(9)
"مريم" خلصت محاضراتها وعادت الى المنزل بدلت ملابسها وطلعت الى السطح دخلت الى المرسم فتحت اللاب الخاص بها وقامت بتشغيل اغانى فيروز بصوت عالى وكانت تغنى معها فى اوقات ... بعد ساعات من اتصالاات زين ل مريم مكنتش بترد عليه رجع ع البيت ملقهاش ف شقتها طلع ع السطح اول ما فتح الباب سمع صوت فيروز العالى ردد : ايه الانشكاح الل هى فيه دا خير ..؟
توجه الى المرسم وخبط ع الباب ومسمعتهوش "مريم" ففتح الباب شاف "مريم" منسجمه قدام لوحه وعمال تغنى بسعاده ,,وقف لحظات لم تشعر بوجوده ف اقترب من اللاب توب واغلق الاغانى فى هذه اللحظه راته مريم : زيزو
_ لا ونبى انا واقف بقالى ساعه وانتى مش هنا سرحانه ف ايه واخد تركيزك دا كله ولا بتردى ع موبيلى ورجعتى من الكليه من غير ما تستنينى
نظرت الى هاتفها وجدت اكثر من 10 اتصالات من زين : الصوت كان عالى ومسمعتش سورى زيزو
_ فهمت انا كده .. فى ايه الل طير عقلك كده ,, ؟
بسعاده وبفرحه وبملامح مبهجه : انهارده حصلت حاجه كنت بتمناها من اول ما دخلت الكليه
_ خير عيونكى العميد ولا ايه ..؟
_ يارخم ... شوفت ايهاب مختار
ب لامبالااه : ايهاب توفيق المطرب مكنتش اعرف ان فى حفله عندكم يعنى
شاورت بفرشه الرسم اتجاه صوره معلقه ل ايهاب مختار: ايهاب مختار شوفته لحم ودم قدامى زيك كده
تفاجئ "زين" بمدى فرحه "مريم" : وشوفتيه ازاى دا مش انتى قولتى انه عايش ف ايطاليا
بفرحه: ماهو هيدرسلنا الترم دا متعرفش انت الخبر دا فرحنى اد ايه عارف يعنى ايه احنا الدفعه الوحيده واول دفعه يدرسلها "ايهاب مختار" انت عارف يعنى ايه ..؟
ب الامبالااه : انتى محسسانى انه هيديكى البكالوريوس المدهب وفيها ايه يعنى انا مش قادر افهم فخامه الموقف الل تخليكى مبهوره كده ..؟
_ علشان انت متعرفوش كويس متعرفش
قاطعها زين وملامح الضيق ع وجهه: انتى هتمدحيلى فى بيكاسو .. مدرس هيدرس وهيرجع خلصت ميستهلش الفرح الل عملاه دا
استغربت "مريم" من رد فعل "زين": ومالك مضايق ليه ؟
_ لا وهضايق ليه دا ايهاب توفيق يعنى
_ بقولك ايهاب مختار
_ ماشى يااختى ايهاب حيران
_ بقولك مختار
بنبره عصبيه : حصلنا الشرف روحى كملى الل بتعمليه وانا داخل ورشتى ووطى الصوت
تعجبت مريم من رد فعل زين : غريبه يعنى ع طول بشغل فيروز ونسمعها سوا
_ مصدع ..انهارده انا مصدع
_ طيب طيب متتعصبش
وهو خارج من الغرفه نظر الى الصوره فتوجه اليها وشدها مرددا: ملهاش لازمه كان خانقنى هنا وظهر ف الحقيقيه ميبقاش ف الاتنين المراره واحده
خرج ورزع الباب وراه ...!
فى ثانى يوم صحيت "مريم" متحمسه لذهاب الى الكليه وارتدت ملابسها ووضعت مكياج وخرجت من باب غرفتها مبهجه ف اتصدمت ب زين امامها :ماشاء الله ايه دا ..؟
اتفاجئت "مريم": انت منزلتش الكليه بتاعتك ..؟
_ لا هوصلك الاول .. وبعدين مقولتليش ايه دا ؟
_ هو ايه الل ايه دا ..؟
_ الل فى وشك دا من امتى بتحطى احمر شفايف وظاهر كده
نظرت الى المراه : ايه دا ظاهر بجد
اقترب منها زين وب اصبعه وبقوه ازال احمر الشفاف : ودا ايه انتى عضيتى حد هو انتى فامبير وانا معرفش ؟
_ ايه يا زين براحه
_ انتى بتستهبلى صح وايه البنطلون دا روحى غيرى واغسلى وشك وتعالى انزلى
_ انا كده هتاخر ع سيكشن "ايهاب مختار"
_ اهااا .. مفيش نزول يا "مريم" غير لما اشوفك زى كل يوم
استدارت مريم بتمتم بكلمات : سامعك ع فكره انا مش اطرش
نظرت له مريم نظره ضيقه وبصوت عالى : انت عيل رخم
وسريعا اغلقت الباب ووقف زين ع الباب : وغلاوتك يا "مريم" كل يوم هعمل عليكى متابعه لغايه ما الترم دى يمر ...حطه احمر شفايف قال
ذهبت مريم وزين الى الكليه مريم ووقفت مريم : هتدخل معايا المدرج ولا ايه ؟
_ لو ينفع كنت دخلت
_ انتى مالك فى ايه مخليك متحول ل HULK كده
بصوت واطى : ايهاب توفيق السبب
مسمعتش : ايه؟
_ اطلعى محاضراتك وهعدى عليكى نروح مع بعض فاهمه
_ ماشى ..سلام
ذهبت مريم من امام نظره مرددا لنفسه : ما نشوف اخرتها ايه ..؟
كان فاضل ربع ساعه ع سيكشن "ايهاب مختار" جلست مع مجموعتها فى انتظاره كانت "مريم" اتفقت مع اصدقائها ع شراء باقه ورورد تحيه ل "ايهاب" وحضروه وحطت "مريم" التاتش بتاعها عليها ,, بعد لحظات فتح باب السيكشن ودخل "ايهاب" وع وشه ابتسامه : صباح الخير
_ صباح النور
_ سورى ع 5 دقائق التاخير
_ لالا مفيش حاجه يا دكتور
نظر اليهم ب ابتسامته والغمازه الظاهره : طبعا مش محتاجين اعرفكم عليا لكن انا عاوز اتعرف عليكم بما انكم اول مجموعه اتعاون معاها
وقفت مريم وع وجهه ابتسامه : مريم كرم ليدر المجموعه
ب استغراب : ليدر المجموعه والمجموعه اغلبها اولاد ..؟
ردت احدى اصدقائها الاولاد :ماهو احنا اتفقنا انها بالدراجات والل بيسيطر كويس
_ وانتى تقديراتك ايه ؟
_ فى ال3 سنين تقدير عام جيد جدا
_ ممتاز
_ لا جيد جدا
ضحك "ايهاب": عقبال الامتياز
_ ميرسى
مسكت "مريم" باقه الورود ووضعتها امام "ايهاب" : دى حاجه بسيطه تعبيرا مننا وترحيبا بوجودك معانا
فرح جدا "ايهاب" بباقه الورود : ميرسى ع ذوقكم ..ها نتعرف عالباقى ..
قامت مريم بتعريف المجموعه وخلصت :
ابتدا "ايهاب : يتكلم : احنا عاوزين نبدء ترم كويس وان شاء الله اساعدكم وقبل ما نبدء كنت عاوز اقولكم ع حاجه,, من سنه رابعه اختارت 10 مجموعات ادرسلها التترم دا ف بالتالى هعمل مسابقه صغيره لمده 4 شهور بينكم والجايزه هتكون لوحه من لوحاتى وعليها توقيعى للفائز لكل مجموعه شدو حيلكم
الجميع تفاجئ بالهديه ورددت مريم فى سرها: لوحه من رسم ايهاب مختار وتوقيعه ..اللوحه دى لازم تكون بتاعتى انا
استكمل ايهاب: علشان كده مستنى منكم دعمكم وانجازكم معايا
_ ان شاء الله يا دكتور
انهى ايهاب المحاضره وخرج ع مكتبه و"مريم" اصرت ان تحصل هى ع اللوحه مهما كلفها وهذا يعنى مجهود زائد لان المنافسه شرسه بينها وبين اصدقائها ... !
واستمر زين فى الذهاب والرجوع مع مريم ومراقبتها حتى اطمن لتصرفاتها .. !
فى احدى الايام "ملك" ووالدتها نزلوا قعدوا فى كافيه ع البحر جنب البيت وتحدث معاها والدتها :ملك
_ ياعيون ملك
_ عاوزه اقولك حاجه بس مترفضيش
بنبره ضاكحه: اوعى تقوليلى ارمى نفسى فى المالح مبعرفش اعوم انا
نظرت لها والدتها ومسكت ايديها : انا اتصلت بالمحامى وهيجى ع الاسبوع الجى
تفاجئت "ملك" ليه ؟
_ هكتبلك الشقه الل احنا فيها ب اسمك وهنقل الفلوس الل ف البنك ب اسمك كمان
تعجبت ملك: ودا ليه ؟
_ يابنتى محدش ضامن عمره وانتى مااخدتيش حاجه خالص من ورثك ودا حقك
_ ياماما انا كنت صغيره لما بابا اتوفى وانتى الوصيه عليا يعنى مضحكتيش عليا وغير كده انا هعمل ب ايه بالفلوس اهى ب اسمك وانتى مش بتحرمينى من حاجه
_ يابنتى انا ف علاجى وعملياتى سبحت مبلغ كبير والل فاضل قليل خليه ليكى ب اسمك اضمن محدش عارف الدنيا مخبيه ايه
امسكت يديها ووضعت قبله عليهما: ياست الكل انا مش محتاجه من الدنيا فلوس ع قد ماانا محتجاكى جنبى وانتى جنبى خلاص الغى موضوع الفلوس دا لانى مش موافقه
_ طيب الشقه ومفيش رجوع ف الكلام دا هيتنقل عقدها ب اسمك
ضحكت ملك: عاوزانى ابقى صاحبه املاك ماشى ياست الكل موافقه يلا بقى نقوم نرجع البيت
_ يلا بينا
مر يومين وفى احدى الايام "مريم" اتصلت ب "ملك" تطلع تقعد معاها هى و"زين" ع السطح وفعلا اطمنت ع والدتها وطلعت تقعد معاهم ,, كانت القعده هزار وضحك وشويا موبيل "ملك" رن وكان رقم والدتها ردت :الو يا ماما ..
كانت تسمع همسف اتخضت وذهبت سريعا الى شقتها وذهبوا معاها "مريم وزين" ودخلوا الشقه وتوجها الى غرفه والده ملك فتحت "ملك" باب الغرفه وجدت والدتها مستلقيه ع الارض : ماما ..ماما ..
رات "مريم وزين" المشهد سريعا اتصل "زين" بالدكتور المجاور لهم فطلب منهم نقلها ل المستشفى ف الحال سزيعا لم ينتظر زين سياره الاسعاف وقام بحملها هو و والده وكرم الى المستشفى وبعد الكشف ف الطوارى ادخلوها سريعا الى العنايه المركزه وانتظرت"ملك" امام الباب العنايه المركزه لم تتحرك حتى الصباح وبجوارها "مريم" قامت "ملك" بالاتصال ب اخيها ولم يرد عليها ارسلت له رسائل كتيره ورغم رويته لها لم يرد عليها وكان وضع والدتها بيسؤء اكثر طلبت ان ترى والدتها وكان محمود وكرم واقفان مع الطبيب :
_ ايه الحاله بالظبط يا دكتور
_ الحاله مش مطمنه خالص اتعرض قلبها ل ازمه ودخول الجراحه ف الوضع دا صعب ندعى ربنا يدعى الساعات الجايه دى
_ ان شاء الله خير
فى غرفه العنايه المركزه امسكت "ملك" يد والدتها ودموعها تنهمر من عينيها : ماما .. متبقيش كده ونبى انا مبحبش اشوفك تعبانه قومى كده والل انتى عاوزاه هعمله .. ماما مينفعش تسيبنى انا مليش غيرك ف الدنيا دى انتى السبب الوحيد الل خلانى اعيش واقبل الحياه دى ماما خليكى معايا علشان خاطرى ...ماما ...
فى هذه اللحظه اطلق جهاز بجوار السرير صفاره واتت الممريضات سريعا واخذا "ملك " للخارج و ووصل الدكتور سريعا لكن محاولاته فشلت خرج ووصمت قليلا وقال "البقاء لله " فى هذا الاثناء سقطت ملك فاقده وعيها...!!
استمرت ملك فاقده لوعيها لمده 3 ايام وكان "اشرف" اتى اكمل مراسم الدفن وعاد سريعا الى القاهره وكان بيتابع حالتها بالتليفون ,,استيقظت واستمرت فى حاله صمت وكانت فى حاله من الصدمه وعادت الى منزلها رافضت الذهاب الى اى مكان وكانت "مريم" دائما معاها حتى انها تغيبت عن الكليه,,فى يوم زارها "اشرف" : شكلك بقى احسن تحسنتى الحمد الله
بنبره حزينه مرهقه : الحمد الله
بنبره جحود: مقولتيش هتعملى ايه مش هينفع تقعدى لوحدك بعد كده هنا ؟
نظرت له "ملك" ب استغراب : نعم...؟
كمل "اشرف" كلامه:شوفى عاوزه تيجى معايا ولا تروحى لخالتك ولا عمك و ..
ردت سريعا : انا مش هتحرك من البيت دا
_ مش هينفع تقعدى فيه لوحدك وسط الناس الغرب دول الناس هتقول عليا ايه ؟
_ الناس .. الناس خلاص قالت لما شافوا ست كبيره وبنتها قاعدين لوحدهم والراجل الل يخصهم مبييبصش عليهم .. الناس اتكلمت لما دخلت امك المستشفى وقعدت اتصل عليك ومردتش وشوفت رسايلى ومرداتش وبقولك امك ف العنايه المركزه ,,الناس اتكلمت لما سبتنى ف المستشفى ورجعت القاهره وخليت الغرب يهتموا بيا وهما الل رجعونى البيت
_كنت مشغول ومقصدش يعنى ايه الجديد ماهو انتى بتتصلى وكتير مكنتش برد
_ مشغول .. انا غلطانه اخر كلام مش همشى من هنا واروح عند حد اى كانت صفته ..
_ براحتك .. طيب عاوزين نكمل الاجراءات وكنت مستنيكى
نظرت له ملك: اجراءات ايه ؟
_ اعلان الوراثه وتوزيع الميراث
_ توزيع ميراث ؟
_ الشقه والفلوس الى ف البنك والارض بتاعه ماما الل ف البلد
_ انا مش فاهمه انت بتتكلم ع ايه ..؟
_ مالك يا ملك متفوقى كده وتصحصحى واخرجى من حاله الحزن دى خلاص الل مات مات ركزى ف الل جى
لم تستطع ملك امساك نفسها: اطلع بره
تفاجئ اشرف : بتقولى ايه ؟
_ بقولك اطلع بره بدل ما الم عليك الناس ..اطلع بره
_ بتطردينى من شقه امى
_ لا كانت شقه امك دلواقتى هى شقتى والعقد هتلاقيه عند المحامى وطول وانا عايشه مش عايزه اشوفك مش عايزه اشوف خيبه القدر ليا اطلع بره ..
بنبره عصبيه : هو انتى فاكره انا هعديها بسهوله ..ماشى يا ملك ..
خرج اشرف وسقطت ملك ع الكرسى منهاره ف دموعها : سبتينى ليه يا ماما وانا مليش حد
كانت "مريم" مش موجوده وفى خروج "اشرف" دخلت هى ل "ملك" راحت ليها بسرعه مسرعه وقامت بضمها ورتبت على ضهرها : اهدى يا "ملك" اهدى ...
اخذت ملك العلاج وذهبت للنوم وجلست مريم بجانبها تحرك صوابعها فى شعر "ملك" ولاحظت تشنج وجهه "ملك" وهى نايمه فطبطبت عليها شويا رن موابيلها وكان زين
_ ايه الاخبار يا مريم ..؟
تنهدت مريم وبلهجه حزينه: مش عارفه اقولك ايه بس " ملك" حالتها بتدهور واخوها كمل عليها "حكت مريم ل زين ما حدث "
بنبره عصبيه : متصلتيش بيا ليه او ب بمحمود او كرم ..؟
_ انا مكنتش موجوده كنت فوق فى شقتنا انا مغبتش غير نص ساعه نزلت لاقيته فى وشى خارج
_ وهى عامله ايه دلواقتى ..؟
_ اخدت العلاج والمنوم ونامت ياحبيببتى جسمها بينتفض وهى نايمه ,,ازاى اخ يعمل كده ف اخته وهما الاتنين ملهمش غير بعض ايه القساوه دى
_ التربيه .. تربيه الاطفال مش سهله بتبقى عامله زى شجره فاكهه مثلا بنحط البذره وهى وكل يوم بنرويها بالمايه والسماد وبعد فتره زمانيه معينه بتبتدى تطرح وتبان يا اما تطرح ثمره كويسه كل الل هياكل منها يحمد ربنا ويشكر اصحابها يا اما تطلع ثمره فاسده وتمرض الل هياكل منها فهتأذى ناس كتير واول ناس بتتاذى هما اصحابها لانهم اول ناس بياكلوا منها .. اشرف طلع بيحب نفسه وطنط وعمو علشان هو ولد ضخموا من حجمه لغايه ما فرقع فى وشهم محسبوش النتائج كان همهم انهم يعيشوا ابنهم فى مستوى كويس ودى النتيجه ..
_ زين .. انت ممكن تعمل معايا كده تسيبنى لوحدى..؟
_ انتى هبله ازاى اسيبك واحنا اتولدنا وروحنا واحده مع بعض استحاله يحصل حاجه من الهرى دا احنا اتربينا اننا مع بعض مهما كانت الظروف ومهما يحصل ...
_ انا فكرت لاقيت الاخوات الل بيربطهم دم بيحصل بينهم كده اومال احنا الل رابطنا ببعض شويا لبن
ضحك "زين": شويا لبن يا بنتى انتى شفطتى سوسن دا جالها جفاف منك انا كملت رضاعه لبن بودره
ضحكت "مريم" : يخرب عقلك ضحكتنى وانا مغمومه
_ كان معكى زين من موجه كوميدى .. انا عاوزك متقلقيش ع حاجه ولا من حاجه طول ما انا موجود احنا مع بعض وملك احنا مش هنسيبها والل حصلها دا حاله عرضيه مش كل الاخوات كده يعنى
_ انت مكلمتش "كريم" ..؟
_ عمال اكلمه موبيله مقفول ولا برد ع رسايل
_ خليك وراه وانا كمان
_ تمام .. لو احتاجتى حاجه انا صاحى ..
_انت مبتطلعش الورشه ولا ايه ؟
_ اطلع ازاى وانتى مش فوق بحس حاجه ناقصانى وانتى مش موجوده الالهام بيطير
_ علشان تعرف قيمتى
_ ليه بكلم الملكه فوزيه ,,
_ انت عيل رخم
_ وايه الجديد ,,
ضحكت "مريم": يلا روحى كملى الل بتعمليه علشان معايا تليفون
_ بتكلم مين ف الوقت دا الساعه 2 بليل
_ واحد صاحبى عنده مشكله وبحلهاله
_ نعم ,, صاحبك ودلواقتى ..؟
_ اعمل ايه مشاكله بتظهر بعد الساعه 1 بليل ومينفعش اسيب صاحبى لوحده
_ لا عندك اصل
_ لا عندى فضله خيرك رز وفاصوليا .. يلا اقفلى
_ماشى
استمرت "مريم" لمده اسبوع مع "ملك" ومكنتش بتروح الكليه اثناء تناولهم وجبه الغذا رن هاتف مريم واجبت وكانت احدى صديقاتها وانهت المكالمه سريعا وعادت لتستكمل وجبتها :
نظرت لها ملك : مريم
_ ايوه
_ كفايه كده وابتدى انزلى كليتك
_ انتى زهقتى منى ولا ايه انا مكركبالك الشقه ب حاجتى ..؟
_ لا خالص انتى مونسانى جدااا بس هيفضل الوضع دا ل امتى وانتى عندك كليه بجد كفايه اوى الل عملتيه معايا انتى وزين واهلكم بجد انتم اقرب ليا من اهلى الل مفيش حد بيسال عليا فيهم
_ متقوليش كده يا ملك انتى اختى يابنتى ومفيش بينا كده
_ علشان انا اختك بقى اسمعى الكلام وانزلى كليتك وارجعى لحياتك الطبيعيه انا الحمد الله بقيت احسن
_ اصل ..
قاطعتها ملك : متقلقيش انا وقت ما هحتاجك هكلمك ع طول انا مليش غيركم دلواقتى ف لو بتحبينى وعاوزه تريحينى اسمعنى كلامى
صمتت "مريم" : اوكيه .. بس بشرط
نظرت لها ملك متعجبه : شرط .. شرط ايه ؟
_ متفضليش قاعده فى البيت كتير ع الاقل خلى البيت لنوم .. يا تطلعى تقعدى معايا فى المرسم او تقعدى معاهم فى المطعم لكن تقعدى لوحدى مش هيحصل الا هقعد معاكى وهتشيلى ذنبى
_ يا مريم انا مش عاوزه اتقل عليكم اكتر من كده
وضعت مريم يديها ع يد ملك : انتى عبيطه تتقلى ايه انا بقولك انتى اختى اختى
يعنى فرد من العيله .. يعنى مثلا زين اقدر استغنى عنه ابدا انت بالظبط كده
ابتسمت "ملك"ع كلام "مريم" : ايوه كده ابتسمى وان شاء الله الل جى هيكون احلى واحلى انتى سيبها ع ربنا يدبرها وطول ما ربنا معاكى واحنا بعده متخافيش من حاجه
فى اليوم التالى تجهزت مريم لذهاب الى الكليه من غير ما تعرف "زين" فا انتظرت ميعاد خروجه وخرجت تنتظره بجانب باب شقته ..خرج "زين" دون ان يلتف حوله وامسك موبيله محدثا نفسه : مريم مبعتتش رساله ولا اتصلت من الفجر مصبحتش عليا زى العاده الواطيه
امسك هاتفه وهيتصل بيها اذا فاجاءه تفاجى بصوت بجواره عالى : زيززززززززو
تفاجئ "زين" لدرجه انه من الخضه سقط ع الارض ومن المشهد ضحكت "مريم" بصوت عالى ع منظره قام "زين" وعدل ملابسه ونظر بغيظ ل مريم: انا لو قطعت الخلف هيكون منك
_ لو مخلفتش يبقى نعمه من ربنا انت مش عارف تربى نفسك هتربى عيال ازاى
_ هههه خفيفه ... خير كده رايحه فين ع الصبح ؟
_ نعم .. ع فكره انا طالبه فى السنه رابعه فنون جميله يعنى لسه بدرس
واكيد صاحيه بدرى علشان اروح الكليه
_ ومستعجله ع الكليه اوى ليه .؟؟
امسكت مريم ب يد زين : يلا بينا وهحكيلك ف الطريق كده الجيران هيسمعوا
ذهبا سويا وركبا "المشروع" المتجهه الى الكليه ودار حديث بينهم :
_ مقولتليش هربتى ازاى من المعتقل ؟
_ متقولش كده هزعل منك بجد
_ ماهو انا قلت يومين ماشى لكن اتحرم منك اسبوع ليه ها ليه هو انا مليش حق فيكى ولا ايه ؟
_ والله يا زيزو افتقدك خالص برغم انى بكلمك وبشوفك تخاطيف بس والله افتقد قعدتنا سوا
بس فعلا "ملك" مكنش ينفع اسيبها لوحدها الله يعينها ع الل هى فيها تخيل كل الل حواليها سابوها يعنى بقت فعليا لوحدها خلاص
_ مفيش حد خالص جرب يكلمها
_ خالص بيكلموها ع فترات والمفروض انها ف وقت محتاجه الناس كلها جنبها
صعب اوى احساس ان كل الل حواليك يتخلو عنك وتبقى وحيد فعليا
_ الله يعينها وان شاء الله فتره وهتعدى
_ ان شاء الله .. ماهو انا برضه مش هسيبها يعنى اتفقت معاها تطلع تقعد معانا ف السطح وتروح المطعم كده يعنى ع الاقل التغيير هيخرجها عن الل فيها دى وانت تعمل اراجوز علشان تضحكها
تعجب زين: نعم يااختى اراجوز شايفانى جايبنى من السيرك
_ والله انا شاكه من زمان فيك حاسه انهم لاقوك فى السيرك بتقلب قرد قصاد اى واحده والبنات معروفه انها بتحب القرورد لانها كيوت ...
_ بس يا يافيل يا ناقص زلومه
_ بس يا قرد واقع من نخله
_ ع فكره البلح الل بيقع من النخله
_ والقرود بيقعدوا ع الشجره عادى
_ لسانك دا
_ ماله
_ عاوز حاجه حلوه
فتح الشنطه الكروس وامسك شوكولاته : كنت شايلهالك كنت هدهالك وانا نازل يلا امسكى
فرحت مريم جدا بالشوكولاته : صباحك مسكر
ابتسم زين لرؤيه فرحه مريم : ويلا احتفالا بالافراج انهارده العشا بيتزا ع حسابى فى السطح
_ لالالا كده كتير ياريتنى كنتى خرجت افراج من بدرى
_ بس انسى انها تتكرر تانى انا مش متعود تغيبى عن عينى كده فاهمه..؟
_ وانا مش هعملها تانى اصلا انسى
_ ع فكره انا كلمت كريم وقال نازل ع الاسبوع الجى
_ اخيرا ظهر ع الله يعمل حاجه ل ملك
_ ياريت ...
عادت مريم لروتين الكليه ومقابله صديقاتها واصدقائها واعتذرت ل "ايهاب" ع عدم حضورها لسبب حاله الوفاءه وقبل عذرها وطلب منها ميتكررش تانى ..قعدت مع اصحابها يعرفوها الل فاتها ولفت نظر "ايهاب" فرحه اصحابها بيها ففى نص اليوم قعدوا فى احدى الورش ع الارض وبياكلوا شافهم "ايهاب" وواحده من زمايل "مريم" شافته وعزمته وقعد ياكل معاهم :
_ بجد يا دكتور دا شرف لينا ان حضرتك قاعد معانا
_ انا الل مبسوط انكم سمحتولى اقعد معاكم كده بعيد عن المحاضره ,, بس هو انتم ع طول كده..؟
_ رد احدى البنات: لا مش دايما بس انهارده احتفالا بعوده "ميما" وكده
_ واضح ان اصحابك بيحبوكى اوى فى غيابك كانوا دايما حاسين بحاجه نقصاهم
ابتسمت "مريم": عشره عمر يا دكتور وهما كمان وحشونى جداا وحشنى غلاستهم
ابتسم "ايهاب " وتحدثت احدى صديقاتها: اصل "ميما" هى العقل يا دكتور لما بنحتار فى اى حاجه بنروحلها وبتساعدنا علشان كده اى حاجه بتقولها بنقتنع بيها ع طول وبننفذ
نظر "ايهاب" ب اعجاب ل "مريم": بجد حاجه كويسه المهم متغبيش تانى لان واضح انتى معاكى الريموت بتاع المجموع بقالى اسبوع مشفتهمش بالبهجه دى
_ ان شاء الله
_ هقوم انا وهسيبكم تكملوا اكلكم ومتتاخروش عن السيكشن بكره
_ ان شاء الله يا دكتور
خرج ايهاب ووصل لغايه الباب وقف ولف بص عليهم وع "مريم"وضحكهم وهزارهم ابتسم وفتح الباب ومشى ,,!
وزى ما وعدت ملك" "مريم انها متقعدش لوحدها راحت مع "سناء" و "سوسن" المطعم وجلست ع طاوله جنب الشباك بتطل ع البحر وباصه اتجاهه وشارده ,,بعد ساعات قليله وهى قاعده وسرحانه سمعت صوت من خلفها : ملك
نظرت اتجاه مصدر الصوت وكان كريم .. بملامح حزن : البقاء لله
نظرت ملك ل كريم نظره حاده مليئه بالوجع تمالكت نفسها : الدوام لله ..شكرا
_ممكن اقعد ..؟
نظرت "ملك" يمينها وشمالها: اعتقد ان انا ف مطعم بتاعكم يبقى براحتك
_ اه هو مطعمنا لكن دى الترابيزه بتاعتك
_اتفضل
جلس كريم واستكمل حديثه: انا اسف بجد عرفت متاخر تليفونى كنت قافله كان عندى ظروف ف الشغل وغبت لغايه ما حليتها واول ما عرفت جيت ع طول ع مصر حتى مروحتش الشركه فى القاهره و ..
قاطعت حديثه : حمد الله ع سلامتك مكنش داعى تتعب نفسك
_ لا طبعا انا اصلا مضايق من نفسى انى محضرتش العزا ولا الدفنه
ابتسمت نصف ابتسامه : عادى انا محضرتهمش فمتزعلش نفسك
_ انتى عامله ايه دلواقتى احسن ..؟
ابتسمت : الحمد الله
_ الحمد الله
صمتت ملك وسكت كريم مش عارف يكمل كلام ازاى وملك بتختصر الكلام والردود ,,حاول يفتح كلام معاها ..:
_ هتعملى ايه بقى ؟
مكست موابيلها ووقفت : هروح ع البيت انا هنا من بدرى ومصدعه اوى
_ استنى هوصلك طيب
اوقفته ملك: لا مش هينفع وضعى دلواقتى مختلف ومش هسمح ل اى حد يقول كلمه عليا ولا انت ليك راى تانى ..؟
تفاجئ من رد فعل "ملك": انا مقصدتش حاجه يا ملك احنا ..
بنظره ونبره حاده : احنا ايه .. احنا ولا حاجه لبعض جيران وعملت الواجب وعزيتى شكرا
استدارت وتحركت خطوات وبصوت عالى تحدث كريم موجها اليها : احنا مينفعش نكون اصحاب ..؟
وقفت "ملك" واستكمل "كريم" : زى زمان
استدارت له ونظرت له وابتسمت نص ابتسامه وحاولت تتماسك دموعها الل كانت اوشكت ع نزولها وتقدمت خطوات اتجاهه : اصحاب زى زمان اممم موافقه بس بشرط ؟
تفاجئ "كريم" بالرد : : الل تطلبيه هيحصل مهما كان
ابتسمت "ملك" ونظرت فى عينيه : رجعلى امى
تفاجئ "كريم" : مش فاهم ..؟
استكملت "ملك": لو قدرت ترجعلى امى تانى وقتها ممكن نرجع اصحاب زى زمان يا "كريم" غير كده احنا جيران وبس بعد اذنك ...!
مشيت "ملك" وسابت "كريم" فى حاله من ذهول من كلامها ..!
فى احدى الايام كانت مريم مع مجموعتها فى احدى الورش ف الكليه كان لديهم جزء من الواجب من احدى الدكاتره وهى رسمه فبدون قصد رأت احدى زملائها يضع امامه احدى رسومات ايهاب مختار ويحاول نقلها المنظر ضايقها فراحت تتكلم معاه: ايه دا يا "احمد"؟
_ ايه برسم
ابتسمت : لا انت بتنقل كده مش بترسم
_ ازاى يعنى ؟
_ معنى انك تنقل رسمه بالظبط من رسمه حد تانى دا نقل بعيد كل البعد عن الابداع والابتكار والخيال انت دورك فى لوحتك ايه لما هتيجى تتكلم عنها واحساسك بيها هتقول ايه ..؟
بلا مبالااه : عادى يا "ميما" بقى دى رسمه ايهاب مختار يعنى مش اى رسمه ومش هتحتاج كلام
_ وانت ليه تنقل شغل حد تانى؟
_ بقولك "ايهاب مختار" يا بنتى انا بحلم اكون زيه
بنبره ثقه : يعنى ايه "ايهاب مختار" مين اصلا "ايهاب مختار" ..؟
_ ايهاب مختار الل انتى من معجبينه وكنتى دوشانا به من اول سنه
_ اه منكرش ان انا من معجبات ايهاب مختار وفنه ورسوماته وبحترمه جدااا لكن ولا مره قولت انى عاوزه اكون زيه
تعجب الجميع : بتتكلمى بجد منفسكيش تكونى زى ايهاب مختار ..؟
نظرت ل اصدقائها : واكون زيه ليه لما انا اقدر اكون نفسى ..!
_ نعم
_ ليه نقلد ايهاب مختار ولا بيكاسو ولا عتريس حتى ليه .ليه تقلد حد وانت ب ايدك تكون نفسك ليه متشعبطين ف الكوبى باست ,, يعنى ربنا مكنش قادر يخلقك بهيئة فلان الل بتقلده ده ربنا خلقك وميزك عن غيرك خلقك علشان انت تختلف عن غيرك .. مخلقكش علشان سيادتك تقلد شخص تانى خلقه زيك لا ذياده ايد ولا فتحه مناخير تالتة ... !
سكت اصدقائها واستكملت حديثها: غيرك دا ليه قدرات معينه وانت عندك قدرات تانيه معينه ليه اتجاهل الل عندى واوهم نفسى بحاجات الل عند غيرى ,,الل بيقلد حد دا غالبا بيبقى فاقد هويته مش فاهم نفسه بيسرق تعب ومجهود غيره ودا مش صح وبيضيع تعبه فى النقل والتقليد ,, الشخص الل بتقلده دا انت عارف ظروف حياته ايه عارف هو عمل ايه علشان يوصل لكده ,,معاناته الل عاشها تجاربه الل مرت عليه ,, لكل واحد ظروف تختلف عن التانى ودا الل بيميزنا عن بعض ,,الخلاصه ,,
فبلاش تهدير وقت وعمر ف حاجات ملهاش لازمه .. وطاقه ف تقليد اعمى مش هتاخد عليه حاجه ولا هينفعك فى حياتك بعدين صدقنى ..رسمتك يعنى دنيتك يعنى خيالك وابداعك واحساسك يعنى المساحه الخاصه بيك انت امسك ريشتك والوانانك وعبر عن مكنوناتك من غير حواجز انطلق للعالم الل انت اختارت تعيش فيه .. ارضى شهوته الفنيه والابداعيه ومتحرمش نفسك من امتع لحظاتك وانت بترسم بتقليد رسم وابداع وخيال حد تانى مهما كان مين .. عيش متعه اللحظه الل معاك ..!
هنا تحدث احدى الموجودين مردد اغنيه احمد مكى : متحاولش تكون حد تانى غير نفسك
واندمج الجميع معهم وانقلب المكان الل غناء جماعى وحماس
حديث مريم اقنع الجميع وابهرهم لدرجه انهم جميعا قاما بتصفيق جماعى لها وهى ابتسمت : شكرا شكرا .. يلا نرجع بقى لرسوماتنا علشان نلحق سيكشن دكتور " ايهاب مختار" كمان نص ساعه
وعاد الجميع الى لوحاتهم وكان بالصدفه مارا "ايهاب" ووقف جانبا يستمع لحديث "مريم" فى الاول كان متفاجئ بطريقه كلامها عليه واضايق انها بتقلل منه لما صديقها بيقلد اللوحه لكن كمل الكلام للاخر وفهم قصدها ايه واقتنع بوجهه نظرها وطريقه نصحها ل اصدقائها وقف نظر اليها وع وجهه ابتسامه متعجب ببنت عمرها صغير بتتكلم بمنتهى الثقه والاقناع وافتكر صاحبتها لما قالت انها العقل وبيسمعوا كلامها ابتسم ووقف لحظات باصص عليهم من بعيد شويا وموبيله رن بعد ورد عليه و راح ع مكتبه ...!
فى احدى الايام و "زين" و "مريم" راجعين من كليتهم وهما بيتشجاران كالعاده دخلا العماره وجدا "عمر" جالس وحيدا وملامح الحزن ع ملامحه قربوا منه واسرعت مريم اليه : مالك يا عمورى قاعد كده ليه ..؟
صمت عمر واستكمل زين : مبتلعبش مع العيال ليه ؟
نظر عمر ل زين: مش عاوزين يلعبونى معاهم قعدونى وكل شويا يقولولى شويا وتلعب ومش بيلعبونى
نظر زين الى الاطفال بغيظ وذهب اليهم : انتوا ليه مش بتلاعبوا عمر معاكم
رد عليه احدى الاطفال : عمر عيان واحنا ممكن نعى منه مينفعش يلعب معانا
تعجب زين من الكلام: مين الل قالك كده ؟
رد الطفل: ماما ..
نظر زين الى باقى الاطفال : وانتم كمان سمعتوا من امهاتكم كده تتجنبوا اللعب مع عمر
سكت اغلب الاطفال وعرف زين ان امهاتهم وصتهم ميقربوش من "عمر" سمعت "مريم" رد الاطفالمقدرش تتمالك نفسها طلعت ورقه وقلم وكتبت ان فيه اجتماع عاجل ل امهات الل فى العماره فى شقتها بليل لمناقشه امر ضرورى ودا لان " محمود و كرم" مسئولين عن شئون العماره ,, وع المغرب اجتمعا ف شقه مريم وجلسا وحاولت "مريم" ان تتحدث بهدوء : انا جمعتكم انهارده علشان نتكلم عن حاجه مهمه اوى ابتدت تنقرض
ردت احدى الامهات : خير ؟
_ الانسانيه ابتدت تختفى
_ مش فاهمين ..؟
تنهدت "مريم" وتمالكت اعصابها : الحكايه انى سمعت قصه عجيبه قلت مستحيل تطلع منكم ل اولادكم
_ خير يا مريم ..؟
_ ب اختصار كده .. انتوا قولتوا ل اولادكم ميلبعبوش مع عمر ..؟
صمتت كل الامهات ونظرا لبعضهم بعضا وتحدثت واحده منهم
ردت الام متقطعه الحديث وبصوت خافض :احنا مقصدناش حاجه يعنى ظروفه وتعبه و ..
ردت مريم سريعا : دا مش سبب,, الل ف "عمر" دا قدر ونصيب المرض نصيب وقدر .. هو ما اختارش انه يتعب ولا يمرض بالسرطان فى السن الصغير دا ,, هو حضرتك لما بيجلك دور انفلونزا بتكونى اخترتى تتعبى ..
تفاجئت الام : انا ..؟
استكملت مريم وبدون توقف بنفس النبره الحاده الغاضبه: فرضا ابن حضرتك هو الل تعبان ترضى الل حواليه يعاملوه انه فيروس ويتجنبوه ويبعدوا عنه .. هتفرحى حضرتك بكده ,,
الاطفال ف ظروف "عمر" والل زيه محتاجين دعم نفسى من الل حواليهم اكتر من العلاج علشان يعجل من علاجهم ,,مسمعتوش عن العلاج النفسى والالم النفسى الل بسببه ناس كتير بتموت,, ارحموا من فى الارض يرحمكم من فى السماء وعيب تطلع منكم الكلام دا ..
احنا عايشين مع بعض من سنين سيبنا ايه للغرب .. انا وزين مقصرناش ولا فرقنا طفل عن التانى ف المعامله ولما حد بيحتاج حاجه واحنا ف ايدينا بنعملها ومبنرددش "عمر" ميختلفش كتير عن ولادكم هو ليه ظروف خاصه وهتعدى ان شاء الله راعوا كلامكم ومشاعر طفل محتاج كلمه كويسه علشان تخفف عنه وجعه
نظرا الامهات لدى بعضهم وذهبا الى ام عمر واعتذروا ليها ع كلامهم وتصرفهم ..!
وقف "زين" بجوار مريم يشاهدان المنظر وهمس ل " مريم" : راجل من يومك ياابو الميم
ضحكت مريم: يخرب عقلك هتبوظ البرستيج وانا بتكلم جد
_ انا كنت حاسس انك هتطلعى مطواه من جيبك وتغزيهم
_ انت بتقول فيها فعلا كنت هنفجر فيهم لو زودوا الكلام
_اعصابك يا معلمى انا محتاجك تحبى اقفل عليهم التكييف ويسيحوا
اطلقت مريم ضحكه : والله انت فقر
_ بقولك انا جت فكره فى دماغى علشان العيال ميشيلوش من بعض وكده
_ ايه هى ..؟
_ هظبطها وهعرفك اشطه
_ رخم
_ عادى
فى احدى الايام فى الكليه كانت "مريم" مع اصحابها قاعدين :
_ انتوا مجهزتوش اللوحات الل هتشاركوا بيها ؟
_ وهو احنا عندنا وقت اصلا
_ طيب هنعمل ايه والنشاط دا عليه درجات هتنفعنا ضرورى نكون مجهزين لوحه
سكتوا كلهم وللحظه اتكلمت صديقه "مريم": ايه رايكم لو طلبنا من دكتور "ايهاب" لوحه واكيد مش هيمانع لما يعرف انها لعمل خير يعنى
الفكره عجبت الجميع و"مريم": بجد فكره حلوه شوفوا مين هيكلموا ..؟
بصوا لبعض وبصوت واحد : انتى يا "ميما"
_ انا ..
_ انتى بطريقتك المقنعه دى هيوافق ومتقلقيش هاجى معاكى
_ اوكيه ...
ذهبت "مريم" وصديقتها لمكتب "ايهاب " ودخلوا :
_ دكتور "ايهاب" اسفين لو هنعطلك ..؟
_ لالا اتفضلوا خير ..؟
تشجعت "مريم" ب ابتسامه : بصراحه كده يا دكتور طالبين منك خدمه تشاركنا بيها وواثقه ان حضرتك مش هتتاخر علينا فيها ..؟
_ خير ..؟
_ احنا فى الكليه عاملين زى مزاد ع لوحات احنا بنرسمها وبفلوسها الكليه بتتبرع به ل اى مكان محتاج كتبرع يعنى واحنا الترم دا ملحقناش وطالبين من حضرتك لوحه نقدمها ب اسم المجموعه واهو تكون حضرتك شاركت معانا فى الخير دا .. ولا مش هينفع ..؟
_انا اول مره اسمع ع المزاد دا ..؟
تدخلت صديقه "مريم": ماهى "ميما" الل اقترحت ع العميد وقدمت طلب ومنها يحصل تقييم للوحات ويعتبر نشاط اجتماعى عليه درجات يعنى الاتنين ومن السنه الل فاتت كل مجموعه بتشارك احنا بنعمل كل سنه لوحه لكن ملحقناش الترم دا ,,
نظر "ايهاب" الى "مريم": مريم ,, اوكيه موافق
تفاجئوا البنات : بجد يا دكتور
ضحك "ايهاب" : وهو ينفع هزار فى كده دا مساعده ليكم ولغيركم وانا بشكركم ع انكم بتشاركونى معاكم وبشكر " مريم" لانها صاحبه الفكره اكيد ..
ابتسمت "مريم": ميرسى يا دكتور .. بعد اذنك
خرجت "مريم" وع وشها ابتسامه كبيره وسعاده وتركت "ايهاب"وابتسامه ع وجهه.. فى الفتره القصيره الل موجود فيها مواقف "مريم" جذبت انتباهه ..!
بعد مرور يومين قام "زين" بتعليق ورقه ع حائط فى مدخل العماره وكانت عباره عن دعوه للعب كره القدم وكانت كالتالى " يتشرف "عمر محمد" بدعوه اطفال العماره للعب مباره وديه بالنادى المجاور للعماره ويوجد هدايا للفائزين تيشيرتات وهدايا اخرى ..وذلك تحت اشراف الكابتن الكباتين زيزو " ومن يريد الانضمام يكتب اسمه ع الورقه وياتى ف الميعاد المحدد ومن ياتى سيكون بذلك قدم اعتذار ل "عمر" وقبله بصدر رحب .. وشكرا ومتطنشوش ياعيال هستناكم الل مش هيجى فيكم بالجزمه فاهمين مش هطلكم العماره تانى .. امضاء كابتن الكباتين "زيزو "
لاحظ اولاد العماره والشباب الورقه وذهبوا ف الميعاد وجدوا "عمر" مرتديا تيشيرت وشورت وحذاء الكوره وبجانبه "زين" مرتديا نفس الطقم ..وبجانبهم طاوله عليها هدايا مغلفه ولاحظ "زين" ان الاقبال كان ع الكبار اكثر من الاطفال وفرحت "مريم" بالمنظر وابتدا اللعب وسعد كثيرا "عمر" باللعب وبفوز فريقه وكان من اسعد ايامه الل قضاها مع اصحابه و "زين و "مريم ",,عند انتهاء اللعب كانت مريم انتهت من رسم صوره ل عمر وهو يلعب وسعد بيها كثيرا وطلب الاطفال صور لهم ايضا ..
: مدام طلعتوا حلووين ومؤدبين وبتحبوا بعض كده ...كده انا بعد طلب من "عمر" مستعده اديكم دروس رسم مجانا مره ف الاسبوع لل عاوز يتعلم الرسم والل عاوز يتعلم النحت زين مستعد ايه رايكم ..
فرح الاطفال بالخبر وتوجهوا ل "زين" وتفاجئ بالخبر واثناء عودتهم للمنزل : انتى بتدبسينى صح
_ لا خالص نشغل الفراغ الل فى حياتنا والعيال نقربهم لبعض لما يتشاركوا فى حاجه مع بعض
_ يعنى مش كفايه بنعلم عيال البوابين القرايه والكتابه يوم ف الاسبوع و يوم تانى نلعب كوره هيبقى كمان يوم نعلهم النحت والرسم دا غير يوم التنضيف الشارع ..كده الاسبوع فيه ايه بقى
_ فيه 3 ايام .. يومين تنزلهم المطعم ويوم اجازه تفسحنى فيه بسيطه
_ نعم ياختى ..؟
_ ايه وراك ايه يا حسره داانت بتروح الكليه تقعد فى الكافتريا ولا بتحضر محاضرات ولا بتاع زى حالاتى ,, اهو تشغل فراغك علشان ميبقاش قدامك وقت لسرمحه ولا تشرب سجاير
_ ومين قالك انى بشرب سجاير
_ العلبه الل تحت مخدتك عارف انها بتاعه كريم انت هتقول كده
_ ماهى بتاعه كريم ..
_ ماهو انا هكلم كريم مينساش حاجته تانى علشان مريمهاش زى دى
تفاجئ "زين": يامجنونه رميتى العلبه
_ وهى بتاعتك ولا حاجه
_ لالا خالص ..وبعدين مين هيفسحنى يعنى ويخرجنى لو مكنش انت هشترى اخ انا ولا ايه
انت طول الوقت مصدعنى اخوكى اخوكى ... الاخوه تحتم عليك تفرفش اختك ..
اطلق زين ضحكه عاليه : افرفشك .. هو انتى شيفانى ببلاوى
اطلقت مريم ضحكه عاليه : ونببى عسل اسيبك انا واروح لمين يفرفشنى ويضحكنى من قلبى كده
_ روحى هاتى موجه كوميدى ياخفه
_ عموما دا قرار نهائى ودمتم .. وع فكره الضغط مش كتير لان ملك عرضت عليها علشان تشغل نفسها تشاركنا ف موضوع المذاكره دا للعيال ووافقت ..
_ انتى هتعملى وزاره لوحدك .. ونبى ليتبلغ عليكى ولا اعرفك
_ هقولهم انت الممول هو انا بصرف حاجه انت الل بتصرف
_ انتى واطيه يا ميما
_ مش اوطى منك يا زيزو
_ طيب غورى يلا ع البيت يا جزمه
__________________________
يتبع
لايك ورأيكم
"مريم" خلصت محاضراتها وعادت الى المنزل بدلت ملابسها وطلعت الى السطح دخلت الى المرسم فتحت اللاب الخاص بها وقامت بتشغيل اغانى فيروز بصوت عالى وكانت تغنى معها فى اوقات ... بعد ساعات من اتصالاات زين ل مريم مكنتش بترد عليه رجع ع البيت ملقهاش ف شقتها طلع ع السطح اول ما فتح الباب سمع صوت فيروز العالى ردد : ايه الانشكاح الل هى فيه دا خير ..؟
توجه الى المرسم وخبط ع الباب ومسمعتهوش "مريم" ففتح الباب شاف "مريم" منسجمه قدام لوحه وعمال تغنى بسعاده ,,وقف لحظات لم تشعر بوجوده ف اقترب من اللاب توب واغلق الاغانى فى هذه اللحظه راته مريم : زيزو
_ لا ونبى انا واقف بقالى ساعه وانتى مش هنا سرحانه ف ايه واخد تركيزك دا كله ولا بتردى ع موبيلى ورجعتى من الكليه من غير ما تستنينى
نظرت الى هاتفها وجدت اكثر من 10 اتصالات من زين : الصوت كان عالى ومسمعتش سورى زيزو
_ فهمت انا كده .. فى ايه الل طير عقلك كده ,, ؟
بسعاده وبفرحه وبملامح مبهجه : انهارده حصلت حاجه كنت بتمناها من اول ما دخلت الكليه
_ خير عيونكى العميد ولا ايه ..؟
_ يارخم ... شوفت ايهاب مختار
ب لامبالااه : ايهاب توفيق المطرب مكنتش اعرف ان فى حفله عندكم يعنى
شاورت بفرشه الرسم اتجاه صوره معلقه ل ايهاب مختار: ايهاب مختار شوفته لحم ودم قدامى زيك كده
تفاجئ "زين" بمدى فرحه "مريم" : وشوفتيه ازاى دا مش انتى قولتى انه عايش ف ايطاليا
بفرحه: ماهو هيدرسلنا الترم دا متعرفش انت الخبر دا فرحنى اد ايه عارف يعنى ايه احنا الدفعه الوحيده واول دفعه يدرسلها "ايهاب مختار" انت عارف يعنى ايه ..؟
ب الامبالااه : انتى محسسانى انه هيديكى البكالوريوس المدهب وفيها ايه يعنى انا مش قادر افهم فخامه الموقف الل تخليكى مبهوره كده ..؟
_ علشان انت متعرفوش كويس متعرفش
قاطعها زين وملامح الضيق ع وجهه: انتى هتمدحيلى فى بيكاسو .. مدرس هيدرس وهيرجع خلصت ميستهلش الفرح الل عملاه دا
استغربت "مريم" من رد فعل "زين": ومالك مضايق ليه ؟
_ لا وهضايق ليه دا ايهاب توفيق يعنى
_ بقولك ايهاب مختار
_ ماشى يااختى ايهاب حيران
_ بقولك مختار
بنبره عصبيه : حصلنا الشرف روحى كملى الل بتعمليه وانا داخل ورشتى ووطى الصوت
تعجبت مريم من رد فعل زين : غريبه يعنى ع طول بشغل فيروز ونسمعها سوا
_ مصدع ..انهارده انا مصدع
_ طيب طيب متتعصبش
وهو خارج من الغرفه نظر الى الصوره فتوجه اليها وشدها مرددا: ملهاش لازمه كان خانقنى هنا وظهر ف الحقيقيه ميبقاش ف الاتنين المراره واحده
خرج ورزع الباب وراه ...!
فى ثانى يوم صحيت "مريم" متحمسه لذهاب الى الكليه وارتدت ملابسها ووضعت مكياج وخرجت من باب غرفتها مبهجه ف اتصدمت ب زين امامها :ماشاء الله ايه دا ..؟
اتفاجئت "مريم": انت منزلتش الكليه بتاعتك ..؟
_ لا هوصلك الاول .. وبعدين مقولتليش ايه دا ؟
_ هو ايه الل ايه دا ..؟
_ الل فى وشك دا من امتى بتحطى احمر شفايف وظاهر كده
نظرت الى المراه : ايه دا ظاهر بجد
اقترب منها زين وب اصبعه وبقوه ازال احمر الشفاف : ودا ايه انتى عضيتى حد هو انتى فامبير وانا معرفش ؟
_ ايه يا زين براحه
_ انتى بتستهبلى صح وايه البنطلون دا روحى غيرى واغسلى وشك وتعالى انزلى
_ انا كده هتاخر ع سيكشن "ايهاب مختار"
_ اهااا .. مفيش نزول يا "مريم" غير لما اشوفك زى كل يوم
استدارت مريم بتمتم بكلمات : سامعك ع فكره انا مش اطرش
نظرت له مريم نظره ضيقه وبصوت عالى : انت عيل رخم
وسريعا اغلقت الباب ووقف زين ع الباب : وغلاوتك يا "مريم" كل يوم هعمل عليكى متابعه لغايه ما الترم دى يمر ...حطه احمر شفايف قال
ذهبت مريم وزين الى الكليه مريم ووقفت مريم : هتدخل معايا المدرج ولا ايه ؟
_ لو ينفع كنت دخلت
_ انتى مالك فى ايه مخليك متحول ل HULK كده
بصوت واطى : ايهاب توفيق السبب
مسمعتش : ايه؟
_ اطلعى محاضراتك وهعدى عليكى نروح مع بعض فاهمه
_ ماشى ..سلام
ذهبت مريم من امام نظره مرددا لنفسه : ما نشوف اخرتها ايه ..؟
كان فاضل ربع ساعه ع سيكشن "ايهاب مختار" جلست مع مجموعتها فى انتظاره كانت "مريم" اتفقت مع اصدقائها ع شراء باقه ورورد تحيه ل "ايهاب" وحضروه وحطت "مريم" التاتش بتاعها عليها ,, بعد لحظات فتح باب السيكشن ودخل "ايهاب" وع وشه ابتسامه : صباح الخير
_ صباح النور
_ سورى ع 5 دقائق التاخير
_ لالا مفيش حاجه يا دكتور
نظر اليهم ب ابتسامته والغمازه الظاهره : طبعا مش محتاجين اعرفكم عليا لكن انا عاوز اتعرف عليكم بما انكم اول مجموعه اتعاون معاها
وقفت مريم وع وجهه ابتسامه : مريم كرم ليدر المجموعه
ب استغراب : ليدر المجموعه والمجموعه اغلبها اولاد ..؟
ردت احدى اصدقائها الاولاد :ماهو احنا اتفقنا انها بالدراجات والل بيسيطر كويس
_ وانتى تقديراتك ايه ؟
_ فى ال3 سنين تقدير عام جيد جدا
_ ممتاز
_ لا جيد جدا
ضحك "ايهاب": عقبال الامتياز
_ ميرسى
مسكت "مريم" باقه الورود ووضعتها امام "ايهاب" : دى حاجه بسيطه تعبيرا مننا وترحيبا بوجودك معانا
فرح جدا "ايهاب" بباقه الورود : ميرسى ع ذوقكم ..ها نتعرف عالباقى ..
قامت مريم بتعريف المجموعه وخلصت :
ابتدا "ايهاب : يتكلم : احنا عاوزين نبدء ترم كويس وان شاء الله اساعدكم وقبل ما نبدء كنت عاوز اقولكم ع حاجه,, من سنه رابعه اختارت 10 مجموعات ادرسلها التترم دا ف بالتالى هعمل مسابقه صغيره لمده 4 شهور بينكم والجايزه هتكون لوحه من لوحاتى وعليها توقيعى للفائز لكل مجموعه شدو حيلكم
الجميع تفاجئ بالهديه ورددت مريم فى سرها: لوحه من رسم ايهاب مختار وتوقيعه ..اللوحه دى لازم تكون بتاعتى انا
استكمل ايهاب: علشان كده مستنى منكم دعمكم وانجازكم معايا
_ ان شاء الله يا دكتور
انهى ايهاب المحاضره وخرج ع مكتبه و"مريم" اصرت ان تحصل هى ع اللوحه مهما كلفها وهذا يعنى مجهود زائد لان المنافسه شرسه بينها وبين اصدقائها ... !
واستمر زين فى الذهاب والرجوع مع مريم ومراقبتها حتى اطمن لتصرفاتها .. !
فى احدى الايام "ملك" ووالدتها نزلوا قعدوا فى كافيه ع البحر جنب البيت وتحدث معاها والدتها :ملك
_ ياعيون ملك
_ عاوزه اقولك حاجه بس مترفضيش
بنبره ضاكحه: اوعى تقوليلى ارمى نفسى فى المالح مبعرفش اعوم انا
نظرت لها والدتها ومسكت ايديها : انا اتصلت بالمحامى وهيجى ع الاسبوع الجى
تفاجئت "ملك" ليه ؟
_ هكتبلك الشقه الل احنا فيها ب اسمك وهنقل الفلوس الل ف البنك ب اسمك كمان
تعجبت ملك: ودا ليه ؟
_ يابنتى محدش ضامن عمره وانتى مااخدتيش حاجه خالص من ورثك ودا حقك
_ ياماما انا كنت صغيره لما بابا اتوفى وانتى الوصيه عليا يعنى مضحكتيش عليا وغير كده انا هعمل ب ايه بالفلوس اهى ب اسمك وانتى مش بتحرمينى من حاجه
_ يابنتى انا ف علاجى وعملياتى سبحت مبلغ كبير والل فاضل قليل خليه ليكى ب اسمك اضمن محدش عارف الدنيا مخبيه ايه
امسكت يديها ووضعت قبله عليهما: ياست الكل انا مش محتاجه من الدنيا فلوس ع قد ماانا محتجاكى جنبى وانتى جنبى خلاص الغى موضوع الفلوس دا لانى مش موافقه
_ طيب الشقه ومفيش رجوع ف الكلام دا هيتنقل عقدها ب اسمك
ضحكت ملك: عاوزانى ابقى صاحبه املاك ماشى ياست الكل موافقه يلا بقى نقوم نرجع البيت
_ يلا بينا
مر يومين وفى احدى الايام "مريم" اتصلت ب "ملك" تطلع تقعد معاها هى و"زين" ع السطح وفعلا اطمنت ع والدتها وطلعت تقعد معاهم ,, كانت القعده هزار وضحك وشويا موبيل "ملك" رن وكان رقم والدتها ردت :الو يا ماما ..
كانت تسمع همسف اتخضت وذهبت سريعا الى شقتها وذهبوا معاها "مريم وزين" ودخلوا الشقه وتوجها الى غرفه والده ملك فتحت "ملك" باب الغرفه وجدت والدتها مستلقيه ع الارض : ماما ..ماما ..
رات "مريم وزين" المشهد سريعا اتصل "زين" بالدكتور المجاور لهم فطلب منهم نقلها ل المستشفى ف الحال سزيعا لم ينتظر زين سياره الاسعاف وقام بحملها هو و والده وكرم الى المستشفى وبعد الكشف ف الطوارى ادخلوها سريعا الى العنايه المركزه وانتظرت"ملك" امام الباب العنايه المركزه لم تتحرك حتى الصباح وبجوارها "مريم" قامت "ملك" بالاتصال ب اخيها ولم يرد عليها ارسلت له رسائل كتيره ورغم رويته لها لم يرد عليها وكان وضع والدتها بيسؤء اكثر طلبت ان ترى والدتها وكان محمود وكرم واقفان مع الطبيب :
_ ايه الحاله بالظبط يا دكتور
_ الحاله مش مطمنه خالص اتعرض قلبها ل ازمه ودخول الجراحه ف الوضع دا صعب ندعى ربنا يدعى الساعات الجايه دى
_ ان شاء الله خير
فى غرفه العنايه المركزه امسكت "ملك" يد والدتها ودموعها تنهمر من عينيها : ماما .. متبقيش كده ونبى انا مبحبش اشوفك تعبانه قومى كده والل انتى عاوزاه هعمله .. ماما مينفعش تسيبنى انا مليش غيرك ف الدنيا دى انتى السبب الوحيد الل خلانى اعيش واقبل الحياه دى ماما خليكى معايا علشان خاطرى ...ماما ...
فى هذه اللحظه اطلق جهاز بجوار السرير صفاره واتت الممريضات سريعا واخذا "ملك " للخارج و ووصل الدكتور سريعا لكن محاولاته فشلت خرج ووصمت قليلا وقال "البقاء لله " فى هذا الاثناء سقطت ملك فاقده وعيها...!!
استمرت ملك فاقده لوعيها لمده 3 ايام وكان "اشرف" اتى اكمل مراسم الدفن وعاد سريعا الى القاهره وكان بيتابع حالتها بالتليفون ,,استيقظت واستمرت فى حاله صمت وكانت فى حاله من الصدمه وعادت الى منزلها رافضت الذهاب الى اى مكان وكانت "مريم" دائما معاها حتى انها تغيبت عن الكليه,,فى يوم زارها "اشرف" : شكلك بقى احسن تحسنتى الحمد الله
بنبره حزينه مرهقه : الحمد الله
بنبره جحود: مقولتيش هتعملى ايه مش هينفع تقعدى لوحدك بعد كده هنا ؟
نظرت له "ملك" ب استغراب : نعم...؟
كمل "اشرف" كلامه:شوفى عاوزه تيجى معايا ولا تروحى لخالتك ولا عمك و ..
ردت سريعا : انا مش هتحرك من البيت دا
_ مش هينفع تقعدى فيه لوحدك وسط الناس الغرب دول الناس هتقول عليا ايه ؟
_ الناس .. الناس خلاص قالت لما شافوا ست كبيره وبنتها قاعدين لوحدهم والراجل الل يخصهم مبييبصش عليهم .. الناس اتكلمت لما دخلت امك المستشفى وقعدت اتصل عليك ومردتش وشوفت رسايلى ومرداتش وبقولك امك ف العنايه المركزه ,,الناس اتكلمت لما سبتنى ف المستشفى ورجعت القاهره وخليت الغرب يهتموا بيا وهما الل رجعونى البيت
_كنت مشغول ومقصدش يعنى ايه الجديد ماهو انتى بتتصلى وكتير مكنتش برد
_ مشغول .. انا غلطانه اخر كلام مش همشى من هنا واروح عند حد اى كانت صفته ..
_ براحتك .. طيب عاوزين نكمل الاجراءات وكنت مستنيكى
نظرت له ملك: اجراءات ايه ؟
_ اعلان الوراثه وتوزيع الميراث
_ توزيع ميراث ؟
_ الشقه والفلوس الى ف البنك والارض بتاعه ماما الل ف البلد
_ انا مش فاهمه انت بتتكلم ع ايه ..؟
_ مالك يا ملك متفوقى كده وتصحصحى واخرجى من حاله الحزن دى خلاص الل مات مات ركزى ف الل جى
لم تستطع ملك امساك نفسها: اطلع بره
تفاجئ اشرف : بتقولى ايه ؟
_ بقولك اطلع بره بدل ما الم عليك الناس ..اطلع بره
_ بتطردينى من شقه امى
_ لا كانت شقه امك دلواقتى هى شقتى والعقد هتلاقيه عند المحامى وطول وانا عايشه مش عايزه اشوفك مش عايزه اشوف خيبه القدر ليا اطلع بره ..
بنبره عصبيه : هو انتى فاكره انا هعديها بسهوله ..ماشى يا ملك ..
خرج اشرف وسقطت ملك ع الكرسى منهاره ف دموعها : سبتينى ليه يا ماما وانا مليش حد
كانت "مريم" مش موجوده وفى خروج "اشرف" دخلت هى ل "ملك" راحت ليها بسرعه مسرعه وقامت بضمها ورتبت على ضهرها : اهدى يا "ملك" اهدى ...
اخذت ملك العلاج وذهبت للنوم وجلست مريم بجانبها تحرك صوابعها فى شعر "ملك" ولاحظت تشنج وجهه "ملك" وهى نايمه فطبطبت عليها شويا رن موابيلها وكان زين
_ ايه الاخبار يا مريم ..؟
تنهدت مريم وبلهجه حزينه: مش عارفه اقولك ايه بس " ملك" حالتها بتدهور واخوها كمل عليها "حكت مريم ل زين ما حدث "
بنبره عصبيه : متصلتيش بيا ليه او ب بمحمود او كرم ..؟
_ انا مكنتش موجوده كنت فوق فى شقتنا انا مغبتش غير نص ساعه نزلت لاقيته فى وشى خارج
_ وهى عامله ايه دلواقتى ..؟
_ اخدت العلاج والمنوم ونامت ياحبيببتى جسمها بينتفض وهى نايمه ,,ازاى اخ يعمل كده ف اخته وهما الاتنين ملهمش غير بعض ايه القساوه دى
_ التربيه .. تربيه الاطفال مش سهله بتبقى عامله زى شجره فاكهه مثلا بنحط البذره وهى وكل يوم بنرويها بالمايه والسماد وبعد فتره زمانيه معينه بتبتدى تطرح وتبان يا اما تطرح ثمره كويسه كل الل هياكل منها يحمد ربنا ويشكر اصحابها يا اما تطلع ثمره فاسده وتمرض الل هياكل منها فهتأذى ناس كتير واول ناس بتتاذى هما اصحابها لانهم اول ناس بياكلوا منها .. اشرف طلع بيحب نفسه وطنط وعمو علشان هو ولد ضخموا من حجمه لغايه ما فرقع فى وشهم محسبوش النتائج كان همهم انهم يعيشوا ابنهم فى مستوى كويس ودى النتيجه ..
_ زين .. انت ممكن تعمل معايا كده تسيبنى لوحدى..؟
_ انتى هبله ازاى اسيبك واحنا اتولدنا وروحنا واحده مع بعض استحاله يحصل حاجه من الهرى دا احنا اتربينا اننا مع بعض مهما كانت الظروف ومهما يحصل ...
_ انا فكرت لاقيت الاخوات الل بيربطهم دم بيحصل بينهم كده اومال احنا الل رابطنا ببعض شويا لبن
ضحك "زين": شويا لبن يا بنتى انتى شفطتى سوسن دا جالها جفاف منك انا كملت رضاعه لبن بودره
ضحكت "مريم" : يخرب عقلك ضحكتنى وانا مغمومه
_ كان معكى زين من موجه كوميدى .. انا عاوزك متقلقيش ع حاجه ولا من حاجه طول ما انا موجود احنا مع بعض وملك احنا مش هنسيبها والل حصلها دا حاله عرضيه مش كل الاخوات كده يعنى
_ انت مكلمتش "كريم" ..؟
_ عمال اكلمه موبيله مقفول ولا برد ع رسايل
_ خليك وراه وانا كمان
_ تمام .. لو احتاجتى حاجه انا صاحى ..
_انت مبتطلعش الورشه ولا ايه ؟
_ اطلع ازاى وانتى مش فوق بحس حاجه ناقصانى وانتى مش موجوده الالهام بيطير
_ علشان تعرف قيمتى
_ ليه بكلم الملكه فوزيه ,,
_ انت عيل رخم
_ وايه الجديد ,,
ضحكت "مريم": يلا روحى كملى الل بتعمليه علشان معايا تليفون
_ بتكلم مين ف الوقت دا الساعه 2 بليل
_ واحد صاحبى عنده مشكله وبحلهاله
_ نعم ,, صاحبك ودلواقتى ..؟
_ اعمل ايه مشاكله بتظهر بعد الساعه 1 بليل ومينفعش اسيب صاحبى لوحده
_ لا عندك اصل
_ لا عندى فضله خيرك رز وفاصوليا .. يلا اقفلى
_ماشى
استمرت "مريم" لمده اسبوع مع "ملك" ومكنتش بتروح الكليه اثناء تناولهم وجبه الغذا رن هاتف مريم واجبت وكانت احدى صديقاتها وانهت المكالمه سريعا وعادت لتستكمل وجبتها :
نظرت لها ملك : مريم
_ ايوه
_ كفايه كده وابتدى انزلى كليتك
_ انتى زهقتى منى ولا ايه انا مكركبالك الشقه ب حاجتى ..؟
_ لا خالص انتى مونسانى جدااا بس هيفضل الوضع دا ل امتى وانتى عندك كليه بجد كفايه اوى الل عملتيه معايا انتى وزين واهلكم بجد انتم اقرب ليا من اهلى الل مفيش حد بيسال عليا فيهم
_ متقوليش كده يا ملك انتى اختى يابنتى ومفيش بينا كده
_ علشان انا اختك بقى اسمعى الكلام وانزلى كليتك وارجعى لحياتك الطبيعيه انا الحمد الله بقيت احسن
_ اصل ..
قاطعتها ملك : متقلقيش انا وقت ما هحتاجك هكلمك ع طول انا مليش غيركم دلواقتى ف لو بتحبينى وعاوزه تريحينى اسمعنى كلامى
صمتت "مريم" : اوكيه .. بس بشرط
نظرت لها ملك متعجبه : شرط .. شرط ايه ؟
_ متفضليش قاعده فى البيت كتير ع الاقل خلى البيت لنوم .. يا تطلعى تقعدى معايا فى المرسم او تقعدى معاهم فى المطعم لكن تقعدى لوحدى مش هيحصل الا هقعد معاكى وهتشيلى ذنبى
_ يا مريم انا مش عاوزه اتقل عليكم اكتر من كده
وضعت مريم يديها ع يد ملك : انتى عبيطه تتقلى ايه انا بقولك انتى اختى اختى
يعنى فرد من العيله .. يعنى مثلا زين اقدر استغنى عنه ابدا انت بالظبط كده
ابتسمت "ملك"ع كلام "مريم" : ايوه كده ابتسمى وان شاء الله الل جى هيكون احلى واحلى انتى سيبها ع ربنا يدبرها وطول ما ربنا معاكى واحنا بعده متخافيش من حاجه
فى اليوم التالى تجهزت مريم لذهاب الى الكليه من غير ما تعرف "زين" فا انتظرت ميعاد خروجه وخرجت تنتظره بجانب باب شقته ..خرج "زين" دون ان يلتف حوله وامسك موبيله محدثا نفسه : مريم مبعتتش رساله ولا اتصلت من الفجر مصبحتش عليا زى العاده الواطيه
امسك هاتفه وهيتصل بيها اذا فاجاءه تفاجى بصوت بجواره عالى : زيززززززززو
تفاجئ "زين" لدرجه انه من الخضه سقط ع الارض ومن المشهد ضحكت "مريم" بصوت عالى ع منظره قام "زين" وعدل ملابسه ونظر بغيظ ل مريم: انا لو قطعت الخلف هيكون منك
_ لو مخلفتش يبقى نعمه من ربنا انت مش عارف تربى نفسك هتربى عيال ازاى
_ هههه خفيفه ... خير كده رايحه فين ع الصبح ؟
_ نعم .. ع فكره انا طالبه فى السنه رابعه فنون جميله يعنى لسه بدرس
واكيد صاحيه بدرى علشان اروح الكليه
_ ومستعجله ع الكليه اوى ليه .؟؟
امسكت مريم ب يد زين : يلا بينا وهحكيلك ف الطريق كده الجيران هيسمعوا
ذهبا سويا وركبا "المشروع" المتجهه الى الكليه ودار حديث بينهم :
_ مقولتليش هربتى ازاى من المعتقل ؟
_ متقولش كده هزعل منك بجد
_ ماهو انا قلت يومين ماشى لكن اتحرم منك اسبوع ليه ها ليه هو انا مليش حق فيكى ولا ايه ؟
_ والله يا زيزو افتقدك خالص برغم انى بكلمك وبشوفك تخاطيف بس والله افتقد قعدتنا سوا
بس فعلا "ملك" مكنش ينفع اسيبها لوحدها الله يعينها ع الل هى فيها تخيل كل الل حواليها سابوها يعنى بقت فعليا لوحدها خلاص
_ مفيش حد خالص جرب يكلمها
_ خالص بيكلموها ع فترات والمفروض انها ف وقت محتاجه الناس كلها جنبها
صعب اوى احساس ان كل الل حواليك يتخلو عنك وتبقى وحيد فعليا
_ الله يعينها وان شاء الله فتره وهتعدى
_ ان شاء الله .. ماهو انا برضه مش هسيبها يعنى اتفقت معاها تطلع تقعد معانا ف السطح وتروح المطعم كده يعنى ع الاقل التغيير هيخرجها عن الل فيها دى وانت تعمل اراجوز علشان تضحكها
تعجب زين: نعم يااختى اراجوز شايفانى جايبنى من السيرك
_ والله انا شاكه من زمان فيك حاسه انهم لاقوك فى السيرك بتقلب قرد قصاد اى واحده والبنات معروفه انها بتحب القرورد لانها كيوت ...
_ بس يا يافيل يا ناقص زلومه
_ بس يا قرد واقع من نخله
_ ع فكره البلح الل بيقع من النخله
_ والقرود بيقعدوا ع الشجره عادى
_ لسانك دا
_ ماله
_ عاوز حاجه حلوه
فتح الشنطه الكروس وامسك شوكولاته : كنت شايلهالك كنت هدهالك وانا نازل يلا امسكى
فرحت مريم جدا بالشوكولاته : صباحك مسكر
ابتسم زين لرؤيه فرحه مريم : ويلا احتفالا بالافراج انهارده العشا بيتزا ع حسابى فى السطح
_ لالالا كده كتير ياريتنى كنتى خرجت افراج من بدرى
_ بس انسى انها تتكرر تانى انا مش متعود تغيبى عن عينى كده فاهمه..؟
_ وانا مش هعملها تانى اصلا انسى
_ ع فكره انا كلمت كريم وقال نازل ع الاسبوع الجى
_ اخيرا ظهر ع الله يعمل حاجه ل ملك
_ ياريت ...
عادت مريم لروتين الكليه ومقابله صديقاتها واصدقائها واعتذرت ل "ايهاب" ع عدم حضورها لسبب حاله الوفاءه وقبل عذرها وطلب منها ميتكررش تانى ..قعدت مع اصحابها يعرفوها الل فاتها ولفت نظر "ايهاب" فرحه اصحابها بيها ففى نص اليوم قعدوا فى احدى الورش ع الارض وبياكلوا شافهم "ايهاب" وواحده من زمايل "مريم" شافته وعزمته وقعد ياكل معاهم :
_ بجد يا دكتور دا شرف لينا ان حضرتك قاعد معانا
_ انا الل مبسوط انكم سمحتولى اقعد معاكم كده بعيد عن المحاضره ,, بس هو انتم ع طول كده..؟
_ رد احدى البنات: لا مش دايما بس انهارده احتفالا بعوده "ميما" وكده
_ واضح ان اصحابك بيحبوكى اوى فى غيابك كانوا دايما حاسين بحاجه نقصاهم
ابتسمت "مريم": عشره عمر يا دكتور وهما كمان وحشونى جداا وحشنى غلاستهم
ابتسم "ايهاب " وتحدثت احدى صديقاتها: اصل "ميما" هى العقل يا دكتور لما بنحتار فى اى حاجه بنروحلها وبتساعدنا علشان كده اى حاجه بتقولها بنقتنع بيها ع طول وبننفذ
نظر "ايهاب" ب اعجاب ل "مريم": بجد حاجه كويسه المهم متغبيش تانى لان واضح انتى معاكى الريموت بتاع المجموع بقالى اسبوع مشفتهمش بالبهجه دى
_ ان شاء الله
_ هقوم انا وهسيبكم تكملوا اكلكم ومتتاخروش عن السيكشن بكره
_ ان شاء الله يا دكتور
خرج ايهاب ووصل لغايه الباب وقف ولف بص عليهم وع "مريم"وضحكهم وهزارهم ابتسم وفتح الباب ومشى ,,!
وزى ما وعدت ملك" "مريم انها متقعدش لوحدها راحت مع "سناء" و "سوسن" المطعم وجلست ع طاوله جنب الشباك بتطل ع البحر وباصه اتجاهه وشارده ,,بعد ساعات قليله وهى قاعده وسرحانه سمعت صوت من خلفها : ملك
نظرت اتجاه مصدر الصوت وكان كريم .. بملامح حزن : البقاء لله
نظرت ملك ل كريم نظره حاده مليئه بالوجع تمالكت نفسها : الدوام لله ..شكرا
_ممكن اقعد ..؟
نظرت "ملك" يمينها وشمالها: اعتقد ان انا ف مطعم بتاعكم يبقى براحتك
_ اه هو مطعمنا لكن دى الترابيزه بتاعتك
_اتفضل
جلس كريم واستكمل حديثه: انا اسف بجد عرفت متاخر تليفونى كنت قافله كان عندى ظروف ف الشغل وغبت لغايه ما حليتها واول ما عرفت جيت ع طول ع مصر حتى مروحتش الشركه فى القاهره و ..
قاطعت حديثه : حمد الله ع سلامتك مكنش داعى تتعب نفسك
_ لا طبعا انا اصلا مضايق من نفسى انى محضرتش العزا ولا الدفنه
ابتسمت نصف ابتسامه : عادى انا محضرتهمش فمتزعلش نفسك
_ انتى عامله ايه دلواقتى احسن ..؟
ابتسمت : الحمد الله
_ الحمد الله
صمتت ملك وسكت كريم مش عارف يكمل كلام ازاى وملك بتختصر الكلام والردود ,,حاول يفتح كلام معاها ..:
_ هتعملى ايه بقى ؟
مكست موابيلها ووقفت : هروح ع البيت انا هنا من بدرى ومصدعه اوى
_ استنى هوصلك طيب
اوقفته ملك: لا مش هينفع وضعى دلواقتى مختلف ومش هسمح ل اى حد يقول كلمه عليا ولا انت ليك راى تانى ..؟
تفاجئ من رد فعل "ملك": انا مقصدتش حاجه يا ملك احنا ..
بنظره ونبره حاده : احنا ايه .. احنا ولا حاجه لبعض جيران وعملت الواجب وعزيتى شكرا
استدارت وتحركت خطوات وبصوت عالى تحدث كريم موجها اليها : احنا مينفعش نكون اصحاب ..؟
وقفت "ملك" واستكمل "كريم" : زى زمان
استدارت له ونظرت له وابتسمت نص ابتسامه وحاولت تتماسك دموعها الل كانت اوشكت ع نزولها وتقدمت خطوات اتجاهه : اصحاب زى زمان اممم موافقه بس بشرط ؟
تفاجئ "كريم" بالرد : : الل تطلبيه هيحصل مهما كان
ابتسمت "ملك" ونظرت فى عينيه : رجعلى امى
تفاجئ "كريم" : مش فاهم ..؟
استكملت "ملك": لو قدرت ترجعلى امى تانى وقتها ممكن نرجع اصحاب زى زمان يا "كريم" غير كده احنا جيران وبس بعد اذنك ...!
مشيت "ملك" وسابت "كريم" فى حاله من ذهول من كلامها ..!
فى احدى الايام كانت مريم مع مجموعتها فى احدى الورش ف الكليه كان لديهم جزء من الواجب من احدى الدكاتره وهى رسمه فبدون قصد رأت احدى زملائها يضع امامه احدى رسومات ايهاب مختار ويحاول نقلها المنظر ضايقها فراحت تتكلم معاه: ايه دا يا "احمد"؟
_ ايه برسم
ابتسمت : لا انت بتنقل كده مش بترسم
_ ازاى يعنى ؟
_ معنى انك تنقل رسمه بالظبط من رسمه حد تانى دا نقل بعيد كل البعد عن الابداع والابتكار والخيال انت دورك فى لوحتك ايه لما هتيجى تتكلم عنها واحساسك بيها هتقول ايه ..؟
بلا مبالااه : عادى يا "ميما" بقى دى رسمه ايهاب مختار يعنى مش اى رسمه ومش هتحتاج كلام
_ وانت ليه تنقل شغل حد تانى؟
_ بقولك "ايهاب مختار" يا بنتى انا بحلم اكون زيه
بنبره ثقه : يعنى ايه "ايهاب مختار" مين اصلا "ايهاب مختار" ..؟
_ ايهاب مختار الل انتى من معجبينه وكنتى دوشانا به من اول سنه
_ اه منكرش ان انا من معجبات ايهاب مختار وفنه ورسوماته وبحترمه جدااا لكن ولا مره قولت انى عاوزه اكون زيه
تعجب الجميع : بتتكلمى بجد منفسكيش تكونى زى ايهاب مختار ..؟
نظرت ل اصدقائها : واكون زيه ليه لما انا اقدر اكون نفسى ..!
_ نعم
_ ليه نقلد ايهاب مختار ولا بيكاسو ولا عتريس حتى ليه .ليه تقلد حد وانت ب ايدك تكون نفسك ليه متشعبطين ف الكوبى باست ,, يعنى ربنا مكنش قادر يخلقك بهيئة فلان الل بتقلده ده ربنا خلقك وميزك عن غيرك خلقك علشان انت تختلف عن غيرك .. مخلقكش علشان سيادتك تقلد شخص تانى خلقه زيك لا ذياده ايد ولا فتحه مناخير تالتة ... !
سكت اصدقائها واستكملت حديثها: غيرك دا ليه قدرات معينه وانت عندك قدرات تانيه معينه ليه اتجاهل الل عندى واوهم نفسى بحاجات الل عند غيرى ,,الل بيقلد حد دا غالبا بيبقى فاقد هويته مش فاهم نفسه بيسرق تعب ومجهود غيره ودا مش صح وبيضيع تعبه فى النقل والتقليد ,, الشخص الل بتقلده دا انت عارف ظروف حياته ايه عارف هو عمل ايه علشان يوصل لكده ,,معاناته الل عاشها تجاربه الل مرت عليه ,, لكل واحد ظروف تختلف عن التانى ودا الل بيميزنا عن بعض ,,الخلاصه ,,
فبلاش تهدير وقت وعمر ف حاجات ملهاش لازمه .. وطاقه ف تقليد اعمى مش هتاخد عليه حاجه ولا هينفعك فى حياتك بعدين صدقنى ..رسمتك يعنى دنيتك يعنى خيالك وابداعك واحساسك يعنى المساحه الخاصه بيك انت امسك ريشتك والوانانك وعبر عن مكنوناتك من غير حواجز انطلق للعالم الل انت اختارت تعيش فيه .. ارضى شهوته الفنيه والابداعيه ومتحرمش نفسك من امتع لحظاتك وانت بترسم بتقليد رسم وابداع وخيال حد تانى مهما كان مين .. عيش متعه اللحظه الل معاك ..!
هنا تحدث احدى الموجودين مردد اغنيه احمد مكى : متحاولش تكون حد تانى غير نفسك
واندمج الجميع معهم وانقلب المكان الل غناء جماعى وحماس
حديث مريم اقنع الجميع وابهرهم لدرجه انهم جميعا قاما بتصفيق جماعى لها وهى ابتسمت : شكرا شكرا .. يلا نرجع بقى لرسوماتنا علشان نلحق سيكشن دكتور " ايهاب مختار" كمان نص ساعه
وعاد الجميع الى لوحاتهم وكان بالصدفه مارا "ايهاب" ووقف جانبا يستمع لحديث "مريم" فى الاول كان متفاجئ بطريقه كلامها عليه واضايق انها بتقلل منه لما صديقها بيقلد اللوحه لكن كمل الكلام للاخر وفهم قصدها ايه واقتنع بوجهه نظرها وطريقه نصحها ل اصدقائها وقف نظر اليها وع وجهه ابتسامه متعجب ببنت عمرها صغير بتتكلم بمنتهى الثقه والاقناع وافتكر صاحبتها لما قالت انها العقل وبيسمعوا كلامها ابتسم ووقف لحظات باصص عليهم من بعيد شويا وموبيله رن بعد ورد عليه و راح ع مكتبه ...!
فى احدى الايام و "زين" و "مريم" راجعين من كليتهم وهما بيتشجاران كالعاده دخلا العماره وجدا "عمر" جالس وحيدا وملامح الحزن ع ملامحه قربوا منه واسرعت مريم اليه : مالك يا عمورى قاعد كده ليه ..؟
صمت عمر واستكمل زين : مبتلعبش مع العيال ليه ؟
نظر عمر ل زين: مش عاوزين يلعبونى معاهم قعدونى وكل شويا يقولولى شويا وتلعب ومش بيلعبونى
نظر زين الى الاطفال بغيظ وذهب اليهم : انتوا ليه مش بتلاعبوا عمر معاكم
رد عليه احدى الاطفال : عمر عيان واحنا ممكن نعى منه مينفعش يلعب معانا
تعجب زين من الكلام: مين الل قالك كده ؟
رد الطفل: ماما ..
نظر زين الى باقى الاطفال : وانتم كمان سمعتوا من امهاتكم كده تتجنبوا اللعب مع عمر
سكت اغلب الاطفال وعرف زين ان امهاتهم وصتهم ميقربوش من "عمر" سمعت "مريم" رد الاطفالمقدرش تتمالك نفسها طلعت ورقه وقلم وكتبت ان فيه اجتماع عاجل ل امهات الل فى العماره فى شقتها بليل لمناقشه امر ضرورى ودا لان " محمود و كرم" مسئولين عن شئون العماره ,, وع المغرب اجتمعا ف شقه مريم وجلسا وحاولت "مريم" ان تتحدث بهدوء : انا جمعتكم انهارده علشان نتكلم عن حاجه مهمه اوى ابتدت تنقرض
ردت احدى الامهات : خير ؟
_ الانسانيه ابتدت تختفى
_ مش فاهمين ..؟
تنهدت "مريم" وتمالكت اعصابها : الحكايه انى سمعت قصه عجيبه قلت مستحيل تطلع منكم ل اولادكم
_ خير يا مريم ..؟
_ ب اختصار كده .. انتوا قولتوا ل اولادكم ميلبعبوش مع عمر ..؟
صمتت كل الامهات ونظرا لبعضهم بعضا وتحدثت واحده منهم
ردت الام متقطعه الحديث وبصوت خافض :احنا مقصدناش حاجه يعنى ظروفه وتعبه و ..
ردت مريم سريعا : دا مش سبب,, الل ف "عمر" دا قدر ونصيب المرض نصيب وقدر .. هو ما اختارش انه يتعب ولا يمرض بالسرطان فى السن الصغير دا ,, هو حضرتك لما بيجلك دور انفلونزا بتكونى اخترتى تتعبى ..
تفاجئت الام : انا ..؟
استكملت مريم وبدون توقف بنفس النبره الحاده الغاضبه: فرضا ابن حضرتك هو الل تعبان ترضى الل حواليه يعاملوه انه فيروس ويتجنبوه ويبعدوا عنه .. هتفرحى حضرتك بكده ,,
الاطفال ف ظروف "عمر" والل زيه محتاجين دعم نفسى من الل حواليهم اكتر من العلاج علشان يعجل من علاجهم ,,مسمعتوش عن العلاج النفسى والالم النفسى الل بسببه ناس كتير بتموت,, ارحموا من فى الارض يرحمكم من فى السماء وعيب تطلع منكم الكلام دا ..
احنا عايشين مع بعض من سنين سيبنا ايه للغرب .. انا وزين مقصرناش ولا فرقنا طفل عن التانى ف المعامله ولما حد بيحتاج حاجه واحنا ف ايدينا بنعملها ومبنرددش "عمر" ميختلفش كتير عن ولادكم هو ليه ظروف خاصه وهتعدى ان شاء الله راعوا كلامكم ومشاعر طفل محتاج كلمه كويسه علشان تخفف عنه وجعه
نظرا الامهات لدى بعضهم وذهبا الى ام عمر واعتذروا ليها ع كلامهم وتصرفهم ..!
وقف "زين" بجوار مريم يشاهدان المنظر وهمس ل " مريم" : راجل من يومك ياابو الميم
ضحكت مريم: يخرب عقلك هتبوظ البرستيج وانا بتكلم جد
_ انا كنت حاسس انك هتطلعى مطواه من جيبك وتغزيهم
_ انت بتقول فيها فعلا كنت هنفجر فيهم لو زودوا الكلام
_اعصابك يا معلمى انا محتاجك تحبى اقفل عليهم التكييف ويسيحوا
اطلقت مريم ضحكه : والله انت فقر
_ بقولك انا جت فكره فى دماغى علشان العيال ميشيلوش من بعض وكده
_ ايه هى ..؟
_ هظبطها وهعرفك اشطه
_ رخم
_ عادى
فى احدى الايام فى الكليه كانت "مريم" مع اصحابها قاعدين :
_ انتوا مجهزتوش اللوحات الل هتشاركوا بيها ؟
_ وهو احنا عندنا وقت اصلا
_ طيب هنعمل ايه والنشاط دا عليه درجات هتنفعنا ضرورى نكون مجهزين لوحه
سكتوا كلهم وللحظه اتكلمت صديقه "مريم": ايه رايكم لو طلبنا من دكتور "ايهاب" لوحه واكيد مش هيمانع لما يعرف انها لعمل خير يعنى
الفكره عجبت الجميع و"مريم": بجد فكره حلوه شوفوا مين هيكلموا ..؟
بصوا لبعض وبصوت واحد : انتى يا "ميما"
_ انا ..
_ انتى بطريقتك المقنعه دى هيوافق ومتقلقيش هاجى معاكى
_ اوكيه ...
ذهبت "مريم" وصديقتها لمكتب "ايهاب " ودخلوا :
_ دكتور "ايهاب" اسفين لو هنعطلك ..؟
_ لالا اتفضلوا خير ..؟
تشجعت "مريم" ب ابتسامه : بصراحه كده يا دكتور طالبين منك خدمه تشاركنا بيها وواثقه ان حضرتك مش هتتاخر علينا فيها ..؟
_ خير ..؟
_ احنا فى الكليه عاملين زى مزاد ع لوحات احنا بنرسمها وبفلوسها الكليه بتتبرع به ل اى مكان محتاج كتبرع يعنى واحنا الترم دا ملحقناش وطالبين من حضرتك لوحه نقدمها ب اسم المجموعه واهو تكون حضرتك شاركت معانا فى الخير دا .. ولا مش هينفع ..؟
_انا اول مره اسمع ع المزاد دا ..؟
تدخلت صديقه "مريم": ماهى "ميما" الل اقترحت ع العميد وقدمت طلب ومنها يحصل تقييم للوحات ويعتبر نشاط اجتماعى عليه درجات يعنى الاتنين ومن السنه الل فاتت كل مجموعه بتشارك احنا بنعمل كل سنه لوحه لكن ملحقناش الترم دا ,,
نظر "ايهاب" الى "مريم": مريم ,, اوكيه موافق
تفاجئوا البنات : بجد يا دكتور
ضحك "ايهاب" : وهو ينفع هزار فى كده دا مساعده ليكم ولغيركم وانا بشكركم ع انكم بتشاركونى معاكم وبشكر " مريم" لانها صاحبه الفكره اكيد ..
ابتسمت "مريم": ميرسى يا دكتور .. بعد اذنك
خرجت "مريم" وع وشها ابتسامه كبيره وسعاده وتركت "ايهاب"وابتسامه ع وجهه.. فى الفتره القصيره الل موجود فيها مواقف "مريم" جذبت انتباهه ..!
بعد مرور يومين قام "زين" بتعليق ورقه ع حائط فى مدخل العماره وكانت عباره عن دعوه للعب كره القدم وكانت كالتالى " يتشرف "عمر محمد" بدعوه اطفال العماره للعب مباره وديه بالنادى المجاور للعماره ويوجد هدايا للفائزين تيشيرتات وهدايا اخرى ..وذلك تحت اشراف الكابتن الكباتين زيزو " ومن يريد الانضمام يكتب اسمه ع الورقه وياتى ف الميعاد المحدد ومن ياتى سيكون بذلك قدم اعتذار ل "عمر" وقبله بصدر رحب .. وشكرا ومتطنشوش ياعيال هستناكم الل مش هيجى فيكم بالجزمه فاهمين مش هطلكم العماره تانى .. امضاء كابتن الكباتين "زيزو "
لاحظ اولاد العماره والشباب الورقه وذهبوا ف الميعاد وجدوا "عمر" مرتديا تيشيرت وشورت وحذاء الكوره وبجانبه "زين" مرتديا نفس الطقم ..وبجانبهم طاوله عليها هدايا مغلفه ولاحظ "زين" ان الاقبال كان ع الكبار اكثر من الاطفال وفرحت "مريم" بالمنظر وابتدا اللعب وسعد كثيرا "عمر" باللعب وبفوز فريقه وكان من اسعد ايامه الل قضاها مع اصحابه و "زين و "مريم ",,عند انتهاء اللعب كانت مريم انتهت من رسم صوره ل عمر وهو يلعب وسعد بيها كثيرا وطلب الاطفال صور لهم ايضا ..
: مدام طلعتوا حلووين ومؤدبين وبتحبوا بعض كده ...كده انا بعد طلب من "عمر" مستعده اديكم دروس رسم مجانا مره ف الاسبوع لل عاوز يتعلم الرسم والل عاوز يتعلم النحت زين مستعد ايه رايكم ..
فرح الاطفال بالخبر وتوجهوا ل "زين" وتفاجئ بالخبر واثناء عودتهم للمنزل : انتى بتدبسينى صح
_ لا خالص نشغل الفراغ الل فى حياتنا والعيال نقربهم لبعض لما يتشاركوا فى حاجه مع بعض
_ يعنى مش كفايه بنعلم عيال البوابين القرايه والكتابه يوم ف الاسبوع و يوم تانى نلعب كوره هيبقى كمان يوم نعلهم النحت والرسم دا غير يوم التنضيف الشارع ..كده الاسبوع فيه ايه بقى
_ فيه 3 ايام .. يومين تنزلهم المطعم ويوم اجازه تفسحنى فيه بسيطه
_ نعم ياختى ..؟
_ ايه وراك ايه يا حسره داانت بتروح الكليه تقعد فى الكافتريا ولا بتحضر محاضرات ولا بتاع زى حالاتى ,, اهو تشغل فراغك علشان ميبقاش قدامك وقت لسرمحه ولا تشرب سجاير
_ ومين قالك انى بشرب سجاير
_ العلبه الل تحت مخدتك عارف انها بتاعه كريم انت هتقول كده
_ ماهى بتاعه كريم ..
_ ماهو انا هكلم كريم مينساش حاجته تانى علشان مريمهاش زى دى
تفاجئ "زين": يامجنونه رميتى العلبه
_ وهى بتاعتك ولا حاجه
_ لالا خالص ..وبعدين مين هيفسحنى يعنى ويخرجنى لو مكنش انت هشترى اخ انا ولا ايه
انت طول الوقت مصدعنى اخوكى اخوكى ... الاخوه تحتم عليك تفرفش اختك ..
اطلق زين ضحكه عاليه : افرفشك .. هو انتى شيفانى ببلاوى
اطلقت مريم ضحكه عاليه : ونببى عسل اسيبك انا واروح لمين يفرفشنى ويضحكنى من قلبى كده
_ روحى هاتى موجه كوميدى ياخفه
_ عموما دا قرار نهائى ودمتم .. وع فكره الضغط مش كتير لان ملك عرضت عليها علشان تشغل نفسها تشاركنا ف موضوع المذاكره دا للعيال ووافقت ..
_ انتى هتعملى وزاره لوحدك .. ونبى ليتبلغ عليكى ولا اعرفك
_ هقولهم انت الممول هو انا بصرف حاجه انت الل بتصرف
_ انتى واطيه يا ميما
_ مش اوطى منك يا زيزو
_ طيب غورى يلا ع البيت يا جزمه
__________________________
يتبع
لايك ورأيكم
ليست هناك تعليقات:
إرسال تعليق