اليوم دا "حبيبه" شبه منامتش مكنتش مصدقه نفسها بتبص ع ايديها والتوقيع فى ايديها التانيه وكانت فى منتهى السعاده ..فتحت اللاب ولانها عارفه ندى بتسهر والتوقيت فى مصر بليل لكن فى كوريا الصبح فكلمت "ندى"ع" الاسكاى" وحكتلها والاتنين قعدوا يصرخوا ..ع صوت الصريخ دخل"حسام" الغرفه مخضوض وشاف "حبيبه" بتكلم "ندى " :
_ حسبى الله ونعم الوكيل ربنا رازقنى ب اتنين اهبل منهم مشوفتش صوتك منك ليها فى جيران هنا
سمع "ندى ": ماشى يا "حسام" تبعت ل "حبيبه" وانا لا ماااشى هى دى الاخوه ياابن سعيد
ضحكت "حسام" وقعد جنب "حبيبه" وبص ع الشاشه اللاب وبيضحك :
_ علشان الاخوه انا هخليكى تيجى بعد ما تخلصى .. ع الاقل "حبيبه" اسبوعين وهترجع تكمل دراستها وترجعلكم يعنى ليها خط سير واضح معروف من اوله ل اخره لكن انتى لو شرفتينى هتلزقى ولا هتتحركى .. فوجودك فى مصر عقاب تخلصى المعهد ووعد هبعتلك تيجى ..
_ عاااااا .. لسه هستنى 3 سنين
ضحكت"حبيبه": هيعدوا بسرعه انا كنت بحلم انى اسافر بره مصر واسافر الصين واكون هنا فى كوريا ودا ع مرور سنين فجاءه حصلت متستبعديش المستحيل بيحصل وانا قدامك دليل اهو .. اشحنى انتى بس شويا احلام واتمسكى بيها و شويا درامات كده سلى نفسك بيها
_ ماشى ماشى .. هتروحى فين يا "حبيبه" روحتى برج نامسان .. اكلتى (Fishcake _ hoppang_ Tteokbokki _kimbap_Kimchi_tuk_ramyun _,و.. (اكلات كوريه )
ضحكت "حبيبه ": ايه كل دا انت هنا من يومين هلحق اكل كل دا امتى وبعدين مش كله هعرف اكله
_ يابنتى انجزى وجربى دى فرصه مش هتتكرر اعملى كل الل نفسك فيه
_ هحاول فى الاسبوعين
_ انا لو مكانك مش هرجع مترجعيش وخليكى قاعده مع حووس
ضحك "حسام" : مش قولتلك لاسعه .. امشى يابت روحى نامى
_ "ندى" بوسيلى بابا اوى وكوكا وهكلمك تانى ماشى
_ متوصنيش على حبايبى المهم انبسطى ماشى وانبسطيلى معاكى فى الحلم الكورى
ضحكوا وخلصوا كلام وخرجوا علشان يفطروا .. كانت "مى سون" حضرت الفطار وكان فطار كورى عباره عن حساء (شوربه ) ورز واطباق جانبيه المنظر فرح "حبيبه" جداا وقعدت ع الفطار ابتسامه وضحكه ع وشها لوحدها وكل شويا تبص ع ايديها وتضحك ,,مكنتش مصدقه ان الل هى فيه حقيقى لدرجه انها مكنتش عاوزه تمسك عصيان الاكل علشان احساس لما لمست ايد "جى وو" ميروحش ضحك عليها "حسام" و "مى سون "وهما شايفينها :
_ يابنتى كلى وبطلى هبل هو انتى سلمتى ع مين مش فاهم انا عمر الشريف
_ اسكت اسكت ..
_ الاكل هيبرد يا هبله ..
بتبص ع ايديها : عندى ليكى فكره يا "حبيبه "
_ ايه ..
_ بروزيها .. ايوه بروزى ايدك يخربيتك بطلى هبل
مد ايده ومسك ايديها ومسح ايده فى ايديها :
اتعصبت وملامحها اتغيرت وبصت ل "حسام" بغضب :
_ ايه يابت بتبصيلى كده ليه هو انا نقضت وضؤك ولا حاجه
_ انت عيل رخم ..
"مى سون" قاعده ومش مجمعه اوى الكلام فترجملها "حسام" الل حصل وضحكت عليهم :
_ طيب انا رايح الشغل و"مى سون" اجازه انهارده قاعده معاكى
_ لا خليها تنزل متعطلوش نفسكم ..
_ لا هى عاوزه تقعد معاكى وتنزلوا السوق مع بعض وبليل هنخرج مع بعض
_ تمااام
خلص اكل وقام وقف لاحظ "حبيبه" بتبص ع ايديها لسه راح مد ايده وضربها واتجهه لباب بسرعه وكانت "مى سون بتضحك على تصرفاتهم ..."حسام" كان مبسوط لانه شايف "حبيبه" مبسوطه وانه عملها حاجه دخلتها حاله السعاده الل هى فيها برغم اعتقاده ان الهوس الكورى دى حاجه اوفر لكن اتقبلها لانها بتسعد :حبيبه" و "ندى" ,, نزل "حسام" وقامت "حبيبه" تساعد "مى سون" فى تنضيف السفره وقعدت وشويا قعدت معاها "مى سون" ومعاها كوبيتين عصير واتكلموا بالكورى :
_ انا عملتلك عصير كوكتيل هيعجبك
_ كوماو اونى .. (شكرا )
_ شويا وهننزل انا وانتى السوق نشترى حاجات للبيت ايه رايك ..؟
_ اوكيه .. انا فاضيه اروح ل اى مكان
ضحكت" مى سون " واتكلمت "حبيبه ":
_ قوليلى "حسام" كويس معاكى ..
_ جداا جداا حنين وطيب ومتفاهم وع طول بيضحك
ضحكت "حبيبه": هو بيحب الضحك .. ينفع اسالك سؤال ؟
_ اسالى
_ هو انتى اسلمتى ليه علشان حسام تتجوزو يعنى ..؟
_ لالالا خالص .. انا من وقت ما سافرت دبى من سنه ونص تقريبا واتعاملت مع العرب والمسلمين فى شغلى عموما لفت انتباهى بعض الاشخاص وتصرفاتهم كان ليا صديق سعودى اقترح عليا احضر درس دينى وحضرت شد انجذابى وكل وقت ما اكون فاضيه احضر دروس دينيه فضولى جذبنى ابحث وادور اكتر ولما كنت بنزل اجازه ل كوريا كنت بروح مسجد "سئيول المركزى " الل جنبناا هنا فى "ايتوان" احضر الدروس مع الوقت قررت اخد الخطوه وارتباطى مع "حسام" اكدلى ان انا ماشيه فى الطريق الصحيح ..
_ واهلك مضايقوش ان بنتهم هتبقى مسلمه ..
_ لا هنا فى كوريا اختار الديانه بحريتك مدام مفيهاش ضرر ولا هتضر الل حواليك وانا اتربيت ان كل اختياراتى ب ارادتى بدون تدخل منهم ..هما رحبوا وانا اكدتلهم انه ع اقتناع تام بعيد كل البعد عن فكره ارتباطى باانسان مسلم ,, حتى انا اديتهم كتب من الل كت بقراء فيها يعرفوا اكتر عن الدين الل انا دخلته لعل وعسى ينضموا لينا ..
_ ومعاملتهم ل "حسام" ..؟
_ فى الاول كانوا مستغربينه شخص بيتكلم كتير وبيضحك كتير كانوا حاسين انه بيتسلى او بيستغل فرصه علشان يقعد فى كوريا والجنسيه لكن مع الوقت وبعد مقابلتين تلاته مع اصرارى عليه فهموا شخصيته وخصوصا ان "حسام" فاهم العقليه الكوريه هنا وعرف يتعامل معاهم وهما حبوه وقرروا منبعدش عنهم وبابا دور لينا على شغل
_ يعنى مهتموش ب انه مسلم والكلام الل بيتقال عن المسلمين ..؟
_ احنا اعتقادنا ان الانسان هو الل بيوضح بيئته ايه والمكان الل جى منه شكله ايه وعقليته ايه .. يعنى لو الاسلام زى ما بيقولوا داعش وارهاب ف عقليه الل بيتكلم هتعرفى تفكيره ازاى .. "حسام" اتعامل بطيبه ورقى وادب واخلاق ودى عموما فى الثقافه الكوريه من التقاليد فهى مش مختلفه عن مبادئ الدين الاسلامى .. لما اتعاملوا معاه محسوش بفرق بالعكس اطمنوا له وحبوه .. ف الانسان بمعاملته بتبين خلفيته ودينه وتربيته وبلده .. الانسان صوره من حياه تانيه يا ينقلها صح ويصحح مفهومها لناس يا ينقلها غلط وياكد المفهوم الغلط .. و"حسام" كان انسان جميل فى معاملته مع الجميع ..
فرحت "حبيبه" بالكلام الل سامعاه وان "حسام" مثال مشرف لدينه ولبلده ولعيلته وبشاهده الاغراب :
_ تمام .. انتم استقريتوا هنا كده صح ..؟
_ ايوه .. مكان احنا الاتنين عارفين نتاقلم ونعيش فيه ..
_ اتمنالكم السعاده بجد ..
_ وانتى كمان .. تفائلى هتكونى بخير كلام حسام عنك وعن اصرارك وارادتك وتفائلك اكيد هيرجعلك بحاجه جميله تفرحك ..
ابتسمت"حبيبه": ان شاء الله ..انا ليا طلب ممكن ..؟
_ اتفضلى ..
_ انا مش عاوزه اى حد يعرف موضوع مرضى هنا انا قاعده فتره وماشيه وحابه اعيشهم طبيعى
_ من غير ما تقولى "حسام" قالى .. يلا بينا ننزل
_ هجهز ثوانى ..
قامت "حبيبه" لبست ونزلت مع "مى سون" واتجهوا الى السوق كبير وكانت "حبيبه" مذهوله حست انها دخلت جوه مشهد فى برنامج كورى شايفه الاكلات والبائعين زى الل كانت بتتفرج عليهم ... وهما راجعين عدوا ع مطعم "الهالمونى (الجده ) ودخلوا طلبو: وجبه خفيفه "كيمباب " .. :
_ المكان هنا مريح اوى
_ جداا .. دايما انا و"حسام" ننزل هنا وناكل بصراحه بتريحنى اوقات انى اعمل اكل
قربت منهم "الهالمونى " واتكلموا كورى :
_ "مى سون" ازيك ..
_ هارمونى .. انا كويسه وانتى بخير
_ بخير .. بخير ..
بصت ل "حبيبه" فعرفتها "مى سون ":
_"حبيبه" اخت "حسام" جوزى من مصر
_ يبودا "جميله"
ابتسمت "حبيبه": كمسا هامنيدا (شكرا )
شويا وسابتهم "الهالمونى" وقعدوا يتكلموا شويا ورجعوا ع البيت قعدت "حبيبه" مع "مى سون" يتكلموا وتشوفها وهى بتعمل الاكل وقعدوا يتفرجوا ع التليفزيون وشويا كلمت "ندى" وباباها ووليد وكانوا شايفنها فى قمه السعاده .. وصل "حسام" واتعشوا .. ونزلوا يخرجوا فى المنطقه .. !
تانى يوم الصبح كانت "حبيبه" صاحيه بدرى خبط حسام ع الباب ودخل :
_ ايه النشاط دا ..
_ وانام ليه اضيع وقت وانام ..
_ يلا الفطار ..
خرجوا يفطروا واتكلم "حسام" بالكورى علشان "مى سون " تفهم :
_ احنا نازليين الشغل وانتى ممكن تنامى لو حابه اوعى تنزلى ..؟
_ ليه هتخطف ..
_ لا هتهوى ..
ردت "مى سون": ممكن تنزل تقعد فى مطعم "الهارمونى " مش انتى حبيتى المكان ؟
_ اها جداا .. خلاص هنزل هناك شويا بدل الكافيه ماهو انا مش هقعد ف البيت طول الوقت دا ,, انا مش جايه من مصر علشان اقعد فى بيوت ...
ضحك "حسام " واتكلم بالعربى :
_ والله وفتحت منك يا بنت "فؤاد"
ضحكت " حبيبه "
_ طييب .. يلا بينا ننزل ..
_ يلا بينا ..
بص "حسام " ل "حبيبه": ابقى بصى ع اللاب
نزلوا ودخلت "حبيبه" تبص وكانت فلوس فى ظرف "حسام" سايبهالها ابتسمت وخدتهم و بعد ما فتحت النت شويا لبست ونزلت وقفت امام العماره وهى متحمسه جداا .. اتمشت شويا ورجعت دخلت مطعم"الهارمونى " قعدت وطلبت وجبه خفيفه "كيمباب بالتونه" لانها حبته وكانت مستمتعه بيها وهى قاعده لاحظت التعب ع الست الكبيره "الهارمونى " من غير تفكير قامت اتجاهها ومسكت ايديها :
_ هالمونى انتى تعبانه ..؟
_ انا بخير ..
بصت حواليها "حبيبه": انتى لوحدك هنا ..
_ العامل مجاش انهارده الل بيساعدنى ف خدمه الزباين
سمعت حد بينده عاوز يطلب مسكت ايديها "حبيبه" وب ابتسامه : ارتاحى انتى وانا هروح
لسه هترد الهارمونى اتحركت بسرعه "حبيبه" ووقفت واتكلمت واخدت الطلب واتجهت للمطبخ ورجعت وتعاملت مع الطلباات ونظرات "الهالمونى " منزلتش من عليها .. مر 4 ساعات والعامل وصل واستلم من "حبيبه" ورجعت قعدت ع تربيزتها وكان اكلها برد قربت منها "الهارمونى" معاها اكل تانى سخن كشكر ع تصرفها اتجاهها ومااخدتش منها فلوس كملت "حبيبه" قاعدتها وخرجت رجعت ع البيت شويا رجع "حسام" و"مى سون" قعدوا شويا ونزلوا يخرجوا ... !
تانى يوم نزلت "حبيبه" واتجهت لمطعم تطمن ع "الهالمونى " وفرحت بيها "الهارمونى " وخصوصا ان "حبيبه" كانت بتساعدها من غير طلب .. قعدت معاها واتكلموا وعرفت انها هنا ل زياره وانها بتدرس فى الصين .. اتعودت "حبيبه" كل يوم تنزل المطعم فتره الصبح تساعد "الهارمونى" وكانت مبسوطه اوى بتصرفها دا .. فى يوم وهى فى المطعم قاعده ندهت ليها الهارمونى :
_ ممكن اطلب منك طلب يا حبيبه ؟
_ اتفضلى
_ "مين كيم" مش هتيجى انهارده عاوزاكى توصلى الاكل دا لبيت حفيدى هناك هتستناكى " موون هى " وانا طلبت تاكسى هيوصلك وهيرجعك هنا تانى مش هتتاخرى
ابتسمت "حبيبه": مفيش مشاكل
_ كوماو "حبيبه"
ابتسمت "حبيبه" واخدت شنط الاكل وركبت التاكسى واتوجهت ل العنوان وكان البيت عباره عن فيلا واتفاجئت من منظرها مقارنه بالمطعم البسيط وشقه الهالمونى البسيطه ..رنت الجرس و اجوما ( مدام بالمصرى ) فتحت لها الباب واتكلموا بالكورى :
ب ابتسامه : حبيبه
ابتسمت حبيبه" : ايوه
_ اتفضلى ادخلى ..
دخلت "حبيبه" ومن الفخامه المكان متفاجئه ..وتمتمت " حفيدها قاعد فى كل دا وسايبها قاعده فى البيت البسيط داوالمطعم البسيط دا .. حتى هنا مش حنينين ع اهلهم وبتعمله اكل كمان "
سمعتها الاجوما ومش فاهمها : بتقولى حاجه
_ لالا خالص .. الاكل
مسكت الشنط:" الاجوما " واتكلمت : انتى بتتكلمى كورى
ابتسمت "حبيبه" وهزت راسها : ايوه
ابتسمت "الاجوما" بتطلع الاكل من الشنط :
_ بتتعب نفسها كل مره وهو مبياكلش فى البيت اصلا الاكل بيترمى اغلبه
اتفاجئت "حبيبه" وفى سرها قالت " هو فى مشاكل بينهم ولا ايه "
_ بيترمى .. "هارمونى" قالت ان كل الاكل دا هو بيحبه .. ازاى بيحبه ويرميه ..؟
_ هو فعلا بيحبه وبياكل منه لكن قليل جدا ..
_امممم هو حفيدها شغال ايه " اجوما" ..
استغربت من سؤالها : انتى متعرفيش ..؟
حست "حبيبه" انها المفروض كانت تسئل : لا مسالتش ..
متفاجئه "الاجوما": بجد متعرفيش ..
ب ابتسامه ونبره تأكيد : لا ..
لسه هتتكلم "الاجوما" رن الموبيل بتاعها وحبت تستأذن "حبيبه" تمشى :
_ انا همشى محتاجانى فى حاجه ..
_ ممكن تدخلى الفوط فى حمام غرفه النوم ع اليمين ..
بتلقائيه : حاضر .
شالت الفوط وبتمشى بحذر وبتبص فى الليفنج شافت صوره كبيره ل "جى وو" وقفت من المفاجاه وقربت ل اتجاه الصوره الكبيره : معقوله يكون فان كبير
انتبهت بالفوط واتجهت اتجاه الغرفه النوم وفتحت الباب وبتبص حواليها تدور ع الحمام فين الل جوه الغرفه شافت صور كتيره ل "جى وو" متعلقه ع الحيطه اتفاجئت وحست انها لقت كنز :
_ايه كل دا ..
انبهرت بالصور وفضلت واقفه متنحه فيهم ومحستش بحد دخل الغرفه وفجاءه سمعت صوت بالانجليزيه :
_مين انتى ؟
كانت بتحلم والصوت خرجها من الحلم واتخضت وبتلف طرف الطرحه شبك فى الاباجوره وقعت اتكسرت ووقعت الفوط على الارض اتفاجئت "حبيبه" وبتبص للشخص علشان تعتذر اتفاجئت ب "جى وو" قدامها فتحت بوقها من المفاجاءه ووقعت الفوطت تانى ع الارض واتكلمت بالعربى " انت ..انت بجد"
بملامح حاده نده ع الاجوما ودخلت الغرفه وبالكورى : مين دى وبتعمل ايه فى اوضتى ؟
سمعت "حبيبه" اوضته وفى حاله الاندهاش الل حصلتلها قالت :
_ دا بيت "جى وو" يعنى هو حفيد الهرمونى يعنى انا فى بيته فعلا
وفاجاءه صرخت وهو اتفاجى : انتى مجنونه ..
مسكتها من ايديها الاجوما واعتذرت وخرجو : ايه الل عملتيه دا ..
"حبيبه" ب اندهاش بتستوعب : "جى وو" حفيد الهارمونى ..؟
_ ايوه..انا كنت فاكره انك عارفه ..
اتكلمت عربى : لالالالالالالا اكيد بحلم يعنى انا فى بيت "جى وو"
مفهمتش "الاجوما" وكلمتها بالكورى :
_ حبيبه .. يلا امشى دلواقتى ..
ولسه بتحاول الاجوما تفوق "حبيبه" فاقت هى ع صوت عالى بينده ع الاجوما بعصبيه واتفاجئت "حبيبه " ان الاجوما خافت وبسرعه اتجهت للغرفه وهى كمان اتحركت للغرفه ووقفت من بعيد وشافته بيشاورلها ع زجاجه برفيوم واقعه اتكسرت ع الارض ..
بعصبيه: كذا مره اقول محدش يلمس حاجاتى ولا حد غريب غيرك يدخل غرفتى
_ اسفه ..اسفه ..
افتكرت "حبيبه" انها هى الل كسرتها لما وقعت من ايديها الفوط خبطت الازازه ووقعت اتكسرت ومااخدتش بالها وان الاجوما بتعتذر نيابه عنها ودا ضايقها لانها معملتش حاجه لكن ضايقها اكتر اللهجه الل بيتكلم بيها معاها .. وبص "جى وو" وشافها واقفه قرب الباب وكلمها بنفس اللهجه بالانجليزى :
_ بتعملى ايه عندك ..؟
بسرعه "الاجوما" اتجهت ل "حبيبه" : امشى يا "حبيبه " ارجعى انتى ..
رفضت "حبيبه" تمشى ورجعت دخلت الغرفه وهو واقف واتكلمت بالانجليزى :
_ اسفه ع انى دخلت لكن انا الل وقعتها مش الاجوما وبعتذر
بص ل "الاجوما" وتجاهل "حبيبه" واتكلم بالكورى :
_ هى دخلت هنا ليه من الاساس ..؟
اتفاجئت "حبيبه" باللهجه الحاده الل مكنتش تتوقعها من"جى وو" الممثل الل حبيت تمثيله وشخصيته من الدرامات والافلام والبرامج وصوته فى الاغانى واتصدمت باانه شخص تانى غير الل عارفاه والل شافته ف fan meeting ,, مقدرتش تتمالك نفسها وبنفس الحده وبالانجليش كملت كلامها :
_ياريت توجهلى الكلام انا لانها غلطتى و مهما حصل مينفعش تزعق لست كبيره هى مغلطتش وبعتذر ع البرفيوم الل اتكسر ومستعده ادفعلك تمنها مدام مضايقك انها انكسرت كده :
اتفاجئ من طريقتها الجريئه : ايه ؟
_ زى ما سمعت ..
بنبره عصبيه بص ل "الاجوما:خديها واخرجى ومتدخليش اى حد مهما كان هنا ..
مسكتها الاجوما من ايديها وخرجت :هو ليه بيكلمك كده ..؟
_ انا متعوده ع كده منه
اتفاجئت "حبيبه": تقصدى هو كده اصلا ..
_ قليل اوى لما بشوفه بيضحك دايما فى البيت يا ساكت يا نايم يا مع اصحابه بيسهروا يا بيزعق .
تفتكر "حبيبه" كلامه فى احدى اللقاءات انه مبيحبس السهر وضحكه وابتسامه وسرحت بتستوعب
_ يلا يا حبيبه ارجعى انتى وانا هنظف المكان
_ انا هساعدك
_ لا مش عاوزاكى تحتكى به تانى ..
خرجت "حبيبه" وهى متفاجئه من طريقه كلامه واسلوبه الل اول مره تشوفها ... رجعت المطعم وملامح المفاجئه ع وشها ولاحظت كده الهارمونى حكتلها "حبيبه" وقعدوا يتكلموا واعتذرلتلها ع طريقته وانها تحتفظ بالسر انه حفيدها لان محدش يعرف واستغربت "حبيبه" لكن وافقت .. !
رجعت البيت وحكت ل "حسام" و "مى سون" واضايق "حسام" وطلب من "حبيبه" متروحش تانى ل اى مكان ودخل نام .. وفضول "حبيبه" خلاها تتكلم مع "مى سون" وخصوصا بعد ما عرفت انها كانت عارفه :
_ ايه الحكايه بقى ؟
_ اممم الحكايه بسيطه هو حفيدها الوحيد والده مدرس فى جامعه فى بريطانيا وعايش هناك مع مراته وابنه وبيجى زيارات ل الهالمونى وعلاقتهم مقطوعه من 10 سنين او اكتر من وقت ما رجع كوريا وعاش هنا وبقى فنان وابتدى يتشهر ويكون مشهور والهارمونى هى الشخص الوحيد الل بيربطه بعيلته ومكانتها عنده مختلفه لانها تعتبر الل ربته بعد وفاه والدته وبينفذ طلباتها وبيسمع كلامها دايما..
_ لكن هو عايش لوحده فى بيت كبير وفخم وهى عايشه فى بيت بسيط وكمان محدش يعرف انه حفيدها وهى بتصر ع كده
_ هى مبتحبش الشهره لان دايما تقول علاقتى بحفيدى شخصيه مش ماده اعلانيه فى الاعلام .. هى ع فترات بتعمل الاكل الل بيحبه وحد بيوصله هناك و"اجوما" هناك بتراعيه وتهتم بالبيت وتحضرله الوجبات وتطمنها عليه ومحدش يعرف انه حفيدها الا المقربين جداا ويعتبر سر ..
_ امممم ومتعرفيش ليه قاطع والده ؟
_ لا مسالتش ومحبتش اعرف
اتنهدت "حبيبه": حتى هنا المشاكل الاسريه موجوده
_ متتضايقيش يعنى من الل حصل مش لوحدك اى حد من المطعم بيروح بيتصادم معاه
بنبره ثقه اتكلمت "حبيبه": بس هو مش كده ..
ابتسمت "مى سون": التليفزيون والانترنت ياما بيظهر حاجات مش حقيقيه ..
قامت "مى سون" تنام و"حبيبه" قعدت تفكر وتستوعب الل حصل وفتحت الانترنت ودخلت ع اخبار "جى وو" وراجعت كل المواقع الل كتبت عنه وهى عما تردد : مش معقوله يكون مش هو ازاى .. لا ازاى مش قادره اصدق مفيش اخبار عن اهله ..... !
قربت تخلص اجازه "حبيبه" يومين وترجع الصين .. كانت بتنزل اوقات تقعد فى مطعم "الهارمونى" وكانت بتتكلم معاها ووسط الكلام عرفت ان "جى وو" اتغير وهو مش كده لكن الل سمعته من الموجدين الل عارفين انه حفيد "الهالمونى" عكس انه عصبى وع طول مكشر ومبيتكلمش كتير وبيزعق ع طول .. الل سمعته "حبيبه" اغلبه عكس الل السنين الل فات كانت بتقرا عنه وكانت فى حاله من الصدمه والمفاجاءه ..قعدت فى غرفتها مسكت النوتس وبصت ع قايمه الامنيات وماسكه القلم وكانت عاوزه تشخبط عليهم لكن حست بحاجه مانعاها وفضلت تبص عليهم وتفكر مسكت موابيلها وقعدت تقلب فى الصور وتركز فى صور "جى وو" وبتحاول تستوعب .. وصلت صوره "كوكا" واتكلمت معاها :
_ كوكا .. اكتر وقت محتجاكى فيه اتكلم معاكى .. انا لو اتكلمت مع "حسام" او ندى " او "وليد" محدش فيهم هيقدر يفهمنى غيرك .. انا مكنتش متوقعه اصلا انى هكون فى يوم فى كوريا ولا هحضر فان ميتنج ولا حتى اشوف "جى وو" انا اكتفيت بالحلم والصور ورضيت بالواقع .. الحكايه اتغيرت وشوفته وشوفته مرتين .. المره التانيه صدمتنى مش عارفه اصدق مين ولا اصدق ايه ..اعمل ايه وانا جوايا سؤال نفسى اسئلهوله " هو ليه كده " معقوله كان بيمثل علينا .. بس هو مكنش كده فى الحلم .. ولا هو اصلا مكنش فى الحلم وانا اتلغبطت .. انا مش عارفه فى ايه ومش عارفه ليه حاسه انى مش مبسوطه بعد ما كنت مبسوطه .. انا مش عارفه حاجه .. انا هنام ..وحشتينى يا كوكا .."
باست الصوره وقفلت الموبيل وغمضت عينيها ونامت .. وفى نفس الليله حلمت بالحلم نفسه لدرجه انها صحيت متاخره وصحتها "مى سون " وقامت مخضوضه :
_ كنتى بتحلمى
_ ها .. ايوه
_الفطار جاهز و"حسام" مستنيكى ..
_ اوك 5 دقايق وهحصلك ..
خرجت "مى سون" ورمت "حبيبه" بجسمها ع السرير وباصه للسقف وهى بتجمع الحلم الل مكنتش بتحلمه من فتره طويله اتكرر تانى حطت ايديها ع قلبها وكان بيدق مسكت الموبيل وبصت ع صوره "جى وو " وقامت غيرت هدومها وخرجت قعدت ع الفطار :
_ مالك يا حبيبه
_ شوفت كابوس
_ اول مره تقولى كابوس .. كل دا علشان انهارده اخر يوم ليكى هنا
_ تصدق ممكن ..
_ انا عارف ان اجازتك لسه يوم لكن انا و "مى سون" اتنقلنا 4 شهور ل "بوسان" فرع الشركه هناك وضرورى نكون هناك بكره .. علشان كده حجزتلك انهارده هنوصلك للمطار ونسافر احنا
_ لا ولا يهمك عادى مفرقتش يوم ..
_ تتعوض قبل ما ترجعى مصر هبعتلك يومين هنا
ابتسمت "حبيبه": ان شاء الله ..
لبست "حبيبه" وجهزت ونزلت وحطوا شنطها ف العربيه ودخلت مطعم "الهارمونى " تسلم عليها .. كانت "الهاامونى" حزينه ع سفر "حبيبه" وقالتلها فى اى وقت تحب تيجى المكان مفتوح ليها وكانت مجهزلها اكلات عاملها هديه ليها اخدتهم "حبيبه" واتحركت ووصلت لمطار :
_ يلا كفايه عليك كده شوف طريقك توصلوا بالسلامه
_ هستنى لما الطياره تطلع
_ هتستنى ساعه ليه يلا علشان تلحق توصل ف النور وتظبطوا نفسكم .. وانا لما هوصل هعرفك
_ خلى بالك ع نفسك
_ وانت كمان ..
مشى "حسام" بعد ما اتاكد من ان "حبيبه" موجوده فى مكان انتظار الركاب واتحرك بالعربيه هو و"مى سون" ومشيوا .. قعدت "حبيبه" ماسكه موابيلها وسرحانه والحلم شغل تفكيرها لان حلمت به دلواقتى فتحت الموبيل ع صوره"جى وو" وحست بضيقه منه وخنقه وقعدت تخبط ب ايديها ع الشاشه :
_ انت ليه رخم كده وغلس ليه مفضلتش زى ماانا متخيلاك ليه ها ليه تخنقنى كده والحلم يبقى كابوس ها ..
للحظه جت فكره فى دماغها وفكرت فكرت وبصت ع الساعه كان فاضل 10 دقايق وسمعت نداء الطياره قامت وقفت وابتدت تتحرك اتجاه الطياره وهى ماشيه بتبص ع جواز سفرها .. فاقت وبتبص حواليها شافت اعلان ل "جى وو" فى المطار وهو مبتسم من غير ما تحس وبصوت وبالعربى : متضحكش ..انت بتضحك ليه
الكل الواقفين اتفاجئوا من تصرفها وهى حست ب احراج وفضلت واقفه وكان قدامها ف الطابور 3 .. كانت بتفكر ووصلت والمضيفه بتطلب منها التذكره قالتلها : Sorry
خرجت من الطابور ووقفت تاكسى ورجعت ل "ايتوان" ووقفت قدام مطعم "الهالمونى " وافتكرت "حسام " و وليد والاخص باباها لما يعرف الل عملته من غير ما تتكلم معاهم ورد فعلهم القاسى لكن احساسها بالراحه فى المكان ومعامله الناس ليها ومعامله الل معاها فى السكن ونظرات الشفقه ودايما بيفكروها بمرضها حست بعدم رغبه انها ترجع واستجمعت شجاعتها وقالت "فرصه زى دى مش هتتكرر واحلامى مش هحولها لكابوس .."
من غير تفكير فى اى حاجه لكن اتشجعت ودخلت المطعم واتفاجئت الهالمونى بيها :
_ انتى مسافرتيش
_ هالمونى .. ليا مكان عندك هنا اشتغل ..
رحبت بيها "الهالمونى " وفعلا استلمت الشغل فى المطعم بمقابل مادى تقدم طلبات ل الزبائن ولان دا المكان الوحيد الل ممكن يشغل "حبيبه" علشان حجابها .. ومكان مضمون وعارفه كل الموجودين ..وقعدت مع "الهالمونى" فى بيتها الل فى نفس مكان المطعم ... قعدت "حبيبه" ومقالتش ل اى حد وبعتت رسائل ليهم انهم وصلت الصين لان ع ثقه انهم لو عرفوا مش هيسيبوها تقعد وهيرجعوها ففكرت تستغل الوقت والفرصه .. !
كانت "حبيبه" سعيده بالتجربه الل مكنتش تتوقعها وكانت كاتباها وهى " تشتغل وتكسب فلوس من شغلها " هى محددتش فين المكان لكن حست ان حلمها بيتحقق ورغبتها انها تكسب فلوس وتشترى هدايا للمقربين ليها من فلوسها الخاصه كانت محمسها تشتغل وكانت نشيطه ومفيش تعب ظاهر لانها منتظمه ع العلاج ولما شافوها بتاخده قالتلهم انها لمناعه .. مفيش حد يعرف مرض "حبيبه" ودى كانت اكتر حاجه حستها "حبيبه" براحه و انها اخدت قرار مريح انها تكون وسطهم وعاملوها طبيعى وهى اتقربت ليهم .. مر اسبوعين ع شغل "حبيبه" وفى الاسبوع راحت مرتين لبيت "جى وو" لكن فى المرتين مكنش موجود ومشافتهوش كانت مبسوطه انها شافت قطه هناك شبه "كوكا" اسمها "ليز" دى الحاجه الل فرحتها فى بيته .. فى مره شافت "الهالمونى" قاعده وملامح وشها متغيره قربت منها واتكلمو بالكورى :
_ هالمونى .. انتى كويسه ؟
_ بخير ..
_ ملامحك بتقول غير كده .. فى حاجه حصلت ؟
اتنهدت : " مون هى " هتسافر ل ابنها هيعمل عمليه وهتبقى معاه
_ طيب ايه المشكله ..
_ "جى وو" هيكون لوحده مفيش حد معاه يهتم بوجباته ولا يطمنى عليه
_ اممم .. اعرضى ع اى حد من الموجودين هنا اكيد فى الل يحب يروح ..؟
_ مفيش حد هيرضى انا واثقه .. انا تفكيرى هينشغل به ..
بدون تفكير : انا ممكن اروح اقعد الفتره دى لوقت ما اجوما ترجع
اتفاجئت الهارمونى : بجد ..
ضحكت "حبيبه" : ايوه .. المهم انتى اطمنى عاوزانى اروح من امتى ..
_ هى مسافره انهارده ممكن الصبح تكونى هناك بجد مش عارفه اشكرك ازاى
ابتسمت "حبيبه" : لا لا عادى انتى عاوزه تتطمنى ع اخباره وانه اكل وجباته فى وقتها بسيطه مش صعبه
_ ومش هتعملى اكتر من كده لان البيت فى ناس متخصصين فى النظافه بينظفوه بمواعيد هتعرفيها
_ يبقى مفيش مشاكل بسيطه ..المهم اطمنى
ابتسمت "الهالمونى ":
_ والاسبوعين هديكى مرتبك هنا ومرتب " مون هى" كمان
فرحت "حبيبه" انها بتكسب فلوس وبذياده :
_ وانا جاهزه ..
ان "حبيبه" هتكون هناك فى بيت "جى وو" طمن "الهالمونى" انه مش هيكون لوحده وانها هتطمن ع اخباره منها .. فى نفس الوقت "حبيبه" بعد ما قالت واتفقت حست بتوتر وخوف وحست انها بتتسرع ف قرارات من غير ما تفكر فيها كويس .. بعد ما كانت مخططه انها تكون موجوده فتره قليله وبعدين تبلغ "حسام" و " باباها " و " وليد " ..دلواقتى المده هتطول بسبب اقامتها فى بيت "جى وو" .. وقفت سرحانه بتراجع التدبيسه الل ادبستها بنفسها وبتكلم نفسها بالعربى " ايه الل بتعمليه دا يا "حبيبه" كل ما تقولى خلاص تدبسى نفسك فى موضوع تانى مبتفكريش ليه كويس ربنا اداكى عقل ولا فرده جزمه .. بتدبسنى وتوعدى وانتى جاهله الل هيحصل ايه الل بتعمليه دا بس " شافتها واحده من الموجودين :
_ حبيبه .. مالك ؟
_ مش عارفه حاسه انى ادبست .. ازاى هتعامل هناك مع شخصيه زى دى وهقدر اكمل الاسبوعين انا حسه انه ممكن يطردنى لانه لو زعق انا هزعق وهيطردنى وهخسر ذياده الفلوس
_ انت مبتتفرجيش ع درامات ؟
_ بتفرج ..؟
_ اكيد ليه نقطه ضعف اسالى "هالمونى" وهى تساعدك .. هو مشهور واكيد فى حاجه ممكن تكون سبب يتراجع فى طريقته وفى نفس الوقت تقعدى وقت اطول وهتاخدى المرتب كامل بالذياده الل بفتره اقامتك هناك ..
الفكره عجبت "حبيبه" وبعد ما خلصوا شغل وقفلوا المحل قعدت "حبيبه" واتكلمت مع هالمونى على "جى وو" ووسط الكلام عرفت منها اكتر حاجه مبيحبهاش وتعتبر نقطه ضعفه بيتجنها واستغلت "حبيبه" وحست انها كنز هيخليها تكمل الفتره وتقبض الفلوس ... !
قبل ما تنام "حبيبه" قعدت ع سريرها مسكت "النوتس" وعلمت ع امنيه " مغامره غير متوقعه " وقالت : يارب تكمل ..
ونامت ع السرير ومسكت الموبيل وفتحت ع صوره "جى وو" وبنظره غضب :
_ منفعش معاك الاحلام نبتدى بقى شغل الدرامات ..
تانى يوم صحيت بدرى وكانت مجهزه شنطتها و"الهارمونى" كانت مجهزه الاكل الل بتبعته وكان فى تاكسى منتظرها وقبل ما تمشى اديتها الهارمونى ظرف فيه المرتب زى ما اتفقت معاها وكانت "حبيبه" سعيده انها مسكت اول فلوس نتيجه شغل .. والحركه دى اديتها حافز وشجعتها وركبت التاكسى ووصلت للمكان نزلت ووقفت قدام باب البيت للحظات بتستجمع نفسها غمضت عينيها للحظات " هتقدرى يا حبيبه هتقدرى كملى " فتحت عينها وكان معاها الباسورد الباب وفتحت ودخلت تتسحب لانها عارفه انه موجود وكان مش حابه يحصل تصادم من اول لحظه دخلت بهدوء ع اطراف صوابعها واتجهت لمطبخ ركنت شنطتها وابتدت تحط الاكل فى التلاجه وجهزت الفطار ع السفره .. وهى واقفه فى المطبخ كانت بتغسل ايديها سمعت صوت من ضهرها بالانجليزى :
_ انتى مين ..؟
اتخضت واستجمعت نفسها وب ابتسامه بصتله وردت بالانجليزى : صباح الخير
اول ما شافها : انتى انا شوفتك قبل كده ..
اضايقت انه مش فاكر وحبت تفكره : ازازه البرفيوم المكسوره فى الغرفه و ..
افتكر : اه اه .. انتى بتعملى ايه هنا دلواقتى ؟
_ بحضر الفطار
شاروت ع السفره بص عليها وبصلها : مين قالك تحضرى الفطار
بنفس الابتسامه : "هارمونى" هى الل قالتلى
مسك موبيله واتصل ب جددته وكلمها بالكورى و"حبيبه" سامعه وهى اتكلم بثقه ان "حبيبه" مش هتفهم كورى :
_ هالمونى .. مين دى الل انتى خلتيها تدخل بيتى ؟
"حبيبه" بنت كويسه جداا شغاله معايا فى المطعم وهتكون موجوده لفتره ما ترجع "مون هى "
_ انا مش محتاج حد معايا ..
_ انا مش هطمن لما تكون لوحدك ..
_ بس دى باين عليها غبيه وهتدمرلى البيت
سمعت "حبيبه" واضايقت ومسكت نفسها وفى سرها : انا غبيه
ردت عليه "هالمونى ": هى عارفه هتعمل ايه بس المهم انك تاكل وجباتك فى وقتها وان محصلش هعرف "حبيبه" هتقولى
بص ع "حبيبه" كانت قالبه وشها شافته بصلها ابتسمت : جاسوسه يعنى
حاولت تتمالك نفسها "حبيبه" علشان متتطردش من اول ساعتين وهى لسه معاها الفلوس
قفل مع "جددته " وداخل ع غرفته تانى :
_ الفطار
وقف للحظه وبص ل "حبيبه" وبالانجليزى : مش هفطرلان ببساطه مبفطرفش
قربت "حبيبه" : مفيش انسان طبيعى مبفطرش .. وجبه الفطار مهمه لصحه كل انسان يبدء يومه بنشاط وبصحه .. الفطار شئ ضروروى .. مستر "جى وو"
_ وانا قولت مش هفطر ..
_ ياترى انت قولت ل "هارمونى" انك مش هتفطر الاكل الل بعتته معايا ليك مخصوص
اتغيرت ملامح وشه وابتسامه "حبيبه" استفزته :
_ انتى مبتسمه ليه ...؟
ردت بالعربى : بدل ما افرقع
_ بتقولى ايه ..؟
ردت بالانجليش : الضحك والابتسامه مفيدين للصحه وخصوصا لو الصبح بتحسسك انك مقبل ع حياه حلوه .. ابتسامه يعنى حياه جميله هى دى مبدائى ..
وقف "جى وو" واتحرك لسفره وقعد :
_ اى حاجه تطلبها عرفنى ..
ومشيت "حبيبه" اتجاه المطبخ وكانت متغاظه من طريقته المستفزه لكنها تمالكت نفسك ...
خلص فطار ووقف كانت "حبيبه" واقفه وجنبها شنطتها :
_ هتمشى ..
ب ابتسامه : لا للاسف .. كنت عاوزه اعرف مكان غرفه "الاجوما" علشان مسببش لازعاج واتجول فى البيت الكبير دا وادخل اماكن ممنوعه وحاجات تتكسر انا حدودى غرفتى والمطبخ والليفنج بس ...فين الغرفه لو سمحت ؟
استغرب من طريقتها ونبرتها الواثقه شاورلها ع مكان الغرفه مسكت شنطتها ودخلت الغرفه وقفلت الباب وقعدت ع السرير حاطه ايديها ع قلبها : يارب عجل الاسبوعين دول ..
طلعت اللاب توب واتصلت ب "ندى"ع السكاى :
_ حبيببه.. كنتى فين بنتكلمك من يومين موبيلك مقفول ..
_ ماانا قولتلكم انى مشغوله الفتره دى وانا هطمنكم عليا متقلقوش وموبيلى قولتلكم البطاريه باظت ومش فاضيه اشوف غيرها .. وبفتح نت كل يوم اهو علشان اطمنكم عليا
_ خالو لسه رايح مشوار لما يجى هقوله انك اتصلتى ..
_ وطمنيه انى كويسه تمام ..
_ تمام.. لكن انتى فين ..
_ فىالسكن طبعا ..
_ الغرفه متغيره انتى نقلتى غرفه تانيه ..
توترت "حبيبه" للحظه وبصت حواليها وردت: اها نقلنا غرفه تانيه علشان الاصلاحات وكده ..
_ طيب كويس .. المهم خلى بالك ع نفسك ..
_ وانتى كمان وسلميلى ع كوكا وعمتو ..
_ يوصل ..
قفلت مع "ندى" واتصلت ب "وليد" و " حسام " تطمنهم عليها كالعاده وقفلت معاهم .. وعرفتهم ان موابيلها عطلان وهتصلحه ... !
عدى "اول يوم " فى تانى يوم صحيت بدرى "حبيبه" وحضرت الفطار وخرج "جى وو" من غرفته ماسك مج القهوه ومهتمش بالفطار وشاف "حبيبه" بتلعب مع القطه وبتتكلم معاها :
_ ليز .. انتى جميله اوى ومبسوطه انك موجوده فكرتينى ب كوكا قطتى وصاحبتى فى مصر وحشتنى اووى .. احنا الفتره دى هنكون اصحاب ماشى يلا كلى
استغرب من كلامها الل مش فاهمه لانه بالعربى و"حبيبه" وقفت وشافته :
حبيبه ب ابتسامه : صباح الخير
بنظره حاده : صباح الخير
اتجهه اتجاه الليفنج ولاحظت "حبيبه" عدم اهتمامه بالفطار فبخطوات هاديه قربت منه :
_ الفطار جاهز
من غير ما يبصلها : شكرا
_ قهوه ع الصبح من غير فطار غلط لمعلومه
نظر اليها : لمعلومه انا مش هفطر
اتفاجئت "حبيبه": مينفعش
_مينفعش .. انتى مين علشان تقول ينفع ولا لا
لاحظت "حبيبه" تغير نبرته لحاده فطلعت موبيلها وشغل ريكورد ل "الهالمونى " " عزيزى "جى وو" من اليوم طلبت من "حبيبه" تحضر لك وجبات اليوميه ضرورى تتناولها قبل ذهاب الى اى مكان حتى اطمن عليك و"حبيبه" هتخبرنى ان تناولتها ام لا ..بحبك .. جددتك "
ملامح "جى وو" اتغيرت وبص ل "حبيبه " كانت مبتسمه طلعت النوت بوك
_ احم .. اولا محتاجه اعرف مواعيد تواجدك فى البيت وجدولك ..ثانيا وجبه الفطار الالزاميه .. ممنوع مش هفطر ممنوع التدخين ممنوع الشرب فى البيت ع الاقل
استغرب "جى وو" من كلامها لانه اغلب الوقت بيكون فى البيت : كل دا هارمونى قالتله
مسكت موابيلها وشغلت ريكورد تانى " عزيزى "جى وو" انا عارفه انك بتدخن وبتشرب كحول كتير ودا غلط ع صحتك انت وعدتنى انك مش هتشرب لكن كنت بتشرب و "مون هى " كانت بتخاف من غضبك وكانت مبتقوليش لكن "حبيبه" هتبلغنى .. بحبك.. جددتك "
نظر ليها نظره حاده لكن فى المقابل ابتسمت "حبيبه" وشاورت ب ايديها اتجاه السفره : الفطار جاهز مستر "جى وو"
ولان "جى وو" بيحب جددته ومبيحبش يزعلها فكان بينفذ طلباتها دون تردد وعرف انه لو منفذش حاجه "حبيبه" هتبلغها بكل حاجه مش حابب يزعلها ,, فقام وقف وبيتجهه ل السفره مسكت "حبيبه" مج القهوه من ايده .. شويا وفطر ودخل غرفته و"حبيبه" دخلت غرفتها فتحت اللاب تكلم "وليد" ع السكاى لانه بعتلها رسايل كتير :
- وليد.. صباح الخير
_صباح الخير ..عامله ايه ؟
_ تمام .. الحمد الله وانت ..
_ انا بخير .. مصلحتيش الموبيل لسه ..؟
_ ها .. هصلحه بس افضى ..
_ طيب .. تمام ..
شايفه "حبيبه" "وليد" بيتكلم فى مكان مكشوف زرع وشجر ..
_ هو انت فين كده ع الصبح ..؟
_ اممم .. كنت عاوز اعملها مفاجاءه ؟
_ ليه انت فين ..سافرت ؟
_ اه فعلا ..
_ فين كده ..
_ انا قاعد فى جنينه السكن بتاعك مستنيكى تحت يلا انزلى
اتفاجئت "حبيبه": ايه .. انت فى الصين ..؟
_ ايوه .. يلا مستنيكى نفطر سوا.. انزلى .. !
_ ايه ..
_______________________
يتبع
ليست هناك تعليقات:
إرسال تعليق