمان: هتودينى فين انت قلت هتفسحنى
على: انا مجهزلك خطه من وقت خطوبتنا وانا بخطط فيها هيرجعك البيت ان شاء الله طايره من السعاده صدقينى سبيلى نفسك بس انهارده
ايمان ب ابتسامه : ماشى هنشوف ..
واقفين مستنين تاكسى .. ايمان :فين يا "على" التاكسى بتاعك بدل ما نركب تاكسى تانى
على: تاكسى مش بتاعى .. التاكسى انا شغال عليه ومينفعش اخده لامور شخصيه دا شغل
امانه مينفعش استهتر فيها .... وبعدين انا مش عاوز اسيب ايدك والسواقه هتشغلنى ولا ايه
ايمان اتكسفت : طويب
وقف التاكسى وركبوا ونزلوا وسط البلد وكان على حاجز سينما الساعه 4 وكان فيلم اجنبى "كانت ايمان كاتبه ع الفيس بوك ستيتيس اسم فيلم اجنبى وقالت نفسها تدخله ..ف على كتب اسمه وراح حجز تذاكر ليهم من اسبوع "واتفاجئت ايمان بيه ..
ايمان متفاجئه : ايه عرفك انى عاوزه ادخل الفيلم دا
على: مش قلتلك هفاجئك انا ولسه
ايمان: لا بجد .. عرفت من "اسماء" هى قالتلك صح
على: انا مسألتش حد ..انا الل عرفت
ايمان بااندهاش: عرفت ..ازاى وغلاوتى عندك ازاى
على باابتسامه وماسك ايديها :مش انتى كنتى كاتبه بوست من اسبوعين انك عاوزه تدخلى الفيلم دا سينما
ايمان اتفاجئت : انت بتفتح فيس ..
على بيضحك" اومال الاكونت الموجود دا ايه شبح
ايمان : انا فاكراك عامل الاكونت ونسيته انت مبتحطش فيه حرف انا يااما دخلت ابص مش بلاقى اى حاجه خالص ..
على بيضحك: انا ايوه عامل اكونت بس مش لتسليه واحط بوستات وصور وكده انا معنديش وقت لدا كله وانتى عارفه ...الاكونت بتاعى بتواصل بيه مع اصحابى ف رسايلحاجات تخص شغل المكتب وبعدين انا عاوزه ف اكتر من كده
ايمان : وانت كنت فاتحه مفاجئه فشوفت ع الوول البوست بتاعى صح
على ضحك وقرب منها : انا كل يوم بفتح الاكونت سواء محتاجه او لا قبل ما انام وادخل البروفيل عندك واقرا كل بوستاتك وكومنتاتك .. من الاخر انتى كنتى تحت عينى..مراقبه
ايمان ضحكت: بتراقبنى
على : اها بااماره من يومين كتبتى انك عملتى صينيه مكرونه بشاميل ونسيتها ف الفرن اتحرقت وتانى ماده ليكى كتبتى انها كانت سهله والسوال التالت كان رخم لكن حلتيه
والشهر الل فات صاحبتك اميره عملتلك بوست بتتريق عليكى لانك لما بتاكلى الشوكولاته بتبهدلى نفسك و لما كنتى ف الدبلوم كنتى بتكتبى وتدعى ع المدرس الل طردك من حصته بسبب شيماء الل كانت بترغى و ...
ايمان متفاجئه بالكلام دا كله : ايه دا يا على .. انت عارف كل حاجه
انت كنت بتراقبنى بجد
على قرب من ايمان: انا عارف كل حاجه عنك .. الل بيحب حد بيعرف عنه كل حاجه من غير ما التانى يحس او يتكلم .. لما بيزعل ..بيزعل .. لما بيفرح ..بيفرح .. بيسجل كل لحظات وكلام بيقوله.. مراقبه بدون شروط لكن ممتعه جدا
ايمان اتحرجت من الكلام وانطفى النور والفيلم ابتدى فمسك على ايد ايمان وكان معاه كانز حاجه ساقعه حطته ع الارض وبعد الفيلم ب 10 دقايق حطت دماغها ع كتف "على" .. و"على" مسك ايديها وباسها وفضلت طول الفليم نايمه ع كتفه خلص الفيلم وكانت فرحانه اوى بيه ..على: مبسوطه
ايمان بسعاده: جداا جداا .. انا لما كتبت البوست بتاع الفيلم كنت عاوزه فعلا اشوفه واشوفه معاك مش مع اصحابى كنت متخيله احساسى هيبقى ازاى .. لكن احساسى الحقيقى دلواقتى معاك ملوش وصف .. انا مبسوطه اوى انى شوفت الفيلم معاك يا "على"
على باابتسامه: انا الل مبسوط انك دخلتينى السينما انا بقالى سنين مبدخلهاش لانى زى ما قولتلك مفيش وقت ..شكرا يا :ايمى: انك اديتنى الفرصه دى وعيشتهالى
ايمان باابتسامه: انا الل بشكرك انك ف حياتى يا "على" ...
على ابتسم .. ايمان : ها الخطه الخطوه الجايه ايه ...
على بص ع ساعته: اممم ناكل .. يلا بينا ناكل
ايمان: يلا
راح "على" و"ايمان" ع مطعم سندوتشات وطلب فاهيتا فراخ سبايسى ل ايمان من غير ما تطلب ومعاها كانز فيروز اناناس وبطاطس محمره .. ايمان شايفه الطلب من غير ما تطلب
ايمان متفاجئه: انت مسالتنيش
على بيضحك: مش محتاج اسئل .. انا عاوزك تستمتعى .. مجرد ما تتمنى الحاجه تلاقيها قدامك
ولسه اليوم مخلصش ..
ايمان بسعاده: على انا ..
على قاطعها : يلا ناكل
ايمان هزت راسها : يلا
وابتدت ايمان تاكل باستمتاع وفرحه انها فعلا بتحب الفاهيتا جدااااااا مع البطاطس المحمره
و"على" شايفها مبسوطه وابتسامتها ع وشها كان فرحان لدرجه انه ركز معاها ومع تصرفاتها وشبه ماكلش هو ....
قبل ما يخلصوا الاكل بشويا "على" و "ايمان" كانوا قاعدين ف المحل جنب الازاز بيطل ع الشارع .. "على " لاحظ ولد صغير بيبيع مناديل واقف بيبص عليهم وهما بياكلوا بمعنى اصح بيبص على الاكل ... "على " اتاثر بالموقف وقام ...
ايمان شافته: رايح فين ..
على : راجع تانى كملى اكلك انتى ..
راح "على" طلب وجبتين واتحطوا ف علبلتين وخرج بره المحل وراح اتجاه الولد ,
على باابتسامه: ازيك
الولد خاف : انا اسف ..مكنتش اقصد ابص ..انا ...
على بيهدى الولد: اهدى اهدى ... انا مش هعملك حاجه استنى
الولد من نظرات "على" وقف مكانه ف "على" قرب منه : انت اسمك ايه ؟
الولد: على
على ضحك: الله .. تعرف ان اسمى انا كمان "على"
الولد ساكت .. على : كام سنه يا على ؟
الولد: 10 سنين
على : اممم وبتبيع مناديل كل يوم
الولد هز راسه .. على بيغمزله: وبتكسب بقى ولا ايه
الولد بحزن : الحمد الله
على :انت مدخلتش مدرسه
الولد: دخلت وخرجت لان تكاليفها كتير ع ابويا
على: علشان كده نزلت تشتغل
الولد بملامح حزن وانكسار وطى راسه : ايوه
على رفع راس الولد: دى مش حاجه تخجل منها يا "على" انت كده اجدع من اجدع واحد قاعد جوه ف المكان الل بتبص عليه دا .. مش معنى انك بتبيع مناديل يبقى انت وحش .. اعرف ان رزق ربنا اشكاله كتير ومتوزعه ع كل الناس .. يعنى انت بتبيع مناديل وانا بسوق تاكسى واحنا الاتنين اسمنا "على"
الولد ملامحه ارتاحت ل على .. على كمل كلامه : الشغل مش حاجه نخجل منها مهما كانت مدام حلال وربنا بعتهولك ومش شرط يكون فلوسها كتير لان القليل اوقات كتير الخير فيه والبركه اكتر .. وكل ما تكون انت راضى بحالك وبتعمل الل تقدر عليه ربنا هيكرمك بالاحسن .. فمتزعلش ابدا ولا تحس بانكسار كده ارفع راسك انت مبتعملش حاجه تخجل منها
الولد: حاضر
على : وعاوزك اضحك كده متغيبش ضحكتك ..حارب ظروفك بالضحكه ابقى اقوى منها ومتخجلش ابدا من انك بتبيع مناديل ولا بتمسح عربيات ولا بتبيع اى حاجه .. انت صح وبتكسب بعرقك انت راجل ومسئول واوعى تفكر ولا تستسهل انك تمشى غلط يا "على" مهما قاست عليك الظروف لان الل هيجى بالسهل هيروح بالسهل وحاجات تانيه بتروح معاه انت عمرك 10 سنين لكن قدرت تنزل تشتغل .. قول الحمد الله دايما فى كل وقت هتساعدك كتير ... واضحك بقى ورينى ضحكتك حلوه ولا انا بيتهيالى
الولد ابتسم ... على اداله شنطه الل فيها الوجبتين : اتفضل دا اكيد متغدتش لسه
الولد تنح ل "على" : ها ..
على: اكيد متغدتش ماهو الل يشتغل ويلف ع رجله بينسى ياكل وانا عجبتنى شجاعتك ورجولتك انك بتشتغل رغم سنك وظروفك فعزمتك ع الغدا فياريت تقبل عزومتى
الولد مسك الشنطه: شكرا
على : العفو ..يلا بقى هسيبك تاكل غداءك براحتك وانا هقوم لانى سايب خطيبتى لوحدها الل هناك دى
شاور "على " ع " ايمان " وايمان مستغربه من تصرف "على " ... سابه ودخل المحل تانى وبص ع الولد : هما كل الل اسمهم "على" مكتوب عليهم الشقا كده .. الحمد الله ..
وراح الولد قعد ع الرصيف ومن الجوع فتح الوجبه لاقى اكل ومحطوط جواها 100 جنيه
ابتسم الولد واكل وهو سعيد ....
ايمان: غيبت كده ليه وليه اصلا وداك لولد دا يا على مش شايف شكله
على بص ل الولد وهو بياكل وسعيد : ماله شكله ماهو كيوت وعسول اهو ..
ايمان: انت قومت علشان تشتريله الاكل وانت ماكلتش
على بص ع الولد : الابتسامه الل ع وشه دى شبعتنى .. و بصراحه صعب عليا حسيت انه مااكلش فقلت ااكله وبعدين دى حاجه بسيطه ...
ايمان حست بطيبه "على " : انت طيب اوى يا "على" وخصوصا احساسك بغيرك ... انت كنز
على بيغمزلها: وانتى مفتاح الكنز دا يا ايمى
ايمان : انا بكلمك بجد
على : ايمى ..ماهو احنا عايشين لبعض والاماكن ممكن تتغير يعنى ممكن اكون مكانه وهو مكانى ... لما نحس بغيرنا هنلاقى ال يحس بينا من غير ما نطلب دا .. وبعدين انا مكنتش هقدر اكمل اكل وشايف حد مش لاقى اكل وجعان وانا قادر اديله سندوتش ..
ايمان حطت ايديها ع ايد"على" ع الترابيزه : بحبك اووى وكل مره بحبك اكتر
على حط ايده التانيه ع ايد "ايمان" وطبطب عليها وابتسم : يلا كملى اكل علشان نشوف الخطوه الجايه ...
خلصوا اكل وخرجوا ومشوا شويا اشترى ايس كريم وكان فى بنت صغيره قاعده مع مامتها بيشحتوا جنب المحل فراح "على" اشترى لبنوته ايس كريم وادهالها ومشى وايمان برغم استغربها من تصرفات "على" لكن فرحت بيه ... اتمشوا شويا ع الكورنيش واخدها وركبوا مركب ف النيل وايمان كانت مبسوطه اوى .. خلصوا لفت المركب ورجعوا بص ع الساعه "على"ولقى فى وقت لسه وهما ماشين شاف بياع غزل البنات واشتراه ل ايمان وكانت فرحانه اوى وراحوا وقعدوا ع كافيه شويا وقعدوا يتكلموا وبعدين نزلوا ركبوا تاكسى وروحوا البيت ... "على" وصل "ايمان" لغايه باب البيت ودخل شقتهم وسلم ع مامتها وباباها وشايفين "ايمان" راجعه فرحانه اوى وكانت معاها شنطه فيها شوكولاتات وحاجات بتحبها "على" اشترالها ...
شويا واستأذن ونزل علشان الوقت متاخر كان الساعه 11 وكانت ايمان مبسوطه اوى حكت ل اسماء وهى فرحانه اوى ....
اسماء: ايوه ياعم يا بختك .. هى دى بقى احلى ايام هى الخطوبه عيشى
ايمان: مكنتش اتخيل ان "على" مهتم وعارف الحاجات دى عنى من غير ميسئالك حتى انتى
انا انهارده اتفاجئت اوووى بحاجات كتير من على والله وكنت حاسه انى هيجيلى ساكته قلبيه من الفرحه
اسماء بتضحك: يالهوى وكان هيبقى ارمل الطروب
ايمان خبطتها : بعد الشر عليا ..انا بحب "على" اوى اوى اوى
اسماء: ربنا يخليكم لبعض
ايمان: تعرف يا سمسم ..انا تخيلت "على" هيودينى اماكن تانيه غير دى لكن من بساطه الخروجه انا انبسطت بجد
اسماء بتغمز ل ايمان: ماهو يا ايمى الفرحه بالخروجه مش بتكون بالمكان ع قد ما بتكون بالصحبه .. انتى ممكن تروحى مكان غالى ومعاكى صحبه تخنق متستمتعيش .. وممكن تروحى اماكن بسيطه لكن الصحبه الل معاكى حسستك بفرحه كبيره ... الصحبه اهم من الاماكن يا ايمى ولا ايه
ايمان ابتسمت: تصدقى صح بس برضه ميمنعش اروح بالصحبه الحلوه اماكن حلوه برضه
اسماء : ايه الطمع دا
وايمان بتتكلم موابيلها رن وكان على ..: سمسم .. اطلعى شوفى ماما عاوزه ايه
اسماء: ماشى ماشى بتوزعينى ... لولا الشوكولاته مكنتش سيبتك
بس انا للاسف باخد رشوه توزيع وقابله ع نفسى
ايمان بتضحك: يلا يا رخمه
خرجت اسماء .. ايمان ردت: الو
على : تصدقينى لو قلتلك وحشتينى
ايمان بكسوف : وانت كمان
على : انبسطتى يا ايمى انهارده
ايمان بسعاده: كلمه انبساط او سعاده قليله بال حساه ..ميرسى يا "على" على اليوم دا
على باابتسامه: المهم انك انبسطتى مش عاوز غير كده
وابتسامتك متغبش ابدا وتفضل منوره حياتى
ايمان: ابتسامتى دى انت سببها وسبب انها مبترحش
ايمان: انا اتفاجئت كتير بالل عملته حسستى انى اميره ومعايا مصباح علاء الدين وانت الجنى
كل الل كلته وشربته وعملته انهارده كان نفسى فيه ومكنتش اتخيل انه كله هيبقى ف يوم واحد
على: طول ماانتى معايا ربنا يقدرنى واعملك كل حاجه تخليكى مبسوطه
انتى سعادتك من اهم الحاجات ف حياتى
ايمان :
ربنا يخليك ليا ولا اتحرم منك
على: ولا منك ..يلا نامى وارتاحى من تعب اليوم
ايمان: ولا حسيت بالتعب وانت معايا
على: يلا تصبحى على خير
ايمان: تصبح وانت ف حياتى
ابتسم على وقفل مع ايمان وبص ع الدبله باسها ونام ... وايمان كمان ... |
ومرت اجازه نص السنه وكانت ايمان دايما الصبح تكون ف البلكونه تستنى ع لما ينزل لشغل
وطول اليوم بتتواصل معاه رسايل ع الموبيل وهو كان بيكلمها ولما بترن بيكنسل ويتصل هو
وبليل تستناه تطمن انه رجع وتاخد تموين كل يوم الشوكولاته ... !!
وابتدا الترم التانى واول يوم ف الدراسه "على" كان متفق مع "ايمان" هيوصلها لغايه باب المعهد ..صحيت "ايمان" من بدرى ولبست واتشيكت وكانت "اسماء" لابسه هى كمان وجاهزه .. ونزلوا كان "على" و"هبه" مستنيهم .. "على" شايف "ايمان" بتقرب منه مع "اسماء" اترسمت ع وشه ابتسامه : ايه الجمال دا
اسماء : احم احم .. راعى ظروفنا يا عم "على" مينفعش كده
على بيضحك: ماانا بكلمكم انتم الاتنين
هبه : ياسلام يعنى تقصد انى وحشه .. مقولتليش حتى رأيك ف الطقم
ماشى ماشى
على بيضحك: يا بنات انا بقول ايه الجمال دا ع اليوم ..ع الصبح شوفت اجمل 3 بنات
ف الدنيا دا مين قدى
اسماء وهبه ضحكوا : ايوه كده
قرب من ايمان ومسك ايديها : انا كنت اقصدك انتى ..انتى زى القمر
ايمان ضحكت .. اسماء: بتقول حاجه ولا ايه
على بيضحك: لا خالص بقولها انتى شبه عبد الصمد
ضحكوا البنات ..اسماء: يلا بينا بقى
على : ايه دا انتوا هتمشوا من غير "هدى"
هبه: اه "هدى" كلمتها امبارح ااكد عليها قالتلى مش رايحه
على استغرب: من اولها كده .. هو فى حاجه ولا عادى
اسماء: هى بقالها فتره واخده جنب وكل ما نكلمها تنزل تقعد معانا او تتمشى معانا تقول لا وانها مش فاضيه جربنا نروحلها ملقنهاش ف البيت .. فسيبنها براحتها
على : غريبه ..
ايمان : متشغلش بالك تلاقيها متخانقه مع محمد ولا حاجه
على: ممكن
هبه: يلا بينا بقى
على: يلا بينا
وكانت "هدى" واقفه ف اوضها ورا الشباك باصه عليهم وهما بيتكلموا وبيضحكوا و"على"ماسك ايد "ايمان" وماشين وهى دموعها نازله ...!
وصل "على" "هبه واسماء" لمترو وركب هو و"ايمان" الميكروباص ونزلوا ومشى معاها لغايه باب المعهد وكانوا اصحابها مستنيها راحت سلمت عليهم و"على" كمان سلم عليهم
مشى "على" ودخلت "ايمان" مع البنات المعهد وهى طايره من السعاده
اميره : ايوه ياعم مين قدك خطيبك بيوصلك لغايه باب المعهد
ايمان: طبعا .. مبيقدرش يسيبنى لحظه
دعاء: ماشيه معاكى ..
اميره: بس شايفه البنات هتفقعك عين ..خفى من كده ومتخلهوش يوصلك تانى
دارى ع شمعتك تولع
ايمان : ليه ان شاء الله .. هو انا ماشيه معاه ولا علاقتى معاه ف الضلمه
دا خطيبى ودبلته اهى فى ايدى والل يقول نص كلمه هقطع لسانه وانا حره
دعاء: يابت هى متقصدش كلام وحش ..هى تقصد الحسد .. السناجل ومشاعرهم والمطلقات الل هما منفصلين والل ممكن يكونوا مرتبطين ومبيعملوش كده .. بلاش تخلى العين مركزه عليكى
علاقتك انتى وهو لنفسكم بلاش تسيح يعنى ومسك الايد وبوس الراس والايد دا
كفايه عليهم الافلام والاغانى متبقيش انتى كمان
اميره : وخصوصا ان خطيبك يخربيت كده حاجه معديه موووووز
ايمان خبطتها ع كتفها: بتعاكسى خطيبى قدامى يا قليله الادب ما الفهولك احسن
اميره بتضحك: لو ينفع انا موافقه واديكى الل انتى عاوزاه
ايمان خبطتها تانى : ما بتصدقى
اميره: طيب دراعه ولا حتى عنيه انا موافقه
ايمان : بعينك "على" دا ليا لوحدى انا ... ممنوع الاقتراب
دعاء: ربنا يرزقنا بنسخه مصغره منه يااختى
ايمان بابتسامه: والله دعايلكم يرزقكم باابن الحلال
شويا وسمعوا صوت من وراهم وقفوا وبصوا
اميره بلهجه ضيقه: شاهنده
دعاء بنفس الملامح واللهجه: شاهى
ايمان باابتسامه:شاهى
شاهنده داخله بميكب كامل ولبس غالى : صباح الخير يا بنات وحشتونى والله
اميره ودعاء حاولوا يرسموا ابتسامه : وانتى كمان
ايمان كانت طبيعيه : وحشتينى يا شاهى
راحت سلموا ع بعض وباسوا بعض
شاهنده: وانتى اكتر يا ايمى . اخبارك ايه مع الخطوبه معمره ولا
ايمان: ولا ايه معمره ان شاء الله
اميره : معلش يا ايمى اصل شاهى فسخت خطوبيتها رقم 9
ايمان اتفاجئت: بجد
شاهنده: يابنتى مبحبش الخنقه وهو كان ممل واهلى الل غصبونى عليه فهودتهم
ايمان: ان شاء الله الخير ف الل جى
شاهنده: ان شاء الله
دعاء نفخت: مش يلا بينا المحاضره هتبدء
ايمان: يلا شاهى
شاهنده: لا اسبقونى هطلع المحاضره التانيه ..انا محتاجه اروح الكافتيريا اظبط الدماغ بنسكافيه
ايمان: اوكيه يلا سلام مؤقت
مشيت ايمان مع اميره ودعاء ...
اميره بتنفخ: ناقص تشديها من ايديها تيجى معانا فى ايه يا ايمى
ايمان: انتم الل فى ايه لما بتشوفوها بتتحولوا
دعاء: لانها شخصيه غير مريحه .. شايفه لبسها والميكب الاوفر والاكسسورات الل لابساها وشعرها الل بتلون فيه براحتها
ايمان: ودا معناها انها غير مريحه يعنى ؟
اميره: يابنتى شخصيتها متحرره اوى .. دا غير كميه الخطوبات الل اتفسخت ف الترم الاول
بتعرف شباب كتير وفى منهم بيستناها قدام المعهد بعربياتهم وبتمشى معاهم معرفش انا انتى مقربالها ليه مش فاهمه
ايمان: ببساطه لانها معملتليش حاجه .. هى بتلبس لنفسها وتصرفاتها لنفسها مفيش حاجه بتمسنى .. ف ليه اسبق الاحداث واقول عليها احكام مش صح
اميره بتضحك: المعهد كله بيتكلم ع شاهى من السنه الل فاتت وسقطت .. دى متحوله من كليه تجاره بعد ما سقطت سنتين وسقطت سنه اولى يعنى السنادى لو سقطت هتحول ع معهد تانى وهكذا .. دى مش عاوزه تتعلم .. دى جايه تقضيها
دعاء: وبعدين احنا مش بنسبق احداث .. تصرفاتها وطريقتها مش مناسبه لينا ولا ليكى فالصح نتجنبها بلاش الاختلاط معاها بالاوفر وع خفيف
ايمان: ماهو دا الل بعمله ..
اميره: بتضحكى معاه وبترغى كتير
ايمان بتضحك: يابت يا هبله الابتسامه صدقه وبعدين اقلب وشى لو عملت حاجه معملتش يااهلا بيها وبعدين احنا ف المعهد .. وفككوا منها وركزوا ف نفسكم
دعاء: احنا عارفين بنعمل ايه لكن احنا بننصحك متقربيش ليها اوى وخلى حدود بينكم
ايمان: ماشى ماشى يلا بينا ..
مشيت ايمان مع اميره ودعاء وطلعوا المحاضره ... !!
وصل على المكتب وهو متفائل ومبتسم لاحظ وشوش الموجودين متغيره
على: صباح الخير يا بشر
محمود: صباح الخير
على: فى ايه يا حوده
محمود: تعالى اقعد وهقولك
على شد الكرسى وقعد : خير فى ايه
محمود بملامح ضيقه: المكتب هيقفل بعد شهر
على متفاجئ: ايه ..هيقفل .. ليه ؟
محمود: استاذ محسن هيسافر ل ابنه ف امريكا وهيصفى المكتب
على افتكر كلام احمد ليه : مين الل قالك كده
على: استاذ محسن نفسه امبارح .. انت كنت اجازه ومحضرتش الميتنج الل عمله للموجودين
وعرفنا انه كمان شهر هيقفل المكتب وادانا وقت نشوف شغل ف اماكن تانيه . وهيدينا مرتب 3 شهور لغايه ما نلاقى شغل تانى وقالنا نعرف الغايبين ... يعنى اجهز نفسك ل مقابلات ورغى ومشاوير
على ملامح وشه اتخطفت : مكنتش اتخيل انه بالسرعه دى انا افتكرت بعد 3 او 4 شهور بالكتير
محمود: انت كنت عارف ؟
على: سمعت كلام مش تاكيد من فتره ..بس مكنتش متاكد فمرضتش اتكلم
محمود بيتنهد: لا بقى اكيد ياابو على
على قاعد زى الل ادلق ع دماغه مايه ساقعه ..
محمود: ربنا معانا ويكرمنا انا رايح اعملى شاى تشرب
"على" هز دماغه وفضل يفكر هيعمل ايه والدنيا معاه كده اتلغبطت خالص وخصوصا لان المرتب كان كويس ومواعيده كويسه وصعب يلاقى حاجه زى كده وخصوصا انه مضغوط مصاريف وديون .. بعد تفكير سلم امره لربنا يدبرها ...!
عدى اليوم وع ميعاد خروج "ايمان" من المعهد اتصل بيها "على" وعرفها انه مستنيها قدام البوابه فكانت واقفه مع "اميره ودعاء وشاهنده "
ايمان بسرعه: انا ماشيه يا بنات "على" مستنينى بره
اميره: يلا طيرى يا عصفوره
ايمان بتضحك: اشوفكم بكره
شاهنده: استنى هاجى معاكى انا ماشيه انا كمان
دعاء: ها
شاهنده بصت لبنات: يلا باى باى
ومشيت ايمان مع شاهنده ..
اميره ودعاء ملامح وشهم متغيره ..
اميره : انا مش مطمنه لشاهنده وقربها ل ايمان كده
دعاء: ولا انا
اميره ودعاء: ربنا يستر
خرجت ايمان بسرعه وشاورت ل شاهنده ع "على" وهو واقف مستنيها "شاهنده" بصت لاقت شاب طويل بشرته قمحى لابس نضاره شمس وبدله وبيتكلم ف الموبيل ولما شاف "ايمان" شاور ليها ورايح ناحيتهم... شاهنده: يخرب عقلك يا ايمى .. وقعتيه ازاى دا
ايمان بصت ل شاهنده: ايه وقعته دى .. هو وقع لوحده انتى مستقله بيا ولا ايه ؟
شاهنده بتضحك: داانتى طلعتى بير كبير
على قرب منهم : مساء الخير
شاهنده باابتسامه: مساء الخير
ايمان: شاهى
شاهنده قاطعتها: شاهنده
على مبتسم : اهلا بيكى
شاهنده: مبروك ع الخطوبه مع انها متاخره وعقبال الفرح ان شاء الله
على: شكرا .. يلا يا ايمى ولا هتعملى حاجه
ايمان: لالالا يلا بينا .. اشوفك يا شاهى بكره
شاهنده: ان شاء الله .. فرصه سعيده
على: ان الاسعد
مشى "على" ومسك ايد "ايمان" وماشين و"شاهنده" باصه عليهم من ضهرهم وهى واقفه سمعت صوت كلاكس العربيه اتخضت بصت وكان واحد من صحابها مستنيها .. راحت ركبت معاه ومشيت ...!!
"على" و"ايمان" ف الميكروباص
ايمان: ايه حصل انا افتكرتك روحت ودلواقتى شغال ع التاكسى
على: كان فى شغل كتير ف المكتب واتاخرت وقلت نروح سوا بدل ما تروحى لوحدك ولا انتى عاوزه تروحى لوحدك
ايمان بملامح فرحه: لا طبعا
على مسك ايد ايمان وبصلها والسبب الل خلى "على" يروح يقابل ايمان ويروح معاها انه كان محتاج مسكت ايديها من التوتر والقلق الل عنده بسبب موقف الل حصل وقفل المكتب ..كان محتاج اقرب حد يكون معاه من غير ما يتكلم معاه ف حاجه واول ما مسك ايد ايمان حس براحه وحس ان كل حاجه هتكون بخير قريب ... وصلها للبيت وطلع غير واتغدى ونزل علشان ورديه التاكسى وبليل كانت مستنياه ايمان ب تموين كل يوم الشوكولاته ... !!!
تانى يوم نزلوا البنات من غير "هدى" وتالت يوم ولمده اسبوع "هدى" مرحتش معاهم
وهى بعدت عن البنات لكن "على" لاحظ ولانه معتبرها زى هبه واسماء فكان قلقان ليكون فى حاجه فى يوم اتصل ب "محمد" اخو "هدى" وكان ف مكان قريب من شغل "على" ونزل قابله ف كافيه
على : ابو حميد اخيرا شوفتك
محمد قام سلم ع على : ابو على
على شد الكرسى وقعد: ايه يابنى فينك كده مبقتش اشوفك زى الاول
محمد: ع اساس انى بشوفك .. بس فعلا الشغل واخدنى اوى .. انت عارف امى وهدى الحمل عليا
على : ربنا يقويك يارب
محمد: انت قلت عاوزنى ف حاجه خير ياترى
على: خير ان شاء الله .. بس كنت عاوز اتكلم معاك ع "هدى"
محمد اتفاجئ: هدى .. مالها هدى
على: محدش يعرف مالها ...غيركم .. متغيره بقالها كتير ومبترحش الكليه والبنات ميعرفوش حاجه عنها
محمد متفاجئ: مبترحش الكليه كمان ؟
على متفاجئ: هو انت متعرفش دى .. انت مبتسألش عليها ولا ايه ؟
محمد: والله يا "على" برجع من الشغل مش شايف قدامى بدخل يا دوب اغير وانام علشان اصحى انزل ..حتى الفطار مبلحقش افطره
على : محمد مينفعش كده .. اكل العيش اه صعب ومهم نجرى عليه ونخلى بالنا منه
لكن فى حاجات تانيه اهم ..البيت عيلتنا نهتم بيهم برضه
محمد: ماهو انا بتعب علشانهم وعلشان اكفى مصارفهم
على: الفلوس مش حاجه مهمه لدرجه .. سؤالك ع اختك وع مامتك وتعرف اخبارهم دا الاهم
تعرف اختك تعبانه او زعلانه او ف حاجه مضايقاها انت هتحس بيها اكتر لانك اخوها وغير دا كله بعد باباها انت كل حاجه ليها انت ضهرها ف الدنيا ليها ولمامتك اتكلم معاها وقرب ليها واعرف مالها يا محمد ...
محمد: حاولت ومبتتكلمش يابنى والله ..
على: يبقى اكيد هى مليانه كلام وانت مش عارف تخليها تتكلم ..دا مجرد انك تاخدها مثلا تتمشوا سوا .. تخرجها وتجبلها حاجات حلوه ..او تشتريلها طقم ..او تجبلها شوكولاتيه دا هيفرحها .. الاهتمام يا محمد مش فلوس مجرد انك ترجع وتدخل تطمن عليها وع مامتك دا هيغنيهم عن فلوس الدنيا ..
محمد ملامحه اتغيرت: ربنا يسهل يا على
على: لو احتجت حاجه انا موجود انت عارف يا محمد .. انا حاولت اتكلم معاها
لكن انت الاقرب تتكلم معاها ..انت الاقرب انت اخوها وابوها ودنيتها
محمد موبيله رن : ان شاء الله يا ابو على ..
انا مضطر امشى لان الل مستنينى وصل
على : اوك ماشى
قام محمد وسلم ع "على" ومشى وعلى بيتمنى انه يلحق هدى قبل ما يندم: ربنا يصلح الاحوال ...!!!
فى يوم "على" رجع بليل من الشغل ع التاكسى و شاف نور اوضه "هبه" شغال واوضته مامته مطفيه راح دخل زى كل يوم ع اوضه مامته وهى نايمه ومشى بهدوء وباس راسها ورجع تانى بخطوات هاديه يخرج من الاوضه ويقفل الباب وخبط ع باب اوضه "هبه" ودخل لاقاها بتتكلم ف الموبيل
على بخبث: وانا اقول انتى سهرانه ليه .. ظنيت فيكى ظن وحش انك بتذاكرى
هبه بتضحك ومعاها الموبيل مقفلتش : ودلواقتى لاقيت ايه
على بيضحك: الحمد الله لاقيتك بتحبى ف الموبيل ..
ضحكت هبه .. على: سلميلى ع عبد الله
خلصت هبه وقفلت .. على: انا بقولك سلميلى عليه مش تقفلى معاه
هبه: ماهو هيكلمنى تانى
على : اه ه ه ه ..طيب اخرج انا ومبقاش عزول
هبه بتضحك: عزول .. عزول واول ما هتدخل اوضتك هتمسك موبيلك وتتكلم مع ايمى
على بيضحك: كلا يغنى على ليلاه .. استلمى التموين انا كنت داخل احطهولك ع المكتب واطمن عليكى لو محتاجه حاجه اصلك بتوحشينى
هبه بتضحك: انا برضه ..ماشى هعديها ماهو انا الحب الاول
على : الحب الازلى
مسكتت هبه الشوكولاتات ...هبه بسعاده: تعرف يا على انا عبد الله لما بيجيى بيجبلى شوكولاتات وحلويات كتير بس شوكولاتتك ليه مكانه مختلفه عندى .. بتحسسنى كل ما بشوفها بسعاده ربنا يخليك ليا يارب وتفضل تجبهالى لغايه ما شعرى يبيض وسنانى تقع منها
على بيضحك: متقلقيش هجبلك وهجيب لعيالك وعيال عيالك .. انا هفتح مصنع شوكولاته علشانكم
هبه: ربنا يخليك لينا يارب
على: يلا اسيبك انا علشان عبدالله لما يكلمك وانا عندى مكالمه مهمه
هبه: ماشى ماشى ...
وهو ماشى ندهت عليه هبه : صحيح ياابو على
على: ها ..فى حاجه ولا ايه
هبه: اسكت فى خبر خلانى متنحه ساعتين استوعبه
على :خير
هبه : .....
________________
يتبع
ابتدت فتره الامتحانات ترم واول يوم الامتحان ل ايمان كان الساعه "9" فاتفق "على" معاها ينزل بدرى ويوصلها وكان لابس بدله لانه كان بيروح شغل المكتب رسمى ضرورى يلبس "بدل" كالعاده... وصلها لغايه المعهد :
على ماسك ايد ايمان : تدخلى الامتحان وتهدى نفسك واتكلى ع الله وحلى ومتخافيش من حاجه
ايمان متوتره: ربنا يستر
على باابتسامه وبيطبطب ع ايديها : ان شاء الله خير
ايمان ابتسمت: ان شاء الله
وهما واقفين وصلوا اصحاب "ايمان" " اميره ودعاء " وكام صاحبه تانيه وكانوا عرفوا انها اتخطبت لكن مكنوش يتوقعوا يشوفوا خطيبها بالسرعه دى وشافوا "على" وانبهروا بيه شكلا وشياكه علشان لابس بدله وجسما وطولا ..راحت "ايمان" ماسكه ايد "على" لما شافت البنات بيقربوا منها وبتغيظهم زى ما كانوا منهم بيغيظوها بخطوبيتهم
البنات: ايمى ..
ايمان : اهلا .. ازيكم يا بنات
اميره: مش تعرفينا يا ايمى
ايمان بتناكه : اه صح .. اعرفكم ب "على" خطيبى
رفعت ايديها بالدبله والمحبس والخاتم ...
البنات متفاجئين : بجد دا خطيبك
على بيضحك: يعنى هتكون خطفانى
البنات ضحكوا : مبرووك الف مبروك
ايمان بتناكه : ميرسى عقبال الباقىبقى
على بيضحك ع اسلوب البنات وايمان
بص ل ايمان وماسك ايديها وبص ع الساعه : عاوزك تركزى كويس ومتستعجليش زى ماقولتلك ف الاجابه ..خدى وقتك بالظبط انت ليكى ساعتين متسبيش سؤال تمام واهدى ومتوتريش نفسك ,,
ايمان باابتسامه: اكيد مش هتوتر لانى هفكر فيك
على بيضحك: كده مش هتحلى وهتفشلى
ايمان: بالعكس داانا هنجح بسببك
البنات اتغاظوا : يلا يا ايمى مش داخله
ايمان : ايوه يلا
على مسك ايد ايمان وباسها والبنات تنحوامن الحركه دى : بالتوفيق وهبقى اطمن عليكى
ايمان اتاخدت من الحركه وفرحت اوى انه قدام اصحابها : باى باى
على : لااله الا الله
ايمان: سيدنا محمد رسول الله
دخلت ايمان وهى منشكحه اوى .. واصحابها متغاظين منها من تصرفاتها الاوفر لانها كانت بتنتقد تصرفات البنات الل معاهم لما بتتخطب ... دخلت ايمان مبتسمه برغم الكل داخل متوتر وقافل وشه ..فصلت نفسها عنهم وفضلت عايشه الاحساس دا لغايه ما جت ورقه الاسئله واول حاجه عملتها اول ما استلمت الاسئله كتبت اسم "على" وباصه عليه وابتدت بهدوء تقرا الاسئله وتحلها سمعت كلام "على" ونفذته بالظبط واحده واحده ..
خلصت الامتحان وخارجه من اللجنه موابيلها رن وكان "على" فتحت ع طول
ايمان: الو
على : ايه الاخبار يا ايمى عملتى ايه
ايمان مبتسمه: الحمد الله .. سمعت كلامك وعملت الل قولت عليه
على: يعنى متوترتيش ولا خوفتى ولا اى حاجه
ايمان: لا خالص وعارف ليه
على: ليه
ايمان: علشان كنت بفكر فيك وتوصيلك ليا انهارده لمعهد ادانى احساس بالامان احساس سيطر عليا لغايه دلواقتى ولا حسيت بخوف ولا رهبه ولا رعب ربنا يخليك ليا يا "على"
على : ويخليكى ليا .. هتعملى ايه
ايمان: هستنى البنات ونروح نجيب ورق مراجعه الماده التانيه
على: اوكيه وع البيت ع طول خدى دش وكلى حاجه ونامى ارتاحى
ايمان : حاضر .. وهستناك بليل لما ترجع
على: اكيد انا لو مشفتكيش الصبح ولا بليل اليوم ملوش معنى
ايمان: والله وانا
على: ومش هنسى الجرعه اليوميه ..عاوزه حاجه تانى
ايمان بتضحك: تسلملى انا ...كفايه انت عليا
وهى واقفه سمعت صوت البنات ندهو عليها
راحت قفلت مع "على" ووقفت معاهم لكن الغريب انهم متكلموش ع الامتحان
اكتر ما اتكلموا وسألو على "على" ...
سلوى: ايه ياايمى يا سهونه ..خطيبك جامد مووت وقعتيه منين دا ها
ايمان بتناكه: اوقع مين ..دا كان هيموت عليا وانا كنت منفضاله
امير بتضحك: هو الل كان منفضلك ..ماشى
ايمان : اه ومش مصدقانى يعنى
دعاء ابتسمت وبصت ل اميره: خلاص يا اميره انتى كنتى ناسيه لما كانت بتحكيلنا قد ايه هو كان بيلمح وهى مش حاسه بيه ... بس اخيرا عطفت عليه ووافقت
ايمان حست بتلقيح الكلام : ماشى يا دعاء
ضحكوا البنات ... اميره: صحيح هو خطيبك شغال ايه ؟
دعاء: اه بالشياكه دى والاناقه دى اكيد ف بنك صح
ايمان : لا محاسب ف مكتب محاسبه قريب من هنا
سلوى : يعنى هنشوفه كتير بقى
ايمان: نعم يا حبيببتى .. انا هشوفه طبعا
سلوى: يا بختك ياعم مخطوبه لواحد يفتح النفس مش زى مخطوبه لقعر حله
شحكت "ايمان " ... دعاء: بس ليه خطيبك مش شغال ف بنك وانتى قولتى تقديره كان كويس
اميره: باين كده الكوسه منفعتش ..
ايمان: لا ابدا هو قدم ومتقبلش و "على" من الشخصيات المكافحه .. شغال شغلنتين ف يوم
دعاء: بجد .. شغال ايه غير مكتب المحاسبه ؟
ايمان سكتت لحظات : فى مكتب محاسبه تانى .. واحد الصبح وواحد بعد الضهر بيكملوا بعض يعنى ..
اميره: ربنا يخليكم لبعض واضح انه شخصيه بتحب المعافره
ايمان : اه جدا جدااا ... يلا بقى نروح اجيب ورق الماده التانيه
ف اللحظه دى سمعوا صوت من وراهم : ازيكم يا بنات
الكل بص : شاهى
ايمان الوحيده الل ابتسمت : شاهى
شاهنده: ازيك يا ايمى .. عاملين ايه يا بنات
البنات قلبوا وشهم: الحمد الله
شاهى بصالهم وبملامح اسمئزاز: طيب طيب
ايمان: عملتى ايه يااشاهى ف امتحان
شاهى: بيس يعنى الحمد الله ..
ايمان: طيب كويس
دعاء: يلا يا ايمى هنتاخر كده
شاهى بتضحك: بجد..طيب يلا ياايمى علشان متتاخريش
ايان اتحرجت: اوكيه ... هشوفك تانى
شاهى : اكييييييييد
مشيوا وروحوا البيت ودخلت "ايمان" البيت وغيرت بعتت ل "على" انها روحت اخدت دش واكلت .. بعتتله انها عملت كده وقالتله انها هتنام رد عليها ب:
نامت "ايمان" وصحيت ع الغدا وقعدت تذاكر وكان "على" بيبعتلها وبيتواصل معاها بالرسايل كل ساعه يطمن عليها ودى حاجه كانت مفرحه "ايمان" جدااا وخصوصا اهتمامه اكلت .. نامت .. ذاكرت كل يوم كان بيهتم بااصغر حاجه بتعملها برغم فعلا انه مشغول جداااا ..
وبليل كانت بتنستناه ف البلكونه وتنزله السبت وكان بيحطلها الشوكولاته ليها ول اسماء ويطلع يدى "هبه" اخته شوكولاتتها ويسلم ع مامته ويبوس ايديها وراسها ويدخل اوضته ...!
استمرت فتره الامتحانات ع الوضع دا "على" يوصل "ايمان" ويتواصل معاها بقيت اليوم وبعد الامتحان بالظبط وهى خارجه من اللجنه "على" يتصل بيها يطمن عليها ..وفى ايام كان بيجلها المعهد يفاجئها باانه مستنيها ويروحها وكانت بتكون فرحانه اوى ...!
خلصت الامتحانات وكان "على" اتفق معاها ياخدها ويخرجوا مع بعض يقضوا يوم برا
بموافقه اهلها اكيد ... ففيوم "على" خلص شغله ف المكتب بدرى وعرف الحج "عبدالله"انه اجازه من شغل التاكسى اليوم دا ورجع ع البيت غير هدومه وجهز وعدى ع "ايمان" اخدها وهما ماشين ف الشارع ماسكين ايد بعض قدام كل جيرانهم ف المنطقه وايمان كانت فرحانه اوى ... وقفوا ع اول الشارع :
ايمان: هتودينى فين انت قلت هتفسحنى
على: انا مجهزلك خطه من وقت خطوبتنا وانا بخطط فيها هيرجعك البيت ان شاء الله طايره من السعاده صدقينى سبيلى نفسك بس انهارده
ايمان ب ابتسامه : ماشى هنشوف ..
واقفين مستنين تاكسى .. ايمان :فين يا "على" التاكسى بتاعك بدل ما نركب تاكسى تانى
على: تاكسى مش بتاعى .. التاكسى انا شغال عليه ومينفعش اخده لامور شخصيه دا شغل
امانه مينفعش استهتر فيها .... وبعدين انا مش عاوز اسيب ايدك والسواقه هتشغلنى ولا ايه
ايمان اتكسفت : طويب
وقف التاكسى وركبوا ونزلوا وسط البلد وكان على حاجز سينما الساعه 4 وكان فيلم اجنبى "كانت ايمان كاتبه ع الفيس بوك ستيتيس اسم فيلم اجنبى وقالت نفسها تدخله ..ف على كتب اسمه وراح حجز تذاكر ليهم من اسبوع "واتفاجئت ايمان بيه ..
ايمان متفاجئه : ايه عرفك انى عاوزه ادخل الفيلم دا
على: مش قلتلك هفاجئك انا ولسه
ايمان: لا بجد .. عرفت من "اسماء" هى قالتلك صح
على: انا مسألتش حد ..انا الل عرفت
ايمان بااندهاش: عرفت ..ازاى وغلاوتى عندك ازاى
على باابتسامه وماسك ايديها :مش انتى كنتى كاتبه بوست من اسبوعين انك عاوزه تدخلى الفيلم دا سينما
ايمان اتفاجئت : انت بتفتح فيس ..
على بيضحك" اومال الاكونت الموجود دا ايه شبح
ايمان : انا فاكراك عامل الاكونت ونسيته انت مبتحطش فيه حرف انا يااما دخلت ابص مش بلاقى اى حاجه خالص ..
على بيضحك: انا ايوه عامل اكونت بس مش لتسليه واحط بوستات وصور وكده انا معنديش وقت لدا كله وانتى عارفه ...الاكونت بتاعى بتواصل بيه مع اصحابى ف رسايلحاجات تخص شغل المكتب وبعدين انا عاوزه ف اكتر من كده
ايمان : وانت كنت فاتحه مفاجئه فشوفت ع الوول البوست بتاعى صح
على ضحك وقرب منها : انا كل يوم بفتح الاكونت سواء محتاجه او لا قبل ما انام وادخل البروفيل عندك واقرا كل بوستاتك وكومنتاتك .. من الاخر انتى كنتى تحت عينى..مراقبه
ايمان ضحكت: بتراقبنى
على : اها بااماره من يومين كتبتى انك عملتى صينيه مكرونه بشاميل ونسيتها ف الفرن اتحرقت وتانى ماده ليكى كتبتى انها كانت سهله والسوال التالت كان رخم لكن حلتيه
والشهر الل فات صاحبتك اميره عملتلك بوست بتتريق عليكى لانك لما بتاكلى الشوكولاته بتبهدلى نفسك و لما كنتى ف الدبلوم كنتى بتكتبى وتدعى ع المدرس الل طردك من حصته بسبب شيماء الل كانت بترغى و ...
ايمان متفاجئه بالكلام دا كله : ايه دا يا على .. انت عارف كل حاجه
انت كنت بتراقبنى بجد
على قرب من ايمان: انا عارف كل حاجه عنك .. الل بيحب حد بيعرف عنه كل حاجه من غير ما التانى يحس او يتكلم .. لما بيزعل ..بيزعل .. لما بيفرح ..بيفرح .. بيسجل كل لحظات وكلام بيقوله.. مراقبه بدون شروط لكن ممتعه جدا
ايمان اتحرجت من الكلام وانطفى النور والفيلم ابتدى فمسك على ايد ايمان وكان معاه كانز حاجه ساقعه حطته ع الارض وبعد الفيلم ب 10 دقايق حطت دماغها ع كتف "على" .. و"على" مسك ايديها وباسها وفضلت طول الفليم نايمه ع كتفه خلص الفيلم وكانت فرحانه اوى بيه ..على: مبسوطه
ايمان بسعاده: جداا جداا .. انا لما كتبت البوست بتاع الفيلم كنت عاوزه فعلا اشوفه واشوفه معاك مش مع اصحابى كنت متخيله احساسى هيبقى ازاى .. لكن احساسى الحقيقى دلواقتى معاك ملوش وصف .. انا مبسوطه اوى انى شوفت الفيلم معاك يا "على"
على باابتسامه: انا الل مبسوط انك دخلتينى السينما انا بقالى سنين مبدخلهاش لانى زى ما قولتلك مفيش وقت ..شكرا يا :ايمى: انك اديتنى الفرصه دى وعيشتهالى
ايمان باابتسامه: انا الل بشكرك انك ف حياتى يا "على" ...
على ابتسم .. ايمان : ها الخطه الخطوه الجايه ايه ...
على بص ع ساعته: اممم ناكل .. يلا بينا ناكل
ايمان: يلا
راح "على" و"ايمان" ع مطعم سندوتشات وطلب فاهيتا فراخ سبايسى ل ايمان من غير ما تطلب ومعاها كانز فيروز اناناس وبطاطس محمره .. ايمان شايفه الطلب من غير ما تطلب
ايمان متفاجئه: انت مسالتنيش
على بيضحك: مش محتاج اسئل .. انا عاوزك تستمتعى .. مجرد ما تتمنى الحاجه تلاقيها قدامك
ولسه اليوم مخلصش ..
ايمان بسعاده: على انا ..
على قاطعها : يلا ناكل
ايمان هزت راسها : يلا
وابتدت ايمان تاكل باستمتاع وفرحه انها فعلا بتحب الفاهيتا جدااااااا مع البطاطس المحمره
و"على" شايفها مبسوطه وابتسامتها ع وشها كان فرحان لدرجه انه ركز معاها ومع تصرفاتها وشبه ماكلش هو ....
قبل ما يخلصوا الاكل بشويا "على" و "ايمان" كانوا قاعدين ف المحل جنب الازاز بيطل ع الشارع .. "على " لاحظ ولد صغير بيبيع مناديل واقف بيبص عليهم وهما بياكلوا بمعنى اصح بيبص على الاكل ... "على " اتاثر بالموقف وقام ...
ايمان شافته: رايح فين ..
على : راجع تانى كملى اكلك انتى ..
راح "على" طلب وجبتين واتحطوا ف علبلتين وخرج بره المحل وراح اتجاه الولد ,
على باابتسامه: ازيك
الولد خاف : انا اسف ..مكنتش اقصد ابص ..انا ...
على بيهدى الولد: اهدى اهدى ... انا مش هعملك حاجه استنى
الولد من نظرات "على" وقف مكانه ف "على" قرب منه : انت اسمك ايه ؟
الولد: على
على ضحك: الله .. تعرف ان اسمى انا كمان "على"
الولد ساكت .. على : كام سنه يا على ؟
الولد: 10 سنين
على : اممم وبتبيع مناديل كل يوم
الولد هز راسه .. على بيغمزله: وبتكسب بقى ولا ايه
الولد بحزن : الحمد الله
على :انت مدخلتش مدرسه
الولد: دخلت وخرجت لان تكاليفها كتير ع ابويا
على: علشان كده نزلت تشتغل
الولد بملامح حزن وانكسار وطى راسه : ايوه
على رفع راس الولد: دى مش حاجه تخجل منها يا "على" انت كده اجدع من اجدع واحد قاعد جوه ف المكان الل بتبص عليه دا .. مش معنى انك بتبيع مناديل يبقى انت وحش .. اعرف ان رزق ربنا اشكاله كتير ومتوزعه ع كل الناس .. يعنى انت بتبيع مناديل وانا بسوق تاكسى واحنا الاتنين اسمنا "على"
الولد ملامحه ارتاحت ل على .. على كمل كلامه : الشغل مش حاجه نخجل منها مهما كانت مدام حلال وربنا بعتهولك ومش شرط يكون فلوسها كتير لان القليل اوقات كتير الخير فيه والبركه اكتر .. وكل ما تكون انت راضى بحالك وبتعمل الل تقدر عليه ربنا هيكرمك بالاحسن .. فمتزعلش ابدا ولا تحس بانكسار كده ارفع راسك انت مبتعملش حاجه تخجل منها
الولد: حاضر
على : وعاوزك اضحك كده متغيبش ضحكتك ..حارب ظروفك بالضحكه ابقى اقوى منها ومتخجلش ابدا من انك بتبيع مناديل ولا بتمسح عربيات ولا بتبيع اى حاجه .. انت صح وبتكسب بعرقك انت راجل ومسئول واوعى تفكر ولا تستسهل انك تمشى غلط يا "على" مهما قاست عليك الظروف لان الل هيجى بالسهل هيروح بالسهل وحاجات تانيه بتروح معاه انت عمرك 10 سنين لكن قدرت تنزل تشتغل .. قول الحمد الله دايما فى كل وقت هتساعدك كتير ... واضحك بقى ورينى ضحكتك حلوه ولا انا بيتهيالى
الولد ابتسم ... على اداله شنطه الل فيها الوجبتين : اتفضل دا اكيد متغدتش لسه
الولد تنح ل "على" : ها ..
على: اكيد متغدتش ماهو الل يشتغل ويلف ع رجله بينسى ياكل وانا عجبتنى شجاعتك ورجولتك انك بتشتغل رغم سنك وظروفك فعزمتك ع الغدا فياريت تقبل عزومتى
الولد مسك الشنطه: شكرا
على : العفو ..يلا بقى هسيبك تاكل غداءك براحتك وانا هقوم لانى سايب خطيبتى لوحدها الل هناك دى
شاور "على " ع " ايمان " وايمان مستغربه من تصرف "على " ... سابه ودخل المحل تانى وبص ع الولد : هما كل الل اسمهم "على" مكتوب عليهم الشقا كده .. الحمد الله ..
وراح الولد قعد ع الرصيف ومن الجوع فتح الوجبه لاقى اكل ومحطوط جواها 100 جنيه
ابتسم الولد واكل وهو سعيد ....
ايمان: غيبت كده ليه وليه اصلا وداك لولد دا يا على مش شايف شكله
على بص ل الولد وهو بياكل وسعيد : ماله شكله ماهو كيوت وعسول اهو ..
ايمان: انت قومت علشان تشتريله الاكل وانت ماكلتش
على بص ع الولد : الابتسامه الل ع وشه دى شبعتنى .. و بصراحه صعب عليا حسيت انه مااكلش فقلت ااكله وبعدين دى حاجه بسيطه ...
ايمان حست بطيبه "على " : انت طيب اوى يا "على" وخصوصا احساسك بغيرك ... انت كنز
على بيغمزلها: وانتى مفتاح الكنز دا يا ايمى
ايمان : انا بكلمك بجد
على : ايمى ..ماهو احنا عايشين لبعض والاماكن ممكن تتغير يعنى ممكن اكون مكانه وهو مكانى ... لما نحس بغيرنا هنلاقى ال يحس بينا من غير ما نطلب دا .. وبعدين انا مكنتش هقدر اكمل اكل وشايف حد مش لاقى اكل وجعان وانا قادر اديله سندوتش ..
ايمان حطت ايديها ع ايد"على" ع الترابيزه : بحبك اووى وكل مره بحبك اكتر
على حط ايده التانيه ع ايد "ايمان" وطبطب عليها وابتسم : يلا كملى اكل علشان نشوف الخطوه الجايه ...
خلصوا اكل وخرجوا ومشوا شويا اشترى ايس كريم وكان فى بنت صغيره قاعده مع مامتها بيشحتوا جنب المحل فراح "على" اشترى لبنوته ايس كريم وادهالها ومشى وايمان برغم استغربها من تصرفات "على" لكن فرحت بيه ... اتمشوا شويا ع الكورنيش واخدها وركبوا مركب ف النيل وايمان كانت مبسوطه اوى .. خلصوا لفت المركب ورجعوا بص ع الساعه "على"ولقى فى وقت لسه وهما ماشين شاف بياع غزل البنات واشتراه ل ايمان وكانت فرحانه اوى وراحوا وقعدوا ع كافيه شويا وقعدوا يتكلموا وبعدين نزلوا ركبوا تاكسى وروحوا البيت ... "على" وصل "ايمان" لغايه باب البيت ودخل شقتهم وسلم ع مامتها وباباها وشايفين "ايمان" راجعه فرحانه اوى وكانت معاها شنطه فيها شوكولاتات وحاجات بتحبها "على" اشترالها ...
شويا واستأذن ونزل علشان الوقت متاخر كان الساعه 11 وكانت ايمان مبسوطه اوى حكت ل اسماء وهى فرحانه اوى ....
اسماء: ايوه ياعم يا بختك .. هى دى بقى احلى ايام هى الخطوبه عيشى
ايمان: مكنتش اتخيل ان "على" مهتم وعارف الحاجات دى عنى من غير ميسئالك حتى انتى
انا انهارده اتفاجئت اوووى بحاجات كتير من على والله وكنت حاسه انى هيجيلى ساكته قلبيه من الفرحه
اسماء بتضحك: يالهوى وكان هيبقى ارمل الطروب
ايمان خبطتها : بعد الشر عليا ..انا بحب "على" اوى اوى اوى
اسماء: ربنا يخليكم لبعض
ايمان: تعرف يا سمسم ..انا تخيلت "على" هيودينى اماكن تانيه غير دى لكن من بساطه الخروجه انا انبسطت بجد
اسماء بتغمز ل ايمان: ماهو يا ايمى الفرحه بالخروجه مش بتكون بالمكان ع قد ما بتكون بالصحبه .. انتى ممكن تروحى مكان غالى ومعاكى صحبه تخنق متستمتعيش .. وممكن تروحى اماكن بسيطه لكن الصحبه الل معاكى حسستك بفرحه كبيره ... الصحبه اهم من الاماكن يا ايمى ولا ايه
ايمان ابتسمت: تصدقى صح بس برضه ميمنعش اروح بالصحبه الحلوه اماكن حلوه برضه
اسماء : ايه الطمع دا
وايمان بتتكلم موابيلها رن وكان على ..: سمسم .. اطلعى شوفى ماما عاوزه ايه
اسماء: ماشى ماشى بتوزعينى ... لولا الشوكولاته مكنتش سيبتك
بس انا للاسف باخد رشوه توزيع وقابله ع نفسى
ايمان بتضحك: يلا يا رخمه
خرجت اسماء .. ايمان ردت: الو
على : تصدقينى لو قلتلك وحشتينى
ايمان بكسوف : وانت كمان
على : انبسطتى يا ايمى انهارده
ايمان بسعاده: كلمه انبساط او سعاده قليله بال حساه ..ميرسى يا "على" على اليوم دا
على باابتسامه: المهم انك انبسطتى مش عاوز غير كده
وابتسامتك متغبش ابدا وتفضل منوره حياتى
ايمان: ابتسامتى دى انت سببها وسبب انها مبترحش
ايمان: انا اتفاجئت كتير بالل عملته حسستى انى اميره ومعايا مصباح علاء الدين وانت الجنى
كل الل كلته وشربته وعملته انهارده كان نفسى فيه ومكنتش اتخيل انه كله هيبقى ف يوم واحد
على: طول ماانتى معايا ربنا يقدرنى واعملك كل حاجه تخليكى مبسوطه
انتى سعادتك من اهم الحاجات ف حياتى
ايمان :
ربنا يخليك ليا ولا اتحرم منك
على: ولا منك ..يلا نامى وارتاحى من تعب اليوم
ايمان: ولا حسيت بالتعب وانت معايا
على: يلا تصبحى على خير
ايمان: تصبح وانت ف حياتى
ابتسم على وقفل مع ايمان وبص ع الدبله باسها ونام ... وايمان كمان ...
|ومرت اجازه نص السنه وكانت ايمان دايما الصبح تكون ف البلكونه تستنى ع لما ينزل لشغل
وطول اليوم بتتواصل معاه رسايل ع الموبيل وهو كان بيكلمها ولما بترن بيكنسل ويتصل هو
وبليل تستناه تطمن انه رجع وتاخد تموين كل يوم الشوكولاته ... !!
وابتدا الترم التانى واول يوم ف الدراسه "على" كان متفق مع "ايمان" هيوصلها لغايه باب المعهد ..صحيت "ايمان" من بدرى ولبست واتشيكت وكانت "اسماء" لابسه هى كمان وجاهزه .. ونزلوا كان "على" و"هبه" مستنيهم .. "على" شايف "ايمان" بتقرب منه مع "اسماء" اترسمت ع وشه ابتسامه : ايه الجمال دا
اسماء : احم احم .. راعى ظروفنا يا عم "على" مينفعش كده
على بيضحك: ماانا بكلمكم انتم الاتنين
هبه : ياسلام يعنى تقصد انى وحشه .. مقولتليش حتى رأيك ف الطقم
ماشى ماشى
على بيضحك: يا بنات انا بقول ايه الجمال دا ع اليوم ..ع الصبح شوفت اجمل 3 بنات
ف الدنيا دا مين قدى
اسماء وهبه ضحكوا : ايوه كده
قرب من ايمان ومسك ايديها : انا كنت اقصدك انتى ..انتى زى القمر
ايمان ضحكت .. اسماء: بتقول حاجه ولا ايه
على بيضحك: لا خالص بقولها انتى شبه عبد الصمد
ضحكوا البنات ..اسماء: يلا بينا بقى
على : ايه دا انتوا هتمشوا من غير "هدى"
هبه: اه "هدى" كلمتها امبارح ااكد عليها قالتلى مش رايحه
على استغرب: من اولها كده .. هو فى حاجه ولا عادى
اسماء: هى بقالها فتره واخده جنب وكل ما نكلمها تنزل تقعد معانا او تتمشى معانا تقول لا وانها مش فاضيه جربنا نروحلها ملقنهاش ف البيت .. فسيبنها براحتها
على : غريبه ..
ايمان : متشغلش بالك تلاقيها متخانقه مع محمد ولا حاجه
على: ممكن
هبه: يلا بينا بقى
على: يلا بينا
وكانت "هدى" واقفه ف اوضها ورا الشباك باصه عليهم وهما بيتكلموا وبيضحكوا و"على"ماسك ايد "ايمان" وماشين وهى دموعها نازله ...!
وصل "على" "هبه واسماء" لمترو وركب هو و"ايمان" الميكروباص ونزلوا ومشى معاها لغايه باب المعهد وكانوا اصحابها مستنيها راحت سلمت عليهم و"على" كمان سلم عليهم
مشى "على" ودخلت "ايمان" مع البنات المعهد وهى طايره من السعاده
اميره : ايوه ياعم مين قدك خطيبك بيوصلك لغايه باب المعهد
ايمان: طبعا .. مبيقدرش يسيبنى لحظه
دعاء: ماشيه معاكى ..
اميره: بس شايفه البنات هتفقعك عين ..خفى من كده ومتخلهوش يوصلك تانى
دارى ع شمعتك تولع
ايمان : ليه ان شاء الله .. هو انا ماشيه معاه ولا علاقتى معاه ف الضلمه
دا خطيبى ودبلته اهى فى ايدى والل يقول نص كلمه هقطع لسانه وانا حره
دعاء: يابت هى متقصدش كلام وحش ..هى تقصد الحسد .. السناجل ومشاعرهم والمطلقات الل هما منفصلين والل ممكن يكونوا مرتبطين ومبيعملوش كده .. بلاش تخلى العين مركزه عليكى
علاقتك انتى وهو لنفسكم بلاش تسيح يعنى ومسك الايد وبوس الراس والايد دا
كفايه عليهم الافلام والاغانى متبقيش انتى كمان
اميره : وخصوصا ان خطيبك يخربيت كده حاجه معديه موووووز
ايمان خبطتها ع كتفها: بتعاكسى خطيبى قدامى يا قليله الادب ما الفهولك احسن
اميره بتضحك: لو ينفع انا موافقه واديكى الل انتى عاوزاه
ايمان خبطتها تانى : ما بتصدقى
اميره: طيب دراعه ولا حتى عنيه انا موافقه
ايمان : بعينك "على" دا ليا لوحدى انا ... ممنوع الاقتراب
دعاء: ربنا يرزقنا بنسخه مصغره منه يااختى
ايمان بابتسامه: والله دعايلكم يرزقكم باابن الحلال
شويا وسمعوا صوت من وراهم وقفوا وبصوا
اميره بلهجه ضيقه: شاهنده
دعاء بنفس الملامح واللهجه: شاهى
ايمان باابتسامه:شاهى
شاهنده داخله بميكب كامل ولبس غالى : صباح الخير يا بنات وحشتونى والله
اميره ودعاء حاولوا يرسموا ابتسامه : وانتى كمان
ايمان كانت طبيعيه : وحشتينى يا شاهى
راحت سلموا ع بعض وباسوا بعض
شاهنده: وانتى اكتر يا ايمى . اخبارك ايه مع الخطوبه معمره ولا
ايمان: ولا ايه معمره ان شاء الله
اميره : معلش يا ايمى اصل شاهى فسخت خطوبيتها رقم 9
ايمان اتفاجئت: بجد
شاهنده: يابنتى مبحبش الخنقه وهو كان ممل واهلى الل غصبونى عليه فهودتهم
ايمان: ان شاء الله الخير ف الل جى
شاهنده: ان شاء الله
دعاء نفخت: مش يلا بينا المحاضره هتبدء
ايمان: يلا شاهى
شاهنده: لا اسبقونى هطلع المحاضره التانيه ..انا محتاجه اروح الكافتيريا اظبط الدماغ بنسكافيه
ايمان: اوكيه يلا سلام مؤقت
مشيت ايمان مع اميره ودعاء ...
اميره بتنفخ: ناقص تشديها من ايديها تيجى معانا فى ايه يا ايمى
ايمان: انتم الل فى ايه لما بتشوفوها بتتحولوا
دعاء: لانها شخصيه غير مريحه .. شايفه لبسها والميكب الاوفر والاكسسورات الل لابساها وشعرها الل بتلون فيه براحتها
ايمان: ودا معناها انها غير مريحه يعنى ؟
اميره: يابنتى شخصيتها متحرره اوى .. دا غير كميه الخطوبات الل اتفسخت ف الترم الاول
بتعرف شباب كتير وفى منهم بيستناها قدام المعهد بعربياتهم وبتمشى معاهم معرفش انا انتى مقربالها ليه مش فاهمه
ايمان: ببساطه لانها معملتليش حاجه .. هى بتلبس لنفسها وتصرفاتها لنفسها مفيش حاجه بتمسنى .. ف ليه اسبق الاحداث واقول عليها احكام مش صح
اميره بتضحك: المعهد كله بيتكلم ع شاهى من السنه الل فاتت وسقطت .. دى متحوله من كليه تجاره بعد ما سقطت سنتين وسقطت سنه اولى يعنى السنادى لو سقطت هتحول ع معهد تانى وهكذا .. دى مش عاوزه تتعلم .. دى جايه تقضيها
دعاء: وبعدين احنا مش بنسبق احداث .. تصرفاتها وطريقتها مش مناسبه لينا ولا ليكى فالصح نتجنبها بلاش الاختلاط معاها بالاوفر وع خفيف
ايمان: ماهو دا الل بعمله ..
اميره: بتضحكى معاه وبترغى كتير
ايمان بتضحك: يابت يا هبله الابتسامه صدقه وبعدين اقلب وشى لو عملت حاجه معملتش يااهلا بيها وبعدين احنا ف المعهد .. وفككوا منها وركزوا ف نفسكم
دعاء: احنا عارفين بنعمل ايه لكن احنا بننصحك متقربيش ليها اوى وخلى حدود بينكم
ايمان: ماشى ماشى يلا بينا ..
مشيت ايمان مع اميره ودعاء وطلعوا المحاضره ... !!
وصل على المكتب وهو متفائل ومبتسم لاحظ وشوش الموجودين متغيره
على: صباح الخير يا بشر
محمود: صباح الخير
على: فى ايه يا حوده
محمود: تعالى اقعد وهقولك
على شد الكرسى وقعد : خير فى ايه
محمود بملامح ضيقه: المكتب هيقفل بعد شهر
على متفاجئ: ايه ..هيقفل .. ليه ؟
محمود: استاذ محسن هيسافر ل ابنه ف امريكا وهيصفى المكتب
على افتكر كلام احمد ليه : مين الل قالك كده
على: استاذ محسن نفسه امبارح .. انت كنت اجازه ومحضرتش الميتنج الل عمله للموجودين
وعرفنا انه كمان شهر هيقفل المكتب وادانا وقت نشوف شغل ف اماكن تانيه . وهيدينا مرتب 3 شهور لغايه ما نلاقى شغل تانى وقالنا نعرف الغايبين ... يعنى اجهز نفسك ل مقابلات ورغى ومشاوير
على ملامح وشه اتخطفت : مكنتش اتخيل انه بالسرعه دى انا افتكرت بعد 3 او 4 شهور بالكتير
محمود: انت كنت عارف ؟
على: سمعت كلام مش تاكيد من فتره ..بس مكنتش متاكد فمرضتش اتكلم
محمود بيتنهد: لا بقى اكيد ياابو على
على قاعد زى الل ادلق ع دماغه مايه ساقعه ..
محمود: ربنا معانا ويكرمنا انا رايح اعملى شاى تشرب
"على" هز دماغه وفضل يفكر هيعمل ايه والدنيا معاه كده اتلغبطت خالص وخصوصا لان المرتب كان كويس ومواعيده كويسه وصعب يلاقى حاجه زى كده وخصوصا انه مضغوط مصاريف وديون .. بعد تفكير سلم امره لربنا يدبرها ...!
عدى اليوم وع ميعاد خروج "ايمان" من المعهد اتصل بيها "على" وعرفها انه مستنيها قدام البوابه فكانت واقفه مع "اميره ودعاء وشاهنده "
ايمان بسرعه: انا ماشيه يا بنات "على" مستنينى بره
اميره: يلا طيرى يا عصفوره
ايمان بتضحك: اشوفكم بكره
شاهنده: استنى هاجى معاكى انا ماشيه انا كمان
دعاء: ها
شاهنده بصت لبنات: يلا باى باى
ومشيت ايمان مع شاهنده ..
اميره ودعاء ملامح وشهم متغيره ..
اميره : انا مش مطمنه لشاهنده وقربها ل ايمان كده
دعاء: ولا انا
اميره ودعاء: ربنا يستر
خرجت ايمان بسرعه وشاورت ل شاهنده ع "على" وهو واقف مستنيها "شاهنده" بصت لاقت شاب طويل بشرته قمحى لابس نضاره شمس وبدله وبيتكلم ف الموبيل ولما شاف "ايمان" شاور ليها ورايح ناحيتهم... شاهنده: يخرب عقلك يا ايمى .. وقعتيه ازاى دا
ايمان بصت ل شاهنده: ايه وقعته دى .. هو وقع لوحده انتى مستقله بيا ولا ايه ؟
شاهنده بتضحك: داانتى طلعتى بير كبير
على قرب منهم : مساء الخير
شاهنده باابتسامه: مساء الخير
ايمان: شاهى
شاهنده قاطعتها: شاهنده
على مبتسم : اهلا بيكى
شاهنده: مبروك ع الخطوبه مع انها متاخره وعقبال الفرح ان شاء الله
على: شكرا .. يلا يا ايمى ولا هتعملى حاجه
ايمان: لالالا يلا بينا .. اشوفك يا شاهى بكره
شاهنده: ان شاء الله .. فرصه سعيده
على: ان الاسعد
مشى "على" ومسك ايد "ايمان" وماشين و"شاهنده" باصه عليهم من ضهرهم وهى واقفه سمعت صوت كلاكس العربيه اتخضت بصت وكان واحد من صحابها مستنيها .. راحت ركبت معاه ومشيت ...!!
"على" و"ايمان" ف الميكروباص
ايمان: ايه حصل انا افتكرتك روحت ودلواقتى شغال ع التاكسى
على: كان فى شغل كتير ف المكتب واتاخرت وقلت نروح سوا بدل ما تروحى لوحدك ولا انتى عاوزه تروحى لوحدك
ايمان بملامح فرحه: لا طبعا
على مسك ايد ايمان وبصلها والسبب الل خلى "على" يروح يقابل ايمان ويروح معاها انه كان محتاج مسكت ايديها من التوتر والقلق الل عنده بسبب موقف الل حصل وقفل المكتب ..كان محتاج اقرب حد يكون معاه من غير ما يتكلم معاه ف حاجه واول ما مسك ايد ايمان حس براحه وحس ان كل حاجه هتكون بخير قريب ... وصلها للبيت وطلع غير واتغدى ونزل علشان ورديه التاكسى وبليل كانت مستنياه ايمان ب تموين كل يوم الشوكولاته ... !!!
تانى يوم نزلوا البنات من غير "هدى" وتالت يوم ولمده اسبوع "هدى" مرحتش معاهم
وهى بعدت عن البنات لكن "على" لاحظ ولانه معتبرها زى هبه واسماء فكان قلقان ليكون فى حاجه فى يوم اتصل ب "محمد" اخو "هدى" وكان ف مكان قريب من شغل "على" ونزل قابله ف كافيه
على : ابو حميد اخيرا شوفتك
محمد قام سلم ع على : ابو على
على شد الكرسى وقعد: ايه يابنى فينك كده مبقتش اشوفك زى الاول
محمد: ع اساس انى بشوفك .. بس فعلا الشغل واخدنى اوى .. انت عارف امى وهدى الحمل عليا
على : ربنا يقويك يارب
محمد: انت قلت عاوزنى ف حاجه خير ياترى
على: خير ان شاء الله .. بس كنت عاوز اتكلم معاك ع "هدى"
محمد اتفاجئ: هدى .. مالها هدى
على: محدش يعرف مالها ...غيركم .. متغيره بقالها كتير ومبترحش الكليه والبنات ميعرفوش حاجه عنها
محمد متفاجئ: مبترحش الكليه كمان ؟
على متفاجئ: هو انت متعرفش دى .. انت مبتسألش عليها ولا ايه ؟
محمد: والله يا "على" برجع من الشغل مش شايف قدامى بدخل يا دوب اغير وانام علشان اصحى انزل ..حتى الفطار مبلحقش افطره
على : محمد مينفعش كده .. اكل العيش اه صعب ومهم نجرى عليه ونخلى بالنا منه
لكن فى حاجات تانيه اهم ..البيت عيلتنا نهتم بيهم برضه
محمد: ماهو انا بتعب علشانهم وعلشان اكفى مصارفهم
على: الفلوس مش حاجه مهمه لدرجه .. سؤالك ع اختك وع مامتك وتعرف اخبارهم دا الاهم
تعرف اختك تعبانه او زعلانه او ف حاجه مضايقاها انت هتحس بيها اكتر لانك اخوها وغير دا كله بعد باباها انت كل حاجه ليها انت ضهرها ف الدنيا ليها ولمامتك اتكلم معاها وقرب ليها واعرف مالها يا محمد ...
محمد: حاولت ومبتتكلمش يابنى والله ..
على: يبقى اكيد هى مليانه كلام وانت مش عارف تخليها تتكلم ..دا مجرد انك تاخدها مثلا تتمشوا سوا .. تخرجها وتجبلها حاجات حلوه ..او تشتريلها طقم ..او تجبلها شوكولاتيه دا هيفرحها .. الاهتمام يا محمد مش فلوس مجرد انك ترجع وتدخل تطمن عليها وع مامتك دا هيغنيهم عن فلوس الدنيا ..
محمد ملامحه اتغيرت: ربنا يسهل يا على
على: لو احتجت حاجه انا موجود انت عارف يا محمد .. انا حاولت اتكلم معاها
لكن انت الاقرب تتكلم معاها ..انت الاقرب انت اخوها وابوها ودنيتها
محمد موبيله رن : ان شاء الله يا ابو على ..
انا مضطر امشى لان الل مستنينى وصل
على : اوك ماشى
قام محمد وسلم ع "على" ومشى وعلى بيتمنى انه يلحق هدى قبل ما يندم: ربنا يصلح الاحوال ...!!!
فى يوم "على" رجع بليل من الشغل ع التاكسى و شاف نور اوضه "هبه" شغال واوضته مامته مطفيه راح دخل زى كل يوم ع اوضه مامته وهى نايمه ومشى بهدوء وباس راسها ورجع تانى بخطوات هاديه يخرج من الاوضه ويقفل الباب وخبط ع باب اوضه "هبه" ودخل لاقاها بتتكلم ف الموبيل
على بخبث: وانا اقول انتى سهرانه ليه .. ظنيت فيكى ظن وحش انك بتذاكرى
هبه بتضحك ومعاها الموبيل مقفلتش : ودلواقتى لاقيت ايه
على بيضحك: الحمد الله لاقيتك بتحبى ف الموبيل ..
ضحكت هبه .. على: سلميلى ع عبد الله
خلصت هبه وقفلت .. على: انا بقولك سلميلى عليه مش تقفلى معاه
هبه: ماهو هيكلمنى تانى
على : اه ه ه ه ..طيب اخرج انا ومبقاش عزول
هبه بتضحك: عزول .. عزول واول ما هتدخل اوضتك هتمسك موبيلك وتتكلم مع ايمى
على بيضحك: كلا يغنى على ليلاه .. استلمى التموين انا كنت داخل احطهولك ع المكتب واطمن عليكى لو محتاجه حاجه اصلك بتوحشينى
هبه بتضحك: انا برضه ..ماشى هعديها ماهو انا الحب الاول
على : الحب الازلى
مسكتت هبه الشوكولاتات ...هبه بسعاده: تعرف يا على انا عبد الله لما بيجيى بيجبلى شوكولاتات وحلويات كتير بس شوكولاتتك ليه مكانه مختلفه عندى .. بتحسسنى كل ما بشوفها بسعاده ربنا يخليك ليا يارب وتفضل تجبهالى لغايه ما شعرى يبيض وسنانى تقع منها
على بيضحك: متقلقيش هجبلك وهجيب لعيالك وعيال عيالك .. انا هفتح مصنع شوكولاته علشانكم
هبه: ربنا يخليك لينا يارب
على: يلا اسيبك انا علشان عبدالله لما يكلمك وانا عندى مكالمه مهمه
هبه: ماشى ماشى ...
وهو ماشى ندهت عليه هبه : صحيح ياابو على
على: ها ..فى حاجه ولا ايه
هبه: اسكت فى خبر خلانى متنحه ساعتين استوعبه
على :خير
هبه : .....
________________
يتبع
ليست هناك تعليقات:
إرسال تعليق